Back to LanguagesPrevious ChapterNext Chapter EnglishArabicUrduHindiTamilBengali
Nepali - Chapter 51 - Adh-Dhariyat
Translation by Ahl Al Hadith Central Society Of Nepal — Permalink
Verse 1 — Surah Adh-Dhariyat 51:1
कसम छ उडाएर छरिदिने (वायु) को ।
Verse 2 — Surah Adh-Dhariyat 51:2
अनि भारी उचाल्नेहरूको ।
Verse 3 — Surah Adh-Dhariyat 51:3
फेरि विस्तारै चल्नेहरूको ।
Verse 4 — Surah Adh-Dhariyat 51:4
अनि कामहरूलाई वितरित गर्नेहरूको ।
Verse 5 — Surah Adh-Dhariyat 51:5
विश्वास गर जसको कि तिमीलाई वचन दिइन्छ, त्यो साँचो छ ।
Verse 6 — Surah Adh-Dhariyat 51:6
र अवश्य न्याय इन्साफ हुनेछ ।
Verse 7 — Surah Adh-Dhariyat 51:7
त्यस आकाशको शपथ जसमा विभिन्न मार्गहरू छन् ।
Verse 8 — Surah Adh-Dhariyat 51:8
(हे मक्कावालाहरू !) तिमी निश्चितरूपले एउटा विवादको कुरामा परेका छौ ।
Verse 9 — Surah Adh-Dhariyat 51:9
यसबाट त्यही विमुख हुन्छ, जो अल्लाहको तर्फबाट विमुख हुन्छ ।
Verse 10 — Surah Adh-Dhariyat 51:10
अट्कलबाजी गर्नेहरू नष्ट गरिए ।
Verse 11 — Surah Adh-Dhariyat 51:11
जो भ्रममा छन् र बिर्सेका छन् ।
Verse 12 — Surah Adh-Dhariyat 51:12
सोध्छन् कि प्रतिफलको दिन कहिल्ये आउनेछ
Verse 13 — Surah Adh-Dhariyat 51:13
हो, यो त्यो दिन हो (जब) उनलाई आगोमा तताइनेछ ।
Verse 14 — Surah Adh-Dhariyat 51:14
अब आफ्नो उपद्रवको स्वाद चाख । यो त्यही हो, जसको निम्ति तिमीले हतार गर्ने गर्दथ्यौ ।
Verse 15 — Surah Adh-Dhariyat 51:15
निश्चय नै संयमीहरू स्वर्गका बगैंचाहरूमा हुनेछन् ।
Verse 16 — Surah Adh-Dhariyat 51:16
र जुन जुन कुराहरू उनको पालनकर्ताले दिइराखेको हुन्छ उनीले लिइराखेका हुनेछन् । निश्चय नै उनीहरू त यसभन्दा पहिला नै असल कार्य गर्नेहरू थिए ।
Verse 17 — Surah Adh-Dhariyat 51:17
उनीहरू रातको थोरै भागमा सुत्ने गर्दथे ।
Verse 18 — Surah Adh-Dhariyat 51:18
र रातको अन्तिम पहर (भोर)मा क्षमा प्रार्थना गर्नेगर्दथे ।
Verse 19 — Surah Adh-Dhariyat 51:19
र उनको सम्पत्तिमा माँग्नेवाला र निर्धनहरूको हक थियो ।
Verse 20 — Surah Adh-Dhariyat 51:20
र ईमान राख्नेवालाहरूको निम्ति धरतीमा धेरै निशानीहरू छन् ।
Verse 21 — Surah Adh-Dhariyat 51:21
र स्वयं तिम्रो व्यक्तित्वमा पनि, त के तिमीले देख्दैनौ
Verse 22 — Surah Adh-Dhariyat 51:22
र तिम्रो रोजी र जुन कुराको तिमीलाई वचन दिइएको छ सबै आकाशमा छ ।
Verse 23 — Surah Adh-Dhariyat 51:23
तसर्थ आकाशहरू र धरतीको स्वामीको कसम त्यो विश्वास योग्य छ त्यसतै जुन प्रकारले तिमी कुरा गर्दछौ ।
Verse 24 — Surah Adh-Dhariyat 51:24
के इब्राहीमका प्रतिष्ठित अतिथिहरूको वृत्तान्त पनि तिमीछेउ पुगेको छ ।
Verse 25 — Surah Adh-Dhariyat 51:25
जब उनीहरू उनको पासमा आए तब भनेः ‘‘सलाम छ तिमीमाथि’’ उनले पनि भने ‘‘सलाम छ तपाईहरूलाई पनि’’ । (देखेपछि) मनमा भने (यी त) अपरिचित मानिसहरू हुन् ।
Verse 26 — Surah Adh-Dhariyat 51:26
तब आफ्नो घर गई एउटा (पोलिएको) मोटो बाछो(को मासु) ल्याए ।
Verse 27 — Surah Adh-Dhariyat 51:27
र (खानाको निम्ति) उनीहरूको अगाडि राखिदिए । र भन्न थाले कि तपाईहरू किन खानुहुन्न
Verse 28 — Surah Adh-Dhariyat 51:28
अनि उनले मनैमनमा उनीहरूसित डर महसूस गरे । उनीहरूले भने कि डर नमान्नुस् र उनलाई (इब्राहीमलाई) एउटा ज्ञानवान केटोको मंगलसूचना दिए ।
Verse 29 — Surah Adh-Dhariyat 51:29
अनि उनकी स्वास्नी आश्चार्यचकित भई अगाडि बढिन् र आफ्नो निधारमा पिट्दै भनिन् कि म त एक बूढी र बाँझ हूँ
Verse 30 — Surah Adh-Dhariyat 51:30
उनीहरूले भने हो यस्तै नै तिम्रो पालनकर्ताको आदेश छ । निःसंदेह ऊ बडो तत्वदर्शी र ज्ञानवान छ ।
Verse 31 — Surah Adh-Dhariyat 51:31
(इब्राहीमले) भनेः कि ‘‘हे अल्लाहका दूत तिम्रो अभिप्राय के हो ?’’
Verse 32 — Surah Adh-Dhariyat 51:32
उनीहरूले भनेः कि ‘‘हामीहरू अपराधी समूहतर्फ पठाइएका हौं ।
Verse 33 — Surah Adh-Dhariyat 51:33
ताकि उनीहरूमाथि कंकडी बर्साऔं ।
Verse 34 — Surah Adh-Dhariyat 51:34
जो तपाईको पालनकर्ताको तर्फबाट निशान लगाइएका छन् ती सीमाको अतिक्रमणकारीको लागि ।’’
Verse 35 — Surah Adh-Dhariyat 51:35
अनि त्यहाँ जति ईमानवालाहरू थिए उनीहरूलाई, हामीले निकालिहाल्यौं ।
Verse 36 — Surah Adh-Dhariyat 51:36
र हामीले त्यहाँ मुसलमानको एउटा घर मात्र भेट्टायौं ।
Verse 37 — Surah Adh-Dhariyat 51:37
र जुन मानिसहरू दुःखद् यातनासित डराउँदछन्, उनीहरूको निम्ति त्यहाँ निशानी छोडिदियौं ।
Verse 38 — Surah Adh-Dhariyat 51:38
र ‘‘मूसा(अलैहिस्सलाम)’’ (को वृतान्त) मा पनि (निशानी छ) जब कि हामीले उनलाई फिरऔनतिर स्पष्ट प्रमाणकासाथ पठायौं ।
Verse 39 — Surah Adh-Dhariyat 51:39
तब त्यसले आफ्नो शक्ति (घमण्ड) ले विमुख भइहाल्यो र भन्न थाल्यो, यो त जादूगर हो वा दिवाना
Verse 40 — Surah Adh-Dhariyat 51:40
तब हामीले उसलाई र उसका लावालस्करलाई समातिहाल्यौं र उनीहरूलाई समुन्द्रमा फ्याकिहाल्यौं र त्यसको काम नै निन्दनीय थियो ।
Verse 41 — Surah Adh-Dhariyat 51:41
यस्तै ‘‘आद’’ (को वृतान्त) मा पनि (निशानी छ), जब हामीले उनीहरूमाथि अशुभ वायु चलायौं ।
Verse 42 — Surah Adh-Dhariyat 51:42
त्यो जुन जुन कुरामाथि चल्यो, त्यसलाई जिर्णशिर्ण हाड जस्तो चूरा–चूरा गरेर छाडिदियो ।
Verse 43 — Surah Adh-Dhariyat 51:43
र ‘‘समूद’’ (को वृतान्त) मा पनि (निशानी छ) जब उनीसित भनियो कि एक समयसम्म फाइदा उठाइहाल ।
Verse 44 — Surah Adh-Dhariyat 51:44
तर उनीहरूले आफ्नो पालनकर्ताको आदेशको उल्लंघन गरे, अनि हेर्दाहेर्दै उनीहरूलाई कडक चट्याङ्गले समाप्त गरिदियो ।
Verse 45 — Surah Adh-Dhariyat 51:45
अनि उनीहरू नउठ्न सके र नत बदला लिन सके ।
Verse 46 — Surah Adh-Dhariyat 51:46
र यसभन्दा पहिला (हामीले) ‘‘नूह(अलैहिस्सलाम)को’’ जातिबन्धुलाई पनि (समाप्त गरिसकेका थियौं) निश्चय नै उनीहरू ठूलो अवज्ञाकारी थिए ।
Verse 47 — Surah Adh-Dhariyat 51:47
र आकाशलाई हामीले आफ्नो शक्तिद्वारा बनायौं र निश्चितरूपले हामीमा ठूलो सामथ्र्य छ ।
Verse 48 — Surah Adh-Dhariyat 51:48
र धरतीलाई हामीले भूईं बनायौं तसर्थ (हेर) हामीले कति राम्ररी बनायौं ।
Verse 49 — Surah Adh-Dhariyat 51:49
र हामीले प्रत्येक कुराको जोडा बनायौं ताकि तिमीले उपदेश ग्रहण गर ।
Verse 50 — Surah Adh-Dhariyat 51:50
अतः तिमी अल्लाहतिर छिटै लाग । निश्चयनै म उसको तर्फबाट तिम्रो निम्ति एउटा प्रत्यक्ष सावधान गर्नेवाला हूँ ।
Verse 51 — Surah Adh-Dhariyat 51:51
र अल्लाहको साथ अन्य कसैलाई पूज्य नबनाऊ । म उसको तर्फबाट तिम्रो निम्ति एउटा प्रत्यक्ष डर देखाउनेवाला हूँ ।
Verse 52 — Surah Adh-Dhariyat 51:52
यस्तै यिनीहरूभन्दा पहिलेका मानिसहरूको पासमा जुन पैगम्बर आउँथ्यो उनीहरूले उनलाई जादूगर वा दीवाना भन्दथे ।
Verse 53 — Surah Adh-Dhariyat 51:53
के यिनीहरूले एकअर्कालाई यस कुराको निम्ति इच्छाउँदै (उपदेश दिदै) गएका छन् ? (होइन) बरु यिनीहरू सबै अवज्ञाकारी हुन् ।
Verse 54 — Surah Adh-Dhariyat 51:54
तपाईले यिनीहरूबाट पन्छिनुस् । तपाईलाई दोषारोपण हुनेछैन ।
Verse 55 — Surah Adh-Dhariyat 51:55
र उपदेश गर्दैगर्नुस् किनकि उपदेशले मोमिनहरूलाई लाभ पुर्याउँछ ।
Verse 56 — Surah Adh-Dhariyat 51:56
मैले जिन्न र मानिसहरूलाई यसकारण मात्र सृष्टि गरेको छु ताकि मेरो उपासना गरुन् ।
Verse 57 — Surah Adh-Dhariyat 51:57
म उनीहरूबाट जीविका चाहन्न र न यो चाहन्छु कि मलाई खुवाउन् ।
Verse 58 — Surah Adh-Dhariyat 51:58
अल्लाह आफै जीविका प्रदान गर्नेवाला शक्तिशाली, दृढ छ ।
Verse 59 — Surah Adh-Dhariyat 51:59
अतः जसले अत्याचार गरेका छन् उनीहरूको निम्ति पनि सजायको भाग निर्धारित छ, जुन प्रकार उनीहरूका साथीहरूको निम्ति निर्धारित थियो । अतः उनीहरू मसित हतार नगरुन् ।
Verse 60 — Surah Adh-Dhariyat 51:60
जुन दिनको यी काफिरहरूसित वाचा गरिन्छ, त्यसबाट उनको निम्ति खराबी छ ।