Back to LanguagesPrevious ChapterNext Chapter EnglishArabicUrduHindiTamilBengali
Swahili - Chapter 44 - Ad-Dukhan
Translation by Ali Muhsin Al Barwani — Permalink
Verse 1 — Surah Ad-Dukhan 44:1
Verse 2 — Surah Ad-Dukhan 44:2
Naapa kwa Kitabu kinacho bainisha
Verse 3 — Surah Ad-Dukhan 44:3
Hakika tumekiteremsha katika usiku ulio barikiwa. Hakika Sisi ni Waonyaji
Verse 4 — Surah Ad-Dukhan 44:4
Katika usiku huu hubainishwa kila jambo la hikima
Verse 5 — Surah Ad-Dukhan 44:5
Jambo litokalo kwetu. Hakika Sisi ndio wenye kutuma
Verse 6 — Surah Ad-Dukhan 44:6
Ni rehema itokayo kwa Mola wako Mlezi. Hakika Yeye ni Mwenye kusikia Mwenye kujua
Verse 7 — Surah Ad-Dukhan 44:7
Mola Mlezi wa mbingu na ardhi na vilio baina yao, ikiwa nyinyi mna yakini
Verse 8 — Surah Ad-Dukhan 44:8
Hakuna mungu ila Yeye; anahuisha na anafisha- Mola Mlezi wenu na Mola Mlezi wa baba zenu wa mwanzo
Verse 9 — Surah Ad-Dukhan 44:9
Lakini wao wanacheza katika shaka
Verse 10 — Surah Ad-Dukhan 44:10
Basi ingoje siku ambayo mbingu zitakapo leta moshi ulio dhaahiri
Verse 11 — Surah Ad-Dukhan 44:11
Utakao wafunika watu: Hii ni adhabu chungu
Verse 12 — Surah Ad-Dukhan 44:12
Mola wetu Mlezi! Tuondolee adhabu hii. Hakika tutaamini
Verse 13 — Surah Ad-Dukhan 44:13
Nini faida ya kukumbuka kwao? Na alikwisha wafikia Mtume mwenye kubainisha
Verse 14 — Surah Ad-Dukhan 44:14
Na wao wakamgeuzia uso, na wakasema: Huyu amefunzwa, naye ni mwendawazimu
Verse 15 — Surah Ad-Dukhan 44:15
Hakika sisi tutaiondoa adhabu kidogo, lakini nyinyi kwa yakini mtarejea vile vile
Verse 16 — Surah Ad-Dukhan 44:16
Siku tutayo yashambulia mashambulio makubwa, bila ya shaka Sisi ni wenye kutesa
Verse 17 — Surah Ad-Dukhan 44:17
Na hakika kabla ya hawa tuliwafanyia mtihani watu wa Firauni, na aliwafikia Mtume Mtukufu
Verse 18 — Surah Ad-Dukhan 44:18
Akasema: Nipeni waja wa Mwenyezi Mungu; kwa hakika mimi kwenu ni Mtume Muaminifu
Verse 19 — Surah Ad-Dukhan 44:19
Na msimfanyie kiburi Mwenyezi Mungu; hakika mimi nitakuleteeni uthibitisho ulio wazi
Verse 20 — Surah Ad-Dukhan 44:20
Nami najikinga kwa Mola wangu Mlezi na ndiye Mola wenu Mlezi pia, ili msinipige mawe
Verse 21 — Surah Ad-Dukhan 44:21
Na ikiwa hamniamini, basi jitengeni nami
Verse 22 — Surah Ad-Dukhan 44:22
Ndipo akamwomba Mola wake Mlezi: Hakika watu hawa ni wakosefu
Verse 23 — Surah Ad-Dukhan 44:23
Mwenyezi Mungu akasema: Basi nenda na waja wangu usiku. Kwa yakini mtafuatwa
Verse 24 — Surah Ad-Dukhan 44:24
Na iache bahari vivyo hivyo imeachana, hakika wao hao ni jeshi litakalo zamishwa
Verse 25 — Surah Ad-Dukhan 44:25
Mabustani mangapi, na chemchem ngapi waliziacha
Verse 26 — Surah Ad-Dukhan 44:26
Na mimea na vyeo vitukufu
Verse 27 — Surah Ad-Dukhan 44:27
Na neema walizo kuwa wakijistareheshea
Verse 28 — Surah Ad-Dukhan 44:28
Ndio hivyo! Na tukawarithisha haya watu wenginewe
Verse 29 — Surah Ad-Dukhan 44:29
La mbingu wala ardhi hazikuwalilia, wala hawakupewa muhula
Verse 30 — Surah Ad-Dukhan 44:30
Na bila ya shaka tuliwaokoa Wana wa Israili katika adhabu ya kuwadhalilisha
Verse 31 — Surah Ad-Dukhan 44:31
Ya Firauni. Hakika yeye alikuwa jeuri katika wenye kupindukia mipaka
Verse 32 — Surah Ad-Dukhan 44:32
Na tuliwakhiari kwa ujuzi wetu kuliko walimwengu wenginewe
Verse 33 — Surah Ad-Dukhan 44:33
Na tukawapa katika ishara zenye majaribio yaliyo wazi
Verse 34 — Surah Ad-Dukhan 44:34
Hakika hawa wanasema
Verse 35 — Surah Ad-Dukhan 44:35
Hapana ila kufa kwetu mara ya kwanza tu, wala sisi hatufufuliwi
Verse 36 — Surah Ad-Dukhan 44:36
Basi warudisheni baba zetu, ikiwa nyinyi mnasema kweli
Verse 37 — Surah Ad-Dukhan 44:37
Je! Ni wao bora au watu wa Tubbaa' na walio kuwa kabla yao? Tuliwaangamiza. Hakika hao walikuwa wakosefu
Verse 38 — Surah Ad-Dukhan 44:38
Na hatukuziumba mbingu na ardhi na vilivyomo baina yake kwa mchezo
Verse 39 — Surah Ad-Dukhan 44:39
Hatukuviumba hivyo ila kwa Haki, lakini wengi wao hawajui
Verse 40 — Surah Ad-Dukhan 44:40
Hakika siku ya Uamuzi ni wakati ulio wekwa kwa wao wote
Verse 41 — Surah Ad-Dukhan 44:41
Siku ambayo rafiki hatamfaa rafiki yake kwa chochote, wala hawatanusuriwa
Verse 42 — Surah Ad-Dukhan 44:42
Isipo kuwa atakaye mrehemu Mwenyezi Mungu. Hakika Yeye ndiye Mwenye nguvu, Mwenye kurehemu
Verse 43 — Surah Ad-Dukhan 44:43
Hakika Mti wa Zaqqum
Verse 44 — Surah Ad-Dukhan 44:44
Ni chakula cha mwenye dhambi
Verse 45 — Surah Ad-Dukhan 44:45
Kama shaba iliyo yayushwa, hutokota matumboni
Verse 46 — Surah Ad-Dukhan 44:46
Kama kutokota kwa maji ya moto
Verse 47 — Surah Ad-Dukhan 44:47
(Itasemwa:) Mkamateni na mtupeni katikati ya Jahannamu
Verse 48 — Surah Ad-Dukhan 44:48
Kisha mmwagieni juu ya kichwa chake adhabu ya maji yanayo chemka
Verse 49 — Surah Ad-Dukhan 44:49
Onja! Ati wewe ndiye mwenye nguvu, mtukufu
Verse 50 — Surah Ad-Dukhan 44:50
Hakika haya ndiyo mliyo kuwa mkiyatilia shaka
Verse 51 — Surah Ad-Dukhan 44:51
Hakika wachamngu watakuwa katika mahali pa amani
Verse 52 — Surah Ad-Dukhan 44:52
Katika mabustani na chemchem
Verse 53 — Surah Ad-Dukhan 44:53
Watavaa hariri nyepesi na hariri nzito wakikabiliana
Verse 54 — Surah Ad-Dukhan 44:54
Hivi ndivyo itakavyo kuwa, na tutawaoza mahurilaini
Verse 55 — Surah Ad-Dukhan 44:55
Humo watataka kila aina ya matunda, na wakae kwa amani
Verse 56 — Surah Ad-Dukhan 44:56
Humo hawataonja mauti ila mauti yale ya kwanza, na (Mwenyezi Mungu) atawalinda na adhabu ya Jahannamu
Verse 57 — Surah Ad-Dukhan 44:57
Kuwa ni fadhila zitokazo kwa Mola wako Mlezi. Huko ndiko kufuzu kukubwa
Verse 58 — Surah Ad-Dukhan 44:58
Basi tumeifanya nyepesi hii Qur'ani kwa ulimi wako, ili wapate kukumbuka
Verse 59 — Surah Ad-Dukhan 44:59
Ngoja tu, na wao wangoje pia