Hindi - Chapter 33 - Al-Ahzab

ai nabee! allaah ka dar rakhana aur inakaar karanevaalon aur kapataachaariyon ka kahana na maanana. vaastab mein allaah sarvagy, tatvadarshee hai

aur anukaran karana us cheez ka jo tumhaare rab kee or se tumhen prakaashana kee ja rahee hai. nishchay hee allaah usakee khabar rakhata hai jo tum karate ho

aur allaah par bharosa rakho. aur allaah bharose ke lie kaaphee hai

allaah ne kisee vyakti ke seene mein do dil nahin rakhe. aur na usane tumhaaree un patniyon ko jinase tum zihaar kar baithate ho, vaastav mein tumhaaree maan banaaya, aur na usane tumhaare munh bole beton ko tumhaare vaastavik bete banae. ye to tumhaare munh kee baaten hai. kintu allaah sachchee baat kahata hai aur vahee maarg dikhaata hai

unhen unake baapon ka beta karakar pukaaro. allaah ke yahaan yahee adhik nyaayasangat baat hai. aur yadi tum unake baapon ko na jaanate ho, to dharm mein ve tumhaare bhaee to hai hee aur tumhaare sahachar bhee. is silasile mein tumase jo galatee huee ho usamen tumapar koee gunaah nahin, kintu jisaka sankalp tumhaare dilon ne kar liya, usakee baat aur hai. vaastav mein allaah atyant kshamaasheel, dayaavaan hai

nabee ka haq eemaanavaalon par svayan unake apane praanon se badhakar hai. aur usakee patniyon unakee maen hai. aur allaah ke vidhaan ke anusaar saamaany mominon aur muhaajiron kee apeksha naatedaar aapas mein ek-doosare se adhik nikat hai. yah aur baat hai ki tum apane saathiyon ke saath koee bhalaee karo. yah baat kitaab mein likhee huee hai

aur yaad karo jab hamane nabiyon se vachan liya, tumase bhee aur nooh aur ibaraaheem aur moosa aur marayam ke bete eesa se bhee. in sabase hamane dhrdh vachan liya

taaki vah sachche logon se unakee sachchaee ke baare mein poochhe. aur inakaar karanevaalon ke lie to usane dukhad yaatana taiyaar kar rakhee hai

ai eemaan laanevaalo! allaah kee us anukampa ko yaad karo jo tumapar huee; jabaki senaen tumapar chadh aaee to hamane unapar ek hava bhej dee aur aisee senaen bhee, jinako tumane dekha nahin. aur allaah vah sab kuchh dekhata hai jo tum karate ho

yaad karo jab ve tumhaare oopar kee or se aur tumhaare neeche kee or se bhee tumapar chadh aae, aur jab nigaahen tedhee-tirachhee ho gaee aur ur (hrday) kanth ko aa lage. aur tum allaah ke baare mein tarah-tarah ke gumaan karane lage the

us samay eemaanavaale aazamae gae aur pooree tarah hila die gae

aur jab kapataachaaree aur ve log jinake dilon mein rog hai kahane lage, "allaah aur usake rasool ne hamase jo vaada kiya tha vah to dhokha maatr tha.

aur jabaki unamen se ek giroh ne kaha, "ai yasaribavaalo, tumhaare lie thaharane ka koee mauqa nahin. atah laut chalo." aur unaka ek giroh nabee se yah kahakar (vaapas jaane kee) anumati chaah raha tha ki "hamaare ghar asurakshit hai." yadyapi ve asurakshit na the. ve to bas bhaagana chaahate the

aur yadi usake chaturdik se unapar hamala ho jaata, phir us samay unase upadrav ke lie kaha jaata, to ve aisa kar daalate aur isamen vilamb thode hee karate

yadyapi ve isase pahale allaah ko vachan de chuke the ki ve peeth na pherenge, aur allaah se kee gaee pratigya ke vishay mein to poochha jaana hee hai

kah do, "yadi tum mrtyu aur maare jaane se bhaago bhee to yah bhaagana tumhaare lie kadaapi laabhaprad na hoga. aur is haalat mein bhee tum sukh thode hee praapt kar sakoge.

kaho, "kaho hai jo tumhen allaah se bacha sakata hai, yadi vah tumhaaree koee buraee chaahe ya vah tumhaare prati dayaaluta ka iraada kare (to kaun hai jo usakee dayaaluta ko rok sake)?" ve allaah ke allaah ke alaava na apana koee nikatavartee samarthak paenge aur na (door ka) sahaayak

allaah tumamen se un logon ko bhalee-bhaanti jaanata hai jo (yuddh se) rokate hai aur apane bhaiyon se kahate hai, "hamaare paas aa jao." aur ve ladaee mein thode hee aate hai, (kyonki ve)

tumhaare saath krpanata se kaam lete hai. atah jab bhay ka samay aa jaata hai, to tum unhen dekhate ho ki ve tumhaaree or is prakaar taak rahe ki unakee aankhen chakkar kha rahee hai, jaise kisee vyakti par maut kee behoshee chha rahee ho. kintu jab bhay jaata rahata hai to ve maal ke lobh mein tez zabaane tumapar chalaate hai. aise log eemaan lae hee nahin. atah allaah ne unake karm unakee jaan ko laagoo kar die. aur yah allaah ke lie bahut saral hai

ve samajh rahe hai ki (shatru ke) sainy dal abhee gae nahin hain, aur yadi ve giroh phir aa jaen to ve chaahenge ki kisee prakaar baahar (marusthal mein) baddu on ke saath ho rahen aur vaheen se tumhaare baare mein samaachaar poochhate rahe. aur yadi ve tumhaare saath hote bhee to ladaee mein hissa thode hee lete

aur jab eemaanavaalon ne sainy dalon ko dekha to ve pukaar uthe, "yah to vahee cheez hai, jisaka allaah aur usake rasool ne hamase vaada kiya tha. aur allaah aur usake rasool ne sach kaha tha." is cheez ne unake eemaan aur aagyaakaarita hee ko badhaaya

eemaanavaalon ke roop mein aise purush maujood hai ki jo pratigya unhonne allaah se kee thee use unhonne sachcha kar dikhaaya. phir unamen se kuchh to apana pran poora kar chuke aur unamen se kuchh prateeksha mein hai. aur unhonne apanee baat tanik bhee nahin badalee

taaki isake parinaamasvaroop allaah sachchon ko unakee sachchaee ka badala de aur kapataachaariyon ko chaahe to yaatana de ya unakee tauba qabool kare. nishchay hee allaah badee kshamaasheel, dayaavaan hai

allaah ne inakaar karanevaalon ko unake apane krodh ke saath pher diya. ve koee bhalaee praapt na kar sake. allaah ne mominon ko yuddh karane se bacha liya. allaah to hai hee bada shaktivaan, prabhutvashaalee

aur kitaabavaalon mein so jin logon ne usakee sahaayata kee thee, unhen unakee gadhiyon se utaar laaya. aur unake dilon mein dhaak bitha dee ki tum ek giroh ko jaan se maarane lage aur ek giroh ko bandee banaane lage

aur usane tumhen unake bhoo-bhaag aur unake gharon aur unake maalon ka vaaris bana diya aur us bhoo-bhaag ka bhee jise tumane padadalit nahin kiya. vaastav mein allaah ko har cheez kee saamarthy praapt hai

ai nabee! apanee patni yon se kah do ki "yadi tum saansaarik jeevan aur usakee shobha chaahatee ho to aao, main tumhen kuchh de-dilaakar bhalee reeti se vida kar doon

kintu yadi tum allaah aur usake rasool aur aakhirat ke ghar ko chaahatee ho to nishchay hee allaah ne tumame se uttamakaar striyon ke lie bada pratidaan rakh chhoda hai.

ai nabee kee striyon! tumamen se jo koee pratyaksh anuchit karm kare to usake lie doharee yaatana hogee. aur yah allaah ke lie bahut saral hai

kintu tumamen se jo allaah aur usake rasool ke prati nishthaapoorvak aagyaakaarita kee neeti apanae aur achchha karm kare, use ham dohara pratidaan pradaan karenge aur usake lie hamane sammaanapoorn aajeevika taiyaar kar rakhee hai

ai nabee kee striyon! tum saamaany striyon mein se kisee kee tarah nahin ho, yadi tum allaah ka dar rakho. atah tumhaaree baaton mein loch na ho ki vah vyakti jisake dil mein rog hai, vah laalach mein pad jae. tum saamaany roop se baat karo

apane gharon mein tikakar raho aur vigat agyaanakaal kee-see saj-dhaj na dikhaatee phirana. namaaz ka aayojan karo aur zakaat do. aur allaah aur usake rasool kee aagya ka paalan karo. allaah to bas yahee chaahata hai ki ai nabee ke gharavaalo, tumase gandagee ko door rakhe aur tumhen tarah paak-saaf rakhe

tumhaare gharon mein allaah kee jo aayaten aur tatvadarshita kee baaten sunaee jaatee hai unakee charcha karatee raho. nishchay hee allaah atyant sookshmadarshee, khabar rakhanevaala hai

muslim purush aur muslim striyaan, eemaanavaale purush aur eemaanavaalee striyaan, nishthapoorvak aagyaapaalan karanevaale purush aur nishthaapoorvak aagyaapaalan karanevaalee striyaan, satyavaadee purush aur satyavaadee striyaan, dhairyavaan purush aur dhairy rakhanevaalee striyaan, vinamrata dikhaanevaale purush aur vinamrata dikhaanevaalee striyaan, sadaqa (daan) denevaale purush aur sadaqa denevaalee striyaan, roza rakhanevaale purush aur roza rakhanevaalee striyaan, apane guptaangon kee raksha karanevaale purush aur raksha karanevaalee striyaan aur allaah ko adhik yaad karanevaale purush aur yaad karanevaalee striyaan - inake lie allaah ne kshama aur bada pratidaan taiyaar kar rakha hai

na kisee eemaanavaale purush aur na kisee eemaanavaalee stree ko yah adhikaar hai ki jab allaah aur usaka rasool kisee maamale ka faisala kar den, to phir unhen apane maamale mein koee adhikaar shesh rahe. jo koee allaah aur usake rasool kee avagya kare to vah khulee gumaraahee mein pad gaya

yaad karo (ai nabee), jabaki tum us vyakti se kah rahe the jisapar allaah ne anukampa kee, aur tumane bhee jisapar anukampa kee ki "apanee patnee ko apane paas rok rakho aur allaah ka dar rakho, aur tum apane jee mein us baat ko chhipa rahe ho jisako allaah prakat karanevaala hai. tum logon se darate ho, jabaki allaah isaka zyaada haq rakhata hai ki tum usase daro." atah jab zaid usase apanee zaroorat pooree kar chuka to hamane usaka tumase vivaah kar diya, taaki eemaanavaalon par apane munh bole beton kee patniyon ke maamale mein koee tangee na rahe jabaki ve unase apanee zaroorat pooree kar len. allaah ka faisala to poora hokar hee rahata hai

nabee par us kaam mein koee tangee nahin jo allaah ne usake lie thaharaaya ho. yahee allaah ka dastoor un logon ke maamale mein bhee raha hai jo pahale guzar chuke hai - aur allaah ka kaam to jancha-tula hota hai.

jo allaah ke sandesh pahunchaate the aur usee se darate the aur allaah ke siva kisee se nahin darate the. aur hisaab lene ke lie allaah kaafee hai.

muhammad tumhaare purushon mein se kisee ke baap nahin hai, balki ve allaah ke rasool aur nabiyon ke samaapak hai. allaah ko har cheez ka poora gyaan hai

ai eemaan laanevaalo! allaah ko adhik yaad karo

aur praatahkaal aur sandhya samay usakee tasabeeh karate raho

vahee hai jo tumapar rahamat bhejata hai aur usake farishte bhee (duaen karate hai) - taaki vah tumhen andharon se prakaash kee or nikaal lae. vaastav mein, vah eemaanavaalon par bahut dayaalu hai

jis din ve usase milenge unaka abhivaadan hoga, salaam aur unake lie pratishthaamay pradaan taiyaar kar rakha hai

ai nabee! hamane tumako saakshee aur shubh soochana denevaala aur sachel karanevaala banaakar bheja hai

aur allaah kee anugya se usakee or bulaanevaala aur prakaashamaan pradeep banaakar

eemaanavaalon ko shubh soochana de do ki unake lie allaah ko or se bahut bada udaar anugrah hai

aur inakaar karanevaalon aur kapataachaariyon ke kahane mein na aana. unakee pahunchaee huee takaleef ka khayaal na karo. aur allaah par bharosa rakho. allaah isake lie kaafee hai ki apane maamale mein usapar bharosa kiya jae

ai eemaan laanevaalo! jab tum eemaan laanevaalee striyon se vivaah karo aur phir unhen haath lagaane se pahale talaaq de do to tumhaare lie unapar koee iddat nahin, jisakee tum ginatee karo. atah unhen kuchh saamaan de do aur bhalee reeti se vida kar do

ai nabee! hamane tumhaare lie tumhaaree ve patniyon vaidh kar dee hai jinake mahrak tum de chuke ho, aur un striyon ko bhee jo tumhaaree milkiyat mein aaee, jinhen allaah ne ganeemat ke roop mein tumhen dee aur tumhaaree chacha kee betiyaan aur tumhaaree phoophiyon kee betiyaan aur tumhaare maamuon kee betiyaan aur tumhaaree khaalaon kee betiyaan jinhonne tumhaare saath hijarat kee hai aur vah eemaanavaalee stree jo apane aapako nabee ke lie de de, yadi nabee usase vivaah karana chaahe. eemaanavaalon se hatakar yah keval tumhaare hee lie hai, hamen maaloom hai jo kuchh hamane unakee patniyon aur unakee laudiyon ke baare mein unapar anivaary kiya hai - taaki tumapar koee tangee na rahe. allaah bahut kshamaasheel, dayaavaan hai

tum unamen se jise chaaho apane se alag rakho aur jise chaaho apane paas rakho, aur jinako tumane alag rakha ho, unamen se kisee ke ichchhuk ho to isamen tumapar koee dosh nahin, isase is baat kee adhik sambhaavana hai ki unakee aankhen thandee rahen aur ve shokaakul na hon aur jo kuchh tum unhen do usapar ve raazee rahen. allaah jaanata hai jo kuchh tumhaare dilon mein hai. allaah sarvagy, bahut sahanasheel hai

isake pashchaat tumhaare lie doosaree striyaan vaidh nahin aur na yah ki tum unakee jagah doosaree patniyon le aao, yadyapi unaka saundary tumhen kitana hee bhae. unakee baat aur hai jo tumhaaree laundiyaan ho. vaastav mein allaah kee spasht har cheez par hai

ai eemaan laanevaalo! nabee ke gharon mein pravesh na karo, sivaay isake ki kabhee tumhen khaane par aane kee anumati dee jae. vah bhee is tarah ki usakee (khaana pakane kee) taiyaaree kee pratiksha mein na raho. alabatta jab tumhen bulaaya jae to andar jao, aur jab tum kha chuko to uthakar chale jao, baaton mein lage na raho. nishchay hee yah harakat nabee ko takaleef detee hai. kintu unhen tumase lajja aatee hai. kintu allaah sachchee baat kahane se lajja nahin karata. aur jab tum unase kuchh maangon to unase parade ke peechhe se maango. yah adhik shuddhata kee baat hai tumhaare dilon ke lie aur unake dilon ke lie bhee. tumhaare lie vaidh nahin ki tum allaah ke rasool ko takaleef pahunchao aur na yah ki usake baad kabhee usakee patniyon se vivaah karo. nishchay hee allaah kee drshti mein yah badee gambheer baat hai

tum chaahe kisee cheez ko vyakt karo ya use chhipao, allaah ko to har cheez ka gyaan hai

na unake lie apane baapon ke saamane hone mein koee dosh hai aur na apane beton, na apane bhaiyon, na apane bhateejon, na apane bhaanjo, na apane mel kee striyon aur na jinapar unhen svaamitv ka adhikaar praapt ho unake saamane hone mein. allaah ka dar rakho, nishchay hee allaah har cheez ka saakshee hai

nissandeh allaah aur usake farishte nabee par rahamat bhejate hai. ai eemaan laanevaalo, tum bhee usapar rahamat bhejo aur khoob salaam bhejo

jo log allaah aur usake rasool ko dukh pahunchaate hai, allaah ne unapar duniya aur aakhirat mein laanat kee hai aur unake lie apamaanajanak yaatana taiyaar kar rakhee hai

aur jo log eemaanavaale purushon aur eemaanavaalee striyon ko, bina isake ki unhonne kuchh kiya ho (aarop lagaakar), dukh pahunchaate hai, unhonne to bade mithyaaropan aur pratyaksh gunaah ka bojh apane oopar utha liya

ai nabee! apanee patni yon aur apanee betiyon aur eemaanavaalee striyon se kah do ki ve apane oopar apanee chaadaron ka kuchh hissa lataka liya karen. isase is baat kee adhik sambhaavana hai ki ve pahachaan lee jaen aur sataee na jaen. allaah bada kshamaasheel, dayaavaan hai

yadi kapataachaaree aur ve log jinake dilon mein rog hai aur madeena mein khalabalee paida karanevaalee afavaahen phailaane se baaz na aaen to ham tumhen unake viruddh ubhaar khada karenge. phir ve usamen tumhaare saath thoda hee rahane paenge

phitakaare hue honge. jahaan kahee pae gae pakade jaenge aur buree tarah jaan se maare jaenge

yahee allaah kee reeti rahee hai un logon ke vishay mein bhee jo pahale guzar chuke hain. aur tum allaah kee reeti mein kadaapi parivartan na paoge

log tumase qiyaamat kee ghadee ke baare mein poochhate hai. kah do, "usaka gyaan to bas allaah hee ke paas hai. tumhen kya maaloom? kadaachit vah ghadee nikat hee ho.

nishchay hee allaah ne inakaar karanevaalon par laanat kee hai aur unake lie bhadakatee aag taiyaar kar rakhee hai

jisamen ve sadaiv rahenge. na ve koee nikatavartee samarthak paenge aur na (door ka) sahaayak

jis din unake chahere aag mein ulate-palate jaenge, ve kahenge, "kya hee achchha hota ki hamane allaah ka aagyaapaalan kiya hota aur rasool ka aagyaapaalan kiya hota

ve kahenge, "ai hamaare rab! vaastav mein hamane apane saradaaron aur apane bado ka aagya ka paalan kiya aur unhonne hamen maarg se bhataka diya.

ai hamaare rab! unhen doharee yaatana de aur unapar badee laanat kar

ai eemaan laanevaalo! un logon kee tarah na ho jaana jinhonne moosa ko dukh pahunchaaya, to allaah ne usase jo kuchh unhonne kaha tha use baree kar diya. vah allaah ke yahaan bada garimaavaan tha

ai eemaan laanevaalo! allaah ka dar rakho aur baat kaho theek sadhee huee

vah tumhaare karmon ko sanvaar dega aur tumhaare gunaahon ko kshama kar dega. aur jo allaah aur usake rasool ka aagyaapaalan kare, usane badee saphalata praapt. kar lee hai

hamane amaanat ko aakaashon aur dharatee aur parvaton ke samaksh prastut kiya, kintu unhonne usake uthaane se inakaar kar diya aur usase dar gae. lekin manushy ne use utha liya. nishchay hee vah badee zaalim, aavesh ke vasheebhoot ho jaanevaala hai

taaki allaah kapataachaaree purushon aur kapataachaaree striyon aur bahudevavaadee purushon aur bahudevavaadee striyon ko yaatana de, aur eemaanavaale purushon aur eemaanavaalee striyon par allaah krpa-spasht kare. vaastav mein allaah bada kshamaasheel, dayaavaan hai