Back to LanguagesPrevious ChapterNext Chapter EnglishArabicUrduHindiTamilBengali
Nepali - Chapter 26 - Ash-Shuara
Translation by Ahl Al Hadith Central Society Of Nepal — Permalink
Verse 1 — Surah Ash-Shuara 26:1
ता–सीन्–मीम् ।
Verse 2 — Surah Ash-Shuara 26:2
यी स्पष्ट किताबका आयतहरू (श्लोकहरू) हुन् ।
Verse 3 — Surah Ash-Shuara 26:3
(हे पैगम्बर !) शायद तपाईले (यस दुःखबाट कि) यी मानिसहरूले ईमान ल्याउँदैनन् आफ्नो प्राण नै त्यागिदिनु हुनेछ ।
Verse 4 — Surah Ash-Shuara 26:4
यदि हामीले चाहेको भए उनीहरूमाथि अकाशबाट एउटा यस्तो निशानी उतार्न सक्थ्यौं । कि जसको अगाडि उनीहरूका टाउको दीनताले झुकिरहुन् ।
Verse 5 — Surah Ash-Shuara 26:5
र उनीहरूको पासमा रहमानको तर्फबाट जुन नवीन नसिहत पनि आउँछ, उनीहरू त्यसबाट विमुख हुने भइहाले ।
Verse 6 — Surah Ash-Shuara 26:6
अब जबकि उनीहरूले झूठो भनिसकेका छन् त शीघ्र नै उनीहरूले गरेको उपहासको वास्तविकता जानी हाल्नेछन् ।
Verse 7 — Surah Ash-Shuara 26:7
के उनीहरूले धरतीलाई देखेनन् कि त्यसमा कसरी हामीले सबै प्रकारका उत्तम जोडाहरू उमारेका छौं ।
Verse 8 — Surah Ash-Shuara 26:8
निश्चय नै यसमा ठूलो निशानी छ, (यसपछि पनि) उनीहरूमध्ये अधिकांश मान्नेवाला छैनन् ।
Verse 9 — Surah Ash-Shuara 26:9
र निश्चय नै तिम्रो पालनकर्ता नै हो, जो अधिपत्यशाली, अत्यन्त दयावान छ ।
Verse 10 — Surah Ash-Shuara 26:10
र जब तपाईको पालनकर्ताले ‘‘मूसालाई’’ भन्यो कि अत्याचारी मानिसहरूको पासमा जाऊ ।
Verse 11 — Surah Ash-Shuara 26:11
‘‘फिरऔनको’’ जातिबन्धुको पासमा, के यिनीहरू आत्मसंयम् अपनाउँदैनन्
Verse 12 — Surah Ash-Shuara 26:12
मूसाले भनेः कि मेरो पालनकर्ता मलाई त भय छ कि कतै यिनीहरूले मलाई झूठा नठानुन् ।
Verse 13 — Surah Ash-Shuara 26:13
र मेरो छाति उकुसमुकुस हुन्छ र मेरो बोली रोकिन्छ, तसर्थ तिमी हारूनतिर पनि सन्देश (वह्य) पठाइदेऊ ।
Verse 14 — Surah Ash-Shuara 26:14
र उनीहरूको ममाथि मेरो एउटा कसूरको दावी पनि छ, तसर्थ मलाई यो पनि भय छ कि मलाई मारिहाल्नेछन् ।
Verse 15 — Surah Ash-Shuara 26:15
अल्लाहबाट आदेश भयो कदापि यस्तो हुनेछैन तिमी दुवैजना हाम्रा निशानीहरू लिएर जाऊ, हामी तिम्रो साथमा सुन्नेवाला छौं ।
Verse 16 — Surah Ash-Shuara 26:16
(अतः) तिमी दुवै फिरऔनको पासमा जाऊ र भनः कि निश्चितरूपले हामी संसारको पालनकर्ताको तर्फबाट पठाइएका हौं ।
Verse 17 — Surah Ash-Shuara 26:17
र (यसकारण आएका हौं) कि तिमीहरू बनी इस्राईललाई हाम्रो साथमा जाने अनुमति देऊ ।
Verse 18 — Surah Ash-Shuara 26:18
फिरऔनले (मूसासित) भन्यो कि के हामीले तिमीलाई तिम्रो बाल्यकालमा आफूकहाँ पालेका थिएनौं ? र तिमीले तिम्रो जीवनका धेरै वर्ष हामीकहाँ बिताएका थिएनौ
Verse 19 — Surah Ash-Shuara 26:19
फेरि तिमीले आफ्नो त्यो काम गर्यौ जुन तिमीलाई थाहा छ । तिमी साह्रै नै कृतघ्न छौ ।
Verse 20 — Surah Ash-Shuara 26:20
(मूसाले) भनेः कि (हो) त्यो काम मैले त्यस बेला गरेको थिएँ जब म बाटो बिर्सिएकाहरूमध्येका थिएँ ।
Verse 21 — Surah Ash-Shuara 26:21
अनि जब मलाई तिम्रो भय लाग्यो त म तिमीकहाँबाट भागिहालें, अनि मेरो पालनकर्ताले मलाई आदेश र ज्ञान प्रदान गर्यो र मलाई आफ्ना सन्देशवाहकमध्येको बनायो ।
Verse 22 — Surah Ash-Shuara 26:22
के ममाथि तिम्रो यही भलाई हो जुन तिमीले देखाइरहेका छौ कि तिमीले बनि इस्राईललाई दास बनाएर राखेका छौ ।
Verse 23 — Surah Ash-Shuara 26:23
फिरऔनले भन्योः कि सारा संसारको मालिक भनेको के हो
Verse 24 — Surah Ash-Shuara 26:24
उनले भनेः कि ऊ आकाशहरू र पृथ्वी र जे जति त्यसको बीचमा छन् सबैको पालनकर्ता हो । यदि तिमी ईमानवाला छौ भने
Verse 25 — Surah Ash-Shuara 26:25
फिरऔैनले आफ्नो वरिपरिका मानिसहरूलाई भन्यो कि तिमीहरू सुनिरहेका छैनौ ।
Verse 26 — Surah Ash-Shuara 26:26
मूसाले भने कि ऊ तिम्रो र तिम्रा बाबुबाजेको पालनकर्ता हो ।
Verse 27 — Surah Ash-Shuara 26:27
फिरऔनले भन्योः कि मानिसहरू हो यो संदेष्टा (पैगम्बर) जुन तिमीहरूतिर पठाइएको छ, बिलकुल्लै पागल छ ।
Verse 28 — Surah Ash-Shuara 26:28
मूसाले भनेः कि पूर्व र पश्चिम र जे–जति यी दुवैको बीचमा छन् सबैको रब (पालनकर्ता) पनि उही हो, यदि तिमीमा बुझ्ने बुद्धि छ भने ।
Verse 29 — Surah Ash-Shuara 26:29
फिरऔनले भन्योः कि सुन यदि तिमीले म बाहेक अरु कसैलाई पूज्य बनायौ भने म तिमीलाई बन्दी बनाएर राख्छु ।
Verse 30 — Surah Ash-Shuara 26:30
मूसाले भने कि यदि म तिम्रो पासमा कुनै स्पष्ट कुरा ल्याऊँ तैपनि
Verse 31 — Surah Ash-Shuara 26:31
फिरऔनले भन्यो, यदि तिमी साँचो हौ भने त्यसलाई (ल्याएर) पेश गर ।
Verse 32 — Surah Ash-Shuara 26:32
अनि उनले (मूसाले) आफ्नो लठ्ठी त्यतिबेला (जमिनमा) फ्याँके जुन त्यतिखेरै एउटा प्रत्यक्ष अजिङ्गर बनिहाल्यो ।
Verse 33 — Surah Ash-Shuara 26:33
र आफ्नो हात जब बाहिर निकाले तब त्यतिखेरै त्यो हेर्नेहरूको अगाडि सेतो टल्कने देखिनथाल्यो ।
Verse 34 — Surah Ash-Shuara 26:34
फिरऔनले आफ्नो वरिपरिका नायकहरूसित भन्योः कि निश्चय नै यो त ठूलो जादूगर हो ।
Verse 35 — Surah Ash-Shuara 26:35
यसले चाहन्छ, कि आफ्नो जादूको शक्तिले तिमीलाई तिम्रो भूमिबाट निकालिदेओस् तसर्थ तिम्रो के विचार छ
Verse 36 — Surah Ash-Shuara 26:36
उनीहरूले भनेः कि तपाईले यसलाई र यसको भाइलाई समय दिनुस् र सबै शहरहरूमा अग्रदूतहरूलाई पठाइदिनुहोस् ।
Verse 37 — Surah Ash-Shuara 26:37
ताकि सबै प्रविण जादूगरलाई तपाईको पासमा ल्याउन् ।
Verse 38 — Surah Ash-Shuara 26:38
अनि एक निश्चित दिनको समयमा सबै जादूगरहरू एकत्रित गरिए ।
Verse 39 — Surah Ash-Shuara 26:39
र सर्वसाधारण मानिसहरूसित भनियोः कि तिमी (सबै) भेला हुनुपर्दछ ।
Verse 40 — Surah Ash-Shuara 26:40
ताकि यदि जादूगरहरू विजयी हुन्छन् भने हामी उनकै अनुयायी भइहाल्छौं ।
Verse 41 — Surah Ash-Shuara 26:41
जादुगरहरू आएर फिरऔनसित भन्न थालेः कि यदि हामी विजयी भयौं भने के हामीलाई पुरस्कार पनि प्राप्त हुनेछ
Verse 42 — Surah Ash-Shuara 26:42
पिरऔनले भन्योः, हो र निश्चय नै तिमी त्यसबेला मेरो दरबारिया मानिसहरूमध्येबाट भइहाल्नेछौ ।
Verse 43 — Surah Ash-Shuara 26:43
मूसाले उनीहरूसित (जादूगरहरूसित) भनेः कि जे कुरा फ्याँक्नु छ फ्याँक ।
Verse 44 — Surah Ash-Shuara 26:44
तब उनीहरूले आफ्नो डोरी र लठ्ठीहरू फ्याँके र भन्न थालेः कि फिरऔनको प्रतापले हामी विजयी हुनेछौं ।
Verse 45 — Surah Ash-Shuara 26:45
अनि मूसाले पनि आफ्नो लठ्ठी (भूईंमा) फ्याँके जसले ती कुराहरूलाई, जुनकि जादुगरहरूले बनाएका थिए, निल्न थाल्यो ।
Verse 46 — Surah Ash-Shuara 26:46
यो हेरेर स्वस्फूर्ति ढंगले सिज्दा (ढोग) गरे ।
Verse 47 — Surah Ash-Shuara 26:47
(र) भन्न थाले कि हामीले सारा संसारको पालनहारमाथि ईमान ल्यायौं ।
Verse 48 — Surah Ash-Shuara 26:48
अर्थात् मूसा र हारूनको पालनलहारमाथि ।
Verse 49 — Surah Ash-Shuara 26:49
फिरऔनले भन्योः, कि मेरो आज्ञा बेगैर तिमीहरूले उसमाथि ईमान ल्यायौ ? निश्चय नै यही तिमी सबैको प्रमुख नायक हो, जसले तिमीलाई जादू सिकाएको छ । तसर्थ शीघ्र नै तिमीहरूले थाहा पाइहाल्ने छौ । म शपथ लिन्छु कि म तिम्रा हात र खुट्टाहरू विपरित दिशाहरूबाट कटाइदिनेछु र तिमी सबैलाई फाँसीमा झुन्ड्याइदिनेछु ।
Verse 50 — Surah Ash-Shuara 26:50
उनीहरूले भनेः केही डर छैन । निःसंदेह हामी त आफ्नो पालनकर्तातिर नै फर्केर जानेवाला छौं ।
Verse 51 — Surah Ash-Shuara 26:51
हामीलाई मात्र यो नै आशा छः कि हाम्रो पालनकर्ता हाम्रो त्रुटिहरूलाई क्षमा गरिदिनेछ, किनभने हामीले सबभन्दा पहिला ईमान ल्यायौं ।
Verse 52 — Surah Ash-Shuara 26:52
र हामीले ‘‘मूसातिर’’ ‘‘वह्य’’ (अल्लाहको वाणी) पठायौं कि मेरा भक्तहरूलाई लिएर रातै–रात निस्किहाल, निश्चय नै तिमीलाई पछ्याइनेछ ।
Verse 53 — Surah Ash-Shuara 26:53
यसपछि फिरऔनले शहरहरूमा दूतहरू पठायो ।
Verse 54 — Surah Ash-Shuara 26:54
किन ‘‘कि यिनीहरू एकदम सानो संख्यामा छन् ।’’
Verse 55 — Surah Ash-Shuara 26:55
र यिनीहरूले हामीलाई क्रोधित पारिराखेका छन् ।
Verse 56 — Surah Ash-Shuara 26:56
र निश्चयनै हामी संख्यामा धेरै र सबै सर–सामानसहित सजग छौं ।
Verse 57 — Surah Ash-Shuara 26:57
अन्ततः हामीले उनीहरूलाई बगैंचा र पानीका श्रोतहरूबाट निष्कासित गरिदियौं ।
Verse 58 — Surah Ash-Shuara 26:58
र खजाना र राम्रा ठाउँहरूबाट पनि ।
Verse 59 — Surah Ash-Shuara 26:59
(उनीहरूको साथमा हामीले) यस्तो गर्यौं र यी सबै कुराहरूको उत्तराधिकारी हामीले बनी इस्राईलको सन्ततिलाई बनाइदियौं ।
Verse 60 — Surah Ash-Shuara 26:60
तसर्थ फिरऔनीहरूले सूर्योदय हुनासाथ तिनीहरूलाई खोज्न हिंडे ।
Verse 61 — Surah Ash-Shuara 26:61
जब दुवै समूहले एक अर्कालाई देखिहाल्यो, तब मूसाका साथीहरूले भन्नथाले कि हामी त निश्चय नै समातियौं ।
Verse 62 — Surah Ash-Shuara 26:62
मूसाले भने, कदापि होइन मेरो पालनकर्ता मेरो साथमा छ, उसले पक्कै मलाई बाटो देखाउनेछ ।
Verse 63 — Surah Ash-Shuara 26:63
त्यसबखत हामीले मूसातिर ‘‘वह्य’’ पठायौं कि आफ्नो लठ्ठीले समुद्रमाथि प्रहार गर अनि त्यसै बेला समुद्र फाटिहाल्यो र पानीको हरेक टुक्रा ठूलो पहाड जस्तो भइहाल्यो ।
Verse 64 — Surah Ash-Shuara 26:64
र हामीले अर्को समूहलाई पनि त्यहीं निकट ल्याएर उभ्याइदियौं ।
Verse 65 — Surah Ash-Shuara 26:65
र हामीले ‘‘मूसा’’ र उनको साथमा भएका सबैलाई बचाइहाल्यौं ।
Verse 66 — Surah Ash-Shuara 26:66
अनि अर्को समूहलाई डुबाइदियौं ।
Verse 67 — Surah Ash-Shuara 26:67
निःसन्देह यसमा ठूलो निशानी छ, तापनि उनीहरूमध्ये अधिकतर ईमानवाला छैनन् ।
Verse 68 — Surah Ash-Shuara 26:68
र निश्चय नै तपाईको पालनकर्ता अधिपत्यशाली, अत्यन्त दयावान छ ।
Verse 69 — Surah Ash-Shuara 26:69
र उनीहरूलाई इब्राहीम (अलैहिस्सलाम) को वृतान्त पनि सुनाइदिनुस् ।
Verse 70 — Surah Ash-Shuara 26:70
जब उनले आफ्नो पिता र आफ्नो जातिबन्धुका मानिसहरूसित भनेः कि तिमी कुन कुराको पूजा गर्दछौ
Verse 71 — Surah Ash-Shuara 26:71
उनीहरूले जवाफ दिए कि हामी मूर्तिहरूको पूजा गर्दछौं र उनीहरूको सेवामा लागिरहने छौं ।
Verse 72 — Surah Ash-Shuara 26:72
(इब्राहीमले) भनेः कि, जब तिमी उनीहरूलाई पुकार्दछौ, त के उनीहरूले तिम्रो सुन्दछन्
Verse 73 — Surah Ash-Shuara 26:73
वा तिमीलाई फाइदा दिन वा नोक्सानी पुर्याउन सक्दछन्
Verse 74 — Surah Ash-Shuara 26:74
उनीहरूले भने, (यो हामी केही जान्दैनौं) बरु हामीले आफ्ना बाबु बाजेलाई यस्तै गरेको देखेका छौं ।
Verse 75 — Surah Ash-Shuara 26:75
(इब्राहीमले) भने, के तिमीले देख्यौ कि जसलाई तिमी पूजिराखेका छौ ।
Verse 76 — Surah Ash-Shuara 26:76
तिमी पनि र तिम्रा अघिका बाबुबाजे पनि ।
Verse 77 — Surah Ash-Shuara 26:77
उनीहरू मेरा शत्रु हुन्, अल्लाह बाहेक जो ब्रह्माण्डको स्वामी हो ।
Verse 78 — Surah Ash-Shuara 26:78
जसले मलाई सृष्टि गर्यो र उसैले मलाई मार्गदर्शन गर्दछ ।
Verse 79 — Surah Ash-Shuara 26:79
उही नै हो जसले मलाई खुवाउँछ र पिलाउँछ ।
Verse 80 — Surah Ash-Shuara 26:80
र जब म विरामी पर्दछु त उसैले मलाई निको पार्छ ।
Verse 81 — Surah Ash-Shuara 26:81
र उसैले मलाई मार्नेछ (र) पुनः जीवित गर्नेछ ।
Verse 82 — Surah Ash-Shuara 26:82
र (उही नै हो) जोसित म आशा राख्दछु, कि कियामतको दिन मेरा पापहरूलाई क्षमा गर्नेछ ।
Verse 83 — Surah Ash-Shuara 26:83
हे ब्रह्माण्डको पालक ! मलाई निर्णय गर्ने शक्ति प्रदान गर र असल मानिसहरूमा शम्मिलित गर ।
Verse 84 — Surah Ash-Shuara 26:84
र पछि आउनेहरूमा पनि मेरो राम्रो चर्चा बाँकी राख ।
Verse 85 — Surah Ash-Shuara 26:85
र मलाई उपकारहरूले भरिएको जन्नत (स्वर्ग) का उत्तराधिकारीहरूमा शम्मिलित गर ।
Verse 86 — Surah Ash-Shuara 26:86
र मेरो बाबुलाई क्षमा गरिदेऊ । निश्चय नै ऊ पथभ्रष्ट मानिसहरूमध्येको थियो ।
Verse 87 — Surah Ash-Shuara 26:87
र जुन दिन मानिसहरू पुनः जीवित भई उठाइनेछन् मलाई अपमानित नगर्नु ।
Verse 88 — Surah Ash-Shuara 26:88
जुन दिन धन सम्पत्ति र सन्तानहरू कुनै काम लाग्ने छैनन् ।
Verse 89 — Surah Ash-Shuara 26:89
तर फाइदावाला उही हुनेछ जो मानिस अल्लाहको पासमा पवित्र हृदय लिई जानेछ ।
Verse 90 — Surah Ash-Shuara 26:90
र जन्नत संयमीहरूको एकदम समीपमा ल्याइनेछ ।
Verse 91 — Surah Ash-Shuara 26:91
र मार्ग विचलितहरूको लागि नर्क अगाडि ल्याइनेछ ।
Verse 92 — Surah Ash-Shuara 26:92
र उनीहरूसित सोधिनेछः कि जसलाई तिमी पूज्दथ्यो, उनीहरू कहाँ छन्
Verse 93 — Surah Ash-Shuara 26:93
अल्लाह बाहेक जो पूज्य थिए, के उनीहरू तिम्रो केही सहायता गर्नसक्दछन् ? वा कुनै बदला लिन सक्दछन्
Verse 94 — Surah Ash-Shuara 26:94
अनि तिनीहरू र सबै मार्गविचलितहरू टाउको निहुर्याई नर्कमा हालिनेछन् ।
Verse 95 — Surah Ash-Shuara 26:95
र शैतानका सेनाहरू सबै (नर्कमा जानेछन्) ।
Verse 96 — Surah Ash-Shuara 26:96
(त्यहाँ) उनीहरू एकआपसमा झगाडा गर्दै भन्नेछन् ।
Verse 97 — Surah Ash-Shuara 26:97
किः ‘‘अल्लाहको शपथ ! हामी त खुल्लारूपमा मार्गविचिलित थियौं ।’’
Verse 98 — Surah Ash-Shuara 26:98
जबकि हामीले तिमीलाई ब्रह्माण्डको पालनकर्ता अल्लाह बराबर ठान्दथ्यौं ।
Verse 99 — Surah Ash-Shuara 26:99
र हामीलाई यी अपराधीहरू बाहेक अरुले पथभ्रष्ट गरेनन् ।
Verse 100 — Surah Ash-Shuara 26:100
अब हाम्रो सिफारिश गर्नेवाला कोही छैन ।
Verse 101 — Surah Ash-Shuara 26:101
र न कोही घनिष्ट मित्र छ ।
Verse 102 — Surah Ash-Shuara 26:102
कति राम्रो हुने थियो, यदि हामीलाई (संसारमा) पुनः एक पटक जानमिल्ने भए, त हामी पक्का र सच्चा मोमिनहरूमध्येका भैहाल्थ्यौं ।
Verse 103 — Surah Ash-Shuara 26:103
यस घटनामा निश्चय नै एउटा ठूलो निशानी छ तैपनि उनीहरूमध्ये धेरैजसोले ईमान ल्याउने छैनन् ।
Verse 104 — Surah Ash-Shuara 26:104
र निःसन्देह तपाईको पालनकर्ता नै अधिपत्यशाली अत्यन्त दयावान छ ।
Verse 105 — Surah Ash-Shuara 26:105
नूहको जातिबन्धुले पनि रसूलहरूलाई झूठा भने ।
Verse 106 — Surah Ash-Shuara 26:106
जब कि उनीहरूसित उनका भाइ नूहले भनेः कि के तिमीलाई अल्लाहको डर छैन
Verse 107 — Surah Ash-Shuara 26:107
सुन म तिम्रो लागि अल्लाहको विश्वासनिय संदेष्टा हूँ ।
Verse 108 — Surah Ash-Shuara 26:108
तसर्थ तिमीहरूले अल्लाहसित डर मान्नु र मेरो भनाई मान्नु ।
Verse 109 — Surah Ash-Shuara 26:109
म यस कामको निम्ति तिमीबाट कुनै पारिश्रमिक माग्दिन । मेरो पारिश्रमिक त सम्पूर्ण संसारको पालनकर्ताको जिम्मामा छ ।
Verse 110 — Surah Ash-Shuara 26:110
अनि अल्लाहको भयराख र मेरा आदेश पालनगर ।
Verse 111 — Surah Ash-Shuara 26:111
उनीहरूले भनेः कि के हामी तिम्रो भनाई मानौं जबकि तिमीलाई मान्नेहरू अत्यन्तै नीच हुन् ।
Verse 112 — Surah Ash-Shuara 26:112
(नूहले) भनेः कि मलाई के थाहा कि उनीहरू पहिला के गर्दै आएका थिए
Verse 113 — Surah Ash-Shuara 26:113
उनीहरूको हिसाब त मेरो पालनकर्ताको जिम्मामा छ यदि तिमीमा चेतना आइदिए कति राम्रो हुने थियो ।
Verse 114 — Surah Ash-Shuara 26:114
र म मोमिनहरूलाई धपाउनेवाला होइन ।
Verse 115 — Surah Ash-Shuara 26:115
म त स्पष्टरूपले सचेत गर्नेवाला मात्र हूँ ।
Verse 116 — Surah Ash-Shuara 26:116
उनीहरूले भने कि हे ‘‘नूह’’ यदि तिमीले (आफ्नो यस कुराबाट) पछि हटेनौ भने तिमी ढुंगा हानी मारिनेमध्येका हुनेछौ ।
Verse 117 — Surah Ash-Shuara 26:117
(नूहले) भनेः कि हे मेरो पालनकर्ता ! मेरो जातिबन्धुले त मलाई असत्य भनिदियो ।
Verse 118 — Surah Ash-Shuara 26:118
तसर्थ तिमीले मेरो र उनीहरूको बीचमा कुनै स्पष्ट निर्णय गरिदेऊ र मलाई र जुन मोमिन मेरो साथमा छन्, उनीहरूलाई बचाइहाल ।
Verse 119 — Surah Ash-Shuara 26:119
अतः हामीले उनलाई र उनका साथीहरूलाई भरेको डुङ्गामा सवार गराएर बचाइहाल्यौं ।
Verse 120 — Surah Ash-Shuara 26:120
तत्पश्चात शेष सबै मानिसहरूलाई हामीले डुबाइदियौं ।
Verse 121 — Surah Ash-Shuara 26:121
निःसन्देह यसमा ठूलो निशानी छ । तापनि यिनीहरूमध्ये अधिकतर ईमान ल्याउनेवाला थिएनन् ।
Verse 122 — Surah Ash-Shuara 26:122
र निःसन्देह तिम्रो रब सर्वशक्ति सम्पन्न (र) अत्यन्त दयावान छ ।
Verse 123 — Surah Ash-Shuara 26:123
आदको समुदायले पनि संदेष्टाहरूलाई झूठा भने ।
Verse 124 — Surah Ash-Shuara 26:124
जबकि उनीसित उनको भाइ ‘‘हूदले’’ भनेः, के तिमी (अल्लाहबाट) डराउँदैनौ
Verse 125 — Surah Ash-Shuara 26:125
म त तिम्रो ईमानदार संदेष्टा (पैगम्बर) हूँ ।
Verse 126 — Surah Ash-Shuara 26:126
तसर्थ अल्लाहसित भयगर र मेरो भनाई मान ।
Verse 127 — Surah Ash-Shuara 26:127
र म यसको तिमीबाट कुनै पारिश्रमिक माँग्दिन । मेरो बदला त विश्वको पालनकर्ताको जिम्मामा छ ।
Verse 128 — Surah Ash-Shuara 26:128
के तिमीले प्रत्येक उच्च स्थानमा खेल तमाशाको लागि व्यर्थ एउटा स्मारकको निर्माण गर्दैछौ
Verse 129 — Surah Ash-Shuara 26:129
र ठूलो कारीगरीवाला भव्य महल बनाइरहन्छौ, लाग्दछ तिमीले सधैं यहीं बसिरहनुछ ।
Verse 130 — Surah Ash-Shuara 26:130
र जब कसैलाई समात्छौ त पूर्ण अत्याचारी तरिकाले समात्छौ ।
Verse 131 — Surah Ash-Shuara 26:131
त्यसर्थ अल्लाहसित डर र मेरो आज्ञापालन गर ।
Verse 132 — Surah Ash-Shuara 26:132
र उससित, तर्स जसले तिमीलाई ती कुराहरूद्वारा सहायता गर्यो, जसलाई तिमी जान्दछौ ।
Verse 133 — Surah Ash-Shuara 26:133
उसले तिमीलाई पशु र सन्तानहरूबाट मद्दत गर्यो ।
Verse 134 — Surah Ash-Shuara 26:134
र बगैंचाहरूबाट र श्रोतहरूबाट ।
Verse 135 — Surah Ash-Shuara 26:135
मलाई तिम्रो बारेमा एउटा ठूलो दिनको यातनाको भय छ ।
Verse 136 — Surah Ash-Shuara 26:136
उनीहरूले भन्न थालेः कि हामीलाई उपदेश गर वा नगर, बराबर छ ।
Verse 137 — Surah Ash-Shuara 26:137
यो त मात्र पहिलाका मानिसहरूको चल्दै आएको रीति हो ।
Verse 138 — Surah Ash-Shuara 26:138
र हामीलाई कहिले पनि यातना दिइनेछैन ।
Verse 139 — Surah Ash-Shuara 26:139
उनीहरूले ‘‘हूदलाई’’ असत्य भने, त हामीले उनीहरूलाई नष्ट गरिहाल्यौं । निःसन्देह यसमा निशानी छ र यिनीहरूमध्ये अधिकांश ईमानवाला थिएनन् ।
Verse 140 — Surah Ash-Shuara 26:140
निःसंदेह तपाईको पालनकर्ता उही हो सर्वशक्ति सम्पन्न अत्यन्त दयावान ।
Verse 141 — Surah Ash-Shuara 26:141
समूदको समुदायले पनि रसूलहरूलाई असत्य भने ।
Verse 142 — Surah Ash-Shuara 26:142
(जबकि) उनीसित उनको भाइ ‘‘सालेहले’’ भने कि तिमीहरू अल्लाहसँग डराउँदैनौ
Verse 143 — Surah Ash-Shuara 26:143
निःसंदेह म त तिम्रोलागि अल्लाहको विश्वसनीय पैगम्बर (दूत) हूँ ।
Verse 144 — Surah Ash-Shuara 26:144
अतः तिमी अल्लाहसित डर र मेरो कुरा मान ।
Verse 145 — Surah Ash-Shuara 26:145
(र) म यस कामको लागि तिमीसित कुनै प्रतिफल माँग्दैन । मेरो प्रतिफल त सम्पूर्ण जगतको स्वामीको जिम्मामा छ ।
Verse 146 — Surah Ash-Shuara 26:146
के जुन कुराहरू यहाँ उपलब्ध छन्, त्यसमा तिमी निश्चिंत छोडिदिइनेछौ
Verse 147 — Surah Ash-Shuara 26:147
(अर्थात) बगैंचा र श्रोतहरूमा ।
Verse 148 — Surah Ash-Shuara 26:148
र खेती र यी खजूरका बगैचाहरू जसको झुप्पाहरू ताजा र कोमल हुन्छन् ।
Verse 149 — Surah Ash-Shuara 26:149
र तिमीले पहाडहरूलाई काटी सुन्दर घर बनाउँदैछौ ।
Verse 150 — Surah Ash-Shuara 26:150
तसर्थ अल्लाहसित डर र मैले भनेको मान ।
Verse 151 — Surah Ash-Shuara 26:151
र सीमाउल्लघंन गर्नेहरूको कुरा नमान ।
Verse 152 — Surah Ash-Shuara 26:152
जो देशमा दंगा फसाद मचाउँछन् र सुधार गर्दैनन् ।
Verse 153 — Surah Ash-Shuara 26:153
उनीहरूले भने कि तिमी त जादूले मोहित पारिएकामध्येबाट हौ ।
Verse 154 — Surah Ash-Shuara 26:154
तिमी त हामी जस्तै मानिस हौ । यदि तिमी साँचो हौ भने कुनै चमत्कार प्रस्तुत गर ।
Verse 155 — Surah Ash-Shuara 26:155
(सालेहले) भने (हेर) यो ऊँटनी हो, एक दिन यसको पानी पिउने पालो हो, र एक निश्चित दिन पानी लिने पालो तिम्रो हो ।
Verse 156 — Surah Ash-Shuara 26:156
खबरदार यसलाई कुनै कष्ट नपुर्याउनु, अन्यथा तिमीलाई एकबडो दिनको यातनाले समात्ने छ ।
Verse 157 — Surah Ash-Shuara 26:157
तैपनि उनीहरूले त्यसको घुँडा काटिदिए, अनि पछि लज्जित भए ।
Verse 158 — Surah Ash-Shuara 26:158
तसर्थ उनलाई यातनाले समातिहाल्यो । निःसन्देह यसमा निशानी छ र यिनीहरूमध्ये अधिकांश ईमानवाला थिएनन् ।
Verse 159 — Surah Ash-Shuara 26:159
र निःसंदेह तपाईको पालनकर्ता सर्वशक्ति सम्पन्न र अत्यन्त दयावान छ ।
Verse 160 — Surah Ash-Shuara 26:160
‘‘लूतको’’ जातिबन्धुले पनि रसूलहरूलाई असत्य भने ।
Verse 161 — Surah Ash-Shuara 26:161
(जब) उनीहरूसित उनका भाइ ‘‘लूतले’’ भने कि तिमी अल्लाहसित किन डराउँदैनौ
Verse 162 — Surah Ash-Shuara 26:162
निःसंदेह म तिम्रो लागि विश्वसनीय रसूल हूँ ।
Verse 163 — Surah Ash-Shuara 26:163
तसर्थ तिमी अल्लाहसित डर र मेरो भनाई मान ।
Verse 164 — Surah Ash-Shuara 26:164
र म तिमीसित यसको प्रतिफल माँग्दिन । मेरो प्रतिफल त विश्वको पालनकर्ताको जिम्मामा छ ।
Verse 165 — Surah Ash-Shuara 26:165
के संसारमा तिमी यस्ता हौ जो पुरुषसंग व्यभिचार (गुदामैथुन) गर्दछौ
Verse 166 — Surah Ash-Shuara 26:166
र तिम्रो पालनकर्ताले तिम्रो निम्ति जुन महिलाहरूलाई तिम्रो पत्नीहरू बनाएको छ, उनीहरूलाई परित्याग गरिदिन्छौ । सत्य कुरा त यो हो कि तिमी सीमाउल्लघंन गर्नेवालाहरू नै हौ ।
Verse 167 — Surah Ash-Shuara 26:167
उनीहरूले जवाफ दिए कि हे ‘‘लूत’’! यदि तिमी मान्ने छैनौ भने देश निकाला गरिनेछौ ।
Verse 168 — Surah Ash-Shuara 26:168
उनले भने कि म तिमीहरूको कामबाट अत्यन्त अप्रसन्न छु ।
Verse 169 — Surah Ash-Shuara 26:169
हे मेरो पालनकर्ता ! मलाई र मेरो परिवारलाई (मान्नेवालाहरूलाई) जुन काम यिनीहरूले गर्दछन्, त्यसको परिणामबाट बचाऊ ।
Verse 170 — Surah Ash-Shuara 26:170
तसर्थ हामीले उनलाई र उनका साथदिने सबैलाई बचायौं ।
Verse 171 — Surah Ash-Shuara 26:171
तर एउटी बृद्धा (बाहेक) जुन पछि रहनेहरूमध्येकी थिई ।
Verse 172 — Surah Ash-Shuara 26:172
त्यस उपरान्त हामीले अरु सबैलाई नष्ट गरिहाल्यौं ।
Verse 173 — Surah Ash-Shuara 26:173
र हामीले उनीहरूमाथि एउटा विशेष प्रकारको वर्षा गरायौं, जुन वर्षा अत्यन्त नराम्रो थियो र ती चेताइएका मानिसहरूमाथि पर्यो ।
Verse 174 — Surah Ash-Shuara 26:174
यो घटना पनि पूरै निशानी छ र उनीहरूमध्ये पनि अधिकांश ईमान ल्याउनेवाला थिएनन् ।
Verse 175 — Surah Ash-Shuara 26:175
र निःसंन्देह तिम्रो पालनकर्ता उही हो अधिपत्यशाली र अत्यन्त दयावान
Verse 176 — Surah Ash-Shuara 26:176
‘‘एैकाः’’ वालाले (वनमा बस्नेहरूले) पनि रसूलहरूलाई झूठा भने ।
Verse 177 — Surah Ash-Shuara 26:177
जब कि उनीसित ‘‘शुऐबले’’ भनेः कि तिमी किन डराउँदैनौ ।
Verse 178 — Surah Ash-Shuara 26:178
निःसंन्देह म त तिम्रो लागि विश्वसनीय पैगम्बर हूँ ।
Verse 179 — Surah Ash-Shuara 26:179
तसर्थ अल्लाहसित डर र मेरो भनाई मान ।
Verse 180 — Surah Ash-Shuara 26:180
र म यस (काम) को तिमीसित कुनै प्रतिफल माँग्दिन । मेरो प्रतिफल त संसारको पालनकर्ताको जिम्मामा छ ।
Verse 181 — Surah Ash-Shuara 26:181
(हेर) नापतौल पूरा गर्नेगर र कम दिनेहरूमा शम्मिलित नहोऊ ।
Verse 182 — Surah Ash-Shuara 26:182
र तराजु सिधा पारेर ठीक ढंगले तौल्नेगर ।
Verse 183 — Surah Ash-Shuara 26:183
र मानिसहरूलाई उनका चीजहरू कम पारेर नदेऊ र धरतीमा उत्पात मच्चाउँदै नहिंड ।
Verse 184 — Surah Ash-Shuara 26:184
उस अल्लाहसित डराऊ जसले तिमीलाई र अघिका पुस्ताहरूलाई सृष्टि गरेको हो ।
Verse 185 — Surah Ash-Shuara 26:185
उनीहरूले भनेः कि तिमी त जादू गरिएकाहरूमध्येका हौ ।
Verse 186 — Surah Ash-Shuara 26:186
र तिमी त हामी जस्तै एउटा मानिस हौ र हाम्रो विचारमा तिमी झूठो हौ ।
Verse 187 — Surah Ash-Shuara 26:187
यदि तिमी साँचो हौ भने हामीमाथि आकाशको (एउटा) टुक्रा खसाल ।
Verse 188 — Surah Ash-Shuara 26:188
(शुऐबले) भने कि, जुन काम तिमीले गर्दछौ, मेरो पालनकर्ता त्यसलाई राम्ररी जान्दछ ।
Verse 189 — Surah Ash-Shuara 26:189
किन भने उनीहरू उनलाई झूठा भनिहाले । त्यसकारण छायाँवाला दिनको यातनाले उनीहरूलाई समातिहाल्यो । निश्चय नै त्यो ठूलो (दिनको) यातना थियो ।
Verse 190 — Surah Ash-Shuara 26:190
निःसन्देह यसमा ठूलो निशानी छ तर यिनीहरूमध्ये धेरै ईमानवाला थिएनन् ।
Verse 191 — Surah Ash-Shuara 26:191
र निश्चय नै तिम्रो पालनकर्ता त उही हो अधिपत्यशाली र अत्यन्त दयावाला ।
Verse 192 — Surah Ash-Shuara 26:192
र कुनै शंका र संदेह बिना यो (कुरआन) संसारको पालनहारद्वारा उतारिएको हो ।
Verse 193 — Surah Ash-Shuara 26:193
यसलाई विश्वसनीय फरिश्ताले लिएर आएको हो ।
Verse 194 — Surah Ash-Shuara 26:194
तपाईको हृदयमा उतारियो ताकि तपाई (मानिसहरूलाई) सावधान गर्नेहरूमध्येको भइहाल्नुस् ।
Verse 195 — Surah Ash-Shuara 26:195
(र) स्पष्ट अरबी भाषामा छ ।
Verse 196 — Surah Ash-Shuara 26:196
र यस किताबको चर्चा अगाडिका संदेष्टाहरूको किताबमा पनि गरिएको छ ।
Verse 197 — Surah Ash-Shuara 26:197
के उनीहरूको लागि यो निशानी पर्याप्त छैन, कि कुरआनको सच्चाईलाई इज्राईलका विद्वानहरू पनि जान्दछन् ।
Verse 198 — Surah Ash-Shuara 26:198
र यदि हामीले यसलाई अरबी भाषा बाहेक अरु कुनै भाषाभाषीमाथि अवतरण गरेको भए ।
Verse 199 — Surah Ash-Shuara 26:199
र उसले यिनीहरूलाई त्यो पढेर सुनाउँदा यिनीहरूले यसलाई मान्दैनथे ।
Verse 200 — Surah Ash-Shuara 26:200
यसै प्रकार हामीले अपराधीहरूका हृदयमा त्यस इन्कारीलाई बसालिदियौं ।
Verse 201 — Surah Ash-Shuara 26:201
र उनीहरूले जबसम्म कष्टदायी यातना देख्दैनन् ईमान ल्याउने छैनन् ।
Verse 202 — Surah Ash-Shuara 26:202
त्यो कष्ट उनीहरूमाथि एक्कासी आइपर्नेछ र उनीहरूलाई थाहा पनि हुनेछैन ।
Verse 203 — Surah Ash-Shuara 26:203
त्यो बेला भन्नेछन्ः के हामीले केही मोहलत पाउनेछौं
Verse 204 — Surah Ash-Shuara 26:204
त के उनीहरूले हाम्रो यातनालाई शीघ्र चाहिराखेका छन्
Verse 205 — Surah Ash-Shuara 26:205
अच्छा, यो पनि बताऊ कि यदि हामीले उनीहरूलाई वर्षौसम्म फाइदा उठाउन दियौं ।
Verse 206 — Surah Ash-Shuara 26:206
तै पनि उनीमाथि त्यो यातना आइपुग्यो, जसको बारेमा उनीहरूलाई वाचा गरिन्थ्यो ।
Verse 207 — Surah Ash-Shuara 26:207
तसर्थ जुन फाइदा यिनीहरूले लिइराखेका थिए, उनीहरूलाई केही काम आउनेछैन
Verse 208 — Surah Ash-Shuara 26:208
र हामी कुनै बस्ती नष्ट गरेनौ तर त्यसको निम्ति सावधान गर्नेवालाहरू पठाउने गरेका थियौं ।
Verse 209 — Surah Ash-Shuara 26:209
सावधान गराइदिनुको लागि, र हामी अत्याचारी होइनौं ।
Verse 210 — Surah Ash-Shuara 26:210
यस कुरआनलाई शैतानहरूले लिएर अवतरित भएका होइनन् ।
Verse 211 — Surah Ash-Shuara 26:211
उनीहरू न यसकामको लागि योग्य छन् र न उनीहरू यसको क्षमता राख्दछन् ।
Verse 212 — Surah Ash-Shuara 26:212
बरु उनीहरू त यसलाई सुन्नेबाट पनि बञ्चित गरिएका छन् ।
Verse 213 — Surah Ash-Shuara 26:213
तसर्थ तिमीले अल्लाह बाहेक कुनै अरु पूज्यलाई नपुर्कानु, अन्यथा तिमी पनि यातना पाउनेमध्येका हुनेछौ ।
Verse 214 — Surah Ash-Shuara 26:214
र आफ्ना नजिकका आफन्तहरूलाई सावधान गरिदिनु ।
Verse 215 — Surah Ash-Shuara 26:215
ईमान ल्याएर तपाईको अनुयायी भइसकेकाहरूसित नम्रतापुर्वक व्यवहार गर्नु ।
Verse 216 — Surah Ash-Shuara 26:216
यदि यी मानिसहरूले तपाईको अवज्ञा गर्दछन् भने भनिदिनुस् कि मेरो तिम्रो कर्महरूसित कुनै सरोकार छैन ।
Verse 217 — Surah Ash-Shuara 26:217
आफ्नो सम्पर्ण भरोसा सर्वशक्ति सम्पन्न (र) दयावान अल्लाहमाथि गर ।
Verse 218 — Surah Ash-Shuara 26:218
जसले तिमीलाई देखिरहन्छ (तहज्जुदको बेला) जब तिमी उठ्दछौ ।
Verse 219 — Surah Ash-Shuara 26:219
र सिज्दा गर्नेहरूमा तिम्रो आवत जावतलाई पनि ।
Verse 220 — Surah Ash-Shuara 26:220
ऊ सबै सुन्नेवाला जान्नेवाला छ ।
Verse 221 — Surah Ash-Shuara 26:221
के मैले तिमीलाई भनू“ कि शैतानहरू कसमाथि ओर्लन्छन्
Verse 222 — Surah Ash-Shuara 26:222
तिनीहरू प्रत्येक झूठा अपराधीमाथि ओर्लन्छन् ।
Verse 223 — Surah Ash-Shuara 26:223
जसले सुनेको कुरा भन्छन् र उनीहरूमध्ये अधिकांश झूठा छन् ।
Verse 224 — Surah Ash-Shuara 26:224
कविहरूको अनुशरण त मार्गविचलित मानिसहरूले नै गर्ने गर्दछन् ।
Verse 225 — Surah Ash-Shuara 26:225
के तपाईले देख्नु भएन कि उनीहरू हरेक क्षेत्रमा बहकिरहन्छन् ।
Verse 226 — Surah Ash-Shuara 26:226
र उनीहरू भन्दछन् त्यो कुरा, जुन गर्दैनन् ।
Verse 227 — Surah Ash-Shuara 26:227
ती मानिसहरू बाहेक जसले ईमान ल्याए र असल काम गरे र अल्लाहलाई धेरै स्मरण गरे । र आफूमाथि अत्याचार भएपछि प्रतिकार गरे, अत्याचारीहरूले शीघ्र नै थाहा पाउनेछन् कि कतातिर फर्कनु पर्नेछ ।