Hausa - Chapter 34 - Saba

Godiya ta tabbata ga Allah, wanda Yake abin da yake a cikin sammai da abin da yake a cikin ƙasa Nasa ne, kuma shi ne Mai hikima, Mai labartawa

Ya san abin da yake shiga a cikin ƙasa da abin da yake fita daga gare ta, da abin da yake sauka daga sama da abin da yake hawa a cikinta, kuma Shi ne Mai jin ƙai, Mai gafara

Kuma waɗanda suka kafirta suka ce: "Sa'a ba za ta zo mana ba." Ka ce: "Kayya! Na rantse da Ubangijina, lalle, za ta zo muku." Masanin gaibi, gwargwadon zarra ba ta nisanta daga gare Shi a cikin sammai kuma ba ta nisanta a cikin ƙasa, kuma babu mafi ƙaranci daga wancan kuma babu mafi girma face yana a cikin Littafi bayyananne

Domin Ya saka wa waɗanda suka yi imani kuma suka aikata ayyukan ƙwarai. Waɗancan suna da wata gafara da wani arziki mai karimci

Kuma waɗanda suka yi makirci ga ayoyin Mu, suna masu gajiyarwa, waɗannan suna da wata azaba daga azaba mai raɗaɗi

Kuma waɗanda aka bai wa ilmi suna ganin abin nan da aka saukar zuwa gare ka daga Ubangijinka, shi ne gaskiya, kuma yana shiryarwa zuwa ga hanyar Mabuwayi, Godadde

Kuma waɗanda suka kafirta suka ce: "Shin za mu nuna muku wani namiji wanda yake gaya muku wai idan an tsattsage ku, kowace irin tsattsagewa, lalle ku, tabbas, kuna a cikin wata halitta sabuwa

Ya ƙaga ƙarya ga Allah ne ko kuwa akwai wata hauka a gare shi?" A'a, waɗanda ba su yi imani da Lahira ba, suna a cikin azaba da ɓata mai nisa

Ashe fa, ba su yi dubi ba zuwa ga abin da ke a gaba gare su da abin da ke a bayansu daga sama da ƙasa? idan Mun so, sai Mu shafe ƙasa da su, ko kuma Mu kayar da wani ɓaɓɓake daga sama a kansu. Lalle, a cikin wancan akwai aya ga dukan bawa mai maida al'amarinsa ga Allah

Kuma lalle, haƙiƙa, Mun bai wa Dawuda wata falala dagagare Mu. Ya duwatsu, ku konkoma sautin tasbihi tare da shi kuma da tsuntsaye. Kuma Muka tausasa masa baƙin ƙarfe

Ka aikata sulkuna kuma ka ƙaddara lissafi ga tsarawa, kuma ka aikata aikin ƙwarai. Lalle Ni Mai gani ne ga abin da kuke aikatawa

Kuma ga Sulaiman, Mun hore masa iska, tafiyarta ta safiya daidai da wata, kuma ta maraice daidai da wata. Kuma Muka gudanar masa da marmaron gaci, kuma daga aljannu (Muka hore masa) waɗanda ke aiki a gaba gare shi, da iznin Ubangijinsa. Wanda ya karkata daga cikinsu, daga umurnin Mu, sai Mu ɗanɗana masa daga azabar sa'ir

Suna aikata masa abin da yake so, na masallatai da mutummutumai da akussa kamar kududdufai, da tukwane kafaffu. Ku aikata godiya, ya ɗiyan Dawuda, kuma kaɗan ne mai godiya daga bayi Na

Sa'an nan a lokacin da Muka hukunta mutuwa a kansa babu abin da ya ja hankalinsu, a kan mutuwarsa, face dabbar ƙasa (gara) wadda take cin sandarsa. To a lokacin da ya faɗi, sai aljannu suka bayyana (ga mutane) cewa da sun kasance sun san gaibi, da ba su zauna ba a cikin azaba mai wulakantarwa

Lalle, haƙiƙa, akwai aya ga saba'awa* a cikin mazauninsu: gonakin lambu biyu, dama da hagu. "Ku ci daga arzikin Ubangijinku, kuma ku yi godiya gare shi. Gari mai daɗin zama, da Ubangiji Mai gafara

Sai suka bijire saboda haka Muka saki Malalin Arimi (dam) a kansu, kuma Muka musanya musu gonakinsu biyu da waɗansu gonaki biyu masu 'ya'yan itace kaɗan: talakiya da goriba da wani abu na magarya kaɗan

Wancan, da shi Muka yi musu sakamako saboda kafircinsu. Kuma lalle, ba Mu yi wa kowa* irin wannan sakamako, face kafirai

Kuma Muka sanya, a tsakaninsu da tsakanin* garuruwan da Muka Sanya albarka a cikinsu, waɗansu garuruwa masuganin juna kuma Muka ƙaddara tafiya a cikinsu, "Ku yi tafiya a cikinsu, daruruwa da ranaiku, kuna amintattu

Sai suka ce: "Ya Ubangijinmu! Ka nisantar da tsakanin tafiyoyinmu," kuma suka zalunci kansu, saboda haka Muka sanya su labaran hira kuma Muka kekkece* su kowace, irin kekkecewa. Lalle a cikin wancan akwai ayoyi ga dukan mai yawan haƙuri, mai yawan godiya

Kuma lalle, haƙiƙa, Iblis ya gaskata zatonsa a kansu, sai suka bi shi face wani ɓangare na muminai

Kuma ba ya da wani dalili a kansu face dai domin Mu san wanda yake yin imani da Lahira daga wanda yake a cikin shakka daga gare ta. Kuma Ubangijinka, a kan kome, Mai tsaro ne

Ka ce: "Ku kirayi waɗanda kuka riya (cewa abubuwan bautawa ne) baicin Allah, ba su Mallakar ma'aunin zarra a cikin sammai, kuma ba su Mallakarsa a cikin ƙasa kuma ba su da wani rabon tarewa a cikinsu (sammai da ƙasa), kuma ba Shi da wani mataimaki daga gare su

Kuma wani ceto ba ya amfani a wurin Sa face fa ga wanda Ya yi izni a gare shi. Har a lokacin da aka kuranye* tsoro daga zukatansu, sai su ce, 'Mene ne Ubangijinku Ya ce?' Suka ce: 'Gaskiya', kuma shi ne Maɗaukaki, Mai girma

Ka ce: "Wane ne yake azurta ku daga sama da ƙasa?" Ka ce: "Allah kuma lalle mu ko ku, wani yana a kan shiriya, ko yana a cikin ɓata bayyananniya

Ka ce: "Ba za a tambaye ku ba ga abin da muka aikata daga laifi, kuma ba za a tambaye mu daga abin da kuke aikatawa ba

Ka ce: "Ubangijinmu zai tara tsakaninmu, sa'an nan Ya yi hukunci a tsakaninmu da gaskiya. Kuma Shi ne Mahukunci, Masani

Ka ce: "Ku nuna mini waɗanda kuka riskar da Shi, su zama abokan tarayya. A'a, Shi ne Allah, Mabuwayi, Mai hikima

Kuma ba Mu aika ka ba face zuwa ga mutane gaba ɗaya, kana mai bayar da bushara kuma mai gargaɗi, kuma amma mafi yawan mutane ba su sani ba

Suna cewa, "Yaushe ne wannan wa'adi zai auku idan kun kasance masu gaskiya

Ka ce: "Kuna da mi'adin wani yini wanda ba ku jinkirta daga gare shi ko da sa'a ɗaya, kuma ba ku gabata

Kuma waɗanda suka kafirta suka ce: "Ba za mu yi imanida wannan Alƙur'ani ba, kuma ba za mu yi imani da abin da yakea gabaninsa ba (na waɗansu littattafan sama)." Kuma da ka gani a lokacin da azzalumai suke abin tsayarwa wurin Ubangijinka, sashensu na mayar wa sashe maganar maraunana (mabiya) suke cewa makangara (shugabanni) "Ba dominku ba, lalle, da mun kasance muminai

Makangara suka ce wa maraunana, "Ashe, mu ne muka kange ku daga shiriya a bayan ya zo muku? A, a' kun dai kasance masu laifi

Kuma maraunana suka ce wa makangara. "A'a, (ku tuna) makircin dare da na rana a lokacin da kuke umurnin mu da mu kafirta da Allah, kuma mu sanya Masa abokan tarayya." Kuma suka assirtar da nadama a lokacin da suka ga azaba. Kuma Muka sanya ƙuƙumma a cikin wuyoyin waɗanda suka kafirta. Lalle, ba za a yi musu sakamako ba face da abin da suka kasance suna aikatawa

Kuma ba mu aika wani mai gargaɗi ba a cikin wata alƙarya face mani'imtanta (shugabanni) sunce, "Lalle mu, masu kafirta ne da abin da aka aiko ku da shi

Kuma suka ce: "Mu ne mafiya yawa ga dukiya da ɗiya, kuma mu ba mu zama waɗanda ake yi wa azaba ba

Ka ce: "Lalle, Ubangijina Yana shimfiɗa arziki ga wanda Ya so, kuma Yana ƙuntatawa, kuma amma mafi yawan mutane ba su sani ba

Kuma dukiyarku ba ta zamo ba, haka ɗiyanku ba su zamo abin da yake kusantar da ku ba a wurinMu, kusantarwar muƙami face wanda, ya yi imani kuma ya aikata aikin ƙwarai. To, waɗannan suna da sakamakon ninkawa saboda abin da suka aikata. Kuma su amintattu ne a cikin benaye

Kuma waɗanda suke makirci a cikin ayoyinMu, suna neman gajiyarwa, waɗannan abin halartawa ne a cikin azaba

Ka ce: "Lalle, Ubangijina Yana shimfida arziki ga wanda Ya so daga bayinSa, kuma Yana ƙuntatawa a gare shi, kuma abin da kuka ciyar daga wani abu, to, Shi ne zai musanya shi, kuma Shi ne Mafi ficin masu azurtawa

Kuma ranar da Allah Ya ke tara su gaba ɗaya, sa'an nan Ya ce wa Mala'iku, "Shin, waɗannan ku ne suka kasance suna bauta wa

Sukace: "Tsarki ya tabbata a gare Ka. Kai ne Majiɓincinmu, ba su ba. A'a, sun kasance suna bauta wa aljannu. Mafi yawansu, da su suka yi imani

Saboda haka, a yau sashenku ba ya mallakar wani amfani ga wani sashen, kuma ba ya mallakar wata cuta, kuma Muna cewa ga waɗanda suka yi zalunci, Ku ɗanɗani azabar wuta wadda "kuka kasance game da ita, kuna ƙaryatawa

Kuma idan an karanta ayoyin Mu bayyanannu a kansu, sai su ce: "Wannan bai zama ba face namiji ne yana son ya kange ku daga abin da ubanninku suka kasance suna bauta wa." Kuma su ce: "Wannan bai zama ba face ƙiren ƙarya da aka ƙaga." Kuma waɗanda suka kafirta suka ce: ga gaskiya a lokacin da ta je musu: "Wannan ba kome ba face sihiri ne bayyananne

Kuma ba Mu ba su waɗansu littattafai ba waɗanda suke karatun su, kuma ba Mu aika wani mai gargaɗi ba zuwa gare su a gabaninka

Kuma waɗanda suke a gabaninsu, sun ƙaryata, alhali kuwa ba su kai ushurin-ushurin abin da Muka ba su ba, sai suka ƙaryata Manzanni Na! To, yaya musu Na (ga maƙaryata) ya kasance

Ka ce: "Ina yi muku wa'azi ne kawai da kalma guda! watau ku tsayu domin Allah, bibbiyu da ɗaiɗai, sa'an nan ku yi tunani, babu wata hauka ga ma'abucinku. Shi bai zama ba face mai gargaɗi ne a gare ku a gaba ga wata azaba mai tsanani

Ka ce: "Abin da na roƙe ku na wani sakamako, to, amfaninsa naku ne. Ijarata ba ta zama ba face daga Allah, kuma shi Ma shadai ne a kan dukan kome

Ka ce: "Lalle Ubangijina Yana jefa gaskiya. (Shi) Masanin abubuwan fake ne

Ka ce: "Gaskiya ta zo, kuma ƙarya ba ta iya fara (kome) kuma ba ta iya mayarwa

Ka ce: "Idan na ɓace, to, ina ɓacewa ne kawai a kan kaina. Kuma idan na shiryu, to, saboda abin da Ubangijina Yake yowar wahayi ne zuwa a gare ni. Lalle Shi Mai ji ne, Makusanci

Kuma da ka gani, a lokacin da suka firgita, to, babu kuɓuta, kuma aka kama su daga wuri makusanci

Kuma suka ce: "Mun yi imani da Shi." To ina za su samu kamawa daga wuri mai nisa

Kuma lalle sun kafirta da Shi a gabanin haka, kuma suna jifa da jahilci daga wuri mai nisa

Kuma an shamakance a tsakaninsu da tsakanin abin da suke marmari, kamar yadda aka aikata da irin ƙungiyoyinsu a gabaninsu. Lalle su sun kasance a cikin shakka mai sanya kokanto