Back to Languages

Swahili - Chapter 19 - Maryam

Translation by Ali Muhsin Al Barwani — Permalink

Verse 1 — Surah Maryam 19:1

Verse 2 — Surah Maryam 19:2

Huu ni Ukumbusho wa rehema ya Mola wako Mlezi kwa mja wake, Zakariya

Verse 3 — Surah Maryam 19:3

Alipo mwita Mola wake Mlezi kwa siri

Verse 4 — Surah Maryam 19:4

Akasema: Mola wangu Mlezi! Mafupa yangu yamedhoofika, na kichwa kinameremeta kwa mvi; wala, Mola wangu Mlezi, sikuwa mwenye bahati mbaya kwa kukuomba Wewe

Verse 5 — Surah Maryam 19:5

Na hakika mimi nawakhofia jamaa zangu baada yangu. Na mke wangu ni tasa. Basi nipe mrithi kutoka kwako

Verse 6 — Surah Maryam 19:6

Atakaye nirithi mimi na awarithi ukoo wa Yaaqub. Ewe Mola wangu Mlezi! Na umjaalie awe mwenye kuridhisha

Verse 7 — Surah Maryam 19:7

(Akaambiwa): Ewe Zakariya! Hakika Sisi tunakubashiria mwana; jina lake ni Yahya. Hatujapata kumpa jina hilo yeyote kabla yake

Verse 8 — Surah Maryam 19:8

Akasema: Ewe Mola wangu Mlezi! Vipi nitakuwa na mwana na hali mke wangu ni tasa, na mimi nimesha fikia ukongwe katika uzee

Verse 9 — Surah Maryam 19:9

Akasema: Ndio hivyo hivyo amesema Mola wako Mlezi: Haya ni mepesi kwangu. Na hakika Mimi nilikwisha kuumba wewe zamani na hali hukuwa kitu

Verse 10 — Surah Maryam 19:10

Akasema: Mola wangu Mlezi nijaalie Ishara. Akasema Ishara yako ni kuwa hutasema na watu kwa masiku matatu, na hali ni mzima

Verse 11 — Surah Maryam 19:11

Basi akawatokea watu wake kutoka mihirabuni. Akawaashiria: Msabihini Mwenyezi Mungu asubuhi na jioni

Verse 12 — Surah Maryam 19:12

Ewe Yahya! Kishike Kitabu kwa nguvu! Nasi tulimpa hikima angali mtoto

Verse 13 — Surah Maryam 19:13

Na tukampa huruma itokayo kwetu, na utakaso, na akawa mchamungu

Verse 14 — Surah Maryam 19:14

Na akawa mwema kwa wazazi wake, wala hakuwa jabari mua'si

Verse 15 — Surah Maryam 19:15

Na amani iwe juu yake siku ya kuzaliwa, na siku ya kufa, na siku ya kufufuliwa

Verse 16 — Surah Maryam 19:16

Na mtaje Maryamu katika Kitabu, pale alipo jitenga na jamaa zake mahali upande wa mashariki

Verse 17 — Surah Maryam 19:17

Na akaweka pazia kujikinga nao. Tukampelekea Roho wetu, akajifananisha kwake sawa na mtu

Verse 18 — Surah Maryam 19:18

(Maryamu) akasema: Hakika mimi najikinga kwa Mwingi wa Rehema aniepushe nawe, ukiwa ni mchamngu

Verse 19 — Surah Maryam 19:19

(Malaika) akasema: Hakika mimi ni mwenye kutumwa na Mola wako Mlezi ili nikubashirie tunu ya mwana aliye takasika

Verse 20 — Surah Maryam 19:20

Akasema: Nitampataje mwana hali mwanaadamu yeyote hajanigusa, wala mimi si kahaba

Verse 21 — Surah Maryam 19:21

(Malaika) akasema: Ndio hivyo hivyo! Mola wako Mlezi amesema: Haya ni mepesi kwangu! Na ili tumfanye kuwa ni Ishara kwa watu, na Rehema itokayo kwetu, na hilo ni jambo lilio kwisha hukumiwa

Verse 22 — Surah Maryam 19:22

Basi akachukua mimba yake, na akaondoka nayo mpaka mahali pa mbali

Verse 23 — Surah Maryam 19:23

Kisha uchungu ukampeleka kwenye shina la mtende; akasema: Laiti ningeli kufa kabla ya haya, na nikawa niliye sahaulika kabisa

Verse 24 — Surah Maryam 19:24

Pakatangazwa kutoka chini yake: Usihuzunike! Hakika Mola wako Mlezi amejaalia chini yako kijito kidogo cha maji

Verse 25 — Surah Maryam 19:25

Na litikise kwako hilo shina la mtende, utakuangushia tende nzuri zilizo mbivu

Verse 26 — Surah Maryam 19:26

Basi kula, na kunywa, na litue jicho lako. Na pindi ukimwona mtu yeyote basi sema: Hakika mimi nimeweka nadhiri kwa Mwenyezi Mungu ya kufunga; kwa hivyo leo sitasema na mtu

Verse 27 — Surah Maryam 19:27

Akenda naye (mwanawe) kwa jamaa zake amembeba. Wakasema: Ewe Maryamu! Hakika umeleta kitu cha ajabu

Verse 28 — Surah Maryam 19:28

Ewe dada yake Harun! Baba yako hakuwa mtu muovu, wala mama yako hakuwa kahaba

Verse 29 — Surah Maryam 19:29

Akawaashiria (mtoto). Wakasema: Vipi tumsemeze aliye bado mdogo yumo katika mlezi

Verse 30 — Surah Maryam 19:30

(Mtoto) akasema: Hakika mimi ni mtumwa wa Mwenyezi Mungu. Amenipa Kitabu, na amenifanya Nabii

Verse 31 — Surah Maryam 19:31

Na amenijaalia ni mwenye kubarikiwa popote pale niwapo. Na ameniusia Sala na Zaka maadamu ni hai

Verse 32 — Surah Maryam 19:32

Na nimtendee wema mama yangu. Wala hakunifanya niwe jeuri, mwovu

Verse 33 — Surah Maryam 19:33

Na amani iko juu yangu siku niliyo zaliwa, na siku nitakayo kufa, na siku nitakayo fufuliwa kuwa hai

Verse 34 — Surah Maryam 19:34

Huyo ndiye Isa mwana wa Maryamu. Ndiyo kauli ya haki ambayo wanaifanyia shaka

Verse 35 — Surah Maryam 19:35

Haiwi kwa Mwenyezi Mungu kuwa na mwana, Subhanahu, Yeye ametakasika! Anapo lihukumia jambo basi huliambia tu: Kuwa! Likawa

Verse 36 — Surah Maryam 19:36

Na hakika Mwenyezi Mungu ni Mola wangu Mlezi, na Mola wenu Mlezi. Basi muabuduni Yeye. Hii ndiyo Njia Iliyo Nyooka

Verse 37 — Surah Maryam 19:37

Lakini makundi yakakhitalifiana wao kwa wao. Basi ole wao hao walio kufuru kwa kuhudhuria Siku iliyo kuu

Verse 38 — Surah Maryam 19:38

Watasikia na wataona vizuri vilioje Siku watakayo tufikia! Lakini madhaalimu sasa wamo katika upotofu ulio dhaahiri

Verse 39 — Surah Maryam 19:39

Na waonye siku ya majuto itapo katwa amri. Nao wamo katika ghafla, wala hawaamini

Verse 40 — Surah Maryam 19:40

Hakika Sisi tutairithi ardhi na walio juu yake. Na kwetu watarejeshwa

Verse 41 — Surah Maryam 19:41

Na mtaje katika Kitabu Ibrahim. Hakika yeye alikuwa mkweli, Nabii

Verse 42 — Surah Maryam 19:42

Alipo mwambia baba yake: Ewe baba yangu! Kwa nini unaabudu visivyo sikia, na visivyo ona, na visivyo kufaa chochote

Verse 43 — Surah Maryam 19:43

Ewe baba yangu! Kwa yakini imenifikia ilimu isiyo kufikia wewe. Basi nifuate mimi, nami nitakuongoza Njia Iliyo Sawa

Verse 44 — Surah Maryam 19:44

Ewe baba yangu! Usimuabudu Shet'ani. Hakika Shet'ani ni mwenye kumuasi Mwingi wa Rehema

Verse 45 — Surah Maryam 19:45

Ewe baba yangu! Hakika mimi naogopa isikupate adhabu inayo toka kwa Mwingi wa Rehema ukaja kuwa mwenziwe Shet'ani

Verse 46 — Surah Maryam 19:46

(Baba) akasema: Unaichukia miungu yangu, ewe Ibrahim? Kama huachi, basi lazima nitakupiga mawe. Na niondokelee mbali kwa muda

Verse 47 — Surah Maryam 19:47

(Ibrahim) akasema: Salamun a'laika! Amani iwe juu yako! Mimi nitakuombea msamaha kwa Mola wangu Mlezi. Hakika Yeye ananihurumia sana

Verse 48 — Surah Maryam 19:48

Nami najitenga nanyi na hayo mnayo yaabudu badala ya Mwenyezi Mungu. Na ninamwomba Mola wangu Mlezi; asaa nisiwe mwenye kukosa bahati kwa kumwomba Mola wangu Mlezi

Verse 49 — Surah Maryam 19:49

Basi alipo jitenga nao na yale waliyo kuwa wakiyaabudu badala ya Mwenyezi Mungu, tulimpa Is-haq na Yaaqub, na kila mmoja tukamfanya Nabii

Verse 50 — Surah Maryam 19:50

Na tukawapa rehema zetu na tukawajaalia kupewa sifa za kweli tukufu

Verse 51 — Surah Maryam 19:51

Na mtaje Musa katika Kitabu. Hakika yeye alikuwa ni mwenye kuchaguliwa, na alikuwa Mtume, Nabii

Verse 52 — Surah Maryam 19:52

Na tulimwita upande wa kulia wa mlima na tukamsogeza kunong'ona naye

Verse 53 — Surah Maryam 19:53

Nasi kwa rehema zetu tukampa nduguye, Harun, awe Nabii

Verse 54 — Surah Maryam 19:54

Na mtaje katika Kitabu Ismail. Bila ya shaka yeye alikuwa ni mkweli wa ahadi, na alikuwa Mtume, Nabii

Verse 55 — Surah Maryam 19:55

Na alikuwa akiwaamrisha watu wake Sala na Zaka, na alikuwa mbele ya Mola wake Mlezi mwenye kuridhiwa

Verse 56 — Surah Maryam 19:56

Na mtaje katika Kitabu Idris. Hakika yeye alikuwa ni mkweli Nabii

Verse 57 — Surah Maryam 19:57

Na tulimuinua daraja ya juu

Verse 58 — Surah Maryam 19:58

Hao ndio alio waneemesha Mwenyezi Mungu miongoni mwa Manabii katika uzao wa Adam, na katika uzao wa wale tulio wapandisha pamoja na Nuhu, na katika uzao wa Ibrahim na Israil, na katika wale tulio waongoa na tukawateuwa. Wanapo somewa Aya za Mwingi wa Rehema huanguka kusujudu na kulia

Verse 59 — Surah Maryam 19:59

Lakini wakaja baada yao walio wabaya, wakaacha Sala, na wakafuata matamanio. Basi watakuja kuta malipo ya ubaya

Verse 60 — Surah Maryam 19:60

Isipo kuwa walio tubu, wakaamini, na wakatenda mema. Hao, basi, wataingia Peponi wala hawatadhulumiwa chochote

Verse 61 — Surah Maryam 19:61

Bustani za milele alizo waahidi Rahmani waja wake katika siri. Hakika ahadi yake hapana shaka itafika

Verse 62 — Surah Maryam 19:62

Humo hawatasikia upuuzi, ila Salama tu. Na watapata humo riziki zao asubuhi na jioni

Verse 63 — Surah Maryam 19:63

Hiyo ndiyo Pepo tutayo warithisha katika waja wetu walio kuwa wachamngu

Verse 64 — Surah Maryam 19:64

(Nao watasema:) Wala hatuteremki ila kwa amri ya Mola wako Mlezi. Ni yake Yeye yaliyoko mbele yetu na yaliyoko nyuma yetu, na yaliyomo katikati ya hayo. Na Mola wako Mlezi si mwenye kusahau

Verse 65 — Surah Maryam 19:65

Mola Mlezi wa mbingu na ardhi na vilivyo baina yake. Basi muabudu Yeye tu, na udumu katika ibada yake. Je, mnamjua mwenye jina kama lake

Verse 66 — Surah Maryam 19:66

Na mwanaadamu husema: Hivyo, nitakapo kufa, ni kweli nitafufuliwa niwe hai tena

Verse 67 — Surah Maryam 19:67

Je! Hakumbuki mwanaadamu ya kwamba tulimuumba kabla, na hali hakuwa chochote

Verse 68 — Surah Maryam 19:68

Basi naapa kwa Mola wako Mlezi! Kwa yakini tutawakusanya wao pamoja na mashet'ani; kisha tutawahudhurisha kuizunguka Jahannamu, nao wamepiga magoti

Verse 69 — Surah Maryam 19:69

Kisha kwa yakini tutawatoa katika kila kundi wale miongoni mwao walio zidi kumuasi Arrahmani, Mwingi wa Rahema

Verse 70 — Surah Maryam 19:70

Tena hakika Sisi tunawajua vyema zaidi wanao stahiki kuunguzwa humo

Verse 71 — Surah Maryam 19:71

Wala hapana yeyote katika nyinyi ila ni mwenye kuifikia. Hiyo ni hukumu ya Mola wako Mlezi ambayo lazima itimizwe

Verse 72 — Surah Maryam 19:72

Kisha tutawaokoa wale walio mchamngu; na tutawaacha madhaalimu humo wamepiga magoti

Verse 73 — Surah Maryam 19:73

Na wanapo somewa Aya zetu zilizo wazi, walio kufuru huwaambia walio amini: Lipi katika makundi mawili lenye cheo kizuri na lilio bora barazani

Verse 74 — Surah Maryam 19:74

Na kaumu ngapi tuliziangamiza zilizo kuwa na mapambo mazuri zaidi na wazuri zaidi kwa kuwatazama

Verse 75 — Surah Maryam 19:75

Sema: Walio katika upotofu basi Arrahmani Mwingi wa Rahema atawapururia muda mpaka wayaone waliyo onywa - ama ni adhabu au ni Saa. Hapo ndipo watapo jua ni nani mwenye makao mabaya na mwenye askari dhaifu

Verse 76 — Surah Maryam 19:76

Na Mwenyezi Mungu huwazidishia uwongofu wenye kushika uwongofu. Na mema yenye kudumu ni bora katika malipo mbele ya Mola wako Mlezi na yana mwisho mwema

Verse 77 — Surah Maryam 19:77

Je, umemwona aliye zikanya Ishara zetu na akasema: Kwa hakika mimi nitapewa mali na wana

Verse 78 — Surah Maryam 19:78

Kwani yeye amepata khabari za ghaibu, au amechukua ahadi kwa Arrahmani Mwingi wa Rehema

Verse 79 — Surah Maryam 19:79

Hasha! Tutaandika anayo yasema, tutamkunjulia muda wa adhabu

Verse 80 — Surah Maryam 19:80

Na tutamrithi hayo anayo yasema, na atatufikia mtupu peke yake

Verse 81 — Surah Maryam 19:81

Na wamechukua miungu mingine badala ya Mwenyezi Mungu ili ati iwape nguvu

Verse 82 — Surah Maryam 19:82

Sivyo kabisa! Wataikataa hiyo ibada yao, na watakuwa ndio dhidi yao

Verse 83 — Surah Maryam 19:83

Kwani huoni ya kwamba tumewatuma mashet'ani kwa makafiri wawachochee kwa uchochezi

Verse 84 — Surah Maryam 19:84

Basi usiwafanyie haraka. Sisi tunawahisabia idadi ya siku zao

Verse 85 — Surah Maryam 19:85

Siku tutayo wakusanya wachamngu kuwapeleka kwa Arrahmani Mwingi wa Rehema kuwa ni wageni wake

Verse 86 — Surah Maryam 19:86

Na tukawachunga wakhalifu kuwapeleka Jahannamu hali ya kuwa wana kiu

Verse 87 — Surah Maryam 19:87

Hawatakuwa na mamlaka ya uombezi ila wale walio chukua ahadi kwa Arrahmani Mwingi wa Rehema

Verse 88 — Surah Maryam 19:88

Na wao ati husema kuwa Arrahmani Mwingi wa Rehema ana mwana

Verse 89 — Surah Maryam 19:89

Hakika mmeleta jambo la kuchusha mno

Verse 90 — Surah Maryam 19:90

Zinakaribia mbingu kutatuka kwa hilo, na ardhi kupasuka, na milima kuanguka vipande vipande

Verse 91 — Surah Maryam 19:91

Kwa kudai kwao kuwa Arrahmani Mwingi wa Rehema ana mwana

Verse 92 — Surah Maryam 19:92

Wala hahitajii Arrahmani Mwingi wa Rehema kuwa na mwana

Verse 93 — Surah Maryam 19:93

Hapana yeyote aliomo mbinguni na ardhini ila atafika kwa Arrahmani Mwingi wa Rehema kuwa ni mtumwa wake

Verse 94 — Surah Maryam 19:94

Yeye hakika amewadhibiti na amewahisabu sawa sawa

Verse 95 — Surah Maryam 19:95

Na kila mmoja katika wao atamfikia Siku ya Kiyama peke yake

Verse 96 — Surah Maryam 19:96

Hakika walio amini na wakatenda mema Arrahmani Mwingi wa Rehema atawajaalia mapenzi

Verse 97 — Surah Maryam 19:97

Na hakika tumeifanya nyepesi (Qur'ani) kwa ulimi wako, ili uwabashirie kwayo wachamngu, na uwaonye kwayo watu wabishi

Verse 98 — Surah Maryam 19:98

Na kaumu ngapi tumezihiliki kabla yao. Je! Unawaona hata mmoja katika wao au unasikia hata mchakato wao