Chichewa - Chapter 91 - Ash-Shams

“Ndi mwezi pamene ukulitsatira (dzuwalo ndikulowa mmalo mwake powalitsa dziko dzuwalo litalowa)

“Ndi usana pamene ukulisonyeza poyera (kuti lisaphimbidwe)

“Ndi usiku pamene ukuliphimba

“Ndi thambo ndi (Mwini mphamvu zonse Wamkulu) Yemwe adalimanga ndi kulitukula (mwaluso)

“Ndi nthaka ndi (Mwini mphamvu zonse Wamkulu), Yemwe adaiyala (mbali zonse ndi kuichita kukhala ngati choyala)

“Ndi mzimu ndi Yemwe adawulinganiza (powupatsa mphamvu)

“Ndipo adaudziwitsa zoipa zake ndi zabwino zake; (ndi kuwupatsa ufulu ndi mphamvu zochitira zimene ukufuna)

“Ndithu wapambana amene wauyeretsa

“Ndipo ndithu wataika amene wauononga

“Thamud (Samudu) adakanira (Mneneri wawo) chifukwa cha kulumpha malire kwawo

“Pamene woipitsitsa wawo adadzipereka (kupha ngamira yozizwitsa)

“Pamenepo Mneneri wa Allah (Swaleh) adawauza: “Isiyeni ngamira ya Allah (idye mdziko la Allah). Musailetse kumwa madzi (pa tsiku lake).”

“Koma adamutsutsa ndikuipha; kwa chifukwa chimenecho Mbuye wawo (Allah) adawaononga chifukwa cha tchimo lawo; adangowafafaniza (onse mnthaka)

“Iye saopa zotsatira za chilangochi (chifukwa amenewa ndi malipiro a chilungamo pa zomwe adachita)