Back to LanguagesPrevious ChapterNext Chapter EnglishArabicUrduHindiTamilBengali
Sinhala - Chapter 79 - An-Naziat
Translation by Www.islamhouse.com — Permalink
Verse 1 — Surah An-Naziat 79:1
සාහසික ලෙස (දුෂ්ටයන්ගේ ප්රාණය) ගලවන්නන් මත දිවුරමින්
Verse 2 — Surah An-Naziat 79:2
තවද මෘදු ලෙස ගලවන්නන් මත ද දිවුරමින්
Verse 3 — Surah An-Naziat 79:3
(කැරුණික ක්රියාවන්හි) පාවෙමින් පිහිනන්නන් මත ද දිවුරමින්
Verse 4 — Surah An-Naziat 79:4
තරඟකාරී ලෙස තරඟ වදින්නන් මත ද (දිවුරමින්)
Verse 5 — Surah An-Naziat 79:5
තවද කටයුතු සැලසුම් කරන්නන් මත ද (දිවුරමින්)
Verse 6 — Surah An-Naziat 79:6
එදින මහත් කම්පනයකින් (ලොව) කම්පනය වේ
Verse 7 — Surah An-Naziat 79:7
එයට අනුපිළිවෙළින් කම්පනය නැවත සිදු වනු ඇත
Verse 8 — Surah An-Naziat 79:8
එදින හදවත් (බියෙන්) තැති ගනියි
Verse 9 — Surah An-Naziat 79:9
ඔවුන්ගේ බැල්ම බියෙන් පවතී
Verse 10 — Surah An-Naziat 79:10
“නියත වශයෙන්ම අපි පෙර තත්ත්වයටම නැවත හරවනු ලබන්න්නෝ වන්නෙමුදැ” යි ඔවුහු පවසති
Verse 11 — Surah An-Naziat 79:11
“අප දිරා ගිය අස්ථි බවට පත්වූයේ නම් ද?”
Verse 12 — Surah An-Naziat 79:12
“එසේ නම් එය අලාභවන්ත හැරීමකි” යැයි ඔවුහු පවසති
Verse 13 — Surah An-Naziat 79:13
එහෙත් එය එක් භයානක හඬක් පමණි
Verse 14 — Surah An-Naziat 79:14
එවිට ඔවුහු (විනිශ්චය සඳහා) එළිමහන් තැනක සිටිති
Verse 15 — Surah An-Naziat 79:15
මූසාගේ තොරතුරු (නබිවරය) ඔබට ලැබුණේද
Verse 16 — Surah An-Naziat 79:16
ඔහුගේ පරමාධිපති ඔහු ව තුවා නම් පාරිශුද්ධ නිම්නයෙහි ඇමතූ විට
Verse 17 — Surah An-Naziat 79:17
ඔබ ෆිර්අවුන් වෙත යනු. නියත වශයෙන්ම ඔහු සීමාව ඉක්මවා ගොස් ඇත
Verse 18 — Surah An-Naziat 79:18
එවිට ඔබ පිවිතුරු වීමට ඔබට (කැමැත්තක්) ඇත්දැයි විමසනු
Verse 19 — Surah An-Naziat 79:19
තවද මා නුඹට මඟ පෙන්වන්නෙමි. එවිට නුඹ නුඹගේ පරමාධිපතිට බියබැතිමත් වෙයි
Verse 20 — Surah An-Naziat 79:20
එවිට ඔහු (මූසා) ඔහුට මහා සළකුණ පෙන්වීය
Verse 21 — Surah An-Naziat 79:21
නමුත් ඔහු (ෆිර්අවුන් එය)බොරු යැයි පවසා (ඔහුට)පිටුපෑවේය
Verse 22 — Surah An-Naziat 79:22
පසු ව (ඔහුගෙන් වෙන් වී) පසු බැස ගොස් (ඔහුට හානි කිරීමට) වෑයම් කළේය
Verse 23 — Surah An-Naziat 79:23
එවිට ඔහු (ඔහුගේ ජනයා) රැස් කොට (ඔවුන් ව) ඇමතුවේය
Verse 24 — Surah An-Naziat 79:24
එවිට “මම නුඹලාගේ උසස් පරමාධිපති වෙමි“ යැයි ඔහු පැවසුවේය
Verse 25 — Surah An-Naziat 79:25
එහෙයින් අල්ලාහ් මෙලොව හා පරලොව දඬුවමට ඔහු ව හසු කර ගත්තේය
Verse 26 — Surah An-Naziat 79:26
නියත වශයෙන්ම (අල්ලාහ්ට) බියවන්නෙකුට එහි පාඩමක් ඇත
Verse 27 — Surah An-Naziat 79:27
මැවීමට බලවත් වන්නේ නුඹලා ද නැතහොත් අහස ද? එය ඔහු(අල්ලාහ්) නිර්මාණය කළේය
Verse 28 — Surah An-Naziat 79:28
ඔහු එහි වියන ඔසවා පසු ව එය නිවැරදි ව සැකසුවේය
Verse 29 — Surah An-Naziat 79:29
තවද ඔහු එහි රාත්රිය (අඳුරෙන්) ආවරණය කර එහි දහවල හෙළි කළේය
Verse 30 — Surah An-Naziat 79:30
තවද මහපොළොව ඉන් පසුව (නියමාකාරයෙන්) ඔහු එය දිග හැරියේය
Verse 31 — Surah An-Naziat 79:31
ඔහු එයින් එහි ඇති ජලය ද එහි ඇති තණබිම් ද බිහි කළේය
Verse 32 — Surah An-Naziat 79:32
තවද කඳු එය ඔහු ස්ථාවරව ස්ථාපිත කළේය
Verse 33 — Surah An-Naziat 79:33
(එය) නුඹලාට හා නුඹලාගේ ගොවිපළ සතුන්ට භුක්ති විඳීමක් වශයෙනි
Verse 34 — Surah An-Naziat 79:34
එහෙත් මහත් ව්යසනය පැමිණි විට
Verse 35 — Surah An-Naziat 79:35
එදින මිනිසා තමන් (මෙලොව) ප්රයත්න දැරූ දෑ සිහිපත් කරන්නේය
Verse 36 — Surah An-Naziat 79:36
තවද නරඹන්නන්හට නිරය ප්රත්යක්ෂ කරනු ලබයි
Verse 37 — Surah An-Naziat 79:37
එහෙයින් සීමාව උල්ලංඝනය කර
Verse 38 — Surah An-Naziat 79:38
මෙලොව ජීවිතය තෝරා ගත් අය වූ කලී
Verse 39 — Surah An-Naziat 79:39
සැබැවින්ම නිරය වන එයමය (ඔවුන්ගේ) නිවහන වන්නේ
Verse 40 — Surah An-Naziat 79:40
තවද තම පරමාධිපතිගේ සන්නිධාන(යේ පෙනී සිටීම)ට බිය වී තම ආත්මය ආශාවන්ගෙන් වළක්වා ගත් අය වූ කලී
Verse 41 — Surah An-Naziat 79:41
සැබැවින්ම ස්වර්ගය වන එයමය (ඔවුන්ගේ) නිවහන වන්නේ
Verse 42 — Surah An-Naziat 79:42
එම හෝරාව එය කවදා සිදුවන්නේ දැයි ඔවුහු ඔබගෙන් විමසති
Verse 43 — Surah An-Naziat 79:43
ඒ පිළිබඳ පැවසීමට ඔබට කුම(න බලය)ක් තිබේද
Verse 44 — Surah An-Naziat 79:44
එහි අවසන් තීන්දුව නුඹගේ පරමාධිපති වෙත ය
Verse 45 — Surah An-Naziat 79:45
ඒ පිළිබඳ බිය වන්නන්ට සැබැවින්ම නුඹ අවවාද කරන්නෙක් පමණි
Verse 46 — Surah An-Naziat 79:46
සැබැවින්ම ඔවුන් එදින (එය දකින විට) සවස් කාලයක් හෝ දිවා කාලයක් හෝ මිස (ලොවෙහි) රැඳී නොසිටියාක් මෙන් සිතනු ඇත