Back to Languages

Swahili - Chapter 25 - Al-Furqan

Translation by Ali Muhsin Al Barwani — Permalink

Verse 1 — Surah Al-Furqan 25:1

Ametukuka aliye teremsha Furqani kwa mja wake, ili awe mwonyaji kwa walimwengu wote

Verse 2 — Surah Al-Furqan 25:2

Ambaye ni wake ufalme wa mbingu na ardhi, wala hakuwa na mwana, wala hakuwa na mshirika katika ufalme, na akaumba kila kitu na akakikadiria kwa kipimo

Verse 3 — Surah Al-Furqan 25:3

Na wamechukua badala yake miungu ambayo haiumbi chochote, bali hiyo inaumbwa, haijimilikii nafsi zao madhara wala manufaa, wala haimiliki mauti, wala uhai, wala kufufuka

Verse 4 — Surah Al-Furqan 25:4

Na wamesema walio kufuru: Haya si chochote ila ni uzushi alio uzua, na wamemsaidia kwa haya watu wengine! Hakika hawa wamekuja na dhulma na uwongo

Verse 5 — Surah Al-Furqan 25:5

Na wakasema: Hivi ni visa vya watu wa kale alivyo viandikisha, anavyo somewa asubuhi na jioni

Verse 6 — Surah Al-Furqan 25:6

Sema: Ameyateremsha haya ajuaye siri za katika mbingu na ardhi. Hakika Yeye ni Mwenye kusamehe Mwenye kurehemu

Verse 7 — Surah Al-Furqan 25:7

Na wakasema: Ana nini Mtume huyu? Anakula chakula, na anatembea masokoni! Mbona hakuteremshiwa Malaika akawa mwonyaji pamoja naye

Verse 8 — Surah Al-Furqan 25:8

Au akaangushiwa khazina juu yake, au akawa na bustani ale katika hiyo? Wakasema madhaalimu: Nyinyi hamumfuati ila mtu aliye rogwa

Verse 9 — Surah Al-Furqan 25:9

Tazama jinsi wanavyo kupigia mifano. Basi wamepotea, wala hawataiweza Njia

Verse 10 — Surah Al-Furqan 25:10

Ametukuka ambaye akitaka atakujaalia yaliyo bora kuliko hayo, nayo ni mabustani yapitayo mito kati yao, na atakujaalia majumba ya fakhari

Verse 11 — Surah Al-Furqan 25:11

Bali wanaikanusha Saa (ya Kiyama). Na Sisi tumemuandalia Moto mkali kabisa huyo mwenye kuikanusha Saa

Verse 12 — Surah Al-Furqan 25:12

Ule Moto ukiwaona tangu mahali mbali wao watasikia hasira yake na mngurumo wake

Verse 13 — Surah Al-Furqan 25:13

Na watakapo tupwa humo mahali dhiki, hali wamefungwa, wataomba wafe

Verse 14 — Surah Al-Furqan 25:14

Msiombe kufa mara moja tu, bali mfe mara nyingi

Verse 15 — Surah Al-Furqan 25:15

Sema: Je! Haya ni bora au Pepo ya milele, ambayo wameahidiwa wachamngu, iwe kwao malipo na marejeo

Verse 16 — Surah Al-Furqan 25:16

Watayapata humo wayatakayo daima dawamu. Hii ni ahadi juu ya Mola wako Mlezi, inayo ombwa

Verse 17 — Surah Al-Furqan 25:17

Na siku atakapo wakusanya wao na hao wanao waabudu, na akasema: Je! Ni nyinyi mlio wapoteza waja wangu hawa, au wao wenyewe walipotea njia

Verse 18 — Surah Al-Furqan 25:18

Watasema: Subhanak, Umetakasika na upungufu! Haikutupasia sisi kuchukulia walinzi badala yako, lakini Wewe uliwastarehesha wao na baba zao hata wakasahau kukumbuka, na wakawa watu walio angamia

Verse 19 — Surah Al-Furqan 25:19

Basi walikukanusheni kwa mliyo yasema. Kwa hivyo hamwezi kujiondolea wala kujisaidia. Na atakaye dhulumu miongoni mwenu tutamwonjesha adhabu kubwa

Verse 20 — Surah Al-Furqan 25:20

Na hatukuwatuma kabla yako Mitume wowote ila kwa hakika na yakini walikuwa wakila chakula, na wakenda masokoni. Na tumewajaalia baadhi yenu wawe ni majaribio kwa wengine; je! Mtasubiri? Na Mola wako Mlezi ni Mwenye kuona

Verse 21 — Surah Al-Furqan 25:21

NA WALISEMA wale wasio taraji kukutana nasi: Mbona sisi hatuteremshiwi Malaika au hatumwoni Mola wetu Mlezi? Kwa yakini hawa wamejiona bora nafsi zao, na wamepanda kichwa vikubwa mno

Verse 22 — Surah Al-Furqan 25:22

Siku watakayo waona Malaika haitakuwa furaha siku hiyo kwa wakosefu. Na watasema: Mungu apishe mbali

Verse 23 — Surah Al-Furqan 25:23

Na tutayaendea yale waliyo yatenda katika vitendo vyao, tuvifanye kama mavumbi yaliyo tawanyika

Verse 24 — Surah Al-Furqan 25:24

Watu wa Peponi siku hiyo watakuwa katika makaazi bora na mahali penye starehe nzuri

Verse 25 — Surah Al-Furqan 25:25

Na siku zitapo funguka mbingu kwa mawingu, na wateremshwe Malaika kwa wingi

Verse 26 — Surah Al-Furqan 25:26

Ufalme wa haki siku hiyo utakuwa wa Arrahman, Mwingi wa Rehema, na itakuwa siku ngumu kwa makafiri

Verse 27 — Surah Al-Furqan 25:27

Na siku ambayo mwenye kudhulumu atajiuma mikono yake, na huku anasema: Laiti ningeli shika njia pamoja na Mtume

Verse 28 — Surah Al-Furqan 25:28

Ee Ole wangu! Laiti nisingeli mfanya fulani kuwa rafiki

Verse 29 — Surah Al-Furqan 25:29

Amenipoteza, nikaacha Ukumbusho, baada ya kwisha nijia, na kweli Shet'ani ni khaini kwa mwanaadamu

Verse 30 — Surah Al-Furqan 25:30

Na Mtume alikuwa akisema: Ee Mola wangu Mlezi! Hakika watu wangu wameifanya hii Qur'ani ni kihame

Verse 31 — Surah Al-Furqan 25:31

Na vivi hivi tumemfanyia kila Nabii adui miongoni mwa wakosefu, na Mola wako Mlezi anatosha kuwa Mwenye kuongoa na Mwenye kunusuru

Verse 32 — Surah Al-Furqan 25:32

Na wakasema walio kufuru: Kwa nini hakuteremshiwa Qur'ani kwa jumla moja? Hayo ni hivyo ili tuuthibitishe moyo wako, na ndio tumeisoma kwa mafungu

Verse 33 — Surah Al-Furqan 25:33

Wala hawatakuletea mfano wowote, ila na Sisi tutakuletea (jawabu) kwa haki, na tafsiri iliyo bora

Verse 34 — Surah Al-Furqan 25:34

Wale ambao watakao kusanywa na kubururwa kifudifudi mpaka kwenye Jahannamu, hao watakuwa na mahali pabaya, ndio wenye kuipotea sana njia

Verse 35 — Surah Al-Furqan 25:35

Na hakika tulimpa Musa Kitabu na tukamweka pamoja naye nduguye, Harun, kuwa waziri

Verse 36 — Surah Al-Furqan 25:36

Tukawaambia: Nendeni kwa watu walio kanusha Ishara zetu. Basi tukawateketeza kabisa

Verse 37 — Surah Al-Furqan 25:37

Na watu wa Nuhu, walipo wakanusha Mitume, tuliwazamisha, na tukawafanya ni Ishara kwa watu. Na tumewaandalia wenye kudhulumu adhabu chungu

Verse 38 — Surah Al-Furqan 25:38

Na tuliwaangamiza kina A'di na Thamudi na watu wa Rass na vizazi vingi vilivyo kuwa kati yao

Verse 39 — Surah Al-Furqan 25:39

Na wote tuliwapigia mifano, na wote tuliwaangamiza kabisa kabisa

Verse 40 — Surah Al-Furqan 25:40

Na kwa yakini wao wanafika kwenye nchi ilio teremshiwa mvua mbaya. Basi, je, hawakuwa wakiiona? Bali walikuwa hawataraji kufufuliwa

Verse 41 — Surah Al-Furqan 25:41

Na wanapo kuona hawakuchukulii ila ni mzaha tu, na (wanasema): Ati ndiye huyu Mwenyezi Mungu aliye mtuma kuwa Mtume

Verse 42 — Surah Al-Furqan 25:42

Kwa hakika alikuwa karibu kutupoteza tuiache miungu yetu, ingeli kuwa hatukushikamana nayo kwa kuvumilia. Bado watakuja jua, watakapo iona adhabu, ni nani aliye potea njia

Verse 43 — Surah Al-Furqan 25:43

Je! Umemwona aliye yafanya matamanio yake kuwa ndio mungu wake? Basi je, wewe utakuwa ni wakili wake

Verse 44 — Surah Al-Furqan 25:44

Au wewe unadhani kwamba wengi wao wanasikia au wanaelewa? Hao hawakuwa ila ni kama nyama hoa tu, bali wao wamepotea zaidi njia

Verse 45 — Surah Al-Furqan 25:45

Je! Huoni jinsi Mola wako Mlezi anavyo kitandaza kivuli. Na angeli taka angeli kifanya kikatulia tu. Kisha tumelifanya jua kuwa ni kiongozi wake

Verse 46 — Surah Al-Furqan 25:46

Kisha tunakivutia kwetu kidogo kidogo

Verse 47 — Surah Al-Furqan 25:47

Naye ndiye aliye kufanyieni usiku kuwa ni vazi, na usingizi kuwa mapumziko, na akakufanyieni mchana ni kufufuka

Verse 48 — Surah Al-Furqan 25:48

Naye ndiye anaye zituma pepo kuwa bishara njema kabla ya rehema yake, na tunayateremsha kutoka mbinguni maji safi

Verse 49 — Surah Al-Furqan 25:49

Ili kwa hayo tuihuishe nchi iliyo kufa, na tuwanyweshe wanyama na watu wengi tulio waumba

Verse 50 — Surah Al-Furqan 25:50

Na kwa yakini tumeisarifu kati yao wapate kukumbuka. Lakini watu wengi wanakataa ila kukufuru

Verse 51 — Surah Al-Furqan 25:51

Na tungeli taka tungeli peleka katika kila mji Mwonyaji

Verse 52 — Surah Al-Furqan 25:52

Basi usiwat'ii makafiri. Na pambana nao kwayo kwa Jihadi kubwa

Verse 53 — Surah Al-Furqan 25:53

Naye ndiye aliye zipeleka bahari mbili, hii tamu mno, na hii ya chumvi chungu. Na akaweka baina yao kinga na kizuizi kizuiacho

Verse 54 — Surah Al-Furqan 25:54

Naye ndiye aliye muumba mwanaadamu kutokana na maji, akamjaalia kuwa na nasaba na ushemeji. Na Mola wako Mlezi ni Muweza

Verse 55 — Surah Al-Furqan 25:55

Na wanayaabudu badala ya Mwenyezi Mungu yasiyo wafaa wala yasiyo wadhuru. Na kafiri daima ni msaidizi wa kumpinga Mola wake Mlezi

Verse 56 — Surah Al-Furqan 25:56

Nasi hatukukutuma ila kuwa ni Mbashiri na Mwonyaji

Verse 57 — Surah Al-Furqan 25:57

Sema: Sikukuombeni ujira juu yake; ila atakaye na ashike njia iendayo kwa Mola wake Mlezi

Verse 58 — Surah Al-Furqan 25:58

Na mtegemee Aliye Hai, ambaye hafi. Na umtukuze kwa sifa zake. Na yatosha kwake kuwa yeye ni Mwenye khabari za dhambi za waja wake

Verse 59 — Surah Al-Furqan 25:59

Ambaye ameziumba mbingu na ardhi, na viliomo ndani yake kwa siku sita. Kisha akatawala juu ya A'rshi, Arrahman, Mwingi wa Rehema! Uliza khabari zake kwa wamjuaye

Verse 60 — Surah Al-Furqan 25:60

Na wanapo ambiwa: Msujudieni Arrahman! Wao husema: Ni nani Arrahman? Je! Tumsujudie unaye tuamrisha wewe tu? Na huwazidishia chuki

Verse 61 — Surah Al-Furqan 25:61

Ametukuka aliye zijaalia nyota mbinguni, na akajaalia humo taa na mwezi unao ng'ara

Verse 62 — Surah Al-Furqan 25:62

Naye ndiye aliye fanya usiku na mchana kufuatana kwa nafuu ya anaye taka kukumbuka, au anaye taka kushukuru

Verse 63 — Surah Al-Furqan 25:63

Na waja wa Arrahman Mwingi wa Rehema ni wale wanao tembea ulimwenguni kwa staha, na wajinga wakiwasemeza hujibu: Salama

Verse 64 — Surah Al-Furqan 25:64

Na wale wanao kesha kwa ajili ya Mola wao Mlezi kwa kusujudu na kusimama

Verse 65 — Surah Al-Furqan 25:65

Na wale wanao sema: Mola wetu Mlezi! Tuondolee adhabu ya Jahannamu. Hakika adhabu yake ikimpata mtu haimwachi

Verse 66 — Surah Al-Furqan 25:66

Hakika hiyo ni kituo na makao mabaya

Verse 67 — Surah Al-Furqan 25:67

Na wale ambao wanapo tumia hawatumii kwa fujo wala hawafanyi ubakhili, bali wanakuwa katikati baina ya hayo

Verse 68 — Surah Al-Furqan 25:68

Na wale wasio mwomba mungu mwengine pamoja na Mwenyezi Mungu, wala hawaui nafsi aliyo iharimisha Mwenyezi Mungu isipo kuwa kwa haki, wala hawazini - na atakaye fanya hayo atapata madhara

Verse 69 — Surah Al-Furqan 25:69

Atazidishiwa adhabu Siku ya Kiyama, na atadumu humo kwa kufedheheka

Verse 70 — Surah Al-Furqan 25:70

Isipo kuwa atakaye tubu, na akaamini, na akatenda vitendo vyema. Basi hao Mwenyezi Mungu atayabadilisha maovu yao yawe mema. Na Mwenyezi Mungu ni Mwenye kusamehe, Mwenye kurehemu

Verse 71 — Surah Al-Furqan 25:71

Na aliye tubu na akafanya mema, basi hakika huyo ametubu kweli kweli kwa Mwenyezi Mungu

Verse 72 — Surah Al-Furqan 25:72

Na wale ambao hawatoi ushahidi wa uwongo, na pindi wapitapo penye upuuzi, hupita kwa hishima yao

Verse 73 — Surah Al-Furqan 25:73

Na wale ambao wanapo kumbushwa Ishara za Mola wao Mlezi hawajifanyi viziwi nazo, na vipofu

Verse 74 — Surah Al-Furqan 25:74

Na wale wanao sema: Mola wetu Mlezi! Tupe katika wake zetu na wenetu yaburudishayo macho, na utujaalie tuwe waongozi kwa wachamngu

Verse 75 — Surah Al-Furqan 25:75

Hao ndio watakao lipwa makao ya juu kwa kuwa walisubiri, na watakuta humo maamkio na salamu

Verse 76 — Surah Al-Furqan 25:76

Wadumu humo - kituo na makao mazuri kabisa

Verse 77 — Surah Al-Furqan 25:77

Sema: Mola wangu Mlezi asinge kujalini lau kuwa si kuomba kwenu. Lakini nyinyi mmemkadhibisha. Basi adhabu lazima iwe