Back to Languages

Nepali - Chapter 54 - Al-Qamar

Translation by Ahl Al Hadith Central Society Of Nepal — Permalink

Verse 1 — Surah Al-Qamar 54:1

कयामत नजिक आइपुग्यो र चन्द्र च्यातीयो ।

Verse 2 — Surah Al-Qamar 54:2

र यदि काफिरहरूले कुनै चमत्कार देख्दछन् भने मुख फर्काइहाल्छन् र भन्छन् कि यो पहिलादेखि चलिआइरहेको एउटा जादू हो ।

Verse 3 — Surah Al-Qamar 54:3

उनीहरूले असत्य ठहराए, र आफ्ना इच्छाहरू अनुसार गरे । र प्रत्येक कामको समय निर्धारित छ ।

Verse 4 — Surah Al-Qamar 54:4

र निश्चितरूपले उनीहरूछेउ (अतीतका) यस्ता सूचनाहरू पुगिसकेका छन्, जसमा हप्कीदप्की र नसीहतको कुरा छ ।

Verse 5 — Surah Al-Qamar 54:5

अतः पूर्ण बुद्धिमत्ताको कुरा पनि छ, किन्तु चेतावनीहरू उनीहरूको कुनै काम आइरहेको छैन ।

Verse 6 — Surah Al-Qamar 54:6

अतः हे नबी तपाई उनीहरूबाट विमुख भइहाल्नुस्, जुन दिन पुकार्नेवाला एक अत्यन्त अप्रिय कुरातिर बोलाउने छ ।

Verse 7 — Surah Al-Qamar 54:7

तब उनीहरू झुकेका आफ्ना आँखाहरूका साथ, चिहानबाट यसरी निस्किरहेका हुन्छन्, जस्तोकि उनीहरू छरिएका सलहहरू हुन् ।

Verse 8 — Surah Al-Qamar 54:8

त्यस बोलाउनेवालातिर दगुर्दै गइराखेका हुनेछन् । इन्कार गर्नेहरू भन्ने छन् कि यो दिन बडो कठिन छ ।

Verse 9 — Surah Al-Qamar 54:9

यिनीहरूभन्दा पहिला ‘’नूहको’’ जातिबन्धुले पनि हाम्रो भक्तलाई असत्य ठहराएका थिए । र बौलाहा भनेर हप्काएका थिए ।

Verse 10 — Surah Al-Qamar 54:10

तब उनले आफ्नो पालनकर्तासँग प्रार्थना गरे कि म विवश छु, तसर्थ मेरो मद्दत गर ।

Verse 11 — Surah Al-Qamar 54:11

तब हामीले मुसलधारे पानीको वर्षाबाट आकाशको मुहान खोलिदियौं ।

Verse 12 — Surah Al-Qamar 54:12

र धरतीमा पानीका मूलहरू प्रवाहित गरिदियौं र सारा पानी त्यस कामको निम्ति एकत्रित भइहाल्यो जुन निर्धारित भैसकेको थियो ।

Verse 13 — Surah Al-Qamar 54:13

र हामीले ‘‘नूहलाई’’ एउटा डुङ्गामा जो तख्ता र किल्लाहरूबाट तयार गरिएको थियो, सवार गराइहाल्यौं ।

Verse 14 — Surah Al-Qamar 54:14

त्यो हाम्रो आँखाको अगाडि चलिरहेको थियो, यो बदला उसको तर्फबाट थियो, जसलाई इन्कार गरिएको थियो ।

Verse 15 — Surah Al-Qamar 54:15

र हामीले यस घटनालाई एउटा निशानी बनाएर बाँकी राख्यौं, त कोही छ जसले उपदेश हासिल (प्राप्त) गरोस् ।

Verse 16 — Surah Al-Qamar 54:16

भन मेरो सजाय र डराउने कुरा कस्तो रह्यो

Verse 17 — Surah Al-Qamar 54:17

र हामीले कुरआनलाई बुझ्नको निम्ति सरल गरिदियौं, त कोही छ जसले उपदेश हासिल गरोस्

Verse 18 — Surah Al-Qamar 54:18

‘‘आदको समुदायले’’ पनि झूठा ठहराए तर मेरो यातना र मेरो डरको कुरा कस्तो रह्यो

Verse 19 — Surah Al-Qamar 54:19

हामीले उनीहरूतिर एउटा अशुभ दिनमा निरन्तर तेज बग्ने प्रचण्ड आँधी (हूरी) चलायौं ।

Verse 20 — Surah Al-Qamar 54:20

त्यसले मानिसहरूलाई उखेलिएको खजूरको बोट जस्तै उठाउँदै फ्याँक्दै गरेको थियो ।

Verse 21 — Surah Al-Qamar 54:21

त मेरो यातना र तर्साइ कस्तो रह्यो

Verse 22 — Surah Al-Qamar 54:22

निश्चितरूपले हामीले कुरआनलाई उपदेशको लागि सजिलो पारिदिएका छौँ, त कोही छ जसले उपदेश लिइहालोस्

Verse 23 — Surah Al-Qamar 54:23

‘‘समूदको समुदायले’’ पनि चेतावनी दिनेवालाहरूलाई असत्य ठहराए ।

Verse 24 — Surah Al-Qamar 54:24

र भने कि के हामीले हामीहरूमध्येकै एउटा मान्छेको अनुशरण गरौँ ? त्यस्तो भएत हामी निश्चितरूपले मार्गविचलन र बौलाहापनमा परिहाल्ने छौं ।

Verse 25 — Surah Al-Qamar 54:25

के हामी सबैमध्ये उसैमाथि वह्य (अल्लाहको वाणी) अवतरित भएको हो ? होइन बरु त्यो अत्यन्त झूठा, आत्मप्रशंसक हो ।

Verse 26 — Surah Al-Qamar 54:26

उनी सबैलाई अब चाडै थाहा भैहाल्नेछ कि को झूठा र आत्मप्रशंसक थियो ।

Verse 27 — Surah Al-Qamar 54:27

निःसन्देह हामीले उनको परीक्षाको निम्ति उँटनी पठाउने छौं, तसर्थ (हे सालेह) तिमी उनको प्रतीक्षा र धैर्य गर ।

Verse 28 — Surah Al-Qamar 54:28

हो उनीहरूलाई सूचित गरिदेऊ कि पानी उनीहरूबीच बाँडी सकिएको छ । प्रत्येक व्यक्ति आफ्नो पालोमा आउनु पर्नेछ ।

Verse 29 — Surah Al-Qamar 54:29

उनीहरूले आफ्नो साथीलाई डाँके, जसले (उँटनीमाथि) प्रहार गर्यो र उसको घुँडाको पछाडिको नसा काटिदियो ।

Verse 30 — Surah Al-Qamar 54:30

तसर्थ मेरो यातना र तर्साइ कस्तो रह्यो

Verse 31 — Surah Al-Qamar 54:31

हामी उनीहरूमाथि एउटा चित्कार (विष्फोट) पठायौँ, अनि उनीहरू यस्तो भैहाले जस्तो खेतीको आली बनाउँदा मडारिएको घाँसहरू ।

Verse 32 — Surah Al-Qamar 54:32

र हामीले कुरआनलाई उपदेशको निम्ति सरल गरिदियौं, त कोही छ जसले उपदेश लिइहालोस्

Verse 33 — Surah Al-Qamar 54:33

‘‘लूतको’’ कौम (जातिबन्धु) ले पनि डराउनेहरूलाई झूठा भने ।

Verse 34 — Surah Al-Qamar 54:34

तब हामीले उनीहरूमाथि गिट्टीले भरिएको हावा चलायौं, तर ‘‘लूतका’’ परिवार बाहेक तिनीहरूलाई हामीले प्रातःकाल नै बचाइहाल्यौं ।

Verse 35 — Surah Al-Qamar 54:35

हामी यस्तै प्रकारले त्यस व्यक्तिलाई आफ्नो अनुकम्पाबाट प्रतिफल दिन्छौं जसले कृतज्ञता देखाउँछ ।

Verse 36 — Surah Al-Qamar 54:36

र (लूतले) उनीहरूलाई हाम्रो पकडबाट डराएका पनि थिए तर तिनीहरूले त्यसमा शंका गर्दैरहे ।

Verse 37 — Surah Al-Qamar 54:37

उनीहरूले लूत (अलैहिस्सलाम)लाई फकाएर उसको पासबाट उसको अतिथिहरूलाई बोलाउन चाहे, तब हामीले उनको आँखालाई अन्धा बनाइदियौं, तसर्थ (अब) मेरो यातना र मेरो डरको स्वाद चाख ।

Verse 38 — Surah Al-Qamar 54:38

र सत्य कुरो छ उनीलाई बिहानै एउटा अटल निर्धारित यातनाले नष्ट गरिदियो ।

Verse 39 — Surah Al-Qamar 54:39

त अब मेरो सजाय र मेरो डरको स्वाद चाख ।

Verse 40 — Surah Al-Qamar 54:40

र हामीले कुरआनलाई उपदेशको निम्ति सरल बनाइदिएका छौं त कोही छ जसले शिक्षा प्राप्त गरोस् ।

Verse 41 — Surah Al-Qamar 54:41

र फिरऔनका मानिसहरूको पास पनि डराउनेवाला आए ।

Verse 42 — Surah Al-Qamar 54:42

उनीहरूले हाम्रा सबै निशानीहरूलाई असत्य ठहराए । अन्ततः हामीले उनीहरूलाई समातिहाल्यौं, जुन प्रकारले एउटा जबरजस्त अधिपत्यशालीले समात्छ ।

Verse 43 — Surah Al-Qamar 54:43

(हे कुरैशीहरू) के तिम्रा काफिरहरू ती काफिरहरूभन्दा राम्रा छन् ? वा पहिलाका ग्रन्थहरूमा (तिम्रो निम्ति कुनै) छुट्कारा लेखिएको छ

Verse 44 — Surah Al-Qamar 54:44

के यिनीहरू भन्छन्ः कि हाम्रो जत्था विजय हुनेवाला बडो बलियो छ

Verse 45 — Surah Al-Qamar 54:45

शीघ्र नै यो जत्था पराजित हुनेछ र यिनीहरू पिठ्युँ फर्काई भागिहाल्नेछन् ।

Verse 46 — Surah Al-Qamar 54:46

उनीहरूसंगको वचन अनुसार कयामतको समय (आउने) छ र कयामत (प्रलय) बडो गाह्रो र बहुत कठोर कुरा हो ।

Verse 47 — Surah Al-Qamar 54:47

निःसन्देह पापीहरू मार्गबिचलन र यातनामा परेका छन् ।

Verse 48 — Surah Al-Qamar 54:48

जुनदिन उनीहरूलाई मुख तल पारेर नर्कको आगोमा घिसारिनेछ । (र उनीहरूसंग भनिनेछ) अब, आगोको स्वाद चाख ।

Verse 49 — Surah Al-Qamar 54:49

निश्चय नै हामीले हरेक कुरालाई निर्धारित नाप र अनुमानमा सृष्टि गरेका छौं ।

Verse 50 — Surah Al-Qamar 54:50

र हाम्रो आदेश एक पटक मात्र (एकछिनको लागि हुन्छ) जस्तो कि आँखाको झिम्काई ।

Verse 51 — Surah Al-Qamar 54:51

र हामीले तिमी जस्ता मानिसलाई विनष्ट गरिसकेका छौं, त कोही छ जो उपदेश प्राप्त गरिहालोस् ।

Verse 52 — Surah Al-Qamar 54:52

र जे–जति उनीहरूले गरेका छन्, त्यो कर्मपत्रमा अंकित छ ।

Verse 53 — Surah Al-Qamar 54:53

(अर्थात्) प्रत्येक सानो र ठूलो कुरा लेखिएको छ ।

Verse 54 — Surah Al-Qamar 54:54

निश्चय नै जो संयमी परहेजगार छन्, उनीहरू बाग र नहरहरूको माझमा हुनेछन् ।

Verse 55 — Surah Al-Qamar 54:55

(अर्थात्) पवित्र स्थानमा अधिपत्यशाली सम्राटको निकट राम्रोसँग सम्मानका साथ ।