Back to Languages

Swahili - Chapter 73 - Al-Muzzammil

Translation by Ali Muhsin Al Barwani — Permalink

Verse 1 — Surah Al-Muzzammil 73:1

Verse 2 — Surah Al-Muzzammil 73:2

Kesha usiku kucha, ila kidogo tu

Verse 3 — Surah Al-Muzzammil 73:3

Nusu yake, au ipunguze kidogo

Verse 4 — Surah Al-Muzzammil 73:4

Au izidishe - na soma Qur'ani kwa utaratibu na utungo

Verse 5 — Surah Al-Muzzammil 73:5

Hakika Sisi tutakuteremshia kauli nzito

Verse 6 — Surah Al-Muzzammil 73:6

Hakika kuamka usiku kunawafikiana zaidi na moyo, na maneno yake yanatua zaidi

Verse 7 — Surah Al-Muzzammil 73:7

Kwani hakika mchana una shughuli nyingi

Verse 8 — Surah Al-Muzzammil 73:8

Na lidhukuru jina la Mola wako Mlezi, na ujitolee kwake kwa ukamilifu

Verse 9 — Surah Al-Muzzammil 73:9

Mola Mlezi wa mashariki na magharibi, hapana mungu isipo kuwa Yeye, basi mfanye kuwa Mtegemewa wako

Verse 10 — Surah Al-Muzzammil 73:10

Na vumilia hayo wayasemayo, na jitenge nao kwa vizuri

Verse 11 — Surah Al-Muzzammil 73:11

Na niache Mimi na hao wanao kanusha, walio neemeka; na wape muhula kidogo

Verse 12 — Surah Al-Muzzammil 73:12

Hakika Sisi tunazo pingu nzito na Moto unao waka kwa ukali kabisa

Verse 13 — Surah Al-Muzzammil 73:13

Na chakula kinacho kwama kooni, na adhabu inayo umiza

Verse 14 — Surah Al-Muzzammil 73:14

Siku ambayo ardhi itatikiswa na milima pia, na milima itakuwa kama tifutifu la mchanga

Verse 15 — Surah Al-Muzzammil 73:15

Hakika Sisi tumemtuma kwenu Mtume aliye shahidi juu yenu, kama tulivyo mtuma Mtume kwa Firauni

Verse 16 — Surah Al-Muzzammil 73:16

Lakini Firauni alimuasi huyo Mtume, basi tukamshika mshiko wa mateso

Verse 17 — Surah Al-Muzzammil 73:17

Basi nyinyi mkikufuru, mtawezaje kujikinga na Siku ambayo itawafanya watoto wadogo waote mvi

Verse 18 — Surah Al-Muzzammil 73:18

Hapo mbingu zitapasuka! Ahadi yake itakuwa imetekelezwa

Verse 19 — Surah Al-Muzzammil 73:19

Kwa hakika hili ni kumbusho. Mwenye kutaka atashika njia ya kwendea kwa Mola wake Mlezi

Verse 20 — Surah Al-Muzzammil 73:20

Hakika Mola wako Mlezi anajua ya kuwa hakika wewe unakesha karibu na thuluthi mbili za usiku, na nusu yake, na thuluthi yake. Na baadhi ya watu walio pamoja nawe kadhaalika. Na Mwenyezi Mungu ndiye anaye ukadiria usiku na mchana. Anajua kuwa hamwezi kuweka hisabu, basi amekusameheni. Basi someni kilicho chepesi katika Qur'ani. Anajua ya kuwa baadhi yenu watakuwa wagonjwa, na wengine wanasafiri katika ardhi wakitafuta fadhila ya Mwenyezi Mungu, na wengine wanapigana katika Njia ya Mwenyezi Mungu. Kwa hivyo someni kilicho chepesi humo, na mshike Sala, na toeni Zaka, na mkopesheni Mwenyezi Mungu mkopo mwema. Na kheri yoyote mnayo itanguliza kwa ajili ya nafsi zenu mtaikuta kwa Mwenyezi Mungu, imekuwa bora zaidi, na ina thawabu kubwa sana. Na mtakeni msamaha Mwenyezi Mungu. Hakika Mwenyezi Mungu ni Mwenye kusamehe Mwenye kurehemu