Burmese - Chapter 91 - Ash-Shams

၁။ နေနှင့်တကွ ၄င်း၏တောက်ပခြင်းကိုသော်လည်းကောင်း။

၂။ နေကို ထက်ချပ်မကွာလိုက်လာသော လကိုသော်လည်းကောင်း။

၃။ နေကို ထင်ရှားပေါ်လွင်စေသောနေ့ကိုသော်လည်းကောင်း။

၄။ နေကို ကွယ်ပျောက်စေသောညကိုသော်လည်းကောင်း။

၅။ မိုးကောင်းကင်နှင့် ၄င်းကို ဖန်ဆင်းတော်မူသောအရှင်မြတ်ကိုသော်လည်းကောင်း။

၆။ ပထဝီမြေကြီးနှင့် ၄င်းကို ခင်းကျင်းထားတော်မူသောအရှင်မြတ်ကိုသော်လည်းကောင်း။

၇။ ဝိညာဉ်နှင့် ၄င်းကို စုံလင်စေတော်မူသောအရှင်မြတ်ကိုသော်လည်းကောင်း။

၉။ အမှန်မှာ အကြင်သူသည် မိမိဝိညာဉ်ကို သန့်ရှင်းဖြူစင်စွာထားအံ့၊ ထိုသူသည် အမှန်ပင်အောင်မြင်၏။

၁၀။ အကြင်သူသည် မိမိဝိညာဉ်ကို မသန့်ရှင်း၊ ညစ်ညူးစေအံ့၊ ထိုသူသည် ဆုံးရှုံးသူအမှန်ပင်ဖြစ်အံ့။

၁၁။ (သမုဒ်)လူမျိုးတို့သည် မာန်မာနထောင်လွှားခြင်းကြောင့် တရားတော်ကို လက်မခံပယ်ရှားကြ၏။

၁၂။ ကြည့်ရှုလော့၊ သူတို့သည် မိမိတို့အထဲမှ အယုတ်မာအဆိုးသွမ်းဆုံးသောလူကို ရွေးချယ်ပြီးလျှင် အလွန်ကြောက် မက်ဖွယ်ကောင်းသည့်ဒုစရိုက်အမှုကို ပြုကျင့်ရန် ခိုင်းကြ၏။

၁၃။ အလ္လာဟ်၏ တမန်တော်က သူတို့အား အချင်းတို့၊ ဤကုလားအုတ်မသည် အလ္လာဟ်အရှင်မြတ်၏ ဘဏ္ဍာတော် ဖြစ်၏၊ ၄င်းကို ရေမသောက်စေခြင်းငှာ ပိတ်ပင်တားဆီးခြင်း မပြုလုပ်ကြလင့်ဟု မိန့်တော်မူ၏။

၁၄။ သို့သော် ထိုသူယုတ်တို့သည် မိမိတို့တမန်တော်ကို မယုံကြည်နားမထောင်ပဲ ကုလားအုတ်မ၏ ဒူးခေါက်ကြောကို လှီးဖြတ်ပစ်၏၊ ထို့ကြောင့်အလ္လာဟ်အရှင်မြတ်သည် သူတို့ကို မိမိတို့ပြစ်မှုကြောင့် စီရင်သုတ်သင်ပစ်တော်မူ၏၊ သူတို့၏ အိုးအိမ်တိုက်တာကိုလည်း ဖျက်ဆီးတော်မူ၏။

၁၅။ အရှင်မြတ်သည် ထိုပျက်စီးမှုများကို နှမြောတော်မမူချေ။