Hausa - Chapter 38 - Sad

S, Ina rantsuwa da Al-ƙur'ani mai hukunce-hukunce

A'a, waɗanda suka kafirta suna cikin girman kai (ga rikon al'adunsu) da saɓani (tsakanin junansu)

Da yawa Muka halakar da wani ƙarni, a gabaninsu, suka yi kira (neman ceto), babu lokacin kuɓucewa

Kuma suka yi mamaki domin Mai gargaɗi, daga cikinsu, ya je musu. Kuma kafirai sukace, "Wannan mai sihiri ne, maƙaryaci

Shin, ya sanya gumaka duka su zama abin bautawa guda? Lalle wannan, haƙiƙa, abu ne mai ban mamaki

Shugabanni daga cikinsu, suka tafi (suka ce),"Ku yi tafiyarku, ku yi haƙuri a kan abubuwan bautawarku. Lalle wannan, haƙiƙa, wani abu ne ake nufi

Ba mu taɓa ji ba, game da wannan a cikin addinin ƙarshe. Wannan bai zama ba face ƙiren ƙarya

Shin, an saukar da Alƙur'ani ne a kansa, a tsakaninmu (mu kuma ba mu gani ba)?" A'a, su dai suna cikin shakka daga hukunciNa A'a, ba su i da ɗanɗanar azaba ba

Ko kuma a wurinsu ne ake ajiye taskokin rahamar Ubangijinka, Mabuwayi, Mai yawan kyauta

Ko kuma su ne da mallakar sammai da ƙasa da abin da ke a tsakaninsu? To sai su hau a cikin sammai (domin, su hana saukar Alƙur'ani ga Muhammadu)

Rundunoni ne abin da ke can, rusassu, na ƙungiyoyinsu

Mutanen Nuhu sun ƙaryata, a gabaninsu, da Adawa da Fir'auna mai turakun (da suka kafe mulkinsa)

Da Samudawa da mutanen Luɗu da ma'abuta ƙunci, *waɗancan ne ƙungiyoyin

Babu kowa a cikinsu face ya ƙaryata Manzanni, saboda haka azabaTa ta wajaba

Kuma waɗannan *ba su jiran kome face tsawa guda, wadda ba ta da hani

Kuma suka ce: "Ya Ubangijinmu! Ka gaggauta mana da rabonmu, a gabanin ranar bincike

Ka yi haƙuri bisa ga abin da suke faɗa (na izgili), kuma ka ambaci bawan Mu Dawuda ma'abucin ƙarfin ibada. Lalle, shi, mai mayar da al'amari ga Allah ne

Lalle Mu, Mun hore duwatsu tare da shi, suna yin tasbihi maraice da fitowar rana

Da tsuntsaye waɗanda ake tattarawa, kowannensu mai komawa ne a gare shi

Kuma Muka ƙarfafa mulkinsa, kuma Muka ba shi hikima* da rarrabewar magana

Kuma shin, labarin masu husuma ya zo maka, a lokacin da suka haura garun masallaci

A lokacin da suka shiga ga Dawuda, sai ya firgita daga gare su. Suka ce: "Kada kaji tsoro, masu husuma biyu ne; sashenmu ya zalunci sashe. Saboda haka, ka yi hakunci a tsakaninmu da gaskiya. Kada ka ƙetare haddi kuma ka shiryar da mu zuwa, ga tsakar hanya

Lalle wannan dan'uwana ne, yana da tunkiya casa'in da tara, kuma ina da tunkiya guda, sai ya ce: 'Ka lamunce mini ita. Kuma ya buwaye ni ga magana

(Dawuda) ya ce: "Lalle, haƙiƙa ya zalunce* ka game da tambayar tunkiyarka zuwa ga tumakinsa. Kuma lalle ne masu yawa daga abokan tarayya, haƙiƙa, sashensu na zambatar sashe face waɗanda suka yi imani, kuma suka aikata ayyukan ƙwarai." Kuma Dawuda ya tabbata cewa Mun fitine shi ne, saboda haka, ya nemi Ubangijinsa gafara, kuma ya faɗi yana mai sujada, kuma ya mayar da al'amari ga Allah

Saboda haka Muka gafarta masa wancan, kuma lalle yana da wata kusantar daraja a wurin Mu, da kyaun makoma

Ya Dawuda! Lalle Mu Mun sanya ka Halifa a cikin ƙasa. To, ka yi hukunci tsakanin mutane da gaskiya, kuma kada ka biye wa son zuciyar, har ya ɓatar dakai daga hanyar Allah. Lalle waɗanda ke ɓacewa daga hanyar Allah suna da wata azaba mai tsanani domin abin da suka manta, a ranar hisabi

Kuma ba Mu halitta sama da ƙasa da abin da ke a tsakaninsu ba a kan ƙarya. Wannan shi ne zaton waɗanda suka kafirta. To, bone ya tabbata ga waɗanda suka kafirta daga wuta

Ko za Mu sanya waɗanda suka yi imani, kuma suka aikata ayyukan ƙwarai kamar waɗanda suke masu barna ne a cikin ƙasa? Ko kuma za Mu sanya masu bin Allah da taƙawa kamar fajirai makarkata

(Wannan) Littafi ne, Mun saukar da shi zuwa gare ka, yana, mai albarka, domin su lura da ayoyinsa, kuma don masu hankali su riƙa yin tunani

Kuma Muka bai wa Dawuda Sulaiman. Madalla da bawanMu, shi. Lalle shi (Sulaiman) mai mayar da al'amari ne ga Allah

A lokacin da aka gitta masa dawaki masu asali, *a lokacin maraice

Sai ya ce: "Lalle ni, na fifita son dukiya daga tunawar Ubangijina, har (rana) ta faku da shamaki

Ku mayar da su a gare ni." Sai ya shiga yankansu* da takobi ga ƙwabrukansu da wuyoyinsu

Kuma lalle haƙiƙa, Mun fitini* Sulaiman kuma Muka jefa wani jikin mutum a kan karagarsa. Sa'an nan ya mayar da al'amari zuwa gare Mu

Ya ce: "Ya Ubangijina! Ka gafarta mini, kuma Ka ba ni mulki wanda ba ya kamata da kowa daga bayana.* Lalle Kai, Kai ne Mai yawan kyauta

Saboda haka Muka hore masa iska* tana gudu da umurninsa, tana tashi da sauƙi, inda ya nufa

Da shaiɗanu dukan mai gini, da mai nutsa (a cikin koguna)

Waɗansu, ɗaɗɗaure a cikin maruruwa

Wannan kyautar Mu ce. Sai ka yi kyauta ga wanda kake so, ko kuma ka riƙe, babu wani bincike

Kuma lalle, haƙiƙa yana da kusantar daraja a wurin Mu da kyaun makoma

Kuma ka ambaci bawan Mu Ayyuba* a lokacin da ya kirayi Ubangijinsa, ya ce: "Lalle ni, Shaiɗan ya shafe ni da wahala da kuma wata azaba

Ka shura da ƙafarka. Wannan abin wanka ne mai sanyi da abin sha

Kuma Muka ba shi iyalansa da kwatankwacinsu tare da su saboda rahama daga gare Mu, da tunatarwa ga masu hankali

Kuma ka riƙi wata ƙulla da hannunka, ka yi duka da ita kuma kada ka karya rantsuwarka. Lalle Mu, Mun same shi mai haƙuri. Madalla da bawa, shi Lalle shi mai mayar da al'amari ga Allah ne

Kuma ka ambaci bayin Mu: Ibrahim da ls'haƙa da Ya'aƙuba, ma'abuta ƙarfin (ɗaukar umurnin Mu) da basira

Lalle Mu, Mun keɓance su game da wata, tsattsarkar aba: Hukunce-hukuncen gidan duniya (mai tunatar da su Lahira)

Kuma lalle su a wurin Mu, tabbas, suna daga zaɓaɓɓu, mafifita

Kuma ka ambaci Isma'ila da llyas da Zulkifli, kuma dukansu suna daga zaɓaɓɓu

Wannan tunatarwa ce, kuma lalle masu bin Allah da taƙawa, suna da kyakkyawar makoma

Gidajen Aljannar zama, alhali kuwa tana abar buɗe wa kofofi saboda su

Suna gingincire a cikinsu, suna kira a cikinsu, ga 'ya'yan itacen marmari masu yawa, da abin sha

Kuma a wurinsu akwai matan aure masu gajarta ganinsu ga mazansu, tsarar juna

Wannan shi ne abin da ake yi muku wa'adi ga ranar hisabi

Lalle wannan, haƙiƙa, azurtarwar Mu ce, ba ta ƙarewa

Wannan shi ne kuma lalle makangara, haƙiƙa, suna da mafi sharrin makoma

Jahannama, suna shigarta. To, shimfiɗar ta munana, ita

Wannan shi ne! To, su ɗanɗane shi: ruwan zafi ne da ruɓaɓɓen jini

Da wani daga siffarsa nau'i-nau'i

Wannan wani yanki ne mai kutsawa tare da ku, babu maraba a gare su, lalle su, masu shiga Wuta ne

Suka ce: "A'a, ku ne babu maraba a gare ku, ku ne kuka gabatar da shi a gare mu." To, matabbatar ta munana (ita wutar)

Suka ce: "Ya Ubangijinmu! Wanda ya gabatar da wannan a gare mu, to, Ka ƙara masa azaba, ninki, a cikin wuta

Kuma suka ce: "Me ya same mu, ba mu ganin waɗansu mazaje, mun kasance muna ƙidaya su daga ashararai

Shin, mun riƙe su abin izgili ne ko idanunmu sun karkata daga gare su ne

Lalle wannan, haƙiƙa, gaskiya ne, husumar mutanen wuta

Ka ce: "Ni mai gargaɗikawai ne, kuma babu wani abin bautawa sai Allah, Makaɗaici, Mai tilastawa

Ubangijin sammai da ƙasa da abin da ke a tsakaninsu Mabuwayi, Mai gafara

Ka ce: "Shi (Alkur'ani) babban labari ne mai girma

Ku, masu bijirewa ne daga gare shi

Wani ilmi bai kasance a gare ni ba game da jama'a (mala'iku) mafi ɗaukaka a lokacin da suke yin husuma

Ba a yi mini wahayin kome ba face cewa ni mai gargaɗi kawai ne, mai bayyanawa

A lokacin da Ubangijinka Ya ce wa mala'iku, "Lalle Ni Mai halitta mutum ne daga laka

Sa'an nan idan Na daidaita shi, kuma Na hura (wani abu) daga Ruhi Na a cikinsa to ku faɗi kuna masu sujada a gare; shi

Sai mala'ikun suka yi sujada dukansu, gaba ɗaya

Face Iblis, ya yi girman kai, kuma ya kasance daga kafirai

(Allah) Ya ce, "Ya Ibilis! Me ya hana ka, ka yi sujada ga abin da Na halitta da HannayeNa biyu? Shin, ka yi girman kai ne, ko kuwa ka kasance daga maɗaukaka ne

Ya ce, "Ni, mafifici ne daga gare shi: Ka halitta ni daga wuta, kuma Ka halitta shi daga laka

Ya ce, "To, ka fita daga gare ta, domin lalle kai la'ananne ne

Kuma lalle a kanka akwai la'anaTa har zuwa ranar sakamako

Ya ce, "Ya Ubangijina! To, Ka yi mini jinkiri zuwa ga ranar da ake tayar da su

Ya ce, "To, lalle kana daga waɗanda aka yi wa jinkiri

Zuwa ga yinin lokaci sananne

Ya ce, "To, ina rantsuwa da buwayar Ka, lalle, ina ɓatar da su gaba ɗaya

Face bayin Ka tsarkakakku daga gare su

(Allah) Ya ce, "To, (wannan magana ita ce) gaskiya. Kuma gaskiya Nake faɗa

Lalle za Ni cika Jahannama daga gare ka, kuma daga wanda ya bi ka daga gare su, gaba ɗaya

Ka ce: "Ba ni tambayar ku wata ijara, a kansa kuma ba ni daga masu ƙaƙalen faɗarsa

Shi (Alkur'an) bai zama ba face ambato ne ga dukan halitta

Kuma lalle za ku san babban labarinsa* a bayan ɗan lokaci