Back to Languages
Assamese - Chapter 69 - Al-Haqqah
Translation by Shaykh Rafeequl Islam Habibur Rahman — Permalink
Verse 1 — Surah Al-Haqqah 69:1
সেই অৱশ্যম্ভাৱী ঘটনা, (কিয়ামত)
Verse 2 — Surah Al-Haqqah 69:2
কি সেই অৱশ্যম্ভাৱী ঘটনা
Verse 3 — Surah Al-Haqqah 69:3
আৰু কিহে তোমাক জনাব সেই অৱশ্যম্ভাৱী ঘটনাটোনো কি
Verse 4 — Surah Al-Haqqah 69:4
ছামুদ আৰু আদ সম্প্ৰদায়ে মিথ্যাৰোপ কৰিছিল ভীতিপ্ৰদ মহাবিপদক।
Verse 5 — Surah Al-Haqqah 69:5
সেয়ে ছামুদ সম্প্ৰদায়ক ধ্বংস কৰা হৈছিল এটা প্ৰলয়ংকৰ বিপৰ্যয়কাৰী প্ৰচণ্ড শব্দৰ দ্বাৰা।
Verse 6 — Surah Al-Haqqah 69:6
আৰু আদ সম্প্ৰদায়ক ধ্বংস কৰা হৈছিল ঠাণ্ডা প্ৰবল ধুমুহা বতাহৰ দ্বাৰা
Verse 7 — Surah Al-Haqqah 69:7
ইয়াক তেওঁ সাত ৰাতি আৰু আঠ দিন অবিৰামভাৱে সিহঁতৰ ওপৰত প্ৰবাহিত কৰিছিল; ফলত তুমি উক্ত সম্প্ৰদায়ক দেখিবলৈ পালাহেঁতেন---যে সিহঁত এনেকৈ সিচৰিত হৈ পৰি আছে যেনে সাৰশূন্য খেজুৰ গছৰ কাণ্ডহে।
Verse 8 — Surah Al-Haqqah 69:8
ইয়াৰ পিছত সিহঁতৰ বাবে তুমি কিবা অৱশিষ্ট দেখিবলৈ পোৱানে
Verse 9 — Surah Al-Haqqah 69:9
আৰু ফিৰআউন, তাৰ পূৰ্বৱৰ্তীসকলে লগতে ওলোটাই দিয়া জনপদবাসীয়ে জঘন্য পাপ কামত লিপ্ত আছিল।
Verse 10 — Surah Al-Haqqah 69:10
আৰু সিহঁতে নিজ প্ৰতিপালকৰ ৰাছুলক অমান্য কৰিছিল, ফলত তেওঁ সিহঁতক অত্যন্ত কঠোৰভাৱে গ্ৰেপ্তাৰ কৰিলে।
Verse 11 — Surah Al-Haqqah 69:11
যেতিয়া বানপানী বিপদসীমা চেৰাই গৈছিল নিশ্চয় তেতিয়া আমি তোমালোকক নাৱঁত আৰোহণ কৰাইছিলো।
Verse 12 — Surah Al-Haqqah 69:12
আমি এইটো কৰিছিলো তোমালোকক এটা স্মৰণীয় শিক্ষা দিয়াৰ বাবে আৰু এই বাবে যে, যাতে শ্ৰুতিধৰ কাণে ইয়াক সংৰক্ষণ কৰি ৰাখে।
Verse 13 — Surah Al-Haqqah 69:13
এতেকে যেতিয়া শিঙাত ফু দিয়া হ’ব—কেৱল এটা ফু।
Verse 14 — Surah Al-Haqqah 69:14
আৰু পৃথিৱীসহ পৰ্বতসমূহক উঠাই নিয়া হ’ব আৰু মাত্ৰ এটা আঘাতত এইবোৰ চূৰ্ণ-বিচূৰ্ণ হৈ যাব।
Verse 15 — Surah Al-Haqqah 69:15
ফলত সেইদিনা মহাঘটনা সংঘটিত হ’ব।
Verse 16 — Surah Al-Haqqah 69:16
আৰু আকাশ বিদীৰ্ণ হৈ যাব, ফলত সেইদিনা ই দুৰ্বল-বিক্ষিপ্ত হৈ পৰিব।
Verse 17 — Surah Al-Haqqah 69:17
আৰু ফিৰিস্তাসকল আকাশৰ বিভিন্ন প্ৰান্তত থাকিব। সেইদিনা আঠজন ফিৰিস্তাই তোমাৰ প্ৰতিপালকৰ আৰছক বহন কৰিব।
Verse 18 — Surah Al-Haqqah 69:18
সেইদিনা তোমালোকক উপস্থিত কৰোৱা হ’ব লগতে তোমালোকৰ কোনো গোপনীয়তাই আৰু গোপন নাথাকিব।
Verse 19 — Surah Al-Haqqah 69:19
তেতিয়া যাৰ আমলনামা তাৰ সোঁ হাতত দিয়া হ’ব সি ক’ব, ‘লোৱা, মোৰ আমলনামা পঢ়ি চোৱা’।
Verse 20 — Surah Al-Haqqah 69:20
‘মোৰ দৃঢ় বিশ্বাস আছিল যে, মই মোৰ হিচাপৰ সন্মুখীন হম’।
Verse 21 — Surah Al-Haqqah 69:21
সেয়ে তেওঁ সন্তোষজনক জীৱন-যাপন কৰিব।
Verse 22 — Surah Al-Haqqah 69:22
সুউচ্চ জান্নাতত
Verse 23 — Surah Al-Haqqah 69:23
যাৰ ফল-মূল নিচেই ওচৰত ওলমি থাকিব।
Verse 24 — Surah Al-Haqqah 69:24
(কোৱা হ’ব) ‘বিগত দিনসমূহত তোমালোকে আগলৈ যি প্ৰেৰণ কৰিছিলা তাৰ বিনিময়ত তোমালোকে তৃপ্তি সহকাৰে খোৱা আৰু পান কৰা’।
Verse 25 — Surah Al-Haqqah 69:25
কিন্তু যাৰ আমলনামা বাওঁ হাতত দিয়া হ’ব সি ক’ব, ‘হায়, মোক যদি মোৰ আমলনামা নিদিলেহেঁতেন’
Verse 26 — Surah Al-Haqqah 69:26
‘আৰু যদি মই নাজানিলোহেঁতেন মোৰ হিচাপ
Verse 27 — Surah Al-Haqqah 69:27
‘হায়, মোৰ মৃত্যুৱেই যদি মোৰ চূড়ান্ত ফায়চালা হ’লেহেঁতেন
Verse 28 — Surah Al-Haqqah 69:28
‘মোৰ ধন-সম্পদ মোৰ কোনো কামত নাহিল।
Verse 29 — Surah Al-Haqqah 69:29
‘মোৰ ক্ষমতা শক্তিও বিনষ্ট হৈছে’।
Verse 30 — Surah Al-Haqqah 69:30
(ফিৰিস্তাসকলক কোৱা হ’ব) ‘ধৰা তাক আৰু গলত পঘা লগাই দিয়া’।
Verse 31 — Surah Al-Haqqah 69:31
‘তাৰ পিছত তাক জাহান্নামত নিক্ষেপ কৰা’।
Verse 32 — Surah Al-Haqqah 69:32
তাৰ পিছত তাক বান্ধি থোৱা এনে এডাল শিকলিৰে যাৰ দৈৰ্ঘ সত্তৰ হাত।
Verse 33 — Surah Al-Haqqah 69:33
নিশ্চয় সি মহান আল্লাহৰ প্ৰতি ঈমান পোষণ কৰা নাছিল
Verse 34 — Surah Al-Haqqah 69:34
আৰু মিছকিনক খাদ্যদানত উৎসাহিত কৰাও নাছিল।
Verse 35 — Surah Al-Haqqah 69:35
এতেকে আজি ইয়াত তাৰ কোনো অন্তৰঙ্গ বন্ধু নাথাকিব।
Verse 36 — Surah Al-Haqqah 69:36
আৰু ক্ষত-নিঃসৃত পুঁজৰ বাহিৰে আন কোনো খাদ্য নাথাকিব
Verse 37 — Surah Al-Haqqah 69:37
যিটো অপৰাধীসকলৰ বাহিৰে আন কোনেও নাখাব।
Verse 38 — Surah Al-Haqqah 69:38
এতেকে মই শপত কৰো সেইবোৰ বস্তুৰ যিবোৰ তোমালোকে দেখা পোৱা
Verse 39 — Surah Al-Haqqah 69:39
আৰু তাৰো শপত কৰো যিবোৰ তোমালোকে দেখা নোপোৱা
Verse 40 — Surah Al-Haqqah 69:40
নিশ্চয় এয়া (কোৰআন) এক সন্মানিত ৰাছুলৰ (বাহিত) বাণী।
Verse 41 — Surah Al-Haqqah 69:41
আৰু এয়া কোনো কবিৰ কথা নহয়; তোমালোকে খুবেই কম ঈমান পোষণ কৰা।
Verse 42 — Surah Al-Haqqah 69:42
আৰু এয়া কোনো গণকৰ কথাও নহয়; তোমালোকে খুবেই কম উপদেশ গ্ৰহণ কৰা।
Verse 43 — Surah Al-Haqqah 69:43
এয়া বিশ্বজগতৰ প্ৰতিপালকৰ তৰফৰ পৰা নাযিলকৃত।
Verse 44 — Surah Al-Haqqah 69:44
যদি তেওঁ আমাৰ নামত কোনো মিছা ৰচনা কৰিলেহেঁতেন
Verse 45 — Surah Al-Haqqah 69:45
তেন্তে নিশ্চয় আমি তাক সোঁ হাতেৰে ধৰিলোহেঁতেন
Verse 46 — Surah Al-Haqqah 69:46
তাৰ পিছত আমি তাৰ হৃদপিণ্ডৰ শিৰা কাটি দিলোহেঁতেন
Verse 47 — Surah Al-Haqqah 69:47
এতেকে তোমালোকৰ মাজত এনে কোনো নাই, যিয়ে তাক ৰক্ষা কৰিব।
Verse 48 — Surah Al-Haqqah 69:48
আৰু এয়া (কোৰআন) তো মুত্তাক্বীসকলৰ বাবে নিশ্চিত এটা উপদেশ।
Verse 49 — Surah Al-Haqqah 69:49
আৰু আমি নিশ্চয় জানো যে, তোমালোকৰ মাজত কিছুমান মিথ্যাৰোপকাৰী আছে।
Verse 50 — Surah Al-Haqqah 69:50
আৰু এইটো (কোৰআন) নিশ্চয় কাফিৰসকলৰ বাবে এক নিশ্চিত অনুশোচনাৰ কাৰণ।
Verse 51 — Surah Al-Haqqah 69:51
আৰু নিশ্চয় এইটো সুনিশ্চিত সত্য।
Verse 52 — Surah Al-Haqqah 69:52
এতেকে তুমি তোমাৰ মহান প্ৰতিপালকৰ নামত তছবীহ পাঠ কৰা।