Hausa - Chapter 93 - Ad-Duhaa

Translation by Abubakar Mahmood Jummi — Permalink

Ina rantsuwa da hantsi

Da dare a lokacin da ya rufe (da duhunsa)

Ubangijinka bai yi maka bankwana ba, kuma bai ƙi kaba

Kuma lalle ta ƙarshe* ce mafi alheri a gare ka daga ta farko

Kuma lalle ne, Ubangijinka zai yi ta ba ka kyauta sai ka yarda

Ashe, bai same ka maraya ba, sa'an nan Ya yi maka makoma

Kuma Ya same ka ba ka da shari'a, sai Ya shiryar da kai

Kuma Ya same ka matalauci, sai Ya wadata ka

Saboda haka, amma maraya, to, kada ka rinjaye shi

Kuma amma mai tambaya, kada ka yi masa tsawa

Kuma amma ni'imar Ubangijinka, sai ka faɗa (domin godiya)