Hausa - Chapter 45 - Al-Jathiyah

H. M

Saukar Littafi daga Allah Mabuwayi Mai hikima yake

Lalle ne a cikin sammai da ƙasa akwai ayoyi* ga masu imani

Kuma a cikin halittarku da abin da ke watsuwa na dabba akwai ayoyi ga mutane masu yaƙini

Kuma da saɓawar dare da yini da abin da Allah Ya saukar daga sama na arziki, sa'an nan Ya rayar da ƙasa game da shi a bayan mutuwarta, da juyawar iskoki, akwai ayoyi ga mutane masu yin hankali

Waɗancan ayoyin Allah ne, Muna karanta su gare ka da gaskiya. To, da wane labari bayan Allah da ayoyinSa suke yin imani

Bone ya tabbata ga dukan mai yawan ƙiren ƙarya, mai laifi

Yana jin ayoyin Allah ana karanta su a kansa, sa'an nan ya doge yana makangari, kamar bai ji su ba. To, ka yi masa bushara da azaba mai raɗaɗi

Kuma har idan ya san wani abu daga ayoyin Mu, sai ya rika su da izgili. Waɗancan suna da wata azaba mai wulakantawa (a duniya)

Gaba gare su (a Lahira) akwai Jahannama, kuma abin da suka sana'anta ba ya wadatar da su daga kome, kuma abubuwan da suka riƙa majiɓinta, baicin Allah, ba su wadatar da su daga kome. Kuma suna da wata azaba mai girma

Wannan (Alƙur'ani) shi ne shiryuwa. Kuma waɗanda suka kafirta game da ayoyin Ubangijinsu, suna da wata azaba ta wulakanci mai raɗaɗi

Allah ne wanda Ya hore muku teku domin jirgi ya gudana a cikinta da umurninSa, kuma domin ku nema daga falalar Sa, kuma tsammaninku za ku gode

Kuma Ya hore muku abin da ke a cikin sammai da abin da ke a cikin ƙasa, gaba ɗaya daga gare Shi yake. Lalle ne, a cikin wancan, haƙiƙa, akwai ayoyi ga mutane waɗanda ke yin tunani

Ka ce wa waɗanda suka yi imani, su yi gafara ga waɗanda ba su fatan rahama ga kwanukan Allah, *domin (Allah) Ya saka wa mutane da abin da suka kasance suna aikatawa

Wanda ya aikata aikin ƙwarai, to, domin kansa, kuma wanda ya munana aki, to, a kansa. Sa'an nan zuwa ga Ubangijinku ake mayar da ku

Kuma lalle ne, haƙiƙa, Mun bai* (wa Bani Isra'ila Littafi da hukunci da Annabci, Kuma Mun azurta su daga abubuwa masudaɗi, Kuma Mun fifta su a kan mutanen duniya (a zamaninsu)

Kuma Muka ba su hujjoji na umarni. Ba su saɓa ba face bayan ilmi ya je musu, saboda zalunci a tsakaninsu. Lalle ne, Ubangijinka zai yi hukunci a tsakaninsu, a Ranar ƙiyama a cikin abin da suka kasance suna saɓa wa (juna)

Sa'an nan Muka sanya ka a kan wata shari'a ta al'amarin. Sai ka bi ta, Kuma kada ka bi son zuciyoyin waɗannan daba su sani ba

Lalle ne su, ba za su wadatar da kai da kome ba daga Allah. Kuma lalle ne azzalumai sashensu majiɓintan sashe ne. Kuma Allah ne Majiɓincin masu taƙawa

wannan (Alkur'ani) hukunce-hukuncen natsuwa ne ga mutane, da shiryuwa, da rahama, ga mutane waɗanda ke da yaƙini

Ko waɗanda suka yagi miyagun ayyuka suna zaton Mu sanya su kamar waɗanda suka yi imani, kuma suka aikata ayyukan ƙwarai, su zama daidai ga rayuwarsu da mutuwarsu? Abin da suke hukuntawa ya munana

Alhali kuwa Allah ne Ya halitta sammai da ƙasa saboda gaskiya, Kuma domin a saka wa kowane rai da abin da ya sana'anta, kuma su, ba za a zalunce su ba

Shin, ka ga wanda ya riƙi son zuciyarsa sih ne abin bautawarsa, kuma Allah Ya ɓatar da shi a kan wani ilmi,* Kuma Ya sa hatini a kan jinsa, da zuciyarsa, kuma Ya sa wata yana a kan ganinsa? To, wane ne zai shiryar da shi bayan Allah? Shin to, ba za ku yi tunani ba

Kuma suka ce: "Babu kome face rayuwarmu ta duniya; muna mutuwa kuma muna rayuwa (da haihuwa) kuma babu abin da ke halaka mu sai zamani." Alhali kuwa (ko da suke faɗar maganar) ba su da wani ilmi game da wannan, ba su bin kome face zato

Kuma idan ana karanta ayoyin Mu bayyanannu a kansu, babu abin da ya kasance hujjarsu face suka ce: "Ku zo mana da ubanninmu, idan kun kasance masu gaskiya

Ka ce: "Allah ne ke rayar* da ku kuma Shi ne ke matarda ku, sa'an nan Ya tara ku zuwa ga Ranar ¡iyama, babu shakka a gare ta, kuma amma mafi yawan mutane ba su sani ba

Kuma mulkin sammai da ƙasa na Allah ne, Shi kaɗai. Kuma ranar da Sa'a ke tsayuwa, a ranar nan masu ɓatawa (ga hujjojin Allah domin su ki bin shari'arSa) za su yi hasara

Kuma za ka ga kowace al'umma tana gurfane, kowace al'umma ana kiran ta zuwa ga littafinta. (A ce musu) "A yau ana saka muku da abin da kuka kasance kuna aikatawa

Wannan littafin Mu ne yana yin magana a kanku da gas, kiya. Lalle Mu, Mun kasance Muna sauya rubutun tamkar abin dakuka kasance kuna aikatawa

To, amma waɗanda suka yi imani kuma suka aikata ayyukan ƙwarai, to, Ubangijinsu zai sanya su a cikin rahamarsa. Wannan shi ne babban rabo bayyananne

Kuma amma waɗanda suka kafirta (Allah zai ce musu): "Shin, ayoyi Na ba su kasance ana karanta su a kanku ba sai kuka kangare, Kuma kuka kasance mutane masu laifi

Kuma idan aka ce, lalle wa'adin Allah gaskiya ne, kuma Sa'a, babu shakka a cikinta sai kuka ce, 'Ba mu san abin da ake cewa Sa'a ba, ba mu zato (game da ita) face zato mai rauni, Kuma ba mu zama masu yaƙni ba

Kuma munanan abin da suka aikata ya bayyana a gare su, kuma abin da suka kasance suna yi na izgili ya wajaba a kansu

Kuma aka ce: "A yau za Mu manta da ku, kamar yadda kuka manta da gamuwa da yininku wannan. Kuma makomarku wuta ce, Kuma ba ku da waɗansu masu taimako

Wancan domin lalle ku, kun riƙi ayoyin Allah da izgili, Kuma rayuwar duniya ta ruɗe ku. To, a yau ba za su fita daga gare ta ba, Kuma ba za su zama waɗanda ake neman yardarsu ba

Saboda haka, godiya ta tabbata ga Allah Ubangijin sammai, kuma Ubangijin ƙasa, Ubangijin halittu

Kuma gare Shi girma yake, a cikin sammai da ƙasa, kuma Shi ne Mabuwayi, Mai Hikima