Back to LanguagesPrevious ChapterNext Chapter EnglishArabicUrduHindiTamilBengali
Nepali - Chapter 56 - Al-Waqiah
Translation by Ahl Al Hadith Central Society Of Nepal — Permalink
Verse 1 — Surah Al-Waqiah 56:1
जब कयामत घटित भइहाल्ने छ ।
Verse 2 — Surah Al-Waqiah 56:2
त्यसको घटित हुने कुरामा केही असत्य छैन ।
Verse 3 — Surah Al-Waqiah 56:3
कसैलाई तल झार्ने, कसैलाई माथि उचाल्ने हुनेछ ।
Verse 4 — Surah Al-Waqiah 56:4
जब धरती भूकम्पको साथ कम्पित गराइनेछ ।
Verse 5 — Surah Al-Waqiah 56:5
र पहाडहरू फुटालेर साना–साना कणमा परिणत गराइनेछन् ।
Verse 6 — Surah Al-Waqiah 56:6
अनि तिनीहरू धुलो जस्तो भई उड्न थाल्नेछन् ।
Verse 7 — Surah Al-Waqiah 56:7
र तिमीहरू तीन समूहमा परिणत हुनेछौ ।
Verse 8 — Surah Al-Waqiah 56:8
त दाहिना हातवाला, दाहिना हातवाला कस्तो सौभाग्यशाली छन् ।
Verse 9 — Surah Al-Waqiah 56:9
र बाँया हातवाला अफशोच बाँया हातवालाको कस्तो हालत छ ।
Verse 10 — Surah Al-Waqiah 56:10
र जो अगाडिवाला छन् उनीहरू त अगाडिवाला नै हुन् ।
Verse 11 — Surah Al-Waqiah 56:11
तिनीहरू बिल्कुल (अल्लाहको) सामिप्यता प्राप्त हुन् ।
Verse 12 — Surah Al-Waqiah 56:12
अनुकम्पाले भरिएको जन्नतमा छन् ।
Verse 13 — Surah Al-Waqiah 56:13
धेरै ठूलो समूह त अघिका मानिसहरूको हुनेछ ।
Verse 14 — Surah Al-Waqiah 56:14
र थोरै पछिकाहरूमध्येबाट ।
Verse 15 — Surah Al-Waqiah 56:15
यिनीहरू सुनका तारहरूले बनेका पलंगहरूमाथि ।
Verse 16 — Surah Al-Waqiah 56:16
एक अर्काको सामुन्ने तकिया लगाएर बसेका हुनेछन् ।
Verse 17 — Surah Al-Waqiah 56:17
उनको पासमा किशोरहरू जो सधैं (बालक नै रहनेछन्) आउंदैजांदै गर्नेछन् ।
Verse 18 — Surah Al-Waqiah 56:18
अर्थात् प्याला र जगमा स्वादिलो पेयले भरिएको पात्र लिएर हिंडिरहने छन् ।
Verse 19 — Surah Al-Waqiah 56:19
जसबाट न त टाउकोमा दर्द हुनेछ र न उनको बुद्धिमा विकार आउनेछ ।
Verse 20 — Surah Al-Waqiah 56:20
र त्यस्ता फलहरूको साथ जुन कि उनले रुचाउँछन् ।
Verse 21 — Surah Al-Waqiah 56:21
र पंक्षीका मासु जुन तिनीहरूले रुचाउँछन् ।
Verse 22 — Surah Al-Waqiah 56:22
र ठूला–ठूला आँखा भएकी (अप्सरा) हरू
Verse 23 — Surah Al-Waqiah 56:23
जो लुकेको मोती जस्ती हुनेछिन् ।
Verse 24 — Surah Al-Waqiah 56:24
यो उनीहरूको कर्मको प्रतिफल हो ।
Verse 25 — Surah Al-Waqiah 56:25
त्यहाँ न व्यर्थका कुरा सुन्नेछन् र न गुनाहका ।
Verse 26 — Surah Al-Waqiah 56:26
उनीहरूको आपसमा सलामको आदान–प्रदान मात्र हुनेछ ।
Verse 27 — Surah Al-Waqiah 56:27
र दाहिना हातवालाहरू निकै (भाग्यशाली) हुनेछन् ।
Verse 28 — Surah Al-Waqiah 56:28
उनी काँडा नभएका बयरहरू
Verse 29 — Surah Al-Waqiah 56:29
र गुच्छेदार केराहरू
Verse 30 — Surah Al-Waqiah 56:30
र परसम्म फैलिएका छाँयाहरू
Verse 31 — Surah Al-Waqiah 56:31
र पानीका झरनाहरू
Verse 32 — Surah Al-Waqiah 56:32
र प्रशस्त फलहरूमा (हुनेछन्)
Verse 33 — Surah Al-Waqiah 56:33
जुन कहिल्यै समाप्त हुने छैनन् र उनीबाट कसैले रोक्नेछैन ।
Verse 34 — Surah Al-Waqiah 56:34
र अग्ला, अग्ला ओछ्यानमा हुनेछन् ।
Verse 35 — Surah Al-Waqiah 56:35
हामीले उनीहरूका स्वास्नीहरूलाई विशेष प्रकारले सृष्टि गरेका छौं ।
Verse 36 — Surah Al-Waqiah 56:36
अनि उनीहरूलाई हामीले कुमारी (पवित्र) बनायौं ।
Verse 37 — Surah Al-Waqiah 56:37
समान उमेरकी र मायालु ।
Verse 38 — Surah Al-Waqiah 56:38
दाहिने हातवालाहरूको निम्ति हुन् ।
Verse 39 — Surah Al-Waqiah 56:39
यिनीहरूमा अघिल्लामध्येका पनि धेरै हुनेछन् ।
Verse 40 — Surah Al-Waqiah 56:40
र पछिल्लामध्येका पनि धेरै हुनेछन्
Verse 41 — Surah Al-Waqiah 56:41
र बाँया हातवालाहरू, (अफशोच) बाँया हातवाला कस्ता छन् ।
Verse 42 — Surah Al-Waqiah 56:42
गर्म (तातो) हवा र उम्लिराखेको पानीमा हुनेछन् ।
Verse 43 — Surah Al-Waqiah 56:43
र कालो धुवाँको छाँयामा
Verse 44 — Surah Al-Waqiah 56:44
जुन न चिसो छ न रुचाउने योग्य ।
Verse 45 — Surah Al-Waqiah 56:45
निःसंदेह उनीहरू यसभन्दा पहिला धेरै सुख सुविधामा थिए ।
Verse 46 — Surah Al-Waqiah 56:46
र ठूला–ठूला पापहरू गर्दै बसेका थिए
Verse 47 — Surah Al-Waqiah 56:47
र भन्ने गर्दथे कि के जब हामी मृत भइहाल्ने छौं र माटो र हाड भइहाल्ने छौं, हामी फेरि उठाइने छौं
Verse 48 — Surah Al-Waqiah 56:48
र के हाम्रा बाबु बाजे पनि
Verse 49 — Surah Al-Waqiah 56:49
तपाई भनिदिनुस् कि निःसन्देह पहिला र पछिका
Verse 50 — Surah Al-Waqiah 56:50
सबै एउटा निर्धारित दिनको समयमा अवश्य एकत्रित गरिनेछन् ।
Verse 51 — Surah Al-Waqiah 56:51
अनि तिमी हे असत्य ठहराउनेवाला पथ विचलितहरू
Verse 52 — Surah Al-Waqiah 56:52
थूहर (क्याक्टस) को वृक्ष खानेछौ ।
Verse 53 — Surah Al-Waqiah 56:53
र यसैले पेट भर्ने छौ
Verse 54 — Surah Al-Waqiah 56:54
र यसमाथि उम्लिराखेको पानी पिउनेछौ
Verse 55 — Surah Al-Waqiah 56:55
र पिउँदा पनि (यसप्रकार पिउनेछौं जस्तो कि) तिर्खाएको ऊँट जस्तो
Verse 56 — Surah Al-Waqiah 56:56
कयामतको दिन उनीहरूको सत्कार हो यो
Verse 57 — Surah Al-Waqiah 56:57
हामीले तिमी सबैलाई सृष्टि गरेका हौं, तसर्थ तिमीले किन (सत्य) मान्दैनौ
Verse 58 — Surah Al-Waqiah 56:58
हेर जुन तिमीले वीर्य (स्वास्नीमा) छाड्छौ
Verse 59 — Surah Al-Waqiah 56:59
के तिमीले त्यसबाट मानिसको सृष्टि गर्दछौ वा हामीले नै सृष्टि गर्दछौं
Verse 60 — Surah Al-Waqiah 56:60
हामीले नै तिमीमा मृत्यु निर्धारित गरिदिएका छौं र हामी त्यसबाट हारेका होइनौं ।
Verse 61 — Surah Al-Waqiah 56:61
कि हामीले तिम्रो ठाउँमा अरु तिमीहरू जस्तालाई पैदा गर्न सक्छौ र तिमीलाई नयाँ रूपमा त्यस संसारमा पैदा गरिदिन्छौं जसको बारेमा तिमलिाई थाहा छैन ।
Verse 62 — Surah Al-Waqiah 56:62
तिमीलाई पहिलो पटकको जन्म थाहा छ, अनि तिमीले किन शिक्षा ग्रहण गर्दैनौ
Verse 63 — Surah Al-Waqiah 56:63
अनि यो पनि बताऊ जुन तिमीले उब्जाउँछौ
Verse 64 — Surah Al-Waqiah 56:64
के तिमीले नै त्यसलाई उब्जाउछौं वा हामी उब्जाउनेवाला हौं
Verse 65 — Surah Al-Waqiah 56:65
यदि हामीले चाह्यौं भने त्यसलाई भुसा गरिदिन्छौं र तिमी कुरा गर्दै रहनेछौ ।
Verse 66 — Surah Al-Waqiah 56:66
(कि अफशोच) हामी त सित्तैमा दण्डमा परिहाल्यौं
Verse 67 — Surah Al-Waqiah 56:67
बरु हामी बिल्कुलै वञ्चित रहयौं ।
Verse 68 — Surah Al-Waqiah 56:68
अनि यो बताऊ तिमीले जुन पानीलाई पिउँछौ ।
Verse 69 — Surah Al-Waqiah 56:69
उसलाई बादलबाट पनि तिमीले नै बर्साएका हौ वा हामीले बर्साउँछौं
Verse 70 — Surah Al-Waqiah 56:70
यदि हामीले चाह्यौं भने त्यस पानीलाई खारा बनाइदिन्छौं ? अनि तिमीले कृतज्ञता किन प्रकट गर्दैनौ
Verse 71 — Surah Al-Waqiah 56:71
हेर यो पनि बताऊ कि जुन आगो तिमीले सल्काउँछौ
Verse 72 — Surah Al-Waqiah 56:72
(के तिमीले) त्यस रुखलाई सृष्टि गर्दछौ वा हामीले त्यसको सृष्टि गरेका छौं
Verse 73 — Surah Al-Waqiah 56:73
हामीले उसलाई एउटा उपदेशको माध्यम र यात्रीहरू (र आवश्यक पर्नेहरूका) लागि लाभप्रद बनाएका छौं ।
Verse 74 — Surah Al-Waqiah 56:74
अतः तिमीले आफ्नो महान् पालनकर्ताको गुणगान गर ।
Verse 75 — Surah Al-Waqiah 56:75
म खस्ने ताराहरूको कसम खान्छु ।
Verse 76 — Surah Al-Waqiah 56:76
र यदि तिमीले बुझ्छौ भने यो ठूलो कसम हो
Verse 77 — Surah Al-Waqiah 56:77
निश्चय नै यो धेरै प्रतिष्ठित कुरआन हो
Verse 78 — Surah Al-Waqiah 56:78
जो एउटा सुरक्षित किताबमा अंकित छ ।
Verse 79 — Surah Al-Waqiah 56:79
त्यसलाई पवित्र (फरिश्ताहरू) मात्र हात लगाउँछन् ।
Verse 80 — Surah Al-Waqiah 56:80
सम्पूर्ण संसारको स्वामीको तर्फबाट अवतरित गरिएको छ ।
Verse 81 — Surah Al-Waqiah 56:81
के तिमीले त्यस वाणीलाई साधारण ठान्छौ
Verse 82 — Surah Al-Waqiah 56:82
र आफ्नो भागमा यो लिन्छौ कि यसलाई झूठो ठहराउँदै गर
Verse 83 — Surah Al-Waqiah 56:83
अनि जब प्राण कण्ठमा आइपुग्दछ
Verse 84 — Surah Al-Waqiah 56:84
र तिमीले त्यस समय आखाँले हेरिराखेको हुन्छौ
Verse 85 — Surah Al-Waqiah 56:85
र हामी त्यस बेला तिमीभन्दा धेरै नजिक हुन्छौं तर तिमीले देख्दैनौ ।
Verse 86 — Surah Al-Waqiah 56:86
अतः यदि तिमी कसैको अधीनमा छैनौ ।
Verse 87 — Surah Al-Waqiah 56:87
र यस कुरामा यदि साँचो हौ, त यस प्राणलाई किन फर्काउँदैनौ
Verse 88 — Surah Al-Waqiah 56:88
अनि यदि कोही (अल्लाहको) दरबारको नजीक गरिएको हुनेछ ।
Verse 89 — Surah Al-Waqiah 56:89
भने उसको निम्ति आराम, सुखसामग्री र आरामदायक स्वर्गहरू छन् ।
Verse 90 — Surah Al-Waqiah 56:90
र जो दाहिने हातावालामध्येको छ
Verse 91 — Surah Al-Waqiah 56:91
तिमीलाई सलाम छ कि तिमी भाग्यशालीमध्येका छौ ।
Verse 92 — Surah Al-Waqiah 56:92
तर यदि कोही त्यो झूठा ठहराउने र मार्गबिचलितहरूमध्येको छ
Verse 93 — Surah Al-Waqiah 56:93
त उसको लागि उम्लिराखेको पानीको आतिथ्य छ
Verse 94 — Surah Al-Waqiah 56:94
र (फेरि) नर्कमा जानु छ ।
Verse 95 — Surah Al-Waqiah 56:95
निःसन्देह यो (खबर) पूरै सत्य हो ।
Verse 96 — Surah Al-Waqiah 56:96
अतः तिमीले आफ्नो महान् पालनकर्ताको गुणगान गरिराख ।