Hausa - Chapter 36 - Ya-Sin

S

Ina rantsuwa da Al-ƙur'ani* Mai hikima

Lalle kai, haƙiƙa kana cikin Manzanni

A kan hanya madaidaiciya

(Allah Ya saukar da Al-kur'ani) saukarwar Mabuwayi, Mai jin ƙai

Domin ka yi gargaɗi ga waɗansu mutane da ba a yi gargaɗi ga ubanninsu ba, saboda haka sumasu rafkana ne

Lalle, haƙiƙa, kalma* ta wajaba a kan mafi yawansu, domin su, ba za su yi imani ba

Lalle Mu, Mun sanya ƙuƙumma a cikin wuyoyinsu, sa'an nan su (ƙuƙumman sun kai) har zuwa ga haɓoɓinsu, saboda haka, su banƙararru ne

Kuma Muka sanya wata toshiya a gaba gare su, da wata toshiya a bayansu, saboda haka Muka rufe su, sai suka zama ba su gani

Kuma daidai yake a gare su, shin, ka yi musu gargaɗi ko ba ka yi musu gargaɗi ba, su ba za su yi imani ba

Kana yin gargaɗi kawai ga wanda ya bi Alƙur'ani ne, kuma ya ji tsoron mai rahama a fake. To, ka yi masa bushara da gafara da wani sakamako na karimci

Lalle Mu, Mu ne ke rayar da matattu kuma Mu rubuta abin da suka gabatar, da gurabunsu, kuma kowane abu Mun ƙididdige shi, a cikin babban Littafi Mabayyani

Kuma ka buga musu misali: Waɗansu ma'abuta alƙarya, a lokacin da Manzanni* suka je mata

A lokacin da Muka aika (Manzannin) biyu zuwa gare su, sai suka ƙaryata su, sa'an nan Muka ƙarfafa (su) da na uku, sai suka ce: "Lalle mu, Manzanni ne zuwa gare ku

Suka ce: "Ku ba ku zamo baface mutane ne kamarmu kuma Mai rahama bai saukar da kome ba, ba ku zamo ba face ƙarya kuke yi

Suka ce: "Ubangijinmu Ya sani, lalle mu, haƙiƙa Manzanni nezuwa gare ku

Kuma babu abin da ke kanmu, face iyar da manzanci bayyananne

Suka ce: "Lalle mu muna shu'umci da ku! Haƙiƙa idan ba ku, hanu ba, haƙiƙa, za mu jefe ku, kuma haƙiƙa wata azaba mai raɗaɗi daga gare mu za ta shafe ku

Suka ce: "Shu'umcinku, yana tare da ku. Ashe, domin an tunatar da ku? A'a, ku dai mutane ne masu ƙetare haddi

Kuma wani mutum daga mafi nisan birnin ya je, yana tafiya da gaggawa, ya ce: "Ya mutanena! Ku bi Manzannin nan

Ku bi waɗanda ba su tambayar ku wata ijara kuma su shiryayyu ne

Kuma mene ne a gare ni, ba zan bauta wa Wanda Ya ƙaga halittata ba, kuma zuwa gare Shi ake mayar da ku

Shin, zan riƙi waninSa abubuwan bautawa? Idan Mai rahama Ya nufe ni da wata cuta, to cetonsu ba ya amfanina da kome, kuma ba za su iya tsamar da ni ba

Lalle ni, a lokacin nan, tabbas, ina a cikin ɓata bayyananna

Lalle ni, na yi imani da Ubangijinku, saboda haka ku saurare ni

Aka ce *(masa), "Ka shiga Aljanna." Ya ce, "Da dai a ce mutanena suna iya sani

Game da gafarar da Ubangijjina ya yi mini, kuma Ya sanya ni a cikin waɗanda aka girmama

Kuma ba Mu saukar da waɗansu runduna ba daga sama* a kan (halaka) mutanensa, daga bayansa, kuma ba za Mu kasance. Masu saukarwa ba

Ba ta kasance ba face tsawa guda, sa'an nan sai ga su somammu

Ya nadama a kan bayi Na! Wani Manzo ba ya zuwa gare su face sun kasance suna masu yi masa izgili

Ba su gani ba, da yawa Muka halakar da (mutanen) ƙarnoni a gabaninsu kuma cewa su ba za su komo ba

Kuma lalle babu kowa face waɗanda ake halartarwa ne a wurin Mu

Kuma aya ce a gare su: ¡asa matacciya, Mu rayar da ita, Mu fitar da ƙwaya daga gare ta, sai ga shi daga gare ta suke ci

Kuma Muka sanya, a cikinta (ƙasa), waɗansu gonaki na dabino da inabobi, kuma Muka ɓuɓɓugar da ruwa daga maremari a cikinta

Domin su ci 'ya'yan itacensa, alhali kuwa hannayensu ba su aikata shi ba. Shin, to, ba za su gode ba

Tsarki ya tabbata ga Wanda Ya halitta nau'uka, namiji da mace, dukansu, daga abin da ƙasa ke tsirarwa, kuma daga kansu, kuma daga abin da ba su sani ba

Kuma aya ce a gare su: Dare Muna feɗe rana daga gare shi, sai ga su suna masu shiga duhu

Kuma rana tana gudana zuwa ga wani matabbaci nata. Wannan ƙaddarawar Mabuwayi ne, Masani

Kuma da wata Mun ƙaddara masa manziloli, har ya koma kamar tsumagiyar murlin dabino wadda ta tsufa

Rana ba ya kamata a gare ta, ta riski wata. Kuma dare ba ya kamata a gare shi ya zama mai tsere wa yini, kuma dukansua cikin sarari guda suke yin iyo

Kuma aya ce a gare su. Lalle Mu, Mun ɗauki zuriyarsu a cikin jirgin, wanda aka yi wa lodi

Kuma Muka halitta musu, daga irinsa, abin da suke hawa

Kuma idan Mun so, za Mu nutsar da su, har babu kururuwar neman agaji, a gare su, kuma ba su zama ana tsirar da su ba

Sai fa bisa ga wata rahama daga gare Mu, da jiyarwa daɗi zuwa ga wani ɗan lokaci

Kuma idan aka ce musu, "Ku kare abin da ke a gaba gare ku da abin da yake a bayanku, domin tsammaninku a ji tausayinku

Kuma wata aya daga ayoyin Ubangijinsu ba ta zuwa a gare su, sai sun kasance suna masu bijirewa daga gare ta

Kuma idan aka ce musu, "Ku ciyar daga abin da Allah Ya azurta ku," sai waɗanda suka kafirta su ce ga waɗanda suka yi imani, "Ashe, za mu ciyar da wanda idan Allah Ya so Yana ciyar da shi? Ba ku zama ba face a cikin ɓata bayyananniya

Kuma suna cewa, "A yaushe wannan wa'adi yake (aukuwa) idan kun kasance masu gaskiya

Ba su jiran (kome) face wata tsawa guda, za ta kama su, alhali kuwa suna yin husuma

Ba za su iya yin wasiyya* ba, kuma ba za su iya komawa zuwa ga iyalansu ba

Kuma aka yi busa a cikin ƙaho, to, sai ga su, daga kaburbura zuwa ga Ubangijinsu, suna ta gudu

Suka ce: "Ya bonenmu! Wane ne ya tayar da mu daga barcinmu?" "Wannan shi ne abin da Mai rahama ya yi wa'adi da shi, kuma Manzanni sun yi gaskiya

Ba ta kasance ba face wata tsawa ce guda, sai ga su duka, suna abin halartarwa a gare Mu

To, a yau, ba za a zalunci wani rai da kome ba. Kuma ba za a saka muku ba face da abin da kuka kasance kuna aikatawa

Lalle, 'yan Aljanna, a yau, suna cikin shagali, suna masu nishaɗi

Su da matan aurensu suna cikin inuwowi, a kan karagai, suna masu gincira

Suna da, 'ya'yan itacen marmari a cikinta kuma suna samun abin da suke kiran a kawo

Aminci," da magana,* daga Ubangiji Mai jin ƙai

Ku rarrabe dabam, a yau, ya ku masu laifi

Ashe, ban yi muku umurni na alkawari ba, ya ɗiyan Adamu? Cewa kada ku bauta wa Shaiɗan, lalle shi, maƙiyi ne a gareku bayyananne

Kuma ku bauta Mini. Wannan ita ce hanya madaidaciya

Kuma lalle haƙiƙa, (Shaiɗan) ya ɓatar da jama'a masu yawa daga gare ku. Ashe to ba ku kasance kuna yin hankali ba

Wannan ita ce Jahannama wadda kuka kasance ana yi muku wa'adi da ita

Ku shige ta a yau, saboda abin da kuka kasance kuna yi na kafirci

A yau, Muna sanya hatimin rufi a kan bakunansu, kuma hannayensu su yi Mana magana, kuma ƙafafunsu su yi shaidu da abin da suka kasance suna aikatawa

Da Mun so, da Mun shafe gani *daga idanunsu, sai su yi tsere ga hanya, to, yaya za su yi gani

Kuma da Mun so, da Mun juyar da halittarsu a kan halinsu, saboda haka ba za su iya shuɗewa ba, kuma ba za su komo ba

Kuma wanda Muka raya shi, Mana sunkuyar da shi ga halittarsa. Ashe, ba su hankalta

Ba Mu sanar da shi (Annabi) waka ba, kuma waka ba ta kamata da shi (Annabi) ba. Shi (Al-ƙur'ani) bai zama ba face tunatarwa ce, da abin karatu bayyananne

Domin ya yi gargaɗi ga wanda ya kasance mai rai, kuma magana ta wajaba a kan kafirai

Shin, ba su gani ba (cewa) lalle Mun halitta musu dabbobi daga abin da HannayenMu suka aikata, sai suna mallakar su

Kuma Muka hore su, saboda su, saboda haka daga gare su abin hawansu yake, kuma daga gare su suke ci

Kuma suna da waɗansu amfanoni a cikinsu, da abubuwan sha. Ashe fa, ba za; su gode ba

Kuma suka riƙi waɗansu abubuwan bautawa wanin Allah, ɗammaninsu za su taimake su

Ba za su iya taimakonsu ba, alhali kuwa su runduna ce wadda ake halartarwa (a cikin wuta)

Saboda haka, kada maganarsu ta ɓata maka rai. Lalle Mu, Muna sanin abin da suke asirtawa da abin da suke bayyanawa

Ashe, kuma mutum bai ga (cewa) lalle Mu, Mun halitta shi daga maniyyi ba, sai ga shi mai yawan husuma, mai bayyanawar husumar

Kuma ya buga Mana wani misali, kuma ya manta da halittarsa, ya ce: "Wane ne ke rayar da ƙasusuwa alhali kuwa suna rududdugaggu

Ka ce: "Wanda ya ƙaga halittarsu a farkon lokaci Shi ke rayar da su, kuma Shi, game da kowace halitta, Mai ilmi ne

Wanda ya sanya muku wuta daga itace kore, sai ga ku kuna kunnawa daga gare shi

Shin, kuma Wanda Ya halitta sammai da ƙasa bai zama Mai ikon yi ba ga Ya halitta kwatankwacinsu? Na'am, zai iya! Kuma Shi Mai yawan halittawa ne, Mai ilmi

UmurninSa idan Ya yi nufin wani abu sai Ya ce masa kawai, "Ka kasance," sai yana kasancewa (kamar yadda Yake nufi)

Saboda haka, tsarki ya tabbata ga Wanda mallakar kowane abu take ga HannayenSa, kuma zuwa gare Shi ake mayar da ku