Hausa - Chapter 43 - Az-Zukhruf

H. M

Ina rantsuwa da Littafi Mabayyani

Lalle Mu, Mun sanya shi abin karatu na Larabci, tsammaninku, kuna hankalta

Kuma lalle, shi, a cikin uwar littafi a wurin Mu, haƙiƙa, maɗaukaki ne, bayyananne

Shin, za Mu kau da kai daga saukar da hukunci daga gare ku ne domin kun kasance mutane masu ɓarna

Alhali kuwa sau nawa Muka *aika wani Annabi a cikin mutanen farko

Kuma wani Annabi bai je musu ba face sun kasance, game da shi, suna masu yin izgili

Sai Muka halakar da waɗanda suke su ne mafiya ƙarfin damƙa daga gare su. Kuma abin misalin mutanen farkon ya shuɗe

Kuma lalle ne, idan ka tambaye su, "Wane ne ya halitta sammai da ƙasa?" Lalle za su ce, "Mabuwayi Mai ilmi ne Ya halitta su

Wanda Ya sanya muku ƙasa shimfiɗa kuma Ya sanya muku hanyoyi a cikinta, tsammaninku za ku nemi shiryuwa

Kuma Wanda Ya saukar da ruwa daga sama, a kan wani gwargwado, sai Muka rayar da gari matacce game da shi. Kamar haka nan ake fitar da ku (daga kabari)

Kuma Wanda Ya halitta ma'aura dukansu, kuma Ya sanya muku, daga jirgi da dabbobin ni'ima, abin da kuke hawa

Domin ku daidaitu a kan bayansa, sa'an nan ku tuna ni'imar Ubangijinku a lokacin da kuka daidaita a kansa kuma ku ce, "Tsarki ya tabbata ga Wanda Ya hore mana wannan alhali kuwa ba mu kasance masu iya rinjaya gare Shi ba

Kuma lalle mu haƙiƙa masu* juyawa muke, zuwa ga Ubangijinmu

Kuma suka sanya *Masa juz'i daga bayinsa. Lalle ne mutum, haƙiƙa, mai yawan kafirci ne, mai bayyanawar kafircin

Ko za Ya ɗauki 'ya'ya mata daga abin da Yake halittawa ne, kuma Ya zaɓe ku da ɗiya maza

Alhali kuwa idan an bayar da bushara ga ɗayansu da abin da ya buga misali da shi ga Mai rahama, sai fuskarsa ta yini tana wadda aka baƙanta launinta, kuma yana cike da baƙin ciki

Ashe, kuma (Allah zai zaɓi) wanda ake reno a cikin ƙawa alhali kuwa ga shi a husuma ba mai iya bayyanawar magana ba

Kuma suka mayar da mala'iku ('ya'ya) mata, alhali kuwa su, waɗanda suke bayin (Allah) Mai rahama ne! Shin, sun halarci halittarsu ne? za a rubuta shaidarsu kuma a tambaye su

Kuma suka ce: "Da Mai rahama ya so, da ba mu bauta musu ba." Ba su da wani ilmi game da wancan! Babu abin da suke yi face yanki-faɗi

Ko Mun ba su wani littafi ne a gabaninsa (Alƙur'ani) saboda haka da shi suke riƙe

A'a, sun ce dai, "Lalle mu, mun sami ubanninmu a kan wani addini (na al'ada) kuma lalle mu, a kan gurabansu muke masu neman shiryuwa

Kuma kamar haka, ba Mu aika wani mai gargaɗi ba a gabaninka, a cikin wata alƙarya, face mani'imtanta sun ce, "Lalle mu, mun sami ubanninmu a kan wani addini kuma lalle mu, masu koyi nea kan gurabansu

(Sai mai gargaɗin) ya ce: "Shin, ban zo muku da abin da ya fi zama shiriya daga abin da kuka sami ubanninku a kansa ba?" Suka ce, "Lalle mu dai masu kafirta ne game da abin da aka aiko ku da shi

Saboda haka Muka yi musu azabar ramuwa. To, ka dubi yadda aƙibar masu ƙaryatawa take

Kuma (ka ambaci) lokacin da Ibrahim ya ce wa ubansada mutanensa, "Lalle ni mai barranta ne daga abin da kuke bautawa

Face wannan *da Ya ƙaga halittata, to, lalle Shi ne zai shiryar da ni

Kuma (Ibrahim) ya sanya (ita wannan magana) kalma mai wanzuwa a cikin zuriyarsa, tsammaninsu su komo daga ɓata

A'a, Na jiyar da waɗannan mutane daɗi su da ubanninsu har gaskiya, da Manzo mai bayyanawar gaskiyar, ya zo musu

Kuma a lokacin da gaskiyar ta je musu sai suka ce: "Wannan sihiri ne kuma mu masu kafirta da shi ne

Kuma suka ce: "Don me ba a saukar da wannan Alƙur'ani a kan wani mutum mai girma daga alƙaryun* nan biyu ba

Shin, su ne ke raba rahamar Ubangijinka? Mu ne, Muka raba musu abincinsu a cikin rayuwar duniya, kuma Muka ɗaukaka waɗansunsu a kan waɗansu da darajoji domin waɗansunsu su riƙi waɗansu leburori kumarahamar Ubangijinka (ta Annabci*), ita ce mafificiya daga abin da suke tarawa

Kuma ba domin mutane su kasance al'umma ɗaya ba, lalle ne, da Mun sanya wa masu kafirce wa Mai Rahama, a gidajensu, rufi na azurfa, kuma da matakalai, ya zama a kanta suke taƙawa

(Kuma a gidajensu, Mu sanya) ƙyamare da gadaje, a kansu suke kishingiɗa

Da zinariya. Kuma dukan wancan abu bai zama ba, sai jin daɗin rayuwar duniya nekawai' alhali kuwa Lahira, a wurin Ubangijinka, ta masu taƙawa ce

Kuma wanda ya makanta daga barin hukuncin Mai rahama, to, za Mu lulluɓe shi da shaiɗan, watau shi ne abokinsa

Kuma lalle su haƙiƙa suna kange su daga hanya, kuma suna Zaton cewa su masu shiryuwa ne

Har a lokacin da (abokin Shaiɗan) ya zo Mana (ya mutu) sai ya ce: (wa Shaiɗan) "Da dai a tsakanina da tsakaninka akwai nisan gabas da yamma, saboda haka, tir da kai ga zama abokin mutum

Kuma (wannan magana) ba za ta amfane ku ba, a yau, domin kun yi zalunci, lalle ku masu tarewa ne a cikin azaba

Shin to, kai kana jiyar da kurma ne, ko kana shiryar da makaho da wanda ke a cikin ɓata bayyananna

To, ko dai Mu tafi *da kai to, lalle Mu, masu yin azabarramu, wa ne a kansu

Ko kuma Mu nuna maka abin da Muka yi musu wa'adi, to, lalle Mu, Masu ikon tasarrufi a kansu ne

Saboda haka, ka yi riƙo ga abin da aka yi wahayi da shi zuwa gaie ka. Lalle ne kai, kana a kan hanya madaidaiciya

Kuma shi (abin wahayin) ambato (na ɗaukaka) ne a gare ka da kuma ga mutanenka, kuma za a tambaye ku

Kuma ka tambayi waɗanda Muka aika a gabaninka daga Manzannin Mu, "Shin, Mun sanya waɗansu gumaka, wasun (Allah), Mai rahama, ana bauta musu

Kuma lalle ne, haƙiƙa, Mun aika Musa, game da ayoyin Mu, zuwa ga Fir'auna da mashawartansa, sai ya ce: "Lalle ni, Manzo ne daga Ubangijin halittu

To, a lokacin da ya je musu da ayoyin Mu, sai ga su suna yi musu dariya

Kuma ba Mu nuna musu wata aya ba, face ita ce mafi girma daga 'yar'uwarta. Kuma Muka kama su da azaba, tsammaninsu ko suna komowa

Kuma suka ce: "Ya kai mai sihiri! Ka roƙa mana Ubangijinka da albarkacin abin da yi alkawari a wurinka, lalle mu, haƙiƙa, masu shiryuwa ne

To, a lokacin da duk Muka kuranye musu azaba, sai ga su suna warware alkawarinsu

Kuma Fir'auna ya yi kira a cikin mutanensa, ya ce: "Ya mutanena! Ashe mulkin Masar ba a gare ni yake ba, kuma waɗannan koguna suna gudana daga ƙarƙashina? Ashe, ba ku gani ba

Ko kuma ba ni ne mafifici ba daga wannan wanda yake shi wulakantacce ne kuma ba ya iya bayyanawar magana sai da ƙyar

To, don me, ba a jefa mundaye na zinariya a kansaba, ko kuma mala'iku su taho tare da shi haɗe

Sai ya sassabce hankalin mutanensa, saboda haka suka bi shi. Lalle su, sun kasance waɗansu irin mutane ne fasiƙai

Saboda haka a lokacin da suka husatar da Mu, Muka yi musu azabar ramuwa sai Muka nutsar da su gaba ɗaya

Sai Muka sanya su magabata kuma abin misali ga mutanen ƙarshe

Kuma a lokacin da aka buga misali da ¦an Maryama, sai ga mutanenka daga gare shi (shi misalin) suna dariya da izgili

Kuma suka ce: "Shin, gumakanmu ne mafifita ko shi (¦an Maryama)?" Ba su buga wannan misali ba a gare ka face domin yin jidali.* A'a, su mutane nemasu husuma

Shi (¦an Maryama) bai zama ba face wani bawa ne, Mun yi ni'ima a gare shi, kuma Muka sanya shi abin koyi ga Bani Isra'ila

Kuma da Muna so lalle ne da Mun sanya mala'iku, daga ci, kinku, a cikin ƙasa, suna mayewa

Kuma lalle shi, haƙiƙa, wani ilmi ne na Sa'a, saboda haka, kada ku yi shakka a gare ta, kuma ku bi Ni. Wannan ita ce hanya madaidaiciya

Kuma kada Shaiɗan ya taushe ku (daga hanyar). Lalle shi maƙiyi ne a gare ku, mai bayyanawar ƙiyayya

Kuma a lokacin da Isa ya je da hujjoji bayyanannu, ya ce: "Lalle ne na zo muku da hikima kuma domin in bayyana muku, sashen abin da kuke saɓa wa juna acikinsa, saboda haka ku bi Allah da taƙawa, kuma ku yi mini ɗa'a

Lalle ne, Allah Shi ne Ubangijina kuma Shi ne Ubangijinku saboda haka ku bauta Masa. Wannan ita ce hanya madaidaiciya

Sai ƙungiyoyi *suka saɓa a tsakaninsu. To, bone ya tabbata ga waɗanda suka yi zalunci daga azabar yini mai raɗaɗi

Shin suna jiran wani abu ne? sai dai Sa'a ta je musu bisaga abke, alhali kuwa ba su sani ba

Masoya a yinin nan, sashensu zuwa ga sashe maƙiya ne, face masu taƙawa (su kam masu son juna ne)

Ya bayiNa! Babu tsoro a kanku a yau, kuma ba za ku yi baƙin ciki ba

Waɗanda suka yi imani da ayoyin Mu, kuma suka kasance masu sallamawar al'amari (ga Allah)

Ku shiga Aljanna, ku da matan aurenku, ana girmama ku

Ana kewayawa a kansu da akussa na zinariya da kofuna, alhali kuwa a cikinsu akwai abin da rayuka ke marmari kuma idanu su ji daɗi, kuma ku, a cikinta (Aljannar), madawwama ne

Kuma waccan ita ce Aljannar, wannan da aka gadar da ku ita saboda abin da kuka kasance kuna aikatawa

Kuna samu, a cikinta, 'ya'yan itacen marmari masu yawa, daga cikinsu kuke ci

Lalle masu laifi madawwama ne a cikin azabar Jahannama

Ba a sauƙaƙar da ita (azabar) daga gare su, alhali kuwa su, a cikinta, masu kasa magana ne

Kuma ba Mu zalunce su ba, amma su ne suka kasance azzalumai

Kuma suka yi kira, "Ya Maliku! Ubangijinka Ya kashe mu mana* " (Maliku) ya ce: "Lalle ku mazauna ne

Lalle ne, haƙiƙa, Mun je muku da gaskiya, kuma amma mafi yawanku masu ƙi ga gaskiyar ne

Ko kuma sun tukka wani al'amari ne? To, lalle Mu, Masu tukkawa ne

Ko suna zaton lalle Mu, ba Mu jin asirinsu da ganawarsu? Na'am! Kuma manzannin Mu na tare da su suna rubutawa

Ka ce: "Idan har akwai ɗa ga Mai rahama, to, ni ne farkon masu bauta (wa ɗan)

Tsarkin Ubangijin sammai da ƙasa, Ubangijin Al'arshi, ya tabbata daga abin da suke sifantawa

Saboda haka, ka ƙyale su, su kutsa kuma su yi wasa har su haɗu da yininsu, wanda ake yi musu wa'adi da shi

Kuma Shi ne wanda ke abin bautawa a sama kuma abin bautawa a ƙasa, kuma, Shi ne Mai hikima, Masani

Kuma albarkar wanda ke da mulkin sammai da ƙasa abin da ke a tsakaninsu ta bayyana, kuma a wurin Sa ne ilmin Sa'a yake, kuma zuwa gare Shi ake mayar da ku

Kuma waɗanda suke kira baicin Sa ba su mallaki ceto ba, face wanda ya yi shaida da gaskiya, kuma su, suna sane* (da haka)

Kuma lalle idan ka tambaye su: "Wane ne ya halitta su?" Lalle ne za su ce Allah ne. To, yaya ake juyar da su

Kuma da (ilmin) maganar Sa (Annabi) "Ya Ubangijina! Lalle waɗannan mutane ne waɗanda ba za su yi imani ba

To, sai ka kau da kai daga gare su, kuma ka ce, "salama." Sa'an nan kuma za su sani