Hausa - Chapter 75 - Al-Qiyamah

Ba sai Na yi rantsuwa* da Ranar ¡iyama ba

Ba sai Na yi rantsuwa da rai mai yawan zargin* kansa ba

Sin, mutum yana zaton cewa ba za Mu tara ƙasusuwansa ba

Na'am! Masu ikon yi Muke a kan Mu daidaita gaɓoɓin yatsunsa

Ba haka ba! Mutum so yake, ya yi fajirci, ya ƙaryata abin da yake a gabansa

Yana tambaya: "Yaushe ne Ranar ¡iyama

To, idan gani ya ɗimauta (ya yi ƙyalli)

Kuma, wata ya yi husufi (haskensa ya dushe)

Aka tara rana da wata

Mutum zai ce a ran nan "Ina wurin gudu

A'aha! babu mafaka

zuwa ga Ubangijinka wurin tabbata, a ranar nan, yake

Ana gaya wa mutum, a ranar nan, abin da ya gabatar da wanda ya jinkirtar

Ba haka ba! Mutum, ga abin da ya shafi kansa, masani ne

Kuma ko da ya jefa uzurorinsa (ba za a saurare shi ba)

Kada ka motsar* da harshenka game da shi domin ka yi gaugawar riƙe shi (Alƙur'ani)

Lalle ne, wajibi ne a gare Mu, Mu tara shi. Mu (tsare maka) karatunsa

To idan Muka karanta shi sai ka bi karatunsa

sa'an nan, lalle wajibi ne a gare Mu, bayaninsa

A'aha! Ba haka ba kuna son mai gaugawar nan (duniya) ne

Kuna barin ta ƙarshen (Lahira)

Wasu huskoki, a ranar nan, masu annuri ne

Zuwa ga Ubangijinsu masu kallo ne

Wasu huskoki, a ranar nan, masu gintsewa ne

Suna zaton a sako musu masifa mai karya tsatso

A'aha! Iadan (rai) ya kai ga karankarmai

kuma aka ce: "Wane ne mai tawada

Kuma ya tabbata cewa rabuwa dai ce

Kuma ƙwabri ya lauye da wani ƙwabri

Zuwa ga Ubangijinka, a ranar nan, magargaɗa* take

To, bai gaskata ba, kuma bai yi salla ba

Amma dai ya ƙaryata, kuma ya juya baya

Sa'an nan, ya tafi zuwa ga mutanensa, yana taƙama

Halaka ta tabbata a gare ka, sa'an nan ita ce mafi dacewa

Sa'an nan, wata halaka ta tabbata a gare ka domin ta fi dace wa

Shin, mutum na zaton a bar shi sagaga (wato babu nufin kome game da shi)

Bai kasance ɗigo na maniyyi ba, wanda ake jefarwa (a cikin mahaifa)

Sa'an nan, ya zama gudan jini, sa'an nan Allah Ya halitta shi, sa'an nan Ya daidaita gaɓoɓinsa

Sa'an nan, Ya sanya daga gare shi, nau'i biyu: namiji damace

Ashe wannan bai zama Mai iko ba bisa ga rayar da matattu