Urdu - Chapter 44 - Ad-Dukhan

haa meeem

qasam hai is wazaahath waali kitaab ki

yaqinan hum ne ise ba-barkath raath mein utaara hai, beshak hum daraane waale hai

osi raath mein har ek mazbooth kaam ka faisla kiya jaata hai

hamaare paas se hukm ho kar hum hee hai rasool bana kar bhejne waale

aap ke rab ki meherbaani se, wo hee hai sunne waala jaanne waala

jo rab hai asmaano ka aur zameen ka aur jo kuch un ke darmiyaan hai agar tum yaqeen karne waale ho

balke wo shak mein pade khel rahe hai

aap us din ke muntazir rahe jab ke asmaan zaaher dhua layega

jo logo ko gher lega, ye dardnaak azaab hai

kahenge ke aye hamaare rab! ye aafath hum se door kar, hum imaan qubool karte hai

un ke liye nasihath kahaa hai? khol khol kar bayaan karne waale paighambar un ke paas aa chuke

phir bhi unhone un se mu phera aur keh diya ke sikhaaya padaaya hoa bawla hai

hum azaab ko thoda door kar denge to tum phir apni osi haalath par aa jaoge

jis din hum badi saqth pakad pakdenge bil yaqeen hum badhla lene waale hai

yaqinan un se pehle hum khaum feraun ko (bhi) aazma chuke hai jin ke paas (Allah ka) ba-izzath rasool aaya

ke Allah ta’ala ke bandho ko mere hawaale kardo, yaqeen maano ke main tuhaare liye amaanat-daar rasool hoon

aur tum Allah ta’ala ke saamne sarkashi na karo, main tumhaare paas kholi daleel laane waala hoon

aur main apne aur tumhaare rab ki panaah mein aata hoon, us se ke tum mujhe sangsaar kardo

aur agar tum mujh par imaan nahi laate to mujh se alag hee raho

phir unhone apne rab se dua ki, ke ye sab gunehgaar log hai

(hum ne keh diya) ke raatho raath tu mere bandho ko le kar nikal, yaqinan tumhara picha kiya jayega

to tu darya ko saakin1 chohd kar chala ja, bila shuba ye lashkar gharq kar diya jayega

wo bahuth se baghaath aur chashme chohd gaye

aur khetiyaa aur raahath baqsh thikaane

aur wo araam ki chize jin mein aysh kar rahe thein

osi tarah ho gaya aur hum ne un sab ka waaris dosri khaum ko bana diya

so un par na to asmaan wa zameen roye aur na unhe mahullat mili

aur beshak hum ne (hee) bani israel ko (saqth) ruswa kun saza se najaath di

(jo) feraun ki taraf se (ho rahi) thi, fil waaqe wo sarkash aur hadh se guzar jaane waalo mein se tha

aur hum ne daanista taur par bani israel ko dunya jahaan waalo par fauqiyath di

aur hum ne unhe aisi nishaaniya di jin mein sarih azmaayesh thi

ye log to yahi kehte hai

ke (aaqri cheez) yahi hamaara pehli baar (dunya se) mar jaana hai aur hum dobaara uthaaye nahi jayenge

agar tum sacche ho to hamaare baap dadaao ko le aao

kya ye log behtar hai ya tubbah ki khaum aur jo in se bhi pehle thein, hum ne un sab ko halaak kar diya, yaqinan wo gunehgaar thein

hum ne zameen aur asmaano aur un ke darmiyaan ki cheezo ko khel ke taur par payda nahi kiya

balke hum ne unhe durusth tadhbeer ke saath hee payda kiya hai, lekin un mein se aksar log nahi jaante

yaqinan faysle ka din un sab ka tay shuda waqth hai

us din koyi dosth kisi dosth ke kuch bhi kaam na ayega aur na un ki imdaad ki jayegi

magar jis par Allah ki meherbaani ho jaaye, wo zabardasth aur rahem karne waala hai

beshak zaqqoom (tohar) ka daraqth

gunehgaar ka khaana hai

jo misl til-chat ke hai, pet mein khaulta rehta hai

misl tez garam paani ke

ose pakad lo phir ghasithte hoye beech jahannam tak pahonchaao

phir us ke sar par saqth garam paani ka azaab bahaao

(us se kaha jayega) chakta ja, tu to bada zi izzath aur bade ekraam waala tha

yahi wo cheez hai jis mein tum shak kiya karte thein

beshak (Allah se) darne waale aman chayn ki jageh mein honge

baagh aur chashmo mein

baarik aur dabeez resham ke libaas pehne hoye aamne saamne baithe honge

ye isi tara hai aur hum badi badi aankho waali huro se un ka nikaah kar denge

dil jamyi ke saath wahaa har tarah ke mewo ki farmaayeshe karte honge

wahaa wo mauth chakne ke nahi hai, haan pehli mauth (jo wo mar chuke) unhe Allah ta’ala ne dozakh ki saza se bacha diya

ye sirf tere rab ka fazl hai, yahi hai badi kamyaabi

hum ne is Qur’aan ko teri zabaan mein asaan kar diya ta ke wo nasihath haasil kare

ab tu muntzir reh, ye bhi muntazir hai