Hausa - Chapter 92 - Al-Layl

Ina rantsuwa da dare a lokacin da yake rufewa

Da yini a lokacin da yake kuranyewa

Da abin da ya halitta namiji da mace

Lalle ne ayyukanku, dabam-dabam suke

To, amma wanda ya yi kyauta, kuma ya yi taƙawa

Kuma ya gaskata kalma* mai kyawo

To, za Mu sauƙaƙe masa har ya kai ga sauƙi

Kuma amma wanda ya yi rowa, kuma ya wadatu da kansa

Kuma ya ƙaryatar da kalma mai kyawo

To, za Mu sauƙaƙke masa har ya kai ga tsanani

Kuma dukiyarsa ba ta wadatar masa da kome ba, a lokacin da ya gangara (a wuta)

Lalle aikin Mu ne, Mu bayyana shiriya

Kuma lalle ne Lahira da duniya Namu ne

Saboda haka, Na yi maku gargaɗi da wuta mai babbaka

Babu mai shigarta sai mafi Tabewa

Wanda ya ƙaryata, kuma ya juya baya

Kuma mafi taƙawa* zai nisance ta

Wanda yake bayar da dukiyarsa, alhali yana tsarkaka

Alhali babu wani mai wata ni'ima wurinsa wadda ake neman sakamakonta

Face dai neman yardar Ubangijinsa Mafi ɗaukaka

To, lalle ne zai yarda (da sakamakon da za a ba shi)