Fulah - Chapter 73 - Al-Muzzammil

Ko an yo buumorɗo [comci mun]

Ɓaŋo (wuurnitaa) jemma on, si wanaa seeɗa [e makko]

feccere makko, maa ɗuytaa seeɗa e ɗum

maa ɓeydaa ɗon. Janngiraa Alqur'aanaare nden rewnindiral

Meɗen saatii tellinnde e maaɗa konngol teddungol

Anndu hino woodan-maa e ñalorma on, ferlitagol juutungol

Janto innde Joomi maa nden, taƴo-ɗaa yahaa e Makko hattirde taƴagol

Jeyɗo On fuɗnaange e hiirnaange.Reweteeɗo woo alaa e si nwona Kanko,Jogito Mo hoolorteeɗo

Muñño e ko ɓe wowlata kon; woɗɗito-raa ɓe woɗɗitannde labaande

Accidam e fennooɓe joomiraaɓe neemaaji ɓen; habbito-ɗaa ɓe seeɗa

Ko pellet, hino ka Amen gaa : Tonngii e Jahiimi

e ñaametee ɗeɗɗoowo, e lette muusuɗe

Ñalnde leydi ndin e pelle ɗen dillata, pelle ɗen wa'a wa njaare ilayndi

Min nelii e mon nelaaɗo haa o wona seede e dow mon hono no Min nelduno faade e Fir*awna Nelaaɗo

Fir*awna woopi nelaaɗo O Min nanngi mbo nanngugol cattungol

Hono ndeenraton pittaali mon si on yeddi ñalawmo baɗoowo sukaaɓe danndalinde

Kammu o na fetti e kulhuli hembo laatiima fodoore Alla ko wonoore

Ko oon woni waaju goongo kala faalaaɗo daɗde nanngira joomiiko ruttorde

Pellet joom Ma na anndi haɗa juula ko ɓuri famɗude e tataɓal jemma wollo feccere mammbo wondude e fedde e ɓeen wonduɓe e Ma Alla hoddira jemma e ñalawma O anndi on tonngataa mbo O yaafii mon, njannge ko newanii on e Quraana hombo anndi ma won e mon ñawɓe goo ngona e ɗatngal ka leydi hoɓe ndaarta ɓural Alla woɓɓe kadi na kaɓano laawol Alla njannge ko newanii mon e hembo ndarnon juulde tottiron askal ñamlon Alla ñamaande moƴƴere kala ko mbaɗaɗon ko*e mon e jam tawon mbo ka Alla hombo ɓuri moƴƴude e mawnude njobdi njaafnee Alla sabu Alla ko jaafatooɗo ko jurmotooɗo