Hausa - Chapter 54 - Al-Qamar

Sa'a ta yi kusa, kuma wata *ya tsage

Kuma idan sun ga wata aya, sai su juya baya su ce: "Sihiri ne mai dogewa

Kuma suka ƙaryata, kuma suka bi son zuciyarsu, alhali kuwa kowane al'amari (wanda suke son su ture daga Annabi) an tabbatar da shi

Kuma lalle, abin da yake akwai tsawatarwa a cikinsa na labaraiya zo musu

Hikima cikakka! Sai dai abubuwan gargaɗi ba su amfani

Saboda haka, ka bar su! Ranar da mai kiran zai yi kira zuwa ga wani abu abin ƙyama

¡asƙantattu ga idanunsu za su fito daga kaburburansu, kamar dai su fari ne waɗandasuka watse

Suna gaggawar tafiya zuwa ga mai kiran, kafirai na cewa, "Wannan yini ne mai wuya

Mutanen Nuhu sun ƙaryata, a gabaninsu, sai suka ƙaryata Bawan Mu, kuma suka ce: "Shi mahaukaci ne." Kuma aka tsawace shi

Saboda haka, ya kira Ubangijinsa (ya ce), "Lalle ni, an rinjaye ni, sai Ka yi taimako

Sai Muka buɗe kofofin sama da ruwa mai zuba

Kuma Muka ɓuɓɓugar da ƙasa ta zama idanun ruwa, daɗa ruwa ya haɗu a kan wani umarni da aka riga aka ƙaddara shi

Kuma Muka ɗauke Nuhu a kan (jirgi) na alluna da ƙusoshi

Tana gudana, a kan idanun Mu, domin sakamako ga wanda aka yi wa kafircin

Kuma lalle, Mun bar ta ta zama aya. To, Shin, akwai mai tunani

To, yaya azaba Ta take da gargaɗi Na

Kuma lalle ne, haƙikƙa, Mun sauƙaƙe Alƙur'ani, domin tunawa. To, shin, akwai mai tunawa

Adawa sun ƙaryata, to, yaya azabaTa take, da gargaɗi Na

Lalle Mu, Mun aika da iska mai tsananin sauti a kansu, a cikin wani yinin nahisa mai dogewa

Tana fizgar mutane kamar dai su kututturan dabino tumɓukakku ne

To, yaya azaba Ta take da gargaɗi Na

Kuma lalle ne, haƙiƙa Mun sauƙaƙe Alƙur'ani, domin tunawa. To, shin, akwai mai tunawa

Samudawa sun ƙaryata game da gargaɗin

Sai suka ce: "Wani mutum daga cikinmu, shi kaɗai, wai mu bi shi! Lalle mu a lokacin, haƙiƙa mun shiga wata ɓata da hauka

Shin, an jefa masa Manzancin ne, a tsakaninmu? A'a, shi dai gawurtaccen maƙaryaci ne mai girman kai

Za su sani a gobe, wane ne gawurtaccen mai ƙaryar, mai girman kan

Lalle Mu, masu aikawa da raƙumar* ne, ta zame musu fitina, sai ka tsare su da kallo, kuma ka yi haƙuri

Kuma ka ba su labari cewa ruwa rababbe ne a tsakaninsu (da raƙumar), kowane sha, mai shi yana halartar sa

Sai suka kira abokinsu, sai ya karɓa, sa'an nan ya soke ta

To, yaya azabaTa take da gargaɗi Na

Lalle Mu, Mun aika tsawa guda a kansu, sai suka kasance kamar yayin mai shinge

Kuma lalle ne, haƙiƙa, Mun sauƙaƙe Alƙur'ani, domin tunawa. To, shin, akwai mai tunawa

Mutanen Luɗu sun ƙaryata, game da gargaɗi

Lalle Mun aika iskar tsakuwa a kansu, face mabiyan Luɗu, Mun tsirar da su a lokacin asuba

Saboda wata ni'ima ta daga gare Mu. Kamar haka Muke saka wa wanda ya gode

Kuma lalle, haƙiƙa, ya yi musu gargaɗin damƙar Mu, sai suka yi musu game da gargaɗin

Kuma lalle haƙiƙa, su, sun neme shi ta wajen baƙinsa, sai Muka shafe idanunsu. "To, ku ɗanɗani azabaTa da gargaɗi Na

Kuma lalle, haƙiƙa, wata azaba matabbaciya ta waye musu gari da yaƙi, tun da safe

To, ku ɗanɗani azabaTa da gargaɗi Na

Kuma lalle ne, haƙiƙa, Mun sauƙaƙe Alƙur, ani domin tunawa. To, shin, akwai mai tunawa

Kuma lalle, haƙiƙa, gargaɗin ya je wa mabiyan Fir'auna

Sun ƙaryata game da ayoyin Mu, dukansu sai Muka kama su, irin kamun Mabuwayi, Mai ikon yi

Shin, kafiranku ne mafi alheri daga waɗancan, ko kuwa kuna da wata bara'a a cikin littattafai

Ko za su ce: "Mu duka masu haɗa ƙarfi ne domin cin nasara

Za a karya* taron, kuma su juya baya domin gudu

A'a, Sa'a ita ce lokacin wa'adinsu, kuma Sa'ar ta fi tsananin masifa, kuma ta fiɗaci

Lalle ne, masu laifi suna a cikin ɓata da hauka

Ranar da za a ja su a cikin wuta a kan fuskokinsu. "Ku ɗanɗani shafar wutar Saƙar

Lalle Mu, kowane irin abu Mun halitta shi a kan tsari

Kuma umurnin Mu bai zamo ba face da kalma ɗaya, kamar walƙawar ido

Kuma lalle ne haƙiƙa, Mun halaka irin gayyarku. To, shin, akwai mai tunani

Kuma kowane abu, da suka aikata shi, yana a cikin littattafai

Kuma dukkan ƙarami da babba, rubutacce ne

Lalle masu taƙawa suna a cikin gidajen Aljanna da koguna

A cikin mazaunin gaskiya, wurin Mai ikon yi, Mai iya zartaswa