Hausa - Chapter 76 - Al-Insan

Lalle ne, wata mudda ta zamani ta zo a kan mutum, bai kasance kome ba wanda ake ambata

Lalle ne, Mu Mun halitta mutum daga ɗigon ruwa garwayayye, Muna jarraba shi, saboda haka Muka sanya shi mai ji mai gani

Lalle ne, Mu, Mun shiryar da shi ga hanyar ƙwarai, ko ya zama mai godiya, kuma ko ya zama mai kafirci

Lalle ne, Mu, Mun yi tattali, domin kafirai, sarƙoƙi da ƙuƙumma da sa'ir

Lalle ne, mutanen kirki za su sha daga finjalin giya abin gaurayarta ya kasance kafur ne

Wani marmaro ne, daga gare shi bayin Allah suke sha, suna ɓuɓɓugar da shi ɓuɓɓugarwa

Suna cikawa da alwashin (da suka bakanta), kuma suna tsoron wani yini wanda sharrinsa ya kasance mai tartsatsi ne

Kuma suna ciyar da abinci, a kan suna bukatarsa, ga matalauci da maraya da kamamme

(Suna cewa): "Muna ciyar da ku ne domin neman yardar Allah kawai, ba mu nufin samun wani sakamako daga gare ku, kuma ba mu nufin godiya

Lalle ne, mu muna tsoro daga Ubangijinmu, wani yini mai gintsewa, mai murtukewa

Saboda haka Allah Ya tsare musu sharrin wannan yini, kuma Ya hlɗa su da annurin huska da farin ciki

Kuma Ya saka musu saboda haƙurin da suka yi, da Aljanna da tufafin alharini

Suna masu zaman ginciri,* a cikinta, a kan karagu, ba su ganin rana a cikinta, kuma ba su ganin jaura

Kuma, inuwoyinta suna kusa, a kansu, an hore nunannun 'ya'yan itacenta, horewa

Kuma ana kewayawa a kansu da finjalai na azurfa da kofuna waɗanda suka kasance na ƙarau

¡arau na azurfa, sun ƙaddara su ƙaddarawa, daidai bukata

Ana shayarwa da su, a cikinta, finjalan giya, wadda abin gaurayarta ya kasance zanjabil ne

Wani marmaro ne, a cikinta, ana kiran sa salsabil

Kuma wasu yara samarin dindindin na kewayawa, a kansu, idan ka gan su, za ka zaci su lu'ulu'u ne wanda aka watsa

Kuma idan ka ga wannan wurin, to, ka ga wata irin ni'ima da mulki babba

Tufafinsu na sama na alhari ni ne, kore da mai walƙiya, kuma an ƙawace su da mundaye na wata curin azurfa kuma Ubangijinsu, Ya shayar da su abin sha mai tsarkakewar (ciki)

(A ce musu) "Lalle ne, wannan ya kasance, a gare ku sakamako, kuma aikink. ya kasance abin godewa

Lalle, Mu ne Muka saukar da Alƙur'ani a gare ka, saukarwa

Saboda haka ka yi haƙuri ga hukuncin Ubangijinka, kuma kada ka bi, daga cikinsu, mai zunubi ko mai kafirci

Kuma ka ambaci sunan Ubangijinka, safe da maraice

Daga dare, sai ka yi sujuda gare Shi, kuma ka tsarkake Shi dare mai tsawo

Lalle ne, waɗannan suna son mai gaugawa (duniya) kuma suna bari, a bayansu, wani yini mai nauyi

Mu ne Muka halitta su kuma Muka, ƙarfafa halittarsu, kuma idan Mun so, za Mu musanya su da wasu mutane kwatankwacinsu, musanyawa

Lalle ne, wannan wata tunatarwa ce, saboda wanda ya so ya riƙa hanyar kirki zuwa ga Ubangijinsa

Kuma, ba za ku so ba, sai Allah Ya so, lalle ne Allah Ya kasance Masani' Mai hikima

Yana shigar da wanda Ya so a cikin rahamarsa, kuma azzalumai, Ya yi musu tattalin wata azaba mai raɗaɗi