Back to LanguagesPrevious ChapterNext Chapter EnglishArabicUrduHindiTamilBengali
Nepali - Chapter 53 - An-Najm
Translation by Ahl Al Hadith Central Society Of Nepal — Permalink
Verse 1 — Surah An-Najm 53:1
ताराको कसम, जब त्यो तल खस्छ ।
Verse 2 — Surah An-Najm 53:2
तिम्रो साथी (मुहम्मद ) न त बाटो बिर्सेका छन् न भ्रमित छन् ।
Verse 3 — Surah An-Najm 53:3
र उनी आफ्नो इच्छाले केही भन्दैनन् ।
Verse 4 — Surah An-Najm 53:4
त्यो त मात्र वह्य हो जुन (उनीमाथि) पठाइँदै छ ।
Verse 5 — Surah An-Najm 53:5
उनलाई ठूलो शक्तिवाला अल्लाहको दूत (जिब्रील) ले सिकाएको छ ।
Verse 6 — Surah An-Najm 53:6
त्यो शक्तिशाली छ अनि उनी सिधा ठाडो भइहाले
Verse 7 — Surah An-Najm 53:7
र उनी आकाशको उच्चतम भागमा थिए ।
Verse 8 — Surah An-Najm 53:8
अनि उनी निकट भए र उतरी आए ।
Verse 9 — Surah An-Najm 53:9
अब कमानको बीचको दूरी बाँकी रह्यो वा त्योभन्दा पनि कम ।
Verse 10 — Surah An-Najm 53:10
अनि अल्लाहले आफ्नो दासतिर जुन ‘‘वह्य’ पठाउनु थियो पठायो ।
Verse 11 — Surah An-Najm 53:11
जे जति उनले देखे, उनको हृदयले त्यसलाई झूठ ठानेन ।
Verse 12 — Surah An-Najm 53:12
के जेजति उनी देख्छन् तिमी त्यसमा उनीसित विवाद गर्छौ
Verse 13 — Surah An-Najm 53:13
र (उनले) उसलाई एकपटक पहिले पनि देखेका थिए ।
Verse 14 — Surah An-Najm 53:14
अन्तिम सीमाको बैरको रुख नजिक (अर्थात् सिदरतुल् मुन्तहा नजिक) ।
Verse 15 — Surah An-Najm 53:15
त्यसैको निकटमा बासस्थानवाली जन्नत (जन्नतुल् मावा) छ ।
Verse 16 — Surah An-Najm 53:16
त्यस बैरको रुखलाई ढाकेको थियो जे उसमाथि छाइरहेको थियो ।
Verse 17 — Surah An-Najm 53:17
उनको दृष्टि नत अरुतिर गयो र न (सीमाभन्दा) अगाडि बढ्यो ।
Verse 18 — Surah An-Najm 53:18
उनले निश्चय नै आफ्नो पालनकर्ताका ठूला–ठूला निशानीहरूमध्ये केही देखे ।
Verse 19 — Surah An-Najm 53:19
के तिमीहरू लात र उज्जालाई देख्यौ
Verse 20 — Surah An-Najm 53:20
र तेस्रो अन्तिम मनात (देवीको मूर्ति) लाई
Verse 21 — Surah An-Najm 53:21
के तिम्रो निम्ति छोराहरू छन् र अल्लाहको निम्ति छोरीहरू
Verse 22 — Surah An-Najm 53:22
यो विभाजन त बेढंग र अन्यायपूर्ण छ ।
Verse 23 — Surah An-Najm 53:23
उनीहरू त मात्र केही नामहरू हुन् जुन तिमीले र तिम्रो बाउबाजेले राखेका छन्, अल्लाहले त उनीहरूको निम्ति कुनै प्रमाण पठाएको छैन । उनीहरू त मात्र अड्कल र आफ्नो इच्छापूर्तिको पछाडि हिंडिराखेका छन् र निश्चय नै उनको पालनकर्ताको तर्फबाट मार्गदर्शन आइसकेको छ ।
Verse 24 — Surah An-Najm 53:24
के प्रत्येक मानिसले जुन कुराको कामना गर्दछ, त्यो सबै उसलाई प्राप्त छ
Verse 25 — Surah An-Najm 53:25
आखिर यस संसारको र परलोकको स्वामी त अल्लाह नै हो ।
Verse 26 — Surah An-Najm 53:26
र आकाशहरूमा यसो धेरै फरिश्ताहरू छन्, कि उनीहरूको सिफारिश कुनै काम लाग्नेछैन, यो अर्कै कुरा छ कि अल्लाह आफ्नो इच्छाले आफू खुशी जसलाई चाहन्छ अनुमति दिन्छ ।
Verse 27 — Surah An-Najm 53:27
निःसन्देह जुन मानिसहरू आखिरतमाथि ईमान राख्दैनन्, उनीहरूले फरिश्ताहरूलाई स्त्रिीहरूको नाम दिन्छन् ।
Verse 28 — Surah An-Najm 53:28
जब कि उनीहरूलाई यस विषयमा केही थाहा छैन । उनीहरू त मात्र आफ्नो अड्कलवाजीको पछाडि हिंड्छन् र अनुमानले वास्तविकताको दाँजोमा केही काम गर्दैन ।
Verse 29 — Surah An-Najm 53:29
तसर्थ जो हाम्रो स्मरणबाट विमुख छन् र संसारिक जीवन बाहेक अरु केही चाहदैनन् । त्यसबाट तपाई पनि विमुख भइहाल्नुस् ।
Verse 30 — Surah An-Najm 53:30
यस्ता मानिसहरूको ज्ञानको पहुँच यहीँसम्म छ । निश्चय नै तपाईको पालनकर्ता त्यसलाई राम्रोसंग जान्दछ, जो उसको मार्गबाट विचलित भएको छ, र उही नै उसलाई पनि राम्ररी जान्दछ जसले (सोझो) मार्ग अपनायो ।
Verse 31 — Surah An-Najm 53:31
र जे–जति आकाशहरूमा छ र जे–जति धरतीमा छ सबै अल्लाहकै हो, ताकि जसले नराम्रो कर्म गर्यो, उनीहरूलाई त्यसको प्रतिफल देओस् । र जुन मानिसहरूले असल कर्म गरे, उनीहरूलाई राम्रो प्रतिफल प्रदान गरोस् ।
Verse 32 — Surah An-Najm 53:32
जुन मानिसहरू ठूला–ठूला पाप र अश्लील कर्महरूबाट पन्छिन्छन्, केही साना–तिना पाप बाहेक । निश्चय नै तिम्रो पालनकर्ता क्षमाशीलतामा बडो व्यापक छ । उसले तिमीलाई राम्ररी जान्दछ, जब उसले तिमीलाई माटोबाट सृष्टि गर्यो र जब तिमी आफ्ना आमाहरूको पेटमा भ्रुण अवस्थामा थियौ । तसर्थ आफ्नो मनको पवित्रताको दावी आफै नगर । उसले संयमीहरूलाई राम्ररी जान्दछ ।
Verse 33 — Surah An-Najm 53:33
के तपाईले त्यस व्यक्तिलाई देखनु भयो जो विमुख भयो ।
Verse 34 — Surah An-Najm 53:34
र अलिकति दियो, र कठोर भइहाल्यो (हात रोक्यो) ।
Verse 35 — Surah An-Najm 53:35
के उसलाई परोक्षको ज्ञान छ कि उसले सबथोक देखिराखेको छ
Verse 36 — Surah An-Najm 53:36
वा जुन कुरो ‘‘मूसाको’’ किताबमा छन्, उनीहरूलाई त्यसको बारेमा थाहा भएन
Verse 37 — Surah An-Najm 53:37
र जुन वफादार इब्राहीमको किताबमा थियो
Verse 38 — Surah An-Najm 53:38
कि कुनै पनि व्यक्तिले अरु व्यक्ति (को पाप) को भारी बोक्नेछैन ।
Verse 39 — Surah An-Najm 53:39
र यो कि प्रत्येक मानिसको लागी त्यही नै हो जसको निम्ति उसले प्रयास गर्यो ।
Verse 40 — Surah An-Najm 53:40
र यो कि उसको प्रयास शीघ्र नै देखिनेछ ।
Verse 41 — Surah An-Najm 53:41
अनि उसलाई पूरा प्रतिफल प्रदान गरिनेछ ।
Verse 42 — Surah An-Najm 53:42
र यो कि तपाईको पालनकर्ताकै पासमा पुग्नु छ ।
Verse 43 — Surah An-Najm 53:43
र यो कि उसैले हसाउँछ र रुलाउँछ ।
Verse 44 — Surah An-Najm 53:44
र यो कि उसैले मार्दछ र जीवित राख्दछ ।
Verse 45 — Surah An-Najm 53:45
र यो कि उसैले स्त्री र पुरुष (भाले र पोथी) जोडीको सृष्टि गर्यो ।
Verse 46 — Surah An-Najm 53:46
(वीर्यको) थोपाबाट जबकि त्यो गर्भमा टपकाइन्छ ।
Verse 47 — Surah An-Najm 53:47
र यो कि (कयामतको दिन) उसैको जिम्मा पुनः उठाउनु छ ।
Verse 48 — Surah An-Najm 53:48
र यो कि उही हो जसले कि धनी र सन्तुष्ट बनाउँछ ।
Verse 49 — Surah An-Najm 53:49
र यो कि उही शेअरा (अरबहरूका पहिलाको पुज्य तारा)को स्वामी हो ।
Verse 50 — Surah An-Najm 53:50
र यो कि उसैले प्राचीन आदलाई नष्ट गर्यो ।
Verse 51 — Surah An-Najm 53:51
र समूदलाई पनि, अर्थात कसैलाई बाँकी छाडेन ।
Verse 52 — Surah An-Najm 53:52
र यिनीभन्दा पहिला ‘‘नूहको’’ कौमलाई पनि । कुनै सन्देह छैन कि उनीहरू बडो अत्याचारी र बडो अट्टेरी थिए ।
Verse 53 — Surah An-Najm 53:53
र पल्टिजाने बस्तीलाई उसैले नष्ट गरिदियो ।
Verse 54 — Surah An-Najm 53:54
अनि त्यसलाई छोपिहाल्यो, जसलाई जुन कुराले छोप्नु थियो ।
Verse 55 — Surah An-Najm 53:55
अनि (हे मानिस) तिमीले आफ्नो पालनकर्ताका कुन–कुन अनुकम्पाको विषयमा विवाद गर्नेछौ
Verse 56 — Surah An-Najm 53:56
यी (मुहम्मद सल्लल्लाहो अलैहे वसल्लम) पनि पहिलेका सावधानकर्ताहरू जस्तै एउटा सावधान गर्नेवाला हुन् ।
Verse 57 — Surah An-Najm 53:57
आउनेवाला (कयामत) नजिक आइपुग्यो ।
Verse 58 — Surah An-Najm 53:58
त्यस दिनको लुकेका कुरालाई अल्लाह बाहेक कसैले प्रकट गर्नसक्ने छैन ।
Verse 59 — Surah An-Najm 53:59
अब के तिमीले यस कुरामा आश्चार्य गर्दछौ
Verse 60 — Surah An-Najm 53:60
र हाँस्दछौ? र रुँदैनौ
Verse 61 — Surah An-Najm 53:61
अपितु तिमी खेलीराखेका छौ ।
Verse 62 — Surah An-Najm 53:62
तसर्थ अल्लाहको अगाडि़ ढोग र उसैको उपासना गर ।