Back to LanguagesPrevious ChapterNext Chapter EnglishArabicUrduHindiTamilBengali
Nepali - Chapter 37 - As-Saffat
Translation by Ahl Al Hadith Central Society Of Nepal — Permalink
Verse 1 — Surah As-Saffat 37:1
कसम छ पंक्ति बाँध्नेवालाहरूको ।
Verse 2 — Surah As-Saffat 37:2
फेरि बलियोरूपले हप्काउनेवालाहरूको ।
Verse 3 — Surah As-Saffat 37:3
अनि कुरआन पढ्नेवालाहरूको ।
Verse 4 — Surah As-Saffat 37:4
निःसन्देह तिमीहरू सबैको पूज्य एउटै छ ।
Verse 5 — Surah As-Saffat 37:5
आकाशहरू र धरती र जे–जति कुराहरू यिनमा छन्, सबैको र सम्पुर्ण पूर्वी दिशाहरूको मालिक पनि उही हो ।
Verse 6 — Surah As-Saffat 37:6
हामीले संसारीय आकाशलाई ताराहरूबाट सुसज्जित गर्यौं ।
Verse 7 — Surah As-Saffat 37:7
अट्टेरी शैतानबाट सुरक्षित राख्नको निम्ति ।
Verse 8 — Surah As-Saffat 37:8
माथिका फरिश्ताहरूको कुरा सुन्नको लागि तिनीहरूले कान लगाउन सक्तैनन् । अपितु सबैतिरबाट तिनीहरू मारिन्छन् ।
Verse 9 — Surah As-Saffat 37:9
र (त्यहाँबाट) धपाइनुलाई । उनीहरूको निम्ति स्थाई यातना छ ।
Verse 10 — Surah As-Saffat 37:10
हो, कसैले (स्वर्गदूतको कुरालाई) यदि केही सुनिहाल्छ भने तुरुन्तै प्रज्वलित आगोको डल्लोले उसलाई पछ्याउँछ ।
Verse 11 — Surah As-Saffat 37:11
यी काफिरहरूसँग सोध कि के उनीहरूको सृष्टि गर्ने काम अधिक कठिन छ, वा ती अन्य कुराहरूको, जसलाई हामीले सृष्टि गरेका छौं । हामीले उनीहरूको सृष्टि (मानिसको) लेसिलो माटोले गर्यौं ।
Verse 12 — Surah As-Saffat 37:12
बरु तिमी त आश्चर्यमा छौ र उनीहरू उपहास गरिराखेका छन् ।
Verse 13 — Surah As-Saffat 37:13
र जब उनीहरूलाई उपदेश गरिन्छ त उनीहरूले मान्दैनन् ।
Verse 14 — Surah As-Saffat 37:14
र जब कुनै निशानी (चमत्कार) देख्दछन् त खिल्ली उडाउँछन् ।
Verse 15 — Surah As-Saffat 37:15
र भन्दछन् : ‘‘यो त मात्र एउटा प्रत्यक्ष जादू हो ।’’
Verse 16 — Surah As-Saffat 37:16
के जब हामीहरू मरिसकेका हुनेछौं र माटो र हड्डीको रूपमा परिणत हुनेछौं त के फेरि साँच्चै हामी उठाइनेछौं
Verse 17 — Surah As-Saffat 37:17
‘‘के हामीभन्दा पहिलाका हाम्रा बाबु बाजे पनि ?’’
Verse 18 — Surah As-Saffat 37:18
तपार्इं भनिदिनुस् कि ‘‘हो ! र तिमी अपमानित पनि हुनेछौ ।’’
Verse 19 — Surah As-Saffat 37:19
त्यो त एउटा ठूलो आवाज हुनेछ । कि यिनीहरू त्यसबेला एक्कासी देख्न थाल्नेछन् ।
Verse 20 — Surah As-Saffat 37:20
र भन्नेछन्ः ‘‘अफसोच छ हामीलाई । यही नै प्रतिफलको दिन हो ।’’
Verse 21 — Surah As-Saffat 37:21
यो नै निर्णयको दिन हो, जसलाई तिमीले झूठा ठान्दथ्यौ ।
Verse 22 — Surah As-Saffat 37:22
अत्याचार गर्नेहरूलाई र उनका साथीहरूलाई र अल्लाह बाहेक जसका उनीहरूले पूजा गर्दथे ।
Verse 23 — Surah As-Saffat 37:23
उनीहरू सबैलाई जम्मा गरेर नर्कको बाटो देखाइदेऊ ।
Verse 24 — Surah As-Saffat 37:24
र उनीहरूलाई रोकिराख, किनभने उनीहरूसित केही जरूरी प्रश्नहरू सोध्नुछ ।
Verse 25 — Surah As-Saffat 37:25
‘‘तिमीहरूलाई के भएको छ कि यस बेला एक अर्काको सहायता गर्दैनौ ?’’
Verse 26 — Surah As-Saffat 37:26
बरु आज त उनीहरू सबै आज्ञाकारी बनेका छन् ।
Verse 27 — Surah As-Saffat 37:27
तिनीहरू एक–अर्कातिर फर्केर सवाल र जवाफ गर्नेछन् ।
Verse 28 — Surah As-Saffat 37:28
भन्नेछन्ः ‘‘तिमी त हाम्रो पासमा हाम्रो दायाँ तिरबाट आउँदथ्यौ ।’’
Verse 29 — Surah As-Saffat 37:29
उनीहरूले भन्नेछन्ः होइन ‘‘बरु, तिमी नै ईमानवाला थिएनौ ।
Verse 30 — Surah As-Saffat 37:30
र हाम्रो तिमीमाथि कुनै अधिकार त थिएन, बरु तिमीहरू अट्टेरी थियौ ।
Verse 31 — Surah As-Saffat 37:31
अब त हाम्रो सम्बन्धमा हाम्रो पालनकर्ताको यो कुरा पूरा भइहाल्यो कि अब हामी सजायको स्वाद चाख्नेछौं ।
Verse 32 — Surah As-Saffat 37:32
अतः हामीले तिमीलाई पनि पथभ्रष्ट गर्यौं । हामी त स्वयं पनि मार्गविचलित नै थियौं ।’’
Verse 33 — Surah As-Saffat 37:33
अतः उनी सबै त्यसदिन सजायमा एक अर्काको सहभागी हुनेछन् ।
Verse 34 — Surah As-Saffat 37:34
हामीले अपराधीहरूसित यस्तै गर्ने गर्दछौं ।
Verse 35 — Surah As-Saffat 37:35
उनीहरूको यो अवस्था थियो कि जब उनीहरूसित भनिन्थ्योः ‘‘कि अल्लाह बाहेक कोही सत्य उपास्य छैन’’ तब तिनीहरू अवज्ञा गर्दथे ।
Verse 36 — Surah As-Saffat 37:36
र भन्दथेः ‘‘के हामीले एउटा उन्मादी कविले भन्दैमा आफ्ना उपास्यहरूलाई छाडिदेऔं ?’’
Verse 37 — Surah As-Saffat 37:37
‘‘होइन, बरु नबीले सत्य (धर्म) लिएर आएका छन् र (अघिका) रसूलहरूलाई सच्चा भन्दछन् ।
Verse 38 — Surah As-Saffat 37:38
निश्चय नै तिमी दुःखद यातनाको स्वाद चाख्नेछौ ।
Verse 39 — Surah As-Saffat 37:39
तिमीलाई त्यसैको प्रतिफल दिइनेछ जुन तिमीले गर्ने गर्दथ्यौ ।’’
Verse 40 — Surah As-Saffat 37:40
तर जो अल्लाहका विशेष बन्दाहरू (भक्तहरू) छन् ।
Verse 41 — Surah As-Saffat 37:41
उनीहरूको लागि अल्लाहद्वारा जीविका निर्धारित छ ।
Verse 42 — Surah As-Saffat 37:42
हर प्रकारका फलफूल र गौरव र मर्यादाले उनको आदर गरिनेछ ।
Verse 43 — Surah As-Saffat 37:43
अनुकम्पाले भरिएका जन्नतहरूमा
Verse 44 — Surah As-Saffat 37:44
पलंगहरूमा आमुन्ने–सामुन्ने विराजमान हुनेछन्
Verse 45 — Surah As-Saffat 37:45
उनीहरूको माझमा विशुद्ध पेयको पात्र घुमाइनेछ
Verse 46 — Surah As-Saffat 37:46
जुन कि सफा र पिउनेहरूको लागि सर्वथा सुस्वादक हुनेछ ।
Verse 47 — Surah As-Saffat 37:47
न त्यसबाट टाउको दुख्नेछ र न त्यसबाट मानिस नशामा बहकनेछन्
Verse 48 — Surah As-Saffat 37:48
र उनीहरूको पासमा अप्सराहरू हुनेछिन् जसको आँखा तल झुकेको र ठूला–ठूला हुनेछन् ।
Verse 49 — Surah As-Saffat 37:49
मानौं उनीहरू सुरक्षित अण्डाहरू हुन् ।
Verse 50 — Surah As-Saffat 37:50
अनि उनीहरूले एक–अर्कातिर मुख फर्काएर प्रश्न गर्नेछन् ।
Verse 51 — Surah As-Saffat 37:51
उनीहरूमध्येबाट एउटाले भन्नेछः कि ‘‘मेरो एउटा साथी थियो ।
Verse 52 — Surah As-Saffat 37:52
जसले भन्दथ्यो, कि के तिमी पनि (कयामतलाई) मानिलिनेवालामध्येका हौ
Verse 53 — Surah As-Saffat 37:53
के जब हामी मरेर माटो र हड्डीमा परिणत भइसक्ने छौं तब के हामीलाई प्रतिफल प्राप्त हुनेछ ?’’
Verse 54 — Surah As-Saffat 37:54
(अनि) भन्नेछः ‘‘कि के तिमी उसलाई चियाएर हेर्न चाहन्छौ ?’’
Verse 55 — Surah As-Saffat 37:55
(यसैबीच) त्यसले (स्वयम्) चियाउने छ, त उसलाई नर्कको माझमा (जलीरहेको) देख्नेछ ।
Verse 56 — Surah As-Saffat 37:56
भन्नेछः कि, ‘‘अल्लाहको कसम ! तिमीले त मलाई बरबादै पार्ने थियौ ।
Verse 57 — Surah As-Saffat 37:57
यदि मेरो पालनकर्ताको कृपा नभएको भए त म पनि उनीहरूमध्येकै हुन्थें जो नर्कमा उपस्थित गराइएका छन् ।
Verse 58 — Surah As-Saffat 37:58
के (यो साँचो हो कि) हामी अब मर्नेछैनौं
Verse 59 — Surah As-Saffat 37:59
पहिलो पटक मर्नु बाहेक । र हामीलाई यातना पनि हुनेवाला छैन’’
Verse 60 — Surah As-Saffat 37:60
अनि त स्पष्ट छ कि निःसन्देह यो ठूलो सफलता हो ।
Verse 61 — Surah As-Saffat 37:61
यस्तो (सफलताहरू) को लागि कर्म गर्नेहरूले कर्म गर्नुपर्दछ ।
Verse 62 — Surah As-Saffat 37:62
के यो आतिथ्य राम्रो छ वा थूहर (सिउँडी) को वृक्ष
Verse 63 — Surah As-Saffat 37:63
हामीले त्यस बृक्षलाई अत्याचारीहरूको निम्ति कष्टदायक परीक्षा बनाएका छौं ।
Verse 64 — Surah As-Saffat 37:64
निःसंदेह त्यो एउटा रुख हो जो जहन्नमको (नर्कको) तल्लो भाग (जरा) बाट उम्रने छ ।
Verse 65 — Surah As-Saffat 37:65
त्यसका हाँगाहरू शैतानका टाउकोहरू जस्ता हुन्छन् ।
Verse 66 — Surah As-Saffat 37:66
नर्कवालाहरू उसैबाट खान्छन् र उसैबाट पेट भर्नेछन् ।
Verse 67 — Surah As-Saffat 37:67
अनि त्यस (खाना) को साथमा उनलाई तातो पानी मिसाएर दिइनेछ ।
Verse 68 — Surah As-Saffat 37:68
अनि उनीहरूलाई नर्क (आगोको ढिस्को) तिर फर्काइनेछ ।
Verse 69 — Surah As-Saffat 37:69
निश्चित मान्नुस् उनीहरूले आफ्ना बाबु–बाजेहरूलाई मार्गविचलित नै पाए ।
Verse 70 — Surah As-Saffat 37:70
रः उनीहरू तिनीहरूकै पदचिन्हमा दगुरिराखेका छन् ।
Verse 71 — Surah As-Saffat 37:71
उनीहरूभन्दा पहिला पनि धेरै मानिसहरू मार्गविचलित भइसकेका छन् ।
Verse 72 — Surah As-Saffat 37:72
जसमा हामीले उनीहरूको माझमा सचेत गर्नेवाला (रसूल) पठाएका थियौं ।
Verse 73 — Surah As-Saffat 37:73
तसर्थ हेरिहाल कि जसलाई सचेत गरिएको थियो, उनीहरूको परिणाम कस्तो भयो
Verse 74 — Surah As-Saffat 37:74
हो, अल्लाहका विशिष्ट दासहरू बाहेक (उनको परिणाम धेरै राम्रो भयो)।
Verse 75 — Surah As-Saffat 37:75
र हामीलाई ‘‘नूहले’’ पुकारे, त हेर हामी कस्तो राम्ररी याचना स्वीकार गर्नेवाला हौं ।
Verse 76 — Surah As-Saffat 37:76
हामीले उनलाई र उनका घरवालालाई ठूलो (महान् जलप्रल्य) विपत्तिबाट बचायौं ।
Verse 77 — Surah As-Saffat 37:77
र हामीले उनको सन्ततिलाई बाँकी रहनेवाला बनायौं ।
Verse 78 — Surah As-Saffat 37:78
र हामीले उनको सुचर्चा पछि आउनेवालाहरूमा बाँकी राख्यौं ।
Verse 79 — Surah As-Saffat 37:79
सम्पूर्ण संसारहरूमा नूहमाथि ‘‘सलाम’’ होस् ।
Verse 80 — Surah As-Saffat 37:80
निःसन्देह हामीले भलाईको कार्य गर्नेहरूलाई यस्तै पुरस्कार दिन्छौं ।
Verse 81 — Surah As-Saffat 37:81
उनी हाम्रा ईमानवाला सेवकहरूमध्येका थिए ।
Verse 82 — Surah As-Saffat 37:82
अनि हामीले अरुहरूलाई डुबाइदिऔं ।
Verse 83 — Surah As-Saffat 37:83
र ‘‘इब्राहीम’’ पनि उनैका सहधर्मीहरूमध्येका थिए ।
Verse 84 — Surah As-Saffat 37:84
जब उनी आफ्नो पालनकर्ताको समक्ष विकाररहित हृदय लिएर आए ।
Verse 85 — Surah As-Saffat 37:85
जब उनले आफ्नो पिता र आफ्नो जातिबन्धुका मानिसहरूसित भनेः ‘‘तिमीले कुन कुराको पूजा गर्दछौ ?’’
Verse 86 — Surah As-Saffat 37:86
के तिमी अल्लाह बाहेक मनगढन्ते उपास्यहरू चाहिरहेका छौ
Verse 87 — Surah As-Saffat 37:87
यो बताऊ कि तिमीले आखिर सम्पूर्ण संसारको पालनकर्तालाई के सम्झेका छौ
Verse 88 — Surah As-Saffat 37:88
अब उनले ताराहरूमाथि दृष्टिपात गरे ।
Verse 89 — Surah As-Saffat 37:89
र भनेः म त बिरामी छु ।’’
Verse 90 — Surah As-Saffat 37:90
यसपछि उनीहरूले पिठ्युँ फर्काई उनलाई छाडेर फर्किहाले ।
Verse 91 — Surah As-Saffat 37:91
अनि (इब्राहीम) उनीहरूका उपास्यहरूतिर तत्काल गए र भन्नथाले किः तिमीले खाना किन खाँदैनौ
Verse 92 — Surah As-Saffat 37:92
तिमीलाई के भएको छ ? कि तिमी बोल्दैनौ ?’’
Verse 93 — Surah As-Saffat 37:93
अनि पूरै शक्तिका साथ उनीहरूलाई दाहिनेहातले पिटन शुरू गरे ।
Verse 94 — Surah As-Saffat 37:94
तब उनीहरू उनको पासमा दगुर्दै आए ।
Verse 95 — Surah As-Saffat 37:95
उनले भनेः ‘‘तिमीहरूले यस्तो कुराको किन पूजा गर्छौ ? जसलाई तिमीले स्वयम् कुँदेर बनाउँछौ ।
Verse 96 — Surah As-Saffat 37:96
जब कि तिमीलाई र तिमीले बनाएका कुराहरूलाई अल्लाहले नै सृष्टि गरेको छ ?’’
Verse 97 — Surah As-Saffat 37:97
उनीहरूले भनेः ‘‘उसको निम्ति एउटा भवन (अग्निकुण्ड) तयार पारी त्यसलाई प्रज्वलित आगोमा हालिदेऊ’’ ।
Verse 98 — Surah As-Saffat 37:98
उनीहरूले त इब्राहीमसँग एउटा षडयन्त्र गर्न चाहे तर हामीले उनीहरूलाई नै अपमानित गर्यौं ।
Verse 99 — Surah As-Saffat 37:99
र इब्राहीमले भनेः म त प्रवास गरेर आफ्नो पालनकर्तातिर गइराखेको छु, उसले अवश्य मेरो मार्गदर्शन गर्नेछ ।
Verse 100 — Surah As-Saffat 37:100
हे मेरो पालनकर्ता ! मलाई असल सन्तान प्रदान गर ।’’
Verse 101 — Surah As-Saffat 37:101
तब हामीले उनलाई एउटा सहनशील पुत्रको शुभसूचना दियौं ।
Verse 102 — Surah As-Saffat 37:102
अनि जब त्यो बच्चा उनको साथमा दौडधूप गर्ने अवस्थामा पुग्यो तब उनले भनेः ‘‘हे मेरो प्रिय छोरा ! मैले सपनामा देखेको छु कि तिमीलाई कुर्बान (बलि) गरिराखेको छु । त अब हेर, तिम्रो के विचार छ ? ‘‘छोराले भन्यो किः हे बुबा ! जुन आदेश तपाईलाईं दिइराखिएको छ त्यसको पालना गरिहाल्नुस् । अल्लाहले चाह्यो भने तपार्इंले मलाई धैर्यवान् पाउनुहुनेछ ।
Verse 103 — Surah As-Saffat 37:103
अर्थात जब दुवैले आदेश मानिहाले, र बाबुले छोरालाई कन्चटतिर पारेर पल्टाए ।
Verse 104 — Surah As-Saffat 37:104
तब हामीले उनलाई पुकार्यौं कि, ‘‘हे इब्राहीम
Verse 105 — Surah As-Saffat 37:105
निश्चय नै तिमीले सपनालाई साँचो गरेर देखायौ । निःसन्देह हामीले उत्तम कार्य गर्नेहरूलाई यस्तै प्रकारले प्रतिफल दिन्छौं ।’’
Verse 106 — Surah As-Saffat 37:106
वास्तवमा यो त एउटा स्पष्ट परीक्षा थियो ।
Verse 107 — Surah As-Saffat 37:107
र हामीले उसको (इस्माईलको) सट्टामा कुर्बानीको लागि एउटा ठूलो (पशु) दियौं ।
Verse 108 — Surah As-Saffat 37:108
र हामीले पछि आउने नस्लहरूमा (इब्राहीमको राम्रो) चर्चा बाँकी राख्यौं
Verse 109 — Surah As-Saffat 37:109
‘‘इब्राहीममाथि सलाम होस् ।’’
Verse 110 — Surah As-Saffat 37:110
असल कार्य गर्नेहरूलाई हामीले यस्तै प्रतिफल दिने गर्छौं ।
Verse 111 — Surah As-Saffat 37:111
निश्चय नै उनी हाम्रा ईमानवाला सेवकहरूमध्येका थिए ।
Verse 112 — Surah As-Saffat 37:112
र हामीले उनलाई ‘‘इस्हाकको’’ नबी हुने शुभसूचना पनि दियौं, जो असल मानिसहरूमध्ये हुनेछन् ।
Verse 113 — Surah As-Saffat 37:113
र हामीले उनलाई र ‘‘इस्हाकलाई’’ बरकत (कल्याण) दियौं र ती दुवैका सन्तानहरूमा कतिपय त असल काम गर्नेहरू पनि छन्, र कतिपय आफूमाथि खुल्लारूपले अत्याचार गर्नेवालाहरू पनि छन् ।
Verse 114 — Surah As-Saffat 37:114
निःसंदेह हामीले मूसा र हारूनमाथि पनि ठूलो उपकार गरेका छौं ।
Verse 115 — Surah As-Saffat 37:115
र हामीले उनीहरूलाई र उनका जातिबन्धुहरूलाई ठूलो कष्टबाट मुक्त गरायौं ।
Verse 116 — Surah As-Saffat 37:116
र हामीले उनीहरूलाई सहायता गर्यौं, त उनीहरू प्रभावी रहे ।
Verse 117 — Surah As-Saffat 37:117
र हामीले उनीहरूलाई अत्यन्त स्पष्ट किताब प्रदान गर्यौं ।
Verse 118 — Surah As-Saffat 37:118
र हामीले उनीहरूलाई सोझो मार्गमा कायम राख्यौं ।
Verse 119 — Surah As-Saffat 37:119
र हामीले उनी दुवैको लागि पछि आउनेवाला नस्लहरूमा राम्रो चर्चा बाँकी राख्यौं ।
Verse 120 — Surah As-Saffat 37:120
‘‘मूसा (अलैहिस्सलाम)’’ र हारून (अलैहिस्सलाम) माथि सलाम होस् ।
Verse 121 — Surah As-Saffat 37:121
निःसन्देह हामीले असल काम गर्नेहरूलाई यस्तै प्रतिफल दिने गर्छौं ।
Verse 122 — Surah As-Saffat 37:122
निश्चय नै ती दुवै हाम्रा ईमानवाला सेवकहरूमध्येका थिए ।
Verse 123 — Surah As-Saffat 37:123
र ‘‘इलियास’’ पनि पैगम्बरहरूमध्येका थिए ।
Verse 124 — Surah As-Saffat 37:124
जब उहाँले आफ्ना जातिबन्धुसित भनेः तिमी अल्लाहसित किन डर मान्दैनौ
Verse 125 — Surah As-Saffat 37:125
के तिमी बअ्ल (एउटा ठूलो मूर्ति)लाई पुकार्दछौ, र सर्वोत्तम स्रष्टालाई छाडिदिन्छौ
Verse 126 — Surah As-Saffat 37:126
अल्लाह जो तिम्रो र तिम्रो बाबु–बाजेको पालनहार हो ।
Verse 127 — Surah As-Saffat 37:127
तर उनीहरूले उनलाई झूठा भने अतः उनीहरू अवश्य नर्कमा उपस्थित गराइनेछन् ।
Verse 128 — Surah As-Saffat 37:128
हो, अल्लाहका असल सेवकहरू (सजायमा) पारिने छैनन् ।
Verse 129 — Surah As-Saffat 37:129
हामीले ‘‘इलियास’’ (अलैहिस्सलाम) को राम्रो चर्चा पछि आउनेहरूमा (शेष) छाडेका छौं ।
Verse 130 — Surah As-Saffat 37:130
कि ‘‘इलियास (अलैहिस्सलाम)’’ माथि ‘‘सलाम’’ होस् ।
Verse 131 — Surah As-Saffat 37:131
हामीले भलाई गर्नेहरूलाई यस्तै प्रतिफल दिन्छौं ।
Verse 132 — Surah As-Saffat 37:132
निःसन्देह उनी हाम्रा मोमिन सेवकहरूमध्येबाट थिए ।
Verse 133 — Surah As-Saffat 37:133
र निःसंदेह ‘‘लूत (अलैहिस्सलाम)’’ पनि पैगम्बरहरूमध्येबाट थिए ।
Verse 134 — Surah As-Saffat 37:134
हामीले उनलाई र उनका घरवालाहरू सबैलाई मुक्ति प्रदान गर्यौं ।
Verse 135 — Surah As-Saffat 37:135
तर एउटा वृद्धा बाहेक जो पछि पर्नेवालामध्येकी थिई ।
Verse 136 — Surah As-Saffat 37:136
अनि हामीले अरुहरूलाई नष्ट पारिदियौं ।
Verse 137 — Surah As-Saffat 37:137
र तिमी त बिहान भएपछि उनीहरूका बस्तीहरूको नजिकबाट हिड्छौ ।
Verse 138 — Surah As-Saffat 37:138
र रातीमा पनि, त के तिमी (मक्कावाला) तैपनि बुझ्दैनौ
Verse 139 — Surah As-Saffat 37:139
र निःसंदेह ‘‘यूनुस (अलैहिस्सलाम))’’ पनि पैगम्बरमध्येका थिए ।
Verse 140 — Surah As-Saffat 37:140
जब भागेर भरिएको डुङ्गामा आइपुगे ।
Verse 141 — Surah As-Saffat 37:141
अनि त्यसबेला गोला हाल्दा उनको नाम पर्यो ।
Verse 142 — Surah As-Saffat 37:142
अनि माछाले उनलाई निलिहाल्यो र उनी आफूलाई धिक्कार्न थालेका थिए ।
Verse 143 — Surah As-Saffat 37:143
अतः यदि उनले (अल्लाहको) पवित्रताको गुणगान् नगरेको भए ।
Verse 144 — Surah As-Saffat 37:144
त त्यस दिनसम्म जबकि मानिसहरू पुनः जीवित गरिनेछन्, उसैको पेटमा रहन्थे ।
Verse 145 — Surah As-Saffat 37:145
अन्ततः हामीले उनलाई जब कि उनी बिरामी थिए, खुल्ला मैदानमा हालिदियौं ।
Verse 146 — Surah As-Saffat 37:146
र उनीमाथि हामीले छायाँ गर्ने एउटा बोट उमार्यौं ।
Verse 147 — Surah As-Saffat 37:147
र हामीले उनलाई एक लाख वा त्यसभन्दा पनि धेरै मानिसहरूतिर (पैगम्बर बनाएर) पठायौं ।
Verse 148 — Surah As-Saffat 37:148
अनि उनीहरूले ईमान ल्याए र हामीले उनीहरूलाई एक अवधिसम्म सुख भोग्ने अवसर प्रदान गर्यौं ।
Verse 149 — Surah As-Saffat 37:149
उनीहरूसित सोधः ‘‘के तिम्रो पालनकर्ताका छोरीहरू र यिनीहरूका छोराहरू छन्
Verse 150 — Surah As-Saffat 37:150
वा हामीले फरिश्ताहरूलाई स्त्री बनाउँदा उनीहरू (त्यसबेला) उपस्थित थिए ?’’
Verse 151 — Surah As-Saffat 37:151
सावधान रह, यिनीहरू आफूले झूठा रचेको (कुरा) मात्र भन्दछन् ।
Verse 152 — Surah As-Saffat 37:152
कि ‘‘अल्लाहका सन्तान छन् ।’’ निःसन्देह यिनीहरू एकदम झूठा हुन् ।
Verse 153 — Surah As-Saffat 37:153
के अल्लाहले आफ्नो लागि छोराहरूको दाँजोमा छोरीहरूलाई रुचाएको छ
Verse 154 — Surah As-Saffat 37:154
तिमीलाई के भएको छ । कस्तो न्याय गर्दछौ
Verse 155 — Surah As-Saffat 37:155
के तिमीले यति पनि बुझ्दैनौ
Verse 156 — Surah As-Saffat 37:156
वा तिम्रो पासमा उसको कुनै प्रमाण छ
Verse 157 — Surah As-Saffat 37:157
यदि तिमी साँचो हौ भने, त आफ्नो किताब प्रस्तुत गर ।
Verse 158 — Surah As-Saffat 37:158
र उनीहरूले त अल्लाह र जिन्नहरूको बीचमा पनि नाता स्थापित गरेका छन्, हुन त जिन्नहरूलाई राम्ररी थाहा छ कि यस्तो कुरामा विश्वास गर्नेहरू अवश्य समातिएर (यातनामा) उपस्थित गराइनेछन् ।
Verse 159 — Surah As-Saffat 37:159
उनीहरूले जेजति अल्लाहको बारेमा वर्णन गर्छन, अल्लाह त्यसबाट पूर्णरूपले पवित्र र उच्च छ ।
Verse 160 — Surah As-Saffat 37:160
तर अल्लाहले विशिष्ट सेवकहरूलाई (यातनामा पार्नेछैन) ।
Verse 161 — Surah As-Saffat 37:161
विश्वास गर तिमी र जसलाई तिमी पूज्दछौ ।
Verse 162 — Surah As-Saffat 37:162
(अल्लाहको विरोधमा) कसैलाई विचलित गराउन सक्दैनन् ।
Verse 163 — Surah As-Saffat 37:163
तिनीहरू बाहेक जो नर्कमा जानेवाला (नर्कीय) छन् ।
Verse 164 — Surah As-Saffat 37:164
र (फरिश्ताहरू भन्दछन् कि) हामीमध्ये प्रत्येकको एक स्थान निश्चित छ ।
Verse 165 — Surah As-Saffat 37:165
र हामी त (स्वर्गदूत) अल्लाहको भक्तिमा आफ्नो स्थानमा पंक्तिवद्ध छौं ।
Verse 166 — Surah As-Saffat 37:166
र अल्लाहको महानता र श्रेष्ठता बयान (वर्णन) गर्दछौं ।
Verse 167 — Surah As-Saffat 37:167
काफिरहरूले भन्ने गर्दथे
Verse 168 — Surah As-Saffat 37:168
कि ‘‘यदि हाम्रो समक्ष पहिलेका मानिसहरूको वर्णन भएको भए ।
Verse 169 — Surah As-Saffat 37:169
त हामी पनि अल्लाहका विशिष्ट सेवक हुनेथ्यौं ।’’
Verse 170 — Surah As-Saffat 37:170
तर फेरि यस कुरआनसँग कुफ्र गर्न पुगे, तसर्थ अब शीघ्र नै उनीहरूलाई (परिणाम) थाहा भइहाल्नेछ ।
Verse 171 — Surah As-Saffat 37:171
र हाम्रो (सन्देश पुर्याउने) रसूलहरूसित हाम्रो वायदा (वचन) पहिला नै भइसकेको छ ।
Verse 172 — Surah As-Saffat 37:172
कि निश्चय नै उनीहरूको सहायता गरिनेछ ।
Verse 173 — Surah As-Saffat 37:173
र निश्चय नै हाम्रो सेना नै प्रभावि रहनेछन्
Verse 174 — Surah As-Saffat 37:174
अतः एक अवधिसम्म तपाई उनीहरूसित विमुख रहनु
Verse 175 — Surah As-Saffat 37:175
र उनीहरूलाई हेरिराख्नुस् । र यिनीहरूले पनि शीघ्र नै (कुफ्रको परिणाम) देखिहाल्नेछन् ।
Verse 176 — Surah As-Saffat 37:176
के उनीहरू हाम्रो यातनाको निम्ति हतार गरिराखेका छन् ।
Verse 177 — Surah As-Saffat 37:177
तर जब हाम्रो यातना उनीहरूको आँगनमा उत्रन्छ तब जसलाई भय सुनाइएको थियो, उनीहरूको निम्ति नराम्रो दिन हुनेछ ।
Verse 178 — Surah As-Saffat 37:178
एक अवधिसम्म तपाईले उनीहरूको विचार छोडिदिनुस् ।
Verse 179 — Surah As-Saffat 37:179
र हेर्दै गर्नुस्, यिनीहरूले पनि शीघ्र नै (परिणाम) देखिहाल्नेछन् ।
Verse 180 — Surah As-Saffat 37:180
पवित्र छ तपाईको पालनकर्ता जो धेरै सम्मानित र मुक्त छ ती कुराहरूबाट जुन यिनीहरूले वर्णन गर्दछन् ।
Verse 181 — Surah As-Saffat 37:181
पैगम्बरहरू माथि सलाम छ ।
Verse 182 — Surah As-Saffat 37:182
र सम्पूर्ण प्रशंसा अल्लाहको लागि छ जो सम्पूर्ण जगतको पालनकर्ता हो ।