Hausa - Chapter 50 - Qaf

Ina rantsuwa da Alƙur'ani Mai girma

A'a, sun yi mamaki, cewa mai gargaɗi, daga gare su, ya zo musu, sai kafirai suka ce: "Wannan wani abu ne mai ban mamaki

Shin idan muka mutu kuma muka kasance turɓaya (za a komo da mu)? Waccan komowa ce mai nisa

Lalle ne Mun san abin da ƙasa ke ragewo daga gare su, kuma wurin Mu akwai wani littafi mai tsarewa

A'a, sun ƙaryata ne game da gaskiyar a lokacin da ta je musu, saboda haka suna a cikin wani al'amari mai raurawa

Shin, to, ba su yi dubi ba zuwa ga sama a bisa gare su, yadda Muka gina ta, kuma Muka ƙawace ta, kuma ba ta da waɗansu tsagogi

Da ƙasa, Mun miƙe ta, kuma Mun jefa kafaffun duwatsu a cikinta, kuma Mun tsirar, a cikinta daga kowane ma'auri mai ban sha'awa

Domin wayar da ido da tunatarwa ga dukan bawa mai tawakkali

Kuma Mun sassakar, daga sama ruwa mai albarka sa'an nan Muka tsirar game da shi (itacen) lambuna da ƙwaya abin girbewa

Da itacen dabino dogaye, suna da'ya'yan itace gunda masu hauhawar juna

Domin arziki ga bayi, kuma Muka rayar da ƙasa matacciya game da shi. Kamar wannan ne fitar daga kabari kake

Mutanen Nuhu sun ƙaryata, a gabaninsu (mutanen yanzu) da ma'abuta Rassi, *da Samudawa

Da Adawa da Fir'auna da 'yan'uwan Luɗu

Da ma'abuta ƙunci *da mutanen Tubba'u,** kowanensu ya ƙaryata Manzanni, sai ƙyacewaTa ta tabbata

Shin, to, Mun kasa ne game da halittar farko? A'a, su suna a cikin rikici daga halitta sabuwa

Kuma lalle ne haƙiƙa Mun halitta mutum kuma Mun san abin da ransa ke yin waswasi da shi, kuma Mu ne mafi kusanta zuwa gare shi daga lakar hannayensa

A lokacin da masu haɗuwa biyu suke haɗuwa daga dama, kuma daga hagu akwai wani (mala'ika) zaunanne

Ba ya lafazi da wata magana face a liƙe da shi akwai mai tsaro halartacce

Kuma mayen mutuwa ya je da gaskiya. Wannan shi ne abin da ka kasance daga gare shi kana bijirewa

Kuma aka hura a cikin ƙaho. Wancan yinin ƙyacewar ne fa

Kuma kowane rai ya zo, tare da shi akwai mai kora da mai shaida

(Sai a ce masa): "Lalle ne, haƙiƙa, ka kasance a cikin gafala daga wannan. To, Mun kuranye maka rufinka, saboda haka ganinka a yau, mai kaifi ne

Kuma abokin haɗinsa* ya ce: "Wannan shi ne abin da ke tare da ni halarce

(A ce wa Mala'iku), "Ku jefa, a cikin Jahannama, dukan mai yawan kafirci, mai tsaurin rai

Mai yawan hanawa ga alheri, mai zalunci, mai shakka

Wanda ya sanya, tare da Allah wani abin bautawa na dabam, saboda haka kujefa shi a cikin azaba mai tsanani

Abokin haɗinsa* ya ce: "Ya Ubangijinmu! Ban sanya shi girman kai ba, kuma amma ya kasance a cikin ɓata mai nisa

Ya ce: "Kada ku yi husuma a wur Nalhali Na gabatar da ƙyacewa zuwa gare ku

Ba a musanya magana a wuriNa, Kuma Ban zama Mai zalunci ba ga bayi Na

Ranar da Muke cewa ga Jahannama "Shin, kin cika?" Kuma ta ce: "Ashe,* akwai wani ƙari

Kuma a kusantar da Aljanna ga masu taƙawa, ba da nisa ba

Wannan shi ne abin da ake yi muku wa'adi da shi ga dukan mai yawan komawa ga Allah, mai tsarewar (umurninSa)

Wanda ya ji tsoron Mai rahama a fake, *kuma ya zo da wata irin zuciya mai tawakkali

(A ce musu) "Ku shige ta da aminci, *waccan ita ce ranar dawwama

Suna da abin da suke so a cikinta, kuma tare da Mu akwai ƙarin ni'ima

Kuma da yawa Muka halakar, a gabaninsu, (mutanen yanzu) ɗaga waɗansu al'ummomi, (waɗanda suke) su ne mafi ƙarfin damƙa daga gare su, sa'an nan suka yi bincike a cikin ƙasashe: 'Ko akwai wurin tsira'?* (Babu)

Lalle ne, a cikin wancan, akwai tunatarwa ga wanda zuciyarsa ta kasance gare shi, ko kuwa ya jefa sauraro, alhali kuwa yana halarce (da hankalinsa)

Kuma lalle ne, haƙiƙa, Mun halitta sammai da ƙasa da abin da ke a tsakaninsu, a cikin kwanaki shida, alhali wata'yar wahala ba ta shafe Mu ba

Saboda haka, ka yi haƙuri a kan abin da suke fada, kuma ka yi tasihi* game da gode wa Ubangijinka (watau ka yi salla) a gabanin fitowar rana da gabanin ɓacewarta

Kuma daga dare, sai ka yi tasbihi a gare Shi da bayan sujada

Kuma ka saurara a ranar da mai kira ke yin kira daga wuri *makusanci

Ranar da suke sauraron tsawa da gaskiya. Wancan shi ne yinin fita (daga kabari)

Lalle Mu ne haƙiƙa, Mu ne ke rayarwa, kuma Mu ne ke kashewa, kuma zuwa gare Mu kawai ne makomar take

Ranar da ƙasa ke tsattsagewa daga gare su, suna masu gaggawa. Wancan tarawar mutane ne, mai sauƙi a gare Mu

Mu ne mafi sani game da abin da suke faɗi, kuma ba za ka zama mai tilasta su ba. Saboda haka ka tunatar game da Alƙur'ani,* ga wanda ke tsoron ƙyacewaTa