Hausa - Chapter 70 - Al-Maarij

Wani mai tambaya ya yi tambaya game da azaba, mai aukuwa

Ga kafirai, ba ta da mai tunkuɗewa

Daga Allah Mai matakala

Mala'iku da Ruhi (Jibrila) suna takawa zuwa gare Shi, a cikin yini wanda gwargwadonsa, shekara dubu hamsin ne

Saboda haka, ka yi haƙuri, haƙuri mai kyawo

Lalle ne su, suna ganin ta mai nisa

Kuma Mu, Muna ganin ta a kusa

Ranar da sama za ta kasance kamar narkakkar azurfa

Kuma duwatsu su zama kamar saɓin sufi

Kuma aboki ba ya tambayar inda wani aboki yake

Ana sanya su, su gajuna, mai laifi na gurin da zai iya yin fansa, daga azabar ranar nan, da ɗiyansa

Da matarsa da ɗan'uwansa

Da danginsa, masu tattara shi

Da wanda ke a cikin duniya duka gaba ɗaya, sa'an nan fansar, ta tsirar da shi

A'aha! Lalle ne fa, ita ce Laza

Mai twale fatar goshi

Tana kiran wanda ya juya baya (daga addini) kuma ya kau da kai

Ya tara (dukiya), kuma ya sanya ta a cikin jaka

Lalle ne mutum an halitta shi mai ciwon kwaɗayi

Idan sharri ya shafe shi, ya kasa haƙuri

Kuma idan alheri ya shafe shi, ya yi rowa

Sai masu yin salla

Waɗanda suke, a kan sallarsu, su, masu dawwama ne

Kuma waɗanda a cikin dukiyarsu, akwai wani haƙƙi sananne

Ga (matalauci) mai roƙo da wanda aka hana wa roƙon

Da waɗannan da ke gaskata ranar sakamako

Da waɗannan saboda azabar Ubangijinsu, suna jin tsoro

Lalle ne, azabar Ubangijinsu ba wadda ake iya amincewaba ce

Da waɗanda suke, ga farjojinsu, masu tsarewa ne

Sai fa a kan matan aurensu da abin da hannayensu na dama suka mallaka. To lalle ne sukam ba waɗanda ake zargi ba ne

To, duk wanda ya nemi abin da yake a bayan wannan, to, waɗancan su ne masu ƙetare iyaka

Kuma da waɗannan da suke ga amanoninsu da alkawarinsu masu tsarewa ne

Kuma da waɗanda suke, ga shaidarsu, masu dagewa ne

Kuma waɗanda suke, a kan sallarsu, masu tsarewa ne

Waɗannan, a cikin gidajen Aljanna, waɗanda ake girmamawa ne

Me ya sami waɗanda suka kafirta, a wajenka, suna gaugawar (gudu)

Daga jihar dama, kuma daga jihar hagu, jama'a-jama'a

Shin kowane mutum daga cikinsu yana neman a shigar da shi a Aljannar ni'ima ne (ba da wani aiki ba)

A'aha! Lalle Mu, Mun halitta su, daga abin da suka sani

Saboda haka ba sai Na yi rantsuwa da Ubangijin wuraren ɓullowar rana da wuraren faɗuwarta ba, lalle Mu, Masu iyawa ne

Ga Mu musanya waɗanda suke mafi alheri, daga gare su. Kuma ba Mu kasance waɗanda ake rinjaya ba

Saboda haka ka bar su, su dulmuya, kuma su yi wasa, har su haɗu da ranarsu wadda ake yi musu alkawari (da ita)

Ranar da suke fitowa daga kaburbura da gaugawa, kamar su, zuwa ga wata kafaffiyar (tuta), suke yin gaugawa

Maƙaskanta ga idanunsu, wani walakanci yana rufe su. wannan shi ne yinin da suka kasance ana yi musa alkawari (a kansa)