Hausa - Chapter 25 - Al-Furqan

Albarka ta tabbata ga wanda Ya saukar da (Littafi) mai rarrabewa a kan bawanSa, domin ya kasance mai gargaɗi ga halitta

wanda Yake da mulkin sammai da ƙasa kuma bai riƙi abin haihuwa ba, kuma abokin tarayya bai kasance a gare Shi ba a cikin mulkin Sa kuma Ya halitta dukan kowane abu, sa'an nan Ya ƙaddara shi ƙaddarawa

Kuma suka riƙi abubuwan bautawa, baicin Shi, ba su yin halittar kome alhali su ne ake halittawa kuma ba su mallakar wa kansu wata cuta ko wani amfani, kuma ba su mallakar mutuwa kuma ba su mallakar rayarwa, kuma ba su mallakar tayarwa

Kuma waɗanda suka kafirta suka ce: "Wannan ba kome ba ne face ƙiron ƙarya da (Muhammadu) ya ƙirƙira shi, kuma waɗansu mutane na dabam suka taimake shi a kansa." To, lalle ne sun je wa zalunci da karkacewar magana

Kuma suka ce: "Tatsuniyoyi ne na farko ya rurrbuta, sai su ake shibtarsu a gare shi safe da yamma

Ka ce: "wanda Yake sanin asiri a cikin, sammai da ƙasane Ya saukar da shi. Lalle ne shi Ya kasance Mai gafara, Mai, jin ƙai

Kuma suka ce: "Mene ne ga wannan Manzo, yana cin abinci, kuma yana tafiya a cikin kasuwanni! Don me ba a saukar da mala'ika zuwa gare shi ba, domin ya kasance mai gargaɗi tare da shi

Ko kuwa a jefo wata taska zuwa gare shi, ko kuwa wata gona ta kasance a gare shi, yana ci daga gare ta?" Kuma azzalumai suka ce: "Ba ku bin kowa, face mutum sihirtacce

Ka duba yadda suka buga maka misalai sai suka ɓace, domin haka ba su iya bin tafarki

Albarka ta tabbata ga wanda idan Ya so, Ya sanya maka mafi alheri daga wannan (abu): gonaki, ƙoramu na gudana daga ƙarƙashinsu, kuma Ya sanya maka manyan gidaje

A'a, sun ƙaryata game da Sa'a, alhali kuwa Mun yi tattalin wuta mai tsanani ga wanda ya ƙaryata (manzanni) game da Sa'a

Idan ta gan su daga wani wuri mai nisa, sai su ji sautin fushi da wani ruri nata

Kuma idan an jefa su a wani wuri mai ƙunci daga gare ta, suna waɗanda aka ɗaure ciki daidai, sai su kirayi halaka a can

Kada ku kirayi halaka guda, kuma ku kirayi halaka mai yawa

Ka ce: "Shin, wancan ne mafi alheri, ko kuwa Aljannar dawwama wadda aka yi wa'adi ga masu taƙawa? Ta zama, a gare su, sakamako da makoma

Suna da abin da suke so, a cikinta suna madawwama. Wannan ya kasance wa'adi abin tambaya a kan Ubangijinka

Kuma ranar da Yake tara su da abin da suke bauta wa, baicin Allah sai Ya ce: "Shin ku nekuka ɓatar, da bayiNa, waɗannan, ko kuwa su ne suka ɓata daga hanya

suka ce: "Tsarki ya tabbata a gare Ka, ba ya kasancewa agare mu, mu riƙi waɗansu majiɓinta, baicin Kai, kuma amma Ka jiyar da su daɗi su da ubanninsu har suka manta da Tunatarwa, kuma sun kasance mutane ne halakakku

To, lalle ne, sun ƙaryata game da abin da kuke cewa, saboda haka ba ku iya karkatarwa ga (maganarsu), kuma ba ku iya taimako (ga hana azaba), kuma wanda ya yi zalunci a cikinku za Mu ɗanɗana masa azaba mai girma

Kuma ba Mu aika ba, a gabaninka daga Manzanni, face lalle su haƙiƙa suna cin abinci kuma suna tafiya a cikin kasuwoyi. Kuma Mun sanya sashen mutane fitina ga sashe. Shin kuna yin haƙuri? Kuma Ubangijia Ya kasance Mai gani

Kuma waɗanda ba su fatan haɗuwa da Mu suka ce: "Don me ba a saukar da mala'iku ba a kanmu, ko kuwa mu ga Ubangijinmu?" Lalle ne sun kangara a cikin rayukansu, kuma suka yi tsaurin kai, tsaurin kai mai girma

A ranar da suke ganin mala'iku babu bushara a yinin nan ga masu laifi kuma suna cewa,"Allah Ya kiyashe* mu

Kuma Muka gabata zuwa ga abin da suka aikata daga aiki, sai Muka sanya shi ƙura watsattsiya

Ma'abuta Aljanna a ranar nan su ne mafi alheri ga matabbata kuma mafi kyaun wurin ƙailula

Kuma a ranar da sama take tsattsagewa tare da gizagizai, kuma a saukar da mala'iku, saukarwa

Mulki a ranar nan, na gaskiya, yana ga Mai rahama, kuma ya zama yini, a kan kafirai, mai tsanani

Kuma ranar da azzalumi yake cizo a kan hannayensa, yana cewa "Ya kaitona! (A ce dai) na riƙi hanya tare da Manzo

Ya kaitona! (A ce dai) ban riƙi wane masoyi ba

Lalle ne, haƙiƙa ya ɓatar da ni daga Tunawa a bayan (Tunawar) ta je mini."Kuma Shaiɗan ya zama mai zumɓulewa ga mutum

Kuma Manzo ya ce: "Ya Ubangijina! Lalle mutanena sun riƙi wannan Alƙur'ani abin ƙauracewa

Kuma kamar haka ne, Muka sanya maƙiyi daga masu laifi ga kowane Annabi. Kuma Ubangijinka Ya isa ga zama Mai Shiryarwa, kuma Mai taimako

Kuma waɗanda suka kafirta suka ce: "Don me ba a saukar da Alƙur'ani a kansa ba, jimla guda?" kamar wancan! Domin Mu ƙarfafa zuciyarka game da shi, kuma Mun jeranta karanta shi da hankali jerantawa

Kuma ba za su zo maka da wani misali ba, face Mun je maka da gaskiya da mafi kyau ga fassara

Waɗanda ake tayarwa a kan fuskokinsu, zuwa ga Jahannama, waɗancan su ne mafi sharri ga wuri, kuma mafi ɓacewa ga hanya

Kuma lalle ne, Mun bai wa Musa Littafi, kuma Mun sanya ɗan'uwansa, Haruna, mataimaki tare da shi

Sai Muka ce: "Ku tafi, ku biyu, zuwa ga mutanen nan waɗanda suka ƙaryata game da ayo yin Mu." sai Muka darkake su, darkakewa

Kuma mutanen Nuhu, a lokacin da suka ƙaryata Manzanni, Muka nutsar da su, kuma Muka sanya su wata aya ga mutane, kuma Muka yi tattalin azaba mai raɗaɗi ga azzalumai

Da Adawa da Samudawa, da mutanen Rassi, da waɗansu al'ummomi, a tsakanin wannan, masu yawa

Kuma kowannensu Mun buga masa misalai, kuma kowanne Mun halakar da (shi), halakarwa

Kuma lalle ne, haƙiƙa, (¡uraishi) sun je a kan alƙaryar nan wadda aka yi wa ruwa, ruwan azaba. Shin, ba su kasance sun gan ta ba? A'a, sun kasance ba su ƙaunar tayarwa (a ¡iyama)

Kuma idan sun gan ka, ba su rikon ka face da izgili, (suna cewa) "Shin, wannan ne wanda Allah Ya aiko, Manzo

Lalle ne, ya yi kusa ya ɓatar da mu daga Ubangijinmu, in ba domin da muka yi haƙuri a kansu ba."Kuma za su sani a lokacin da suke ganin azaba, wane ne mafi ɓacewa ga hanya

Shin, ka ga wanda ya riƙi UbangiJinsa son zuciyarsa? shin, to, kai ne ke kasancewa mai tsaro a kansa

Ko kana zaton cewa mafi yawansu suna ji, ko kuwa suna hankali? su ba su zama ba face dabbobin gida* suke. A'a, su ne mafi ɓacewa ga hanya

Ashe, ba ka duba ba zuwa ga Ubangijinka, yadda Ya miƙe inuwa? Kuma da Ya so da Ya bar ta tsaye cif, sa'an nan Muka sanya rana mai nuni a kanta

Sa'an nan Muka karɓe ta (inuwa) zuwa gare Mu, karɓa mai sauƙi

Kuma shi ne wanda Ya sanya muku dare ya zama tufa da barci ya zama hutawa, da yini ya zama lokacin tashi (kamar Tashin ¡iyama)

Kuma Shi ne Ya aika iskokin bushara gaba ga rahamar Sa, kuma Muka saukar da ruwa mai tsarkakewa daga sama

Domin Mu rayar, game da shi, gari matacce, kuma Mu shayar da shi dabbobi da mutane masu yawa daga abin da Muka halitta

Kuma lalle ne haƙiƙa Mun sarrafa* shi (Alƙur'ani) a tsakaninsu, domin su yi tunani, sai dai mafi yawan mutanen sun ƙi face kafirci

Kuma da Mun so, haƙiƙa da Mun aika da mai gargaɗi* a ciƙin kowace alƙarya

Saboda haka kada ka yi ɗa'a ga kafirai, ka yake su, da shi, yaƙi mai girma

Kuma shi ne Ya gauwaya tekuna biyu, wannan mai dadi, mai sauƙin haɗiya, kuma wannan gishiri gurbatacce, kuma Ya sanya wani shamaki a tsakaninsu da kariya mai shamakacewa

Kuma Shi ne Ya halitta mutum daga ruwa, sai Ya sanya shi nasaba da surukuta, kuma Ubangijinka Ya kasance Mai ikon yi

Kuma suna bauta wa, baicin Allah, abin da ba ya amfanin su, kuma ba ya cutar su, kuma kafiri ya kasance mai taimakon (Shaiɗan) a kan Ubangijinsa

Ba Mu aika ka ba sai kana mai bayar da bushara, kuma mai gargaɗi

Ka ce: "Ba ni tambayar ku wata ijara a kansa face wanda ya so ya riƙi wata hanya* zuwa ga Ubangijinsa

kuma ka dogara a kan Rayayye wanda ba Ya mutuwa, kuma ka yi tasbihi game da gode Masa. Kuma Ya isa zama Mai ƙididdigewa ga laifuffukan bayinSa

Wanda Ya halitta sammai da ƙasa da abin da yake a tsakaninsu, a cikin kwanuka shida sa'an nan Ya daidaitu a kan Al'arshi Mai rahama, sai ka tambayi mai bayar da labari game da Shi

Idan aka ce musu, "Ku yi sujada ga Mai rahama." Sai su ce: "Mene ne Mai rahama? Ashe za mu yi sujada ga abin da kuke umurnin mu?"Kuma wannan (magana* ta ƙara musu gudu)

Albarka ta tabbata ga Wanda Ya sanya masaukai* (na tafiyar wata) a cikin sama kuma Ya sanya fitila da wata mai haskakewa a cikinta

Kuma Shi ne wanda Ya sanya dare da yini a kan mayewa, ga wanda yake son ya yi tunani, ko kuwa ya yi nufin ya gode

Kuma bayin Mai rahama* su ne waɗanda ke yin tafiya a kan ƙasa da sauƙi, kuma idan jahilai sun yi musu magana, sai su ce: "Salama" (a zama lafiya)

Kuma waɗanda suke kwana suna masu sujada da tsayi a wurin Ubangijinsu

Kuma waɗanda suke cewa "Ya Ubangijinmu! Ka karkatar da azabar Jahannama daga gare mu. Lalle ne, azabarta ta zama tara

Lalle ne ita ta munana ta zama wurin tabbata da mazauni

Kuma waɗanda suke idan sun ciyar, ba su yin ɓarna, kuma ba su yin ƙwauro, kuma (ciyarwarsu) sai ta kasance a tsakanin wancan da tsakaitawa

Kuma waɗanda ba su kiran wani ubangiji tare da Allah, kuma ba su kashe rai wanda Allah Ya haramta face da hakki kuma ba su yin zina. Kuma wanda ya aikata wancan, zai gamu da laifuffuka

A riɓanya masa azaba a Ranar ¡iyama. Kuma ya tabbata a cikinta yana wulakantacce

Sai wanda ya tuba, kuma ya yi imani, kuma ya aikata aiki na ƙwarai to, waɗancan Allah Yana musanya miyagun ayyukansu da masu kyau. Allah Ya kasance Mai gafara Mai jin ƙai

Kuma wanda ya tuba,* kuma ya aikata aiki mai kyau, to, lalle ne sai ya tuba zuwa gaAllah

Kuma waɗanda suke ba su yin shaidar zur, kuma idan sun shuɗe ga yasassar magana sai su shuɗe suna masu mutumci

Kuma waɗanda suke idan an tunatar da su da ayoyin Allah, ba su saukar da kai, suna kurame* da makafi

Kuma waɗanda suke cewa "Ya Ubangijinmu! Ka ba mu sanyin idanu daga matanmu da zuriyarmu, kuma Ka sanya* mu shugabanni ga masu taƙawa

Waɗannan ana saka musu da bene, saboda haƙurin da suka yi, kuma a haɗa su, a cikinsa, da gaisuwa da aminci

Suna madawwama a cikinsa. Ya yi kyau ga zama matabbaci da mazauni

Ka ce: "Ubangijina ba Ya kula da ku in ba domin addu'arku* ba. To, lalle ne, kun ƙaryata, saboda haka al'amarin za ya zama malizimci