Urdu - Chapter 70 - Al-Maarij

Aik sawal kernay walay ney uss azab ka swal kiya jo wazeh honay wala hay

Kafiron per jissay koi hatanay wala nahi

Uss Allah ki taraf say jo seerhiyon wala hay

Jiss ki taraf farishtay aur rooh charhtay hein aik din mein jiss ki miqdaar pachas hazar saal ki hay

Pus to achi tarah sabar ker

Beshak yeh uss (azab) ko door samajh rahe hein

Hum issay qareeb hi dekhatay hein

Jiss din aasman misil tel ki talchat kay hojayega

Aur pohaar misil rangeen oon kay hojey gay

Aur koi dost kissi dost ko na poochay ga

(Halankay) aik doosray ko dikha diye jaeyen gay gunehgar uss din kay azab kay badlay fidye mein apney beton ko

Apni biwi ko aur apney bhai ko

Aur apney kunbay ko jo issay panah deta tha

Aur roy e zameen kay sab logon ko dena chahyega takay yeh ussay nijat dilaye

Mager hergiz yeh na hoga yaqeenan wo shoal wali (aag)hai

Jo mun aur sar ki khal khench lynay wali hay

Wo her us shaks ko pukaray gi jo pechay hata aur mun morta hay

Beshak insan baray kachy dil wala banaya gaya hay

Jab is say musibat puhanchti hay to har bara uthta hay

aur jab rahat milti hay to bukhul kernay lagta hay

Mager wo namazi

J apnai namaz per hameshagi kernay walay hein

Aur jin kay maalon mein mukarra hisa hay

Mangnay walon ka bhi aur sawal say bachnay walon ka bhi

Aur jo insaf kay din per yaqeen rakhtay hein

Aur jo apney rab kay azab say dertay rehtay hein

Beshak un kay rab ka azab bekhof honay ki chez nahi

Aur jo log apni sharm gahon ki (haram say)hifazat kertay hein

Han unki biwion aur londion kay bary mein jin kay wo malik hein.unhein koi malamat nahi

Ab jo koi is kay ilawa(rah)dhonday ga to asay log had say guzar janay walay hongay

Aur jo apni amanton ka aur apney qol o qarar ka pass rakhtay hein

Aur jo apni gawahion per sidhay aur qaim rehtay hein

Aur jo apni namazon ki hifazat kertay hein

Yehi log janton mein izat walay hongay

Pus kafoiron ko kia hogaya hay kay wo teri taraf dortay atay hein

Daein aur baein say giroh kay giroh

Kia in mein say her ik ki tawaqa yeh hay kay wo nematon wali janat mein dakhil kia jaey ga

(aisa) hergiz nahi ho ga hum ney unhein is(chez) say paida kia hay jiss say wo jantay hein

Pus mujhy qasam hay mashrikon aur maghribon kay rab ki (kay)hum yaqeenan qadir hein

Is per kay in kay ewaz in say achay log lay ayein aur hum aajiz nahi hein

Pus to inhein jagherta khelata chor day yahan ytak kay yeh apney us din say jamilein jis ka un say wada kia jata hay

Jis din yeh qabron say dortay hoy niklein gay goya kay wo kisi jaga ki taraf tez tez jarahy hein

In ki ankhein jhoki hoi hongi in per zilat charahi hon gi yeh hay wo din jis ka un say wada kia jata tha