Hausa - Chapter 96 - Al-Alaq

Ka yi karatu da sunan Ubangijinka, wanda Ya yi halitta

Ya hahitta mutum daga gudan jini

Ka yi karatu, kuma Ubangijinka shi ne Mafi karimci

Wanda Ya sanar (da mutum) game da alƙalami

Ya sanar da mutum abin da bai sani ba

A'aha! Lalle, ne mutum haƙiƙa, yana girman kai (ya ƙi karatu)

Domin ya ga kansa, ya wadata

Lalle ne zuwa ga Ubangijinka makoma take

Shin, ka ga wanda ke hana

Bawa idan ya yi salla

Ashe, ka gani, idan (shi bawan) ya kasance a kan shiriya

Ko ya yi umurni da taƙawa

Ashe, ka gani, idan (shi mai hanin) ya ƙaryata, kuma ya juya baya

Ashe, bai sani ba cewa Allah Yana gani

A'aha! Lalle ne, idan bai hanu ba, lalle ne za Mu ja gashin makwarkwaɗa

Makwarkwaɗa maƙaryaciya, mai laifi

Sai ya kirayi ƙungiyarsa

Za Mu kirayi zabaniyawa (mala'iku masu girma)

A'aha kada ka bi shi. Kuma ka yi tawali'u,* kuma ka nemi kusanta (zuwa ga Ubangijinka)