Hausa - Chapter 39 - Az-Zumar

Saukar da Littafin daga Allah ne, Mabuwayi, Mai hikima

Mun saukar da littafi a gareka da Gaskiya ka bautawa Allah kana mai tsarkake Addini a gare shi

To, addini tsarkakakke na Allah ne, kuma waɗanda suka riƙi waɗansu majibinta, ba Shi ba, (suna cewa) "Ba mu bauta musu ba face domin su kusantar da mu zuwa ga Allah, kusantar daraja." Lalle Allah na yin hukunci a tsakaninsu ga abin da suka zama suna saɓawa a cikinsa. Lalle Allah ba Ya shiryar da wanda yake mai ƙarya, mai kafirci

Da Allah Ya yi nufin Ya riƙi ɗa, to, lalle sai Ya zaɓa daga abin da Yake halittawa abin da Yake so. Tsarki ya tabbata a gare Shi. Shi ne Allah, Makaɗaici, Mai tilastawa

Ya halitta sammai da ƙasa da gaskiya. Yana shigar da dare a kan rana, kuma Yana shigar da rana a kan dare kuma Ya hore rana da wata, kowannensu yana gudana zuwa ga ajali ambatacce. To, Shi ne Mabuwayi, Mai gafara

Ya halitta ku daga rai guda, sa'an nan Ya sanya ma'auranta daga gare shi. Kuma ya saukar muku daga dabbobin gida nau'i takwas Yana halitta ku a cikin cikunnan uwayenku, halitta a bayan wata halitta, a cikin duffai uku. Wannan shi ne Allah Ubangijin ku. Mulki a gare shi yake. Babu abin bautawa face Shi. To, yaya ake karkatar da ku

Idan kun kafirta to, lalle Allah Wadatacce ne daga barinku, kuma ba Shi yarda da kafirci ga bayin Sa, kuma idan kun gode, Zai yarda da ita (godiyar) a gare ku, kuma wani rai mai ɗaukar nauyi, ba ya ɗaukar nauyin wani. Sa'an nan kuma makomarku zuwa ga Ubangijinku take, domin Ya ba ku labari game da abin da kuka kasance kuna aikatawa. Lalle Shi, Masani ne ga abin da yake a ainihin zukata

Kuma idan wata cuta ta shafi mutum, sai ya kira Ubangijinsa, yana mai mai da al'amari zuwa gare Shi, sa'an nan idan Ya juyar da cutar da ni'ima ta daga gare Shi, sai ya manta da abin da ya kasance yana kira zuwa gare shi a gabanin haka, kuma ya sanya wa Allah waɗansu abokan tarewa domin ya ɓatar (da su) daga hanyarSa. Ka ce (masa), "Ka ji daɗi da kafircinka, a ɗan lokaci, lalle kai daga 'yan wuta ne

Shin, wanda yake mai tawali'u sa'o'in dare, yana mai sujada kuma yana mai tsayi ga salla, yana tsoron Lahira, kuma yana fatan rahamar Ubangijinsa, (yana daidai da waninsa?) Ka ce: "Ashe, waɗanda suka sani, suna daidaita da waɗanda ba su sani ba?" Masu hankali kawai ke yin tunani

Ka ce: (Allah Ya ce): "Ya bayi Na waɗanda suka yi imani! Ku bi Ubangijinku da taƙawa. Waɗanda suka kyautata a cikin wannan duniya suna da sakamako mai kyau, kuma ƙasar Allah mai faɗi *ce. Masu haƙuri kawai ake cika wa ijararsu, ba da wani lissafi ba

Ka ce: "Lalle ni, an umurce ni da in bauta wa Allah, ina tsarkake addini a gare Shi

Kuma an umurce ni da in kasance farkon masu miƙa wuya (ga umurnin Allah)

Ka ce: "Lalle ni ina tsoro, idan na saɓa wa Ubangijina, ga azabar yini mai girma

Ka ce: "Allah nake bauta wa, ina mai tsarkake addinina a gare Shi

To, ku bauta wa abin da kuke so, waninSa." Ka ce: "Lalle masu hasara, su ne waɗanda suka yi hasarar rayukansu da iyalansu, a Ranar ¡iyama. To, waccan fa, ita ce hasara bayyananna

Suna da waɗansu inuwowi na wuta daga samansu, kuma daga ƙasansu akwai waɗansu inuwowi. Wancan Shi ne Allah ke tsoratar da bayin Sa da shi. Ya bayiNa! To, ku bi Ni da taƙawa

Kuma waɗanda suka nisanci Shaiɗannu ga bauta musu, kuma suka mai da al'amari ga Allah, suna da bushara. To, ka bayar da bushara ga bayiNa

Waɗanda ke sauraren* magana, sa'an nan su bi mafi kyaunta. waɗancan su ne Allah Ya shiryar da su, kuma waɗancan su ne masu hankali

Shin fa, wanda kalmar azaba ta wajaba a kansa? Shin fa, kana iya tsamar da wanda ke a cikin wuta

Amma waɗanda suka bi Ubangijinsu da taƙawa, suna da benaye, daga samansu akwai waɗansu benaye ginannu, ƙoramu na gudana daga ƙarƙashinsu. Alkawarin Allah. Allah ba Ya saɓa wa alkawarinSa

Shin, ba ka gani ba cewa lalle Allah Ya saukar da ruwa daga sama, sa'an nan Ya gudanar da shi yana maremari a cikin ƙasa sa'an nan Ya fitar da shuka game da shi, launukan shukar masu saɓanin juna sa'annan shukar ta ƙeƙashe har ka gan ta fatsifatsi, sa'an nan Allah Ya sanya ta dandaƙaƙƙiya? Lalle ne ga wancan akwai tunatarwa ga masu hankali (ga iyawar gudanar da ruwa a cikin gidajen Aljanna)

Shin fa, wanda Allah Ya buɗa ƙirjinsa, domin Musulunci sa'an nan shi yana a kan haske daga Ubangijinsa, (zai zama kamar waninsa)? To, bone ya tabbata ga maƙeƙasa zukatansu daga ambaton Allah. Waɗancan suna a cikin wata ɓata bayyananna

Allah Ya sassaukar da mafi kyaun labari, Littafi mai kama da juna, wanda ake konkoma karatunsa fatun waɗanda ke tsoron Ubangijinsu, suna taƙura saboda Shi, sa'an nan fatunsu da zukatansu su yi laushi zuwa ga ambaton Allah. Waccan ita ce shiryarwar Allah, Yana shiryar da wanda Ya so game da ita. Kuma wanda Allah Ya ɓatar, to, ba shi da wani mai shiryarwa

Shin fa, wanda ke kare muguwar azaba da fuskarsa (yana zama kamar waninsa) a Ranar ƙiyama? Kuma a ce wa azzalumai, "Ku ɗanɗani abin da kuka kasance kuna aikatawa

Waɗanda ke a gabaninsu, sun ƙaryata, sai azaba ta je musu daga inda ba su sani ba

Sai Allah Ya ɗanɗana musu azabar wulakanci a cikin rayuwar duniya, kuma lalle azabar Lahira ita ce mafi girma, da sun kasance suna da sani

Kuma lalle ne haƙiƙa Mun buga wa mutane a, cikin wannan Alƙur'ani, daga kowane misali, ɗammaninsu su yi tunani

Abin karantawa ne na Larabci, ba mai wata karkata ba, ɗammaninsu, su yi taƙawa

Allah Ya buga misali; wani mutum (bawa) a cikinsa akwai masu tarayya, masu mugun halin jayayya, da wani mutum (bawa) dukansa ga wani mutum. Shin, za su daidaita ga misali? Godiya ta tabbata ga Allah (a kan bayani). A'a, mafi yawan mutane ba su sani ba

Lalle kai mai mutuwa ne, kuma su ma lalle masu mutuwa ne

Sa'an nan, lalle ku, a Ranar ¡iyama, a wurin Ubangijinku, za ku yi ta yin husuma

To, wane ne mafi zalunci daga wanda ya yi ƙarya ga Allah, kuma ya ƙaryata gaskiya a lokacin da ta je masa? Shin babu mazauni a cikin Jahannama ga kafirai

Kuma wanda ya zo da gaskiya, kuma ya gaskata a game da ita, waɗancan su ne masu taƙawa

Suna da abin da suke so wajen Ubangijinsu. Wancan shi ne sakamakon masu kyautatawa

Domin Allah Ya kankare musu mafi munin abin da suka aikata, kuma Ya saka musu ijararsu da mafi kyaun abin da suka kasance suna aikatawa

Ashe Allah bai zama Mai isa ga BawanSa ba? Kuma suna tsoratar da kai ga waɗanda suke wanin Sa, kuma wanda Allah Ya ɓatar to, ba, shi da mai shiryarwa

Kuma wanda Allah Ya shiryar, to, ba shi da mai ɓatarwa. Ashe, Allah bai zama Mabuwayi ba, Mai azabar ramuwa

Kuma lalle idan ka tambaye su: "Wane ne ya halitta sammai da ƙasa?" Haƙiƙa, za su ce, "Allah ne." Ka ce: "Ashe, to, kun gani abin da kuke kira, waɗanda suke wanin Allah ne, idan Allah Ya nufe ni da wata cuta, shin su abubuwan nan masu kuranye, cutarsa ne? Ko kuma Ya nufe ni da wata rahama, shin, su abubuwan nan masu kame rahamarSa ne?" Ka ce: "Mai isata Allah ne, gare Shi masu tawakkali ke dogara

Ka ce: "Ya mutanena! Ku yi aiki a kan halinku, lalle ni, ina aiki a kan halina. Sa'an nan za ku sani

Wanda azaba ta je masa, za ta wulakanta shi, kuma wata azaba mai dawwama za ta sauka a kansa

Lalle Mu Mun saukar da littafi a gare ka domin mutane da gaskiya. Sa'an nan wanda ya nemi shiriya, to, domin kansa, kuma wanda ya ɓace, to, yana ɓacewa ne a kanta. Kuma ba ka zama wakili a kansu ba

Allah ne ke karɓar rayuka a lokacin mutuwarsu, da waɗannan da ba su mutu ba, a cikin barcinsu. Sa'an nan Ya riƙe wanda Ya hukunta mutuwa a kansa kuma Ya saki gudar, har zuwa ga ajali ambatacce. Lalle a cikin wancan, haƙiƙa, akwai ayoyi ga mutane waɗanda ke yin tunani

Ko kuma sun riƙi masu ceto ne, waɗansun Allah? Ka ce: "Shin, kuma ko da sun kasance ba su da mallakar kome, kuma ba su hankalta

Ka ce: "Ceto gaba ɗaya ga Allah yake. Mulkin sammai da ƙasa Nasa ne. Sa'an nan zuwa gare Shi ake mayar da ku

Kuma idan aka ambaci Allah Shi kaɗai zukatan waɗanda ba su yi imani ba da Lahira, su yi ƙiyama, kuma idan an ambaci waɗanda suke kiran, wasun Sa, sai gasu suna yin busharar farin ciki

Ka ce: "Ya Allah, Mai ƙaga halittar sammai da ƙasa, Masanin gaibi da bayyane! Kai ne ke yin hukunci a tsakanin bayinKa a cikin abin da suka kasance suna saɓa wa juna a cikinsa

Kuma da waɗanda suka yi zalunci suna da abin da ke cikin ƙasa gaba ɗaya, da misalinsa a tare da shi lalle da sun yi fansa da shi daga mummunar azaba, a Ranar ¡iyama. Kuma abin da ba su kasance suna zato ba, daga Allah, ya bayyana a gare su

Munanan ayyuka da suka aikata, suka bayyana a gare su, kuma abin da suka kasance suna yi, na izgili, ya wajaba a kansu

To, idan wata cuta ta shafi mutum, sai ya kiraye Mu, sa'an nan idan Muka canza masa ita, ya sami ni'ima daga gare Mu, sai ya ce: "An ba ni ita ne a kan wani ilmi nawa kawai." A'a ita wannan (magana) fitina ce, kuma amma mafi yawansu ba su sani ba

Lalle waɗanda ke a gabaninsu, sun faɗe ta, saboda haka abin da suka kasance suna aikatawa bai wadatar da su da kome ba

Sai (sakamakon) munanan abin da suka aikata ya same su. Kuma waɗanda suka yi zalunci daga waɗannan, (sakamakon) munanan abin da suka aikata zai same su, kuma ba su zama mabuwaya ba

Ashe kuma ba su sani ba cewa Allah, na shimfiɗa arziƙi ga wanda Yake so, kuma Yana ƙuƙuntawa? Lalle a cikin wancan akwai ayoyi ga mutane waɗanda ke yin imani

Ka ce: (Allah Ya ce): "Ya bayi Na waɗanda suka yi barna a kan rayukansu! Kada ku yanke ƙauna daga rahamar Allah. Lalle Allah na gafarta zunubai gaba ɗaya. Lalle Shi, Shi ne Mai gafara, Mai jin ƙai

Kuma ku mayar da al'amari zuwa ga Ubangijinku, kuma ku sallama Masa, a gabanin azaba ta zo muku, sa'an nan kuwa ba za a taimake ku ba

Kuma ku bi mafi kyaun abin da aka saukar zuwa gare ku daga Ubangijinku, a gabanin azaba ta zo muku, bisa auke, kuma ku ba ku sani ba

Kada wani rai ya ce: 'Ya nadamata a kan abin da na yi sakaci a cikin sashen Allah' kuma lalle na kasance, haƙiƙa, daga masu izgili

Ko kuma (kada) ya ce: 'Da Allah Ya shiryar da ni, da na kasance daga masu taƙawa

Ko kuma (kada (ya ce: a lokacin da yake ganin azaba, 'Da lalle a ce ina da wata komawa (zuwa duniya) domin in kasance daga masu kyautatawa

Na'am! Lalle ne ayoyiNa sun je maka, sai ka ƙaryata a game da su, kuma ka yi girman kai, kuma ka kasance daga kafirai

Kuma a Ranar ¡iyama kana ganin waɗanda suka yi ƙarya ga Allah fuskokinsu suna masu yin baƙi. Ashe babu mazauni a cikin Jahannama ga masu girman kai

Kuma Allah na tsirar da waɗanda suka yi taƙawa a game da wurin samun babban rabonsu, cuta ba za tashafe su ba, kuma ba su zama suna baƙin ciki ba

Allah ne Mai halitta dukan kome, kuma Shi ne Wakili a kan kome

Shi ke da mabuɗan sammai da ƙasa. Kuma waɗanda suka kafirta da ayoyin Allah, waɗannan su nemasu hasara

Ka ce: "Shin, wanin Allah kuke umurni na da in bauta wa? Ya ku jahilai

Kuma an yi wahayi zuwa gare ka da kuma zuwa ga waɗanda suke a gabaninka, "Lalle idan ka yi shirki haƙiƙa aikinka zai ɓaci, kuma lalle za ka kasance daga masu hasara

A'aha! Ka bauta wa Allah kaɗai, kuma ka kasance daga masu godiya

Kuma ba su ƙaddara Allah a kan haƙiƙanin* ikon yinsa ba: ¡asa duka damƙarSa ce, a Ranar ¡iyama, kuma sammai abubuwan naɗewa ne ga damanSa. Tsarki ya tabbata a gare Shi, kuma Ya ɗaukaka daga barin abin da suke shirki da shi

Kuma aka busa a cikin ƙaho, sai waɗanda ke a cikin sammai da ƙasa suka suma sai wanda Allah Ya so (rashin sumansa) sa'an nan aka hura a cikinsa, wata hurawa, sai ga su tsaitsaye, suna kallo

Kuma ƙasa ta yi haske da hasken Ubangijinta, kuma aka aza littafi, kuma aka zo da Annabawa da masu shaida, kuma aka yi hukunci a tsakaninsu, da gaskiya, alhali kuwa, su, ba za a zalunce su ba

Kuma aka cika wa kowane rai abin da ya aikata. Kuma (Allah) Shi ne Mafi sani game da abin da suke aikatawa

Kuma aka kora waɗanda suka kafirta zuwa Jahannama, jama'a-jama'a har a lokacin da suka je mata, sai aka buɗe ƙofofinta, kuma matsaranta suka ce musu, "Ashe, waɗansu Manzanni, daga cikinku ba su je muku ba, suna karanta ayoyin Ubangijinku a kanku, kuma suna yi muku gargaɗin gamuwa da yininku wannan?" Suka ce, "Na'am, "kuma amma kalmar azaba ita ce ta wajaba a kan kafirai

Aka ce, "Ku shiga ƙofofin Jahannama, kauna madawwama a cikinta. Sa'an nan mazaunin makangara ya munana

Kuma aka kora waɗanda suka bi Ubangijinsu da taƙawa zuwa Aljanna jama'a-jama'a har a lokacin da suka je mata, alhali kuwa an buɗe kofofinta, kuma matsaranta suka ce musu, "Aminci ya tabbata a gare ku, kun ji daɗi, saboda haka ku shige ta, kuna madawwama (a cikinta)

Kuma suka ce: "Godiya ta tabbata ga Allah Wanda Ya yi mana gaskiya ga wa'adinSa, kuma Ya gadar da mu ƙasa, muna zama a cikin Aljanna a inda muke so." To, madalla da ijarar ma'aikata

Kuma kana ganin mala'iku suna masu tsayawa da haƙƙoƙin da aka ɗora musu daga kewayen Al'arshi, suna tasbihi game da gode wa Ubangijinsu. Kuma aka yi hukunci a tsakaninsu da gaskiya. Kuma aka ce, "Godiya ta tabbata ga Allah, Ubangijin halittu