Hausa - Chapter 37 - As-Saffat

Ina rantsuwa da masu yin sahu-sahu (a cikin salla ko yaƙi)

Sa'an nan masu yin tsawa* domin gargaɗi

Sa'an nan da masu karatun abin tunatarwa

Lalle Abin bautawarku haƙiƙa ¦aya ne

Ubangijin sammai da ƙasa da abin da ke tsakaninsu, kuma Ubangijin wuraren fitar rana

Lalle Mu, Mun ƙawatar da sama ta kusa da wata ƙawa, watau taurari

Kuma suna tsari daga dukan Shaiɗan mai tsaurin kai

Ba za su iya saurare zuwa ga jama'a mafi ɗaukaka (Mala'iku) ba, kuma ana jifar su daga kowane gefe

Domin tunkuɗewa kuma suna da wata azaba tabbatacciya

Face wanda ya fizgi wata kalma, sai yula mai haske ta bi shi

Ka tambaye su: "Shin su ne mafi wuya ga halittawa, ko, kuwa waɗanda Muka halitta?" Lalle Mu, Mun halitta su daga laka mai ɗauri

A'a, ka yi mamaki, alhali kuwa suna ta yin izgili

Kuma idan aka tunatar da su, ba su tunawa

Idan suka ga wata aya, sai su dinga yin izgili

Kuma su ce, "Wannnan ba kome ba, face sihiri, ne bayyananne

Shin, idan mun mutu, kuma muka kasance turɓaya da kasusuwa, ashe, lalle mu tabbas waɗandaake tayarwa ne

Ashe ko da ubanninmu na farko

Ka ce: "Na'am alhali kuwa kuna ƙasƙantattu

Tsawa guda kawai ce, sai ga su, suna dubi

Kuma su ce: "Ya bonenmu! Wannan ita ce ranar sakamako

Wannan ita ce ranar rarrabewa wadda kuka kasance kuna ƙaryatawa

Ku tara waɗanda suka yi zalunci, da abokan haɗinsu, da abin da suka kasance suna bautawa

Wanin Allah, saboda haka ku shiryar da su zuwa ga hanyar Jahim

Kuma ku tsayar da su, lalle su, waɗanda ake yi wa tambaya ne

Me ya same ku, ba ku taimakon juna

A'a, su a yau, masu sallamawa ne

Kuma sashensu ya fuskanta ga sashe, suna tambayar juna

Suka ce: "Lalle ku, kun kasance kuna je mana daga wajen dama (inda muka amince)

Suka ce: "A'a, ba ku kasance muminai ba

Kuma wani dalili bai kasance ba gare mu a kanku. A'a, kun kasance mutane ne masu ketare iyaka

Saboda haka maganar Ubangijinmu ta wajaba a kanmu. Lalle mu, masu ɗanɗanawa ne

Saboda haka muka ɓatar da ku. Lalle mu, mun kasance ɓatattu

To lalle su a ranar nan, masu tarayya ne a cikin azabar

Lalle Mu, kamar haka Muke aikatawa game, da masu laifi

Lalle su, sun kasance idan an ce musu: "Babu abin bautawa, face Allah," sai su dora girman kai

Kuma suna cewa, "Shin, mu lalle masu barin gumakanmu ne, saboda maganar wani mawaƙi mahaukaci

A'a, ya zo da gaskiya kuma ya gaskata Manzanni

Lalle ku, haƙiƙa masu ɗanɗana azaba mai raɗaɗi ne

Kuma ba za a saka muku ba face da abin da kuka kasance kuna aikatawa

Face bayin Allah waɗanda aka tsarkake

Waɗannan suna da abinci sananne

Ya'yan itacen marmari, kuma suna waɗanda ake girmamawa

A cikin gidajen Aljannar ni'ima

A kan karagu, suna masu fuskantar juna

Ana kewayawa a kansu da hinjalan giya, ta daga waɗansu maremari

Fara mai daɗi ga mashayan

A cikinta babu jiri kuma ba su zama masu maye daga gare ta ba

Kuma a wurinsu, akwai matan aure masu taƙaita kallonsu, masu manyan idanu

Kamar dai su ƙwai ne ɓoyayye

Sai sashensu ya fuskanta a kan sashe, suna tambayar juna

Wani mai magana daga cikinsu ya ce: "Lalle ni wani aboki ya kasance a gare ni (a duniya)

Yana cewa, "Shin, kai lalle, kana daga masu gaskatawa ne

Ashe, idan muka mutu, kuma muka, kasance turɓaya da kasusuwa, ashe, lalle, mu tabbas waɗanda ake saka wa ne

(Mai maganar) ya ce: "Shin, ko ku, masu tsinkaya ne (mu gan shi)

Sai ya tsinkaya, sai ya gan shi a cikin tsakar Jahim

Ya ce (masa), "Wallahi, lalle, ka yi kusa, haƙiƙa, ka halakani

Kuma ba domin ni'imar Ubangijina ba, lalle, da na kasance daga waɗanda ake halartarwa (tare da kai a cikin wuta)

Shin fa, ba mu zama masu mutuwa ba

Sai mutuwarmu ta farko, kuma ba mu zama waɗanda ake azabtarwa ba

Lalle, wannan shi ne babban rabo mai girma

Saboda irin wannan, sai masu aiki su yi ta aikatawa

Shin wancan shi ne mafi zama alheri ga liyafa ko itaciyar zaƙƙum

Lalle, Mu, Mun sanya ta fitina ga. azzalumai

Lalle ita wata itaciya ce wadda take fita daga asalin Jahim

Gundarta, kamar dai shi kanun Shaiɗan ne

To, lalle su haƙiƙa masu ci ne daga gare ta. Sa'an nan masu cika cikuna ne daga gare ta

Sa'an nan lalle suna da wani garwaye a kanta, daga ruwan zafi

Sa'an nan lalle makomarsu, haƙiƙa, zuwa ga Jahim take

Lalle su, sun iske ubanninsu batattu

Saboda haka su, a kan gurabunsu, suke gaggawa

Kuma tabbas haƙiƙa mafi yawan mutanen farko sun ɓace a gabaninsu

Kuma tabbas haƙiƙa, Mun aika masu gargaɗi a cikinsu

Sai ka duba yadda aƙibar waɗanda aka yi wa gargaɗi ta kasance

Face bayin Allah waɗanda aka tsarkake

Kuma lalle, haƙiƙa' Nuhu ya kira Mu. To, madalla da masu karɓawa, Mu

Kuma Mun tsirar da shi da mutanensa daga bakin ciki babba

Muka sanya zurriyarsa suna masu wanzuwa

Kuma Muka bar masa (yabo) a cikin jama'ar ƙarshe

Aminci ya tabbata ga Nuhu, a cikin halittu

Lalle Mu kamar haka Muke saka wa masu kyautatawa

Lalle shi, yana daga bayin Mu muminai

Sa'an nan Muka nutsar da waɗansunsu

Kuma lalle daga ƙungiyarsa, haƙiƙa, Ibrahim yake

A lokacin da ya je wa ubangijinsa da zuciya kuɓutacciya

A lokacin da ya ce wa ubansa da mutanensa, "Mene ne kuke bautawa

Shin, ƙiren ƙarya (watau) gumaka, wanin Allah, kuke bautawa

To, mene ne zatonku game da Ubangijin halittu

Sai ya yi dubi, duba ta sosai, a cikin taurari

Sa'an nan ya ce: "Ni mai rashin lafiya ne

Sai suka juya ga barinsa, suna masu juyawa da baya

Sai ya karkata zuwa ga gumakansu, sa'an nan ya ce: "Ashe ba za ku ci ba

Me ya same ku, ba ku magana

Sai ya zuba duka a kansu da hannun dama

Sai suka fuskanto zuwa gare shi, suna gaggawa

Ya ce, "Kuna bauta wa abin da kuke sassaƙawa

Alhali, Allah ne Ya halitta ku game da abin da kuke aikatawa

Suka ce: "Ku gina wani gini saboda shi, sa'an nan ku jefa shi a cikin Jahim

Saboda haka suka yi nufin makida game da shi. Sai Muka sanya su, su ne mafi ƙasƙanci

Kuma (Ibrahim] ya ce: "Lalle, ni mai tafiya ne zuwa ga Ubangijina, zai shiryar da ni

Ya Ubangijina! Ka ba ni (abokin zama) daga salihan mutane

Sai Muka yi masa bushara da wani yaro *mai haƙuri

To, a lokacin da ya isa aiki tare da shi, ya ce: "Ya ƙaramin ɗana! Lalle ne ina gani, a ciki barci, lalle ina yanka ka. To, ka duba me ka gani?" (Yaron) ya ce: "Ya, Babana! Ka aikata abin da aka umurce ka, za ka same ni, in Allah Ya so, daga masu haƙuri

Yayin da suka mika wuya sai muka fansheshi da Rago

Kuma Muka kira shi cewa "Ya Ibrahim

Haƙiƙa ka gaskata mafarkin." Lalle kamar haka Muke saka wa masu kyautatawa

Lalle wannan ita ce jarrabawa bayyananna

Kuma Muka yi fansar yaron da wani abin yanka, mai girma

Kuma Muka bar (yabo) a kansa a cikin mutanen ƙarshe

Aminci ya tabbata ga Ibrahim

Kamar haka Muke saka wa masu kyautatawa

Lalle shi, yana daga bayinMu muminai

Kuma Muka yi masa bushara* Da Is'haƙa ya zama Annabi daga salihan mutane

Kuma Muka yi albarka a gare shi, kuma ga Is'haka. Kuma daga cikin zurriyarsu akwai mai kyautatawa da kuma maizalunci domin kansa, mai bayyanawa (ga zaluncin)

Kuma lalle, Mun yi ni'ima ga Musa da Haruna

Kuma Muka tsirar da su da mutanensu daga bakin ciki mai girma

Kuma Muka taimake su, saboda haka suka kasance masu rinjaya

Kuma Muka ba su Littafi mai iyakar bayani

Kuma Muka shiryar da su ga hanya miƙaƙƙiya

Kuma Muka bar (yabo) a gare su a cikin mutanen karshe

Aminci ya tabbata ga Musa da Haruna

Lalle kamar haka Muke saka wa masu kyautatawa

Lalle, suna daga bayin Mu muminai

Kuma lalle Ilyas, haƙiƙa, yana daga Manzanni

A lokacin da yake ce wa mutanensa, "Ashe, ba za ku yi taƙawa ba

Shin, kuna bauta wa Ba'al ne, kuma kuna barin Mafi kyautatawar masu halitta

Allah Ubangijinku, kuma Ubangijin ubanninku farko

Sai suka ƙaryata shi. Saboda haka su lalle waɗanda za a halartawa ne (a wuta)

Sai bayin Allah waɗanda aka tsarkake

Kuma Muka bar (yabo) a gare shi, a cikin mutanen ƙarshe

Aminci ya tabbata ga Ilyas

Lalle Mu kamar haka Muke saka wa masu kyautatawa

Lalle shi, yana daga bayin Mu muminai

Kuma lalle Ludu, haƙiƙa, yana daga Manzanni

A lokacin da Muka tsirar da shi, da mutanensa gaba ɗaya

Sai wata tsohuwa tana a cikin masu wanzuwa (a cikin azaba)

Sa'an nan Muka darkake waɗansu mutanen

Kuma lalle ku, haƙiƙa, kuna shuɗewa a kansu, kuna masu asubanci

Kuma da dare. Shin fa, ba za ku hankalta ba

Kuma lalle Yunusa, haƙiƙa, yana daga Manzanni

A lokacin da ya gudu zuwa ga jirgin ruwa wanda aka yi wa lodi

Sa'an nan ya yi ƙuri'a, sai ya kasance a cikin waɗanda aka rinjaya

Sai kifi ya yi loma da shi, alhali kuwa yana wanda ake zargi

To, ba domin lalle shi ya kasance daga masu tasbihi ba

Lalle da ya zauna a cikin cikinsa har ya zuwa ranar da za a tayar da su

Sai Muka jefa shi ga wani fili alhali kuwa yana mai raunin rashin lafiya

Kuma Muka tsirar da wata itaciya ta kankana a kusa da shi

Kuma Muka aika shi zuwa ga waɗansu mutane dubuɗari, ko suna ƙaruwa (a kan haka)

Sai suka yi imani saboda haka Muka jiyar da su dadi har wani lokaci

Saboda haka, ka tambaye su, "Shin, Ubangijinka ne da 'ya'ya mata, kuma su da ɗiya maza

Ko kuma Mun halitta mala'iku mata ne, alhali kuwa su sunahalarce

To! Lalle su, daga ƙiren ƙaryarsu suna cewa

Allah Ya haihu," alhali kuwa lalle su, haƙiƙa maƙaryata ne

Shin, Ya zaɓi 'ya'ya mata ne a kan ɗiya maza

Me ya same ku? Yaya kuke hukuntawa (wannan hukunci)

Shin, ba ku tunani

Ko kuma kuna da wani dalili bayyananne ne

To, ku zo da littafinku idan kun kasance masu gaskiya

Kuma suka sanya nasaba a tsakanin Sa da tsakanin aljannu. Alhali kuwa Lalle aljannu sun sani, "Lalle su, haƙiƙa waɗanda ake halartarwa ne (a cikin wuta)

Tsarki ya tabbata ga Allah daga abin da suke siffantawa

Sai bayin Allah waɗanda aka tsarkake

To, lalle, ku da abin da kuke bautawa

Ba ku zama masu buwaya ba a gare Shi

Sai wanda yake mai shiga babbar wuta Jahim

Kuma babu kowa daga cikinmu,* face yana da matsayi sananne

Kuma lalle mu, haƙiƙa, mu ne masu yin sahu-sahu (domin ibada)

Kuma lalle mu haƙiƙa, mu ne masu yin tasbihi

Kuma lalle su, sun kasance suna cewa

Da lalle muna da wani littafi irin na mutanen farko

Lalle da mun kasance bayin Allah waɗanda aka tsarkake

Sai suka kafirta da shi. Saboda haka za su sani

Kuma lalle, haƙiƙa kalmar Mu ta gabata ga bayinMu, Manzanni

Lalle su, haƙiƙa, su ne waɗanda ake taimako

Kuma lalle rundunarMu, haƙiƙa, su ne marinjaya

Saboda haka juya daga barinsu, har a wani lokaci

Ka nuna musu (gaskiya), da haka za su dinga gani

Shin fa, da azabarMu suke neman gaggawa

To, idan ta sauka ga farfajiyarsu, to, safiyar wadanda ake yi wa gargaɗi ta munana

Kuma ka juya daga barinsu har a wani lokaci

Ka nuna (musu gaskiya), da haka za su dinga nunawa

Tsarki ya tabbata ga Ubangijinka, Ubangijin rinjaye, daga barin abin da suke siffantawa

Kuma aminci ya tabbata ga Manzanni

Kuma godiya ta tabbata ga Allah Ubangijin halittu