Back to Languages

    Yau - Chapter 88

    Translation by Muhammad Bin Abdul Hamid Silika

    Verse 1

    Ana jinyyiche abali ja chakuunichila (wandu ni yogoyo yakwe, jajili Kiyama)

    Verse 2

    Ngope sine lyele lisikulyo sichiwa syakunyosyeka

    Verse 3

    Syasyapanganyisye masengo (gasambi ku duniya), syakupela (nikwaluka ku Akhera)

    Verse 4

    Sichijinjila ku Moto Wakupoteka nnope

    Verse 5

    Sichimwesyedwa mu tutumule jwansemule kusyene

    Verse 6

    Ngasakola wanganyao yakulya ikaweje miwa janchongwe

    Verse 7

    Jangajimbasya soni jangakamuchisya ku sala

    Verse 8

    Ngope sine lyele lisikulyo sichiwa m’chindimba

    Verse 9

    Ligongo lya masengo gakwe (gambone) sichiwa syakusengwa

    Verse 10

    Ku Mbepo Japenani

    Verse 11

    Ngasisija kupikana kwalakweko yangali mate

    Verse 12

    Kweleko kwana tutumule jwakujilimaga

    Verse 13

    Kweleko kwana itengu yauchimbichimbi yenyakulidwe

    Verse 14

    Ni migawo jewichidwe (chilepe)

    Verse 15

    Ni misago jejalidwe mu ntungo wambone

    Verse 16

    Ni yakutandika yaofuofu yetandichidwe posepose

    Verse 17

    Ana ngakujiona ngamiya yajatite kagumbidwe

    Verse 18

    Ni liwunde yalyatite kanyakulidwe

    Verse 19

    Ni matumbi yagatite kasimichidwe

    Verse 20

    Ni litaka yalyatite katandichidwe

    Verse 21

    Basi kumbusyani, chisimu mmwejo ni nkukumbusya

    Verse 22

    Nganim'batu mmwe wakwakanganichisya wanganyao (chikulupi)

    Verse 23

    Ikaweje jwatagalauche (kuleka masengo gambone) ni kufulu (kuleka Usilamu)

    Verse 24

    Basi Allah tachinnagasya ni ilagasyo yekulungwa nnope

    Verse 25

    Chisimu Kukwetu pe ni kwakuujila kwao

    Verse 26

    Soni chisimu kuwalanjidwa kwao kuli Nowe