Back to Languages

Swahili - Chapter 71 - Nuh

Translation by Ali Muhsin Al Barwani — Permalink

Verse 1 — Surah Nuh 71:1

Hakika Sisi tulimtuma Nuh'u kwa watu wake: Uwaonye kaumu yako kabla ya kuwafikia adhabu chungu

Verse 2 — Surah Nuh 71:2

Akasema: Enyi watu wangu! Kwa hakika mimi ni mwonyaji wa dhaahiri kwenu

Verse 3 — Surah Nuh 71:3

Ya kwamba mumuabudu Mwenyezi Mungu, na mumche Yeye, na mumt'ii

Verse 4 — Surah Nuh 71:4

Atakughufirieni madhambi yenu, na atakuakhirisheni mpaka muda ulio wekwa. Hakika muda wa Mwenyezi Mungu utapo fika haucheleweshwi. Laiti mngejua

Verse 5 — Surah Nuh 71:5

Akasema: Ee Mola wangu Mlezi! Hakika mimi nimewaita watu wangu usiku na mchana

Verse 6 — Surah Nuh 71:6

Lakini wito wangu haukuwazidisha ila kukimbia

Verse 7 — Surah Nuh 71:7

Na hakika mimi kila nilipo waita ili upate kuwaghufiria, walijiziba masikio yao kwa vidole vyao, na wakajigubika nguo zao, na wakakamia, na wakatakabari vikubwa mno

Verse 8 — Surah Nuh 71:8

Tena niliwaita kwa uwazi

Verse 9 — Surah Nuh 71:9

Kisha nikawatangazia kwa kelele, tena nikasema nao kwa siri

Verse 10 — Surah Nuh 71:10

Nikasema: Ombeni msamaha kwa Mola wenu Mlezi; hakika Yeye ni Mwingi wa kusamehe

Verse 11 — Surah Nuh 71:11

Atakuleteeni mvua inyeshe mfululizo

Verse 12 — Surah Nuh 71:12

Na atakupeni mali na wana, na atakupeni mabustani na atakufanyieni mito

Verse 13 — Surah Nuh 71:13

Mna nini hamweki heshima ya Mwenyezi Mungu

Verse 14 — Surah Nuh 71:14

Na hali Yeye kakuumbeni daraja baada ya daraja

Verse 15 — Surah Nuh 71:15

Kwani hamwoni jinsi Mwenyezi Mungu alivyo ziumba mbingu saba kwa matabaka

Verse 16 — Surah Nuh 71:16

Na akaufanya mwezi ndani yake uwe nuru, na akalifanya jua kuwa taa

Verse 17 — Surah Nuh 71:17

Na Mwenyezi Mungu amekuotesheni katika ardhi kama mimea

Verse 18 — Surah Nuh 71:18

Kisha atakurudsheni humo na atakutoeni tena

Verse 19 — Surah Nuh 71:19

Na Mwenyezi Mungu amekukunjulieni ardhi kama busati

Verse 20 — Surah Nuh 71:20

Ili mtembee humo katika njia zilizo pana

Verse 21 — Surah Nuh 71:21

Nuh'u akasema: Mola wangu Mlezi! Hakika hao wameniasi, na wamemfuata yule ambaye mali yake na wanawe hawakumzidishia ila khasara

Verse 22 — Surah Nuh 71:22

Na wakapanga vitimbi vikubwa

Verse 23 — Surah Nuh 71:23

Na wakasema: Msiwaache miungu yenu, wala msimwache Wadda wala Suwaa' wala Yaghutha, wala Yau'qa, wala Nasra

Verse 24 — Surah Nuh 71:24

Na hao walikwisha wapoteza wengi, wala usiwazidishie walio dhulumu ila kupotea

Verse 25 — Surah Nuh 71:25

Basi kwa ajili ya makosa yao waligharikishwa wakaingizwa Motoni, wala hawakuwapata wa kuwanusuru badala ya Mwenyezi Mungu

Verse 26 — Surah Nuh 71:26

Na Nuh'u akasema: Mola wangu Mlezi! Usimwache juu ya ardhi mkaazi wake yeyote katika makafiri

Verse 27 — Surah Nuh 71:27

Hakika ukiwaacha watawapoteza waja wako, wala wao hawatazaa ila waovu makafiri

Verse 28 — Surah Nuh 71:28

Mola wangu Mlezi! Nighufirie mimi na wazazi wangu, na kila aliye ingia nyumbani mwangu kuwa ni mwenye kuamini, na Waumini wote wanaume, na Waumini wanawake. Na wala usiwazidishie walio dhulumu ila kupotea