Urdu - Chapter 92 - Al-Layl

قسم ہے رات کی جب وہ چھا جائے۔

اور دن کی جب اس کا اجالا پھیل جائے۔

اور اس ذات کی جس نے نر اور مادہ کو پیدا کیا۔

کہ حقیقت میں تم لوگوں کی کوششیں الگ الگ قسم کی ہیں۔

اب جس کسی نے (اللہ کے راستے میں مال) دیا، اور تقوی اختیار کیا۔

اور سب سے اچھی بات کو دل سے مانا۔

تو ہم اس کو آرام کی منزل تک پہنچنے کی تیاری کرا دیں گے۔

رہا وہ شخص جس نے بخل سے کام لیا، اور (اللہ سے) بےنیازی اختیار کی۔

اور سب سے اچھی بات کو جھٹلایا۔

تو ہم اس کو تکلیف کی منزل تک پہنچنے کی تیاری کرا دیں گے۔

اور جب ایسا شخص تباہی کے گڑھے میں گرے گا تو اس کا مال اس کے کچھ کام نہیں آئے گا۔

یہ سچ ہے کہ راستہ بتلا دینا ہمارے ذمے ہے۔

اور یہ بھی سچ ہے کہ آخرت اور دنیا دونوں ہمارے قبضے میں ہیں۔

اس آگ میں کوئی اور نہیں، وہی بدبخت داخل ہوگا۔

جس نے حق کو جھٹلایا، اور منہ موڑا۔

اور اس سے ایسے پرہیزگار شخص کو دور رکھا جائے گا۔

جو اپنا مال پاکیزگی حاصل کرنے کے لیے (اللہ کے راستے میں) دیتا ہے۔

حالانکہ اس پر کسی کا کوئی احسان نہیں تھا جس کا بدلہ دیا جاتا۔

البتہ وہ صرف اپنے اس پروردگار کی خوشنودی چاہتا ہے جس کی شان سب سے اونچی ہے۔

یقین رکھو ایسا شخص عنقریب خوش ہوجائے گا۔