Urdu - Chapter 79 - An-Naziat

قسم ہے (فرشتوں کی) جو غوطہ لگا کر (جان) کھیننے والے ہیں

اور تیزی سے پیرنے والے ہیں

پھر (تعمیل ارشاد میں) جو دوڑ کر سبقت لے جانے والے ہیں

پھر (حسب حکم) ہر کام کا انتظام کرنے والے ہیں

جس روز تھر تھرائے گی تھرتھرانے والی

اس کے پیچھے ایک اور جھٹکا ہوگا

کتنے دل اس روز (خوف سے) کانپ رہے ہو گے

ان کی آنکھیں (ڈر سے) جھکی ہوں گی

کافر کہتے ہیں کیا ہم پلٹائے جائیں گے الٹے پاؤں

(یعنی جب ) ہم بوسیدہ ہڈیاں بن چکے ہوں گے

بولے یہ واپسی تو بڑے گھاٹے کی ہوگی

(پس اس واپسی کے لیے) تو فقط ایک جھڑک کافی ہے

پھر وہ فوراً کھلے میدان میں جمع ہوجائیں گے

(اے حبیب!) کیا پہنچی ہے آپ کو مسوی کی خبر ؟

جب ان کے رب نے انہیں طوی کی مقدس وادی میں پکارا تھا

(کہ) جاؤ فرعون کے پاس وہ سرکش بن گیا ہے

پس (اس سے) دریافت کرو کیا تیری خواہش ہے کہ تو پاک ہوجائے

(اور کیا تو چاہتا ہے کہ ) میں تیری رہبری کروں تیرے رب کی طرف تاکہ تو (اس سے ) ڈرنے لگے

پس آپ نے (جا کر) اسے بڑی نشانی دکھائی

پس اس نے جھٹلایا اور نافرمانی کی

پھر روگرداں ہو کر فتنہ انگیزی میں کوشاں ہوگیا

پھر (لوگوں کو) جمع کیا پس پکارا

اور کہا میں تمہارا سب سے بڑا رب ہوں

آخر کار مبتلا کردیا اسے اللہ نے آخرت اور دنیا کے (دوہرے ) عذاب میں

بے شک اس میں بڑی عبرت ہے اس کے لیے جو اللہ سے ڈرتا ہے

کیا تمہیں پیدا کرنا مشکل ہے یا آسمان کا ۔ اس نے اسے بنایا

اس کی چھت کو خوب اونچا کیا پھر اس کو درست کیا

اور تاریک کیا اس کی رات کو اور ظاہر کیا اس کے دن کو

اور زمین کو بعد ازاں بچھا دیا

نکالا اس سے اس کا پانی اور اس کا سبزہ

اور پہاڑ (اس میں) گاڑ دیے

سامان زیست ہے تمہارے لیے اور تمہارے مویشیوں کے لیے

پھر جب آئے گی سب سے بڑی آفت

اس دن انسان یاد کرے گا جو دوڑ دھوپ اس نے کی تھی

اور ظاہر کردی جائے گی جہنم ہر دیکھنے والے کے لیے

پس جس نے سرکشی کی ہوگی

اور ترجیح دی ہوگی دنیوی زندگی کو

تو دوزخ ہی (اس کا) ٹھکانا ہوگا

اور جو ڈرتا رہا ہوگا اپنے رب کے حضور کھڑا ہونے سے اور (اپنے) نفس کو روکتا رہا ہوگا (پر بری) خواہش سے

یقینا جنت ہی اس کا ٹھکانا ہوگا

یہ لوگ آپ سے قیامت کے بارے میں پوچھتے ہیں کہ وہ کب قائم ہوگی

یہ لوگ آپ سے قیامت کے بارے میں پوچھتے ہیں کہ وہ کب قائم ہوگی

آپ کے رب تک اس کی انتہا ہے

آپ ضرور خبردار کرنے والے ہیں ہر اس شخص کو جو اس سے ڈرتا ہو

گویا وہ جس روز اس کو دیکھیں گے (انہیں یوں محسوس ہوگا) کہ وہ (دنیا میں) نہیں ٹھہرے تھے مگر ایک شام یا ایک صبح