Back to Languages
Nepali - Chapter 83 - Al-Mutaffifin
Translation by Ahl Al Hadith Central Society Of Nepal — Permalink
Verse 1 — Surah Al-Mutaffifin 83:1
नाप र तौलमा कमी गर्नेहरूलाई ठूलो खराबी छ ।
Verse 2 — Surah Al-Mutaffifin 83:2
जब मानिसहरूसित नापेर लिन्छन्, त पूरा–पूरा लिन्छन् ।
Verse 3 — Surah Al-Mutaffifin 83:3
किन्तु जब उनीहरूलाई नापेर वा तौलेर दिन्छन् त घटाएर दिन्छन् ।
Verse 4 — Surah Al-Mutaffifin 83:4
के यिनीहरूलाई थाहा छैन कि उनीहरू मरेपछि पक्कै जीवित पारी उठाइनेछन् ।
Verse 5 — Surah Al-Mutaffifin 83:5
(अर्थात्) एउटा ठूलो दिनमा ।
Verse 6 — Surah Al-Mutaffifin 83:6
जुन दिन सबै मानिसहरू पालनकर्ताको सामुन्ने उभिनेछन्
Verse 7 — Surah Al-Mutaffifin 83:7
निःसन्देह दुराचारीहरूको किताब (कर्मपत्रहरू) ‘‘सिज्जीनमा’’ छ ।
Verse 8 — Surah Al-Mutaffifin 83:8
र तिमीलाई के थाहा कि सिज्जीन के हो
Verse 9 — Surah Al-Mutaffifin 83:9
यो त लेखिएको पंज्जिका हो ।
Verse 10 — Surah Al-Mutaffifin 83:10
त्यस दिन झूठा ठहराउनेहरूलाई ठूलो खराबी (धिक्कार) छ ।
Verse 11 — Surah Al-Mutaffifin 83:11
जसले निसाफको दिनलाई असत्य भन्दथे ।
Verse 12 — Surah Al-Mutaffifin 83:12
र त्यसलाई झूठो उनीहरूले मात्र ठहराउँछन्, जो सीमाअतिक्रमण गर्नेवाला अपराधी छन् ।
Verse 13 — Surah Al-Mutaffifin 83:13
जब उसलाई हाम्रा आयतहरू सुनाइन्छ त भन्दछ कि यो त पहिलाका मानिसहरूका कथाहरू हुन् ।
Verse 14 — Surah Al-Mutaffifin 83:14
यो होइन, अपितु जसले नराम्रो कर्महरू गर्दछन्, त्यसकारण उनका हृदयहरूमा खिया लागिसकेको हुन्छ ।
Verse 15 — Surah Al-Mutaffifin 83:15
निःसन्देह यिनीहरू त्यस दिन आफ्नो पालनकर्ताको दर्शनबाट वंचित हुन्छन् ।
Verse 16 — Surah Al-Mutaffifin 83:16
फेरि निःसन्देह यिनीहरू नर्कमा प्रवेश गर्नेछन् ।
Verse 17 — Surah Al-Mutaffifin 83:17
त्यसपछि (उनीसित) भनिनेछ कि यो त्यही कुरा हो, जसलाई तिमीहरूले असत्य ठहराउन्थ्यौ ।
Verse 18 — Surah Al-Mutaffifin 83:18
निःसन्देह सुनिराख कि सत्कर्मीहरूको कर्मपात्र ‘‘इल्लीयीनमा’’ छन् ।
Verse 19 — Surah Al-Mutaffifin 83:19
र तिमीलाई के थाहा कि इल्लीयीन के हो
Verse 20 — Surah Al-Mutaffifin 83:20
त्यो त लेखिएको किताब हो ।
Verse 21 — Surah Al-Mutaffifin 83:21
सामीप्यप्राप्त फरिश्ताहरू त्यसको निरीक्षण गर्दछन् ।
Verse 22 — Surah Al-Mutaffifin 83:22
निःसन्देह भलादमीहरू ठूलो अनुग्रहमा हुनेछन् ।
Verse 23 — Surah Al-Mutaffifin 83:23
पलंगहरूमाथि हेरिराखेका मसहरीहरूबाट हेर्नेछन् ।
Verse 24 — Surah Al-Mutaffifin 83:24
उनीहरूको अनुहारबाटै तिमीलाई ती अनुग्रहहरूको ताजगी र आभाको बोध भइरहनेछ ।
Verse 25 — Surah Al-Mutaffifin 83:25
उनीहरूलाई शीलबन्दी विशुद्ध पेय पिलाइनेछ ।
Verse 26 — Surah Al-Mutaffifin 83:26
जसको शील कस्तुरी को हुनेछ । तसर्थ अनुकम्पा चाहनेले उसैलाई प्राप्त गर्नुमा प्रतिस्पर्धा गर्नुपर्छ ।
Verse 27 — Surah Al-Mutaffifin 83:27
र यसमा तसनीम (स्वर्गको एउटा छहरा) को पनि मिलावट हुनेछ ।
Verse 28 — Surah Al-Mutaffifin 83:28
त्यो एउटा झरना हो जसको पानी खास खास मानिसहरूले पिउनेछन् ।
Verse 29 — Surah Al-Mutaffifin 83:29
काफिरहरूले संसारमा मोमिनहरूको हाँसो गर्ने गर्दथे ।
Verse 30 — Surah Al-Mutaffifin 83:30
र उनको पासबाट आवत जावतगर्दा त आँखाबाट संकेत गर्दथे ।
Verse 31 — Surah Al-Mutaffifin 83:31
र जब आफ्नो घरतिर फर्कन्थे त ठट्टा गर्ने गर्दथे ।
Verse 32 — Surah Al-Mutaffifin 83:32
र जब ती (मोमिनहरूलाई) देख्दथे त भन्दथे कि यिनीहरू पक्कै मार्गविचलित छन्
Verse 33 — Surah Al-Mutaffifin 83:33
जबकि उनीहरूलाई यिनीहरूमाथि निरीक्षक बनाएर पठाइएको थिएन ।
Verse 34 — Surah Al-Mutaffifin 83:34
तसर्थ आज मोमिनहरूले ती काफिरहरूमाथि हाँसो गर्नेछन् ।
Verse 35 — Surah Al-Mutaffifin 83:35
मसनदहरूमाथि (बसी उनीहरूको अवस्था) देखिराखेका हुनेछन् ।
Verse 36 — Surah Al-Mutaffifin 83:36
अतः काफिरहरूलाई उनीहरूका कर्महरूको (पूरा–पूरा) प्रतिफल प्राप्त भइहाल्यो ।