Back to Languages

    Zulu - Chapter 76

    Translation by Iqembu Lezifundiswa, Mussa Muhammad Telela , Uthman Mfanafuthi Msomi, Moulana Abdur Rahman Chilipa, Haji Ibrahim Mondli Japhet Mthembu, Moulana Imran Ngcobo, Moulana Eshaaq Osman

    Verse 1

    Ngempela ngakube safika yini kumuntu isikhathi lapho ayengeyilutho engacatshangwa

    Verse 2

    Ngempela thina samdala umuntu ngesidoda esihlangene (sowesilisa nowesifazane) samlinga sabe sesimenzela ukuzwa nokubona

    Verse 3

    Ngempela thina samholela endleleni ukuze abe ngobongayo noma ongabongi

    Verse 4

    Ngempela sabalungiselela abangakholwa amaketango namakhamandela nomlilo

    Verse 5

    Ngempela abalungile bayophuzela enkomishini (yewayini) elihlanganiswe namakha

    Verse 6

    Umthombo okuyophuza khona izinceku zikaMvelinqangi, ziyowenza ukuthi uphophoze ukuphophoza okuhle

    Verse 7

    Bafeza izifungo futhi besaba usuku ububi balo oluyokwanda (yonke indawo)

    Verse 8

    Futhi banikeza kanti bayakuthanda loko kudla, ngendlela athanda ngayo osweleyo nentandane kanye nesiqgila

    Verse 9

    Futhi bethi sinondlela ubuso bukaMvelinqangi – asiwufuni kunina umvuzo noma ukubongwa

    Verse 10

    Ngempela siyesaba eNkosini yethu usuku olulukhuni olunzima

    Verse 11

    Manjalo uyobasindisa uMvelinqangi ebubini balolosuku, futhi uyokwenza ukuthi bahlangane nobucwazicwazi kanye nenjabulo

    Verse 12

    Futhi uyobanika umvuzo ngokubekezela kwabo ngesivande kanye nosilika

    Verse 13

    Bephumulile lapho kusona (isivande) emibhedeni yokucambalala emini, phakathi abaliboni ilanga noma ukubanda okukhulu

    Verse 14

    Futhi eduzane ngaphezulu kwabo imithunzi yaso (isivande) futhi izithelo zaso ziyolengiselwa eduze kakhulu (ukuze bazithole kalula)

    Verse 15

    Futhi kuyojikeleziswa kubona izitsha zesiliva kanye nezinkomishi zengilazi

    Verse 16

    Izingilazi (ezenziwe) ngesiliva, ukwenziwa kwazo okulinganisiwe

    Verse 17

    Futhi bayophuziswa lapho phakathi enkomishini (yewayini) inhlanganisela yayo yijinja

    Verse 18

    Umthombo lapho phakathi (esivandeni) obizwa ngokuthi isalsabil

    Verse 19

    Futhi bayojikeleza phakathi kwabo abafana bangunaphakade, uma ubabona ucabanga ukuthi bawubuhlalu obuhlakazekile

    Verse 20

    Futhi uma ubheka (esivandeni ezulwini) uzobona injabulo nombuso omkhulu

    Verse 21

    Phezulu kwabo kuyokuba yizingubo zikasilika ezicolisisekile eziluhlaza nendwangu ehlotshiswe ngokugqamile futhi bayohlotshiswa ngamabhengela esiliva futhi iNkosi yabo iyobaphuzisa isiphuzo esihlanzayo

    Verse 22

    Ngempela lona ngumvuzo wenu futhi ukuzama (ukuzabalaza) kwenu kuyobongeka (kwamukeleke)

    Verse 23

    Ngempela thina sayembula kuwena iQur’an kancane kancane

    Verse 24

    Ngakho-ke bekezelela umthetho weNkosi yakho futhi ungamhloniphi phakathi kwabo oyisoni noma ongakholwa

    Verse 25

    Futhi khumbula igama leNkosi yakho (thandaza) ekuseni nakusihlwa

    Verse 26

    Kanye nasebusuku uyikhothamele (uyiguqele) futhi uyidumise ubusuku obude

    Verse 27

    Ngempela laba bathanda okwamanje (impilo yalomhlaba) bashiya ngemumva kwabo usuku olunzima

    Verse 28

    Thina sabadala saqinisa isimo sabo futhi uma sithanda singabashintsha ngabafana nabo ukubashintsha okuphelele

    Verse 29

    Ngempela lokhu yisikhumbuzo, ngakho-ke noma ngabe ngubani othandayo akathathe indlela eya eNkosini yakhe

    Verse 30

    Futhi angeke nithande ngaphandle kokuba uma ethanda uMvelinqangi, ngempela uMvelinqangi ngasosonke isikhathi uyisazi unobuhlakani

    Verse 31

    Ungenisa lowo amthandayo emseni wakhe futhi izoni wazilungiselela isijeziso esibuhlungu