Back to Languages

Swahili - Chapter 43 - Az-Zukhruf

Translation by Ali Muhsin Al Barwani — Permalink

Verse 1 — Surah Az-Zukhruf 43:1

Verse 2 — Surah Az-Zukhruf 43:2

Naapa kwa Kitabu kinacho bainisha

Verse 3 — Surah Az-Zukhruf 43:3

Hakika Sisi tumeifanya Qur'ani kwa Kiarabu ili mfahamu

Verse 4 — Surah Az-Zukhruf 43:4

Na hakika hiyo imo katika Asili ya Maandiko yalioko kwetu, ni tukufu na yenye hikima

Verse 5 — Surah Az-Zukhruf 43:5

Je! Tuache kukukumbusheni kabisa kwa kuwa nyinyi ni watu mlio pita mipaka kwa ukafiri

Verse 6 — Surah Az-Zukhruf 43:6

Na Manabii wangapi tuliwatuma kwa watu wa zamani

Verse 7 — Surah Az-Zukhruf 43:7

Na hawajii Nabii yeyote ila walikuwa wakimkejeli

Verse 8 — Surah Az-Zukhruf 43:8

Na tuliwaangamiza walio kuwa na nguvu kushinda wao. Na mfano wa watu wa zamani umekwisha pita

Verse 9 — Surah Az-Zukhruf 43:9

Na ukiwauliza: Nani aliye ziumba mbingu na ardhi? Bila ya shaka watasema: Kaziumba Mwenye nguvu, Mjuzi

Verse 10 — Surah Az-Zukhruf 43:10

Ambaye amekufanyieni ardhi kama tandiko, na akakufanyieni ndani yake njia mpate kuongoka

Verse 11 — Surah Az-Zukhruf 43:11

Na ambaye ndiye aliye teremsha kutoka mbinguni maji kwa kiasi, na kwa hayo tukaifufua nchi iliyo kufa. Na namna hivi ndivyo mtakavyo tolewa

Verse 12 — Surah Az-Zukhruf 43:12

Na ambaye ndiye aliye umba katika kila kitu jike na dume, na akakufanyieni marikebu na wanyama mnao wapanda

Verse 13 — Surah Az-Zukhruf 43:13

Ili mkae vizuri migongoni mwao, kisha mkumbuke neema za Mola wenu Mlezi mnapokaa sawa sawa juu yao na mseme: Ametakasika aliye mfanya huyu atutumikie, na tusingeli weza kufanya haya wenyewe

Verse 14 — Surah Az-Zukhruf 43:14

Na hakika sisi tutarudi kwa Mola wetu Mlezi

Verse 15 — Surah Az-Zukhruf 43:15

Na wanamfanyia katika waja wake fungu. Kwa hakika mwanaadamu ni mtovu wa fadhila aliye dhaahiri

Verse 16 — Surah Az-Zukhruf 43:16

Au amejichukulia watoto wanawake katika vile alivyo viumba, na akakuteulieni nyinyi watoto wanaume

Verse 17 — Surah Az-Zukhruf 43:17

Na anapo bashiriwa mmoja wao kwa yale aliyo mpigia mfano Mwenyezi Mungu, uso wake husawijika na hujaa hasira

Verse 18 — Surah Az-Zukhruf 43:18

Ati aliye lelewa katika mapambo, na katika mabishano hawezi kusema kwa bayana

Verse 19 — Surah Az-Zukhruf 43:19

Na wakawafanya Malaika, ambao ni waja wa Mwingi wa Rehema, ni wanawake! Kwani wameshuhudia kuumbwa kwao? Ushahidi wao utaandikwa na wao watahojiwa

Verse 20 — Surah Az-Zukhruf 43:20

Nao husema: Angeli penda Mwingi wa Rehema tusingeli waabudu sisi. Hawana ujuzi wowote wa hayo! Hawana ila kusema uwongo tu

Verse 21 — Surah Az-Zukhruf 43:21

Kwani tuliwapa Kitabu kabla ya hichi, na ikawa wao wanakishikilia hicho

Verse 22 — Surah Az-Zukhruf 43:22

Bali wanasema: Hakika sisi tuliwakuta baba zetu wanashika dini makhsusi, basi na sisi tunaongoza nyayo zao

Verse 23 — Surah Az-Zukhruf 43:23

Na kadhaalika hatukumtuma mwonyaji kwenye mji wowote ila watu wake walio deka kwa starehe walisema: Hakika sisi tuliwakuta baba zetu wanashika dini makhsusi, na sisi tunafuata nyayo zao

Verse 24 — Surah Az-Zukhruf 43:24

Akasema (Mwonyaji): Hata nikikuleteeni yenye uwongofu bora kuliko mlio wakuta nao baba zenu? Wakasema: Sisi tunayakataa tu hayo mliyo tumwa

Verse 25 — Surah Az-Zukhruf 43:25

Basi tukawalipizia. Angalia ulikuwaje mwisho wa walio kadhibisha

Verse 26 — Surah Az-Zukhruf 43:26

Na pale Ibrahim alipo mwambia baba yake na kaumu yake: Hakika mimi ninajitenga mbali na hayo mnayo yaabudu

Verse 27 — Surah Az-Zukhruf 43:27

Isipo kuwa yule aliye niumba, kwani Yeye ataniongoa

Verse 28 — Surah Az-Zukhruf 43:28

Na akalifanya hili liwe neno lenye kubaki katika vizazi vyake ili warejee

Verse 29 — Surah Az-Zukhruf 43:29

Bali tuliwastarehesha hawa na baba zao mpaka ikawafikia Haki na Mtume aliye bainisha

Verse 30 — Surah Az-Zukhruf 43:30

Na ilipo wafikia Haki wakasema: Huu ni uchawi, na sisi hakika tunaukataa

Verse 31 — Surah Az-Zukhruf 43:31

Na walisema: Kwa nini Qur'ani hii haikuteremshwa kwa mtu mkubwa katika miji miwili hii

Verse 32 — Surah Az-Zukhruf 43:32

Kwani wao ndio wanao gawa rehema za Mola wako Mlezi? Sisi tumewagawanyia baina yao maisha yao katika uhai wa duniani, na tukawanyanyua baadhi yao juu ya wengine kwa daraja nyingi; kwa hivyo baadhi yao wanawafanya wenginewe wawatumikie. Na rehema za Mwenyezi Mungu ni bora kuliko hayo wanayo yakusanya

Verse 33 — Surah Az-Zukhruf 43:33

Na lau isinge kuwa watu watakuwa kundi moja tungeli wajaalia wanao mkufuru Rahmani wana nyumba zao zina dari ya fedha, na ngazi zao pia wanazo pandia

Verse 34 — Surah Az-Zukhruf 43:34

Na milango ya nyumba zao na vitanda wanavyo egemea juu yake

Verse 35 — Surah Az-Zukhruf 43:35

Na mapambo. Lakini hayo si chochote ila ni starehe ya maisha ya dunia tu, na Akhera iliyoko kwa Mola wako Mlezi ni ya wenye kumchamngu

Verse 36 — Surah Az-Zukhruf 43:36

Anaye yafanyia upofu maneno ya Rahmani tunamwekea Shet'ani kuwa ndiye rafiki yake

Verse 37 — Surah Az-Zukhruf 43:37

Na hakika wao wanawazuilia Njia na wenyewe wanadhani kuwa wameongoka

Verse 38 — Surah Az-Zukhruf 43:38

Hata atakapo tujia atasema: Laiti ungeli kuwako baina yangu na wewe kama umbali baina ya mashariki na magharibi. Rafiki mwovu mno wewe

Verse 39 — Surah Az-Zukhruf 43:39

Na kwa kuwa mlidhulumu, haitakufaeni kitu leo kwamba nyinyi mnashirikiana katika adhabu

Verse 40 — Surah Az-Zukhruf 43:40

Je! Unaweza kuwasikilizisha viziwi, au unaweza kuwaongoa vipofu na waliomo katika upotofu ulio wazi

Verse 41 — Surah Az-Zukhruf 43:41

Na hata tukikuondoa, Sisi tutalipiza kisasi chetu kwao

Verse 42 — Surah Az-Zukhruf 43:42

Au tutakuonyesha tulio waahidi. Nasi bila ya shaka tuna uweza juu yao

Verse 43 — Surah Az-Zukhruf 43:43

Basi wewe yashike yaliyo funuliwa kwako. Hakika wewe uko kwenye Njia Iliyo Nyooka

Verse 44 — Surah Az-Zukhruf 43:44

Na hakika haya ni ukumbusho kwako na kwa kaumu yako. Na mtakuja ulizwa

Verse 45 — Surah Az-Zukhruf 43:45

Na waulize Mitume wetu tulio watuma kabla yako: Je! Tulifanya miungu mingine iabudiwe badala ya Rah'mani

Verse 46 — Surah Az-Zukhruf 43:46

Na bila ya shaka tulimtuma Musa kwa Ishara zetu ende kwa Firauni na waheshimiwa wake, na akasema: Hakika mimi ni Mtume wa Mola Mlezi wa walimwengu wote

Verse 47 — Surah Az-Zukhruf 43:47

Lakini alipo wajia na Ishara zetu wakaingia kuzicheka

Verse 48 — Surah Az-Zukhruf 43:48

Na hatukuwaonyesha Ishara yoyote ila hiyo ilikuwa kubwa zaidi kuliko nyenginewe. Na tukawakamata kwa adhabu ili warejee

Verse 49 — Surah Az-Zukhruf 43:49

Na wakasema: Ewe mchawi! Tuombee kwa Mola wako Mlezi kwa ile ahadi aliyo kuahidi; hakika sisi tutakuwa wenye kuongoka

Verse 50 — Surah Az-Zukhruf 43:50

Basi tulipo waondolea adhabu hiyo, mara wakaingia kuvunja ahadi

Verse 51 — Surah Az-Zukhruf 43:51

Na Firauni alitangaza kwa watu wake, akisema: Enyi watu wangu! Kwani mimi sinao huu ufalme wa Misri, na hii mito inapita chini yangu? Je! Hamwoni

Verse 52 — Surah Az-Zukhruf 43:52

Au mimi si bora kuliko huyu aliye mnyonge, wala hawezi kusema waziwazi

Verse 53 — Surah Az-Zukhruf 43:53

Basi mbona hakuvikwa vikuku vya dhahabu, au hawakuja Malaika pamoja naye wakamwandama

Verse 54 — Surah Az-Zukhruf 43:54

Basi aliwachezea watu wake, na wakamt'ii. Kwa hakika hao walikuwa watu wapotovu

Verse 55 — Surah Az-Zukhruf 43:55

Walipo tukasirisha tuliwapatiliza tukawazamisha wote

Verse 56 — Surah Az-Zukhruf 43:56

Kisha tukawafanya kuwa watangulizi na mfano kwa wa baadaye

Verse 57 — Surah Az-Zukhruf 43:57

Na alipo pigiwa mfano Mwana wa Mariamu, watu wako waliupiga ukelele

Verse 58 — Surah Az-Zukhruf 43:58

Wakasema: Miungu yetu kwani si bora kuliko huyu? Hawakukupigia mfano huo ila kwa ubishi tu. Bali hao ni watu wagomvi

Verse 59 — Surah Az-Zukhruf 43:59

Hakuwa yeye (Isa) ila ni Mtumwa tuliye mneemesha na tukamfanya ni mfano kwa Wana wa Israili

Verse 60 — Surah Az-Zukhruf 43:60

Na tungeli penda tungeli wafanyia miongoni mwenu Malaika katika ardhi wakifuatana

Verse 61 — Surah Az-Zukhruf 43:61

Na kwa hakika yeye ni alama ya Saa ya Kiyama. Basi usiitilie shaka, na nifuateni. Hii ndiyo Njia Iliyo Nyooka

Verse 62 — Surah Az-Zukhruf 43:62

Wala asikuzuilieni Shet'ani. Hakika yeye ni adui yenu wa dhaahiri

Verse 63 — Surah Az-Zukhruf 43:63

Na alipo kuja Isa na dalili zilizo wazi, alisema: Nimekujieni na hikima, na ili nikuelezeni baadhi ya yale mliyo khitalifiana. Basi mcheni Mwenyezi Mungu, na mnit'ii mimi

Verse 64 — Surah Az-Zukhruf 43:64

Kwa hakika Mwenyezi Mungu ni Mola wangu Mlezi, na ni Mola wenu Mlezi. Basi Muabuduni Yeye tu. Hii ndiyo Njia Iliyo Nyooka

Verse 65 — Surah Az-Zukhruf 43:65

Lakini makundi kwa makundi yao yalikhitalifiana wao kwa wao. Ole wao walio dhulumu kwa adhabu ya siku chungu

Verse 66 — Surah Az-Zukhruf 43:66

Je! Nini wanangojea ila Saa iwajie kwa ghafla na wala wao hawatambui

Verse 67 — Surah Az-Zukhruf 43:67

Siku hiyo marafiki watakuwa ni maadui, wao kwa wao, isipo kuwa wachamngu

Verse 68 — Surah Az-Zukhruf 43:68

Enyi waja wangu! Hamtakuwa na khofu siku hiyo, wala hamtahuzunika

Verse 69 — Surah Az-Zukhruf 43:69

Ambao waliziamini Ishara zangu na walikuwa Waislamu

Verse 70 — Surah Az-Zukhruf 43:70

Ingieni Peponi, nyinyi na wake zenu; mtafurahishwa humo

Verse 71 — Surah Az-Zukhruf 43:71

Watakuwa wanapitishiwa sahani za dhahabu na vikombe; na vitakuwamo ambavyo nafsi zinavipenda na macho yanavifurahia, na nyinyi mtakaa humo milele

Verse 72 — Surah Az-Zukhruf 43:72

Na hiyo ni Pepo mliyo rithishwa kwa hayo mliyo kuwa mkiyafanya

Verse 73 — Surah Az-Zukhruf 43:73

Mnayo humo matunda mengi mtakayo yala

Verse 74 — Surah Az-Zukhruf 43:74

Kwa hakika wakosefu watakaa katika adhabu ya Jahannamu

Verse 75 — Surah Az-Zukhruf 43:75

Hawatapumzishwa nayo na humo watakata tamaa

Verse 76 — Surah Az-Zukhruf 43:76

Wala Sisi hatukuwadhulumu, bali wao ndio walio kuwa madhaalimu

Verse 77 — Surah Az-Zukhruf 43:77

Nao watapiga kelele waseme: Ewe Malik! Na atufishe Mola wako Mlezi! Naye aseme: Hakika nyinyi mtakaa humo humo

Verse 78 — Surah Az-Zukhruf 43:78

Kwa yakini tulikuleteeni Haki, lakini wengi katika nyinyi mlikuwa mnaichukia Haki

Verse 79 — Surah Az-Zukhruf 43:79

Au waliweza kupitisha amri yao? Bali ni Sisi ndio tunao pitisha

Verse 80 — Surah Az-Zukhruf 43:80

Au wanadhani kwamba hatusikii siri zao na minong'ono yao? Wapi! Na wajumbe wetu wapo karibu nao, wanayaandika

Verse 81 — Surah Az-Zukhruf 43:81

Sema: Ingeli kuwa Rahmani ana mwana, basi mimi ningeli kuwa wa kwanza kumuabudu

Verse 82 — Surah Az-Zukhruf 43:82

Ametakasika Mola Mlezi wa mbingu na ardhi, Mola Mlezi wa A'rshi, na hayo wanayo msifia

Verse 83 — Surah Az-Zukhruf 43:83

Basi waache wapige porojo wakicheza mpaka wakutwe na hiyo siku yao waliyo ahidiwa

Verse 84 — Surah Az-Zukhruf 43:84

Na Yeye ndiye Mungu mbinguni, na ndiye Mungu katika ardhi. Naye ndiye Mwenye hikima, Mwenye ujuzi

Verse 85 — Surah Az-Zukhruf 43:85

Na ametukuka Mwenye ufalme wa mbingu na ardhi na viliomo ndani yake. Na uko kwake ujuzi wa Saa ya Kiyama, na kwake Yeye mtarudishwa

Verse 86 — Surah Az-Zukhruf 43:86

Wala hao mnao waomba badala yake Yeye hawana uweza wa kumwombea mtu, isipo kuwa anaye shuhudia kwa haki, na wao wanajua

Verse 87 — Surah Az-Zukhruf 43:87

Na ukiwauliza ni nani aliye waumba? Bila ya shaka watasema: Mwenyezi Mungu! Basi ni wapi wanako geuziwa

Verse 88 — Surah Az-Zukhruf 43:88

Na usemi wake (Mtume) ni: Ewe Mola wangu Mlezi! Hakika hawa ni watu wasio amini

Verse 89 — Surah Az-Zukhruf 43:89

Basi wasamehe, na uwambie maneno ya salama. Watakuja jua