Back to Languages

    Xhosa - Chapter 81

    Translation by Imaam Ismaaeel Ngqoyiyana

    Verse 1

    Xa ilanga lisongwa (licinywa ukukhanya)

    Verse 2

    Naxa iinkwenkwezi zisiwa

    Verse 3

    Naxa iintaba zenziwe zanyamalala

    Verse 4

    Naxa iinkamela ezimithiyo zingasahoywanga

    Verse 5

    Naxa izilo zasendle ziqokelelwe ndawonye

    Verse 6

    Naxa iilwandle zinga zidwanguza amadangatya omlilo ziphuphuma

    Verse 7

    Naxa imiphefumlo ihlanganiswa nemizimba yayo

    Verse 8

    Naxa (usana) oluyintombazana olwangcwatywa luphila lubuzwa

    Verse 9

    “Sono sini na elabulawelwa sona?”

    Verse 10

    Naxa amaphepha (abhaliweyo) [ezenzo ezilungileyo (nezingcolileyo) zomntu ngamnye] etyhilwa elubala

    Verse 11

    Naxa isibhakabhaka sihlutyulwa sisuswa endaweni yaso

    Verse 12

    Naxa uMlilo wesiHogo uphenjwa

    Verse 13

    Naxa iPaladesi isondezelwa kufutshane

    Verse 14

    (Ngoko) umntu ngamnye uya kuyazi into ayivelisileyo (elungileyo nengalunganga)

    Verse 15

    Yeha! Ndifunga ngezijikelezi-langa (iiplanethi) eziphinda zihlehle

    Verse 16

    Nangezijikelezilanga ezihamba ngokubaleka ziye kusithela

    Verse 17

    Nangobusuku xa buphela

    Verse 18

    Nangentseni xa ikhanya

    Verse 19

    Inene eli liLizwi (i’Kur’ân eliziswe) sisiThunywa esihloniphekileyo (uJibrîl, evela kuAllâh, esiza kuMprofeti uMuhammad)

    Verse 20

    Esinamandla, (nobungangamsha), siphuma (kuAllâh), iNkosi yeTrone (engenakushukunyiswa yinto ngaphandle kwentando yaKhe)

    Verse 21

    (UJibrîl, isithunywa) Esithotyelwayo (ziingelosi zamazulu), sikwathembekile

    Verse 22

    Hini na bantu! Ugxa wenu (uMuhammad) akaphambenanga

    Verse 23

    Ngokwenene yena wambona uJibrîl elundini olucacileyo

    Verse 24

    kwaye yena akalubandezi ulwazi (lwezinto) eziyimfihlakalo

    Verse 25

    Ukanti (le ‘Kur’ân) ayilolizwi likaShaytân (uSathana) owaqalekiswayo

    Verse 26

    Ngoku ke nina nisingise phi

    Verse 27

    Inene le (‘Kur’ân) ayinto yimbi ngaphandle kokuba yinkumbuzo kwindalo yonke

    Verse 28

    Kuye nabani na kuni ofuna ukuhamba ngokuthe tye

    Verse 29

    Yaye aninako ukuzithandela (ukuhamba ngokuthe tye) ngaphandle kokuba kuthande uAllâh, iNkosi yamaphakade