Back to LanguagesPrevious ChapterNext Chapter EnglishArabicUrduHindiTamilBengali
Swahili - Chapter 26 - Ash-Shuara
Translation by Ali Muhsin Al Barwani — Permalink
Verse 1 — Surah Ash-Shuara 26:1
T'aa Siin Miim. (T'. S. M)
Verse 2 — Surah Ash-Shuara 26:2
Hizi ni Aya za Kitabu kinacho bainisha
Verse 3 — Surah Ash-Shuara 26:3
Huenda labda ukajikera nafsi yako kwa kuwa hawawi Waumini
Verse 4 — Surah Ash-Shuara 26:4
Tunge penda tungeli wateremshia kutoka mbinguni Ishara zikanyenyekea shingo zao
Verse 5 — Surah Ash-Shuara 26:5
Wala hauwafikii ukumbusho mpya kutoka kwa Arrahman ila wao hujitenga nao
Verse 6 — Surah Ash-Shuara 26:6
Kwa yakini wamekanusha; kwa hivyo zitakuja wafikia khabari za yale waliyo kuwa wakiyafanyia mzaha
Verse 7 — Surah Ash-Shuara 26:7
Je! Hawakuiona ardhi, mimea mingapi tumeiotesha humo, ya kila namna nzuri
Verse 8 — Surah Ash-Shuara 26:8
Hakika katika haya zipo Ishara. Lakini wengi wao hawakuwa wenye kuamini
Verse 9 — Surah Ash-Shuara 26:9
Na hakika Mola wako Mlezi ndiye Yeye Mwenye nguvu Mwenye kurehemu
Verse 10 — Surah Ash-Shuara 26:10
Na Mola wako Mlezi, alipo mwita Musa, akamwambia: Fika kwa watu madhaalimu
Verse 11 — Surah Ash-Shuara 26:11
Watu wa Firauni. Hawaogopi
Verse 12 — Surah Ash-Shuara 26:12
Akasema: Hakika mimi nachelea wasinikanushe
Verse 13 — Surah Ash-Shuara 26:13
Na kifua changu kina dhiki, na ulimi wangu haukunjuki vyema. Basi mtumie ujumbe Harun
Verse 14 — Surah Ash-Shuara 26:14
Na wao wana kisasi juu yangu, kwa hivyo naogopa wasije kuniuwa
Verse 15 — Surah Ash-Shuara 26:15
Akasema: Siyo hivyo kabisa! Nendeni na miujiza yetu. Hakika Sisi tu pamoja nanyi, tunasikiliza
Verse 16 — Surah Ash-Shuara 26:16
Basi mfikieni Firauni na mwambieni: Hakika sisi ni Mitume wa Mola Mlezi wa walimwengu wote
Verse 17 — Surah Ash-Shuara 26:17
Waachilie Wana wa Israili wende nasi
Verse 18 — Surah Ash-Shuara 26:18
(Firauni) akasema: Sisi hatukukulea wewe utotoni, na ukakaa kwetu katika umri wako miaka mingi
Verse 19 — Surah Ash-Shuara 26:19
Na ukatenda kitendo chako ulicho tenda, nawe ukawa miongoni mwa wasio na shukrani
Verse 20 — Surah Ash-Shuara 26:20
(Musa) akasema: Nilitenda hayo hapo nilipo kuwa miongoni mwa wale walio potea
Verse 21 — Surah Ash-Shuara 26:21
Basi nikakukimbieni nilipo kuogopeni, tena Mola wangu Mlezi akanitunukia hukumu, na akanijaalia niwe miongoni mwa Mitume
Verse 22 — Surah Ash-Shuara 26:22
Na hiyo ndiyo neema ya kunisumbulia, na wewe umewatia utumwani Wana wa Israili
Verse 23 — Surah Ash-Shuara 26:23
Firauni akasema: Na nani huyo Mola Mlezi wa walimwengu wote
Verse 24 — Surah Ash-Shuara 26:24
Akasema: Ndiye Mola Mlezi wa mbingu na ardhi, na viliomo baina yao, ikiwa nyinyi ni wenye yakini
Verse 25 — Surah Ash-Shuara 26:25
(Firauni) akawaambia walio mzunguka: Hamsikilizi
Verse 26 — Surah Ash-Shuara 26:26
(Musa) akasema: Ndiye Mola wenu Mlezi, na Mola Mlezi wa baba zenu wa kwanza
Verse 27 — Surah Ash-Shuara 26:27
(Firauni) akasema: Hakika huyu Mtume wenu aliye tumwa kwenu ni mwendawazimu
Verse 28 — Surah Ash-Shuara 26:28
(Musa) akasema: Ndiye Mola Mlezi wa Mashariki na Magharibi na viliomo baina yao, ikiwa nyinyi mnatia akilini
Verse 29 — Surah Ash-Shuara 26:29
(Firauni) akasema: Ukimfuata mungu mwengine asiye kuwa mimi, basi bila ya shaka nitakufunga gerezani
Verse 30 — Surah Ash-Shuara 26:30
Akasema: Je! Ijapo kuwa nitakuletea kitu cha kubainisha wazi
Verse 31 — Surah Ash-Shuara 26:31
Akasema: Kilete basi, kama wewe ni katika wasemao kweli
Verse 32 — Surah Ash-Shuara 26:32
Basi akaitupa fimbo yake, mara ikawa nyoka wa kuonekana dhaahiri
Verse 33 — Surah Ash-Shuara 26:33
Na akautoa mkono wake, na mara ukawa mweupe kwa watazamao
Verse 34 — Surah Ash-Shuara 26:34
(Firauni) akawaambia waheshimiwa walio mzunguka: Hakika huyu ni mchawi mtaalamu
Verse 35 — Surah Ash-Shuara 26:35
Anataka kukutoeni katika nchi yenu kwa uchawi wake. Basi mna shauri gani
Verse 36 — Surah Ash-Shuara 26:36
Wakasema: Mpe muda yeye na nduguye na uwatume mijini wapigao mbiu ya mgambo
Verse 37 — Surah Ash-Shuara 26:37
Wakuletee kila mchawi bingwa mtaalamu
Verse 38 — Surah Ash-Shuara 26:38
Basi wakakusanywa wachawi wakati na siku maalumu
Verse 39 — Surah Ash-Shuara 26:39
Na watu wakaambiwa: Je! Mtakusanyika
Verse 40 — Surah Ash-Shuara 26:40
Huenda tutawafuata wachawi wakiwa wao ndio watakao shinda
Verse 41 — Surah Ash-Shuara 26:41
Basi walipo kuja wachawi wakamwambia Firauni: Je! Tutapata ujira tukiwa sisi ndio tulio shinda
Verse 42 — Surah Ash-Shuara 26:42
Naam! Na hakika mtakuwa katika watu wa mbele
Verse 43 — Surah Ash-Shuara 26:43
Musa akwaambia: Tupeni mnavyo taka kutupa
Verse 44 — Surah Ash-Shuara 26:44
Basi wakatupa kamba zao na fimbo zao, na wakasema: Kwa nguvu za Firauni hakika sisi hapana shaka ni wenye kushinda
Verse 45 — Surah Ash-Shuara 26:45
Musa tena akatupa fimbo yake, nayo mara ikavimeza walivyo vizua
Verse 46 — Surah Ash-Shuara 26:46
Hapo wachawi walipinduka wakasujudu
Verse 47 — Surah Ash-Shuara 26:47
Wakasema: Tunamuamini Mola Mlezi wa walimwengu wote
Verse 48 — Surah Ash-Shuara 26:48
Mola Mlezi wa Musa na Harun
Verse 49 — Surah Ash-Shuara 26:49
(Firauni) akasema: Je! Mmemuamini kabla sijakuruhusuni? Bila ya shaka yeye basi ndiye mkubwa wenu aliye kufunzeni uchawi. Basi mtakuja jua! Nitakata mikono yenu na miguu yenu kwa kutafautisha. Na nitakubandikeni misalabani nyote
Verse 50 — Surah Ash-Shuara 26:50
Wakasema: Haidhuru, kwani sisi ni wenye kurejea kwa Mola wetu Mlezi
Verse 51 — Surah Ash-Shuara 26:51
Hakika sisi tunatumai Mola wetu Mlezi atatusamehe makosa yetu, kwa kuwa ndio wa kwanza wa kuamini
Verse 52 — Surah Ash-Shuara 26:52
Na tulimuamrisha Musa kwa wahyi: Nenda na waja wangu wakati wa usiku. Kwa hakika mtafuatwa
Verse 53 — Surah Ash-Shuara 26:53
Basi Firauni akawatuma mijini wapiga mbiu za mgambo
Verse 54 — Surah Ash-Shuara 26:54
(Wakieneza): Hakika hawa ni kikundi kidogo
Verse 55 — Surah Ash-Shuara 26:55
Nao wanatuudhi
Verse 56 — Surah Ash-Shuara 26:56
Na sisi ni wengi, wenye kuchukua hadhari
Verse 57 — Surah Ash-Shuara 26:57
Basi tukawatoa katika mabustani na chemchem
Verse 58 — Surah Ash-Shuara 26:58
Na makhazina, na vyeo vya hishima
Verse 59 — Surah Ash-Shuara 26:59
Kadhaalika; na tukawarithisha hayo Wana wa Israili
Verse 60 — Surah Ash-Shuara 26:60
Basi wakawafuata lilipo chomoza jua
Verse 61 — Surah Ash-Shuara 26:61
Na yalipo onana majeshi mawili haya, watu wa Musa wakasema: Hakika sisi bila ya shaka tumepatikana
Verse 62 — Surah Ash-Shuara 26:62
(Musa) akasema: Hasha! Hakika yu pamoja nami Mola wangu Mlezi. Yeye ataniongoa
Verse 63 — Surah Ash-Shuara 26:63
Tulimletea wahyi Musa tukamwambia: Piga bahari kwa fimbo yako. Basi ikatengana, na kila sehemu ikawa kama mlima mkubwa
Verse 64 — Surah Ash-Shuara 26:64
Na tukawajongeza hapo wale wengine
Verse 65 — Surah Ash-Shuara 26:65
Tukawaokoa Musa na walio kuwa pamoja naye wote
Verse 66 — Surah Ash-Shuara 26:66
Kisha tukawazamisha hao wengine
Verse 67 — Surah Ash-Shuara 26:67
Hakika bila ya shaka katika hayo ipo Ishara; lakini wengi wao si katika wenye kuamini
Verse 68 — Surah Ash-Shuara 26:68
Na kwa hakika Mola wako Mlezi ndiye Mwenye nguvu Mwenye kurehemu
Verse 69 — Surah Ash-Shuara 26:69
Na wasomee khabari za Ibrahim
Verse 70 — Surah Ash-Shuara 26:70
Alipo mwambia baba yake na kaumu yake: Mnaabudu nini
Verse 71 — Surah Ash-Shuara 26:71
Wakasema: Tunaabudu masanamu, daima tunayanyenyekea
Verse 72 — Surah Ash-Shuara 26:72
Akasema: Je! Yanakusikieni mnapo yaita
Verse 73 — Surah Ash-Shuara 26:73
Au yanakufaeni, au yanakudhuruni
Verse 74 — Surah Ash-Shuara 26:74
Wakasema: Bali tumewakuta baba zetu wakifanya hivyo hivyo
Verse 75 — Surah Ash-Shuara 26:75
Je! Mmewaona hawa mnao waabudu
Verse 76 — Surah Ash-Shuara 26:76
Nyinyi na baba zenu wa zamani
Verse 77 — Surah Ash-Shuara 26:77
Kwani hakika hao ni adui zangu, isipo kuwa Mola Mlezi wa walimwengu wote
Verse 78 — Surah Ash-Shuara 26:78
Ambaye ndiye aliye niumba, na Yeye ndiye ananiongoa
Verse 79 — Surah Ash-Shuara 26:79
Na ambaye ndiye ananilisha na kuninywesha
Verse 80 — Surah Ash-Shuara 26:80
Na ninapo ugua ni Yeye ndiye anaye niponesha
Verse 81 — Surah Ash-Shuara 26:81
Na ambaye atanifisha, na kisha atanihuisha
Verse 82 — Surah Ash-Shuara 26:82
Na ambaye ndiye ninaye mtumai kunisamehe makosa yangu Siku ya Malipo
Verse 83 — Surah Ash-Shuara 26:83
Mola wangu Mlezi! Nitunukie hukumu na uniunganishe na watendao mema
Verse 84 — Surah Ash-Shuara 26:84
Na unijaalie nitajwe kwa wema na watu watakao kuja baadaye
Verse 85 — Surah Ash-Shuara 26:85
Na unijaalie katika warithi wa Bustani za neema
Verse 86 — Surah Ash-Shuara 26:86
Na umsamehe baba yangu, kwani hakika alikuwa miongoni mwa wapotovu
Verse 87 — Surah Ash-Shuara 26:87
Wala usinihizi Siku watapo fufuliwa
Verse 88 — Surah Ash-Shuara 26:88
Siku ambayo kwamba mali hayato faa kitu wala wana
Verse 89 — Surah Ash-Shuara 26:89
Isipo kuwa mwenye kumjia Mwenyezi Mungu na moyo safi
Verse 90 — Surah Ash-Shuara 26:90
Na Pepo itasogezwa kwa wachamngu
Verse 91 — Surah Ash-Shuara 26:91
Na Jahannamu itadhihirishwa kwa wapotovu
Verse 92 — Surah Ash-Shuara 26:92
Na wataambiwa: Wako wapi mlio kuwa mkiwaabudu
Verse 93 — Surah Ash-Shuara 26:93
Badala ya Mwenyezi Mungu? Je! Wanakusaidieni, au wanajisaidia wenyewe
Verse 94 — Surah Ash-Shuara 26:94
Basi watavurumizwa humo wao na hao wakosefu
Verse 95 — Surah Ash-Shuara 26:95
Na majeshi ya Ibilisi yote
Verse 96 — Surah Ash-Shuara 26:96
Watasema, na hali ya kuwa wanazozana humo
Verse 97 — Surah Ash-Shuara 26:97
Wallahi! Kwa yakini tulikuwa katika upotovu ulio dhaahiri
Verse 98 — Surah Ash-Shuara 26:98
Tulipo kufanyeni ni sawa na Mola Mlezi wa walimwengu wote
Verse 99 — Surah Ash-Shuara 26:99
Na hawakutupoteza ila wale wakosefu
Verse 100 — Surah Ash-Shuara 26:100
Basi hatuna waombezi
Verse 101 — Surah Ash-Shuara 26:101
Wala rafiki wa dhati
Verse 102 — Surah Ash-Shuara 26:102
Laiti tungeli pata kurejea tena tungeli kuwa katika Waumini
Verse 103 — Surah Ash-Shuara 26:103
Hakika katika haya ipo Ishara, lakini wengi wao hawakuwa wenye kuamini
Verse 104 — Surah Ash-Shuara 26:104
Na hakika Mola wako Mlezi ndiye Mwenye nguvu Mwenye kurehemu
Verse 105 — Surah Ash-Shuara 26:105
Kaumu ya Nuhu waliwakadhibisha Mitume
Verse 106 — Surah Ash-Shuara 26:106
Alipo waambia ndugu yao, Nuhu: Je! Hamchimngu
Verse 107 — Surah Ash-Shuara 26:107
Hakika mimi kwenu ni Mtume muaminifu
Verse 108 — Surah Ash-Shuara 26:108
Basi Mcheni Mwenyezi Mungu, na nit'iini mimi
Verse 109 — Surah Ash-Shuara 26:109
Na sikutakini juu yake ujira, kwani ujira wangu hauko ila kwa Mola Mlezi wa walimwengu wote
Verse 110 — Surah Ash-Shuara 26:110
Basi Mcheni Mwenyezi Mungu, na nit'iini mimi
Verse 111 — Surah Ash-Shuara 26:111
Wakasema: Je! Tukuamini wewe, hali wanao kufuata ni watu wa chini
Verse 112 — Surah Ash-Shuara 26:112
Akasema: Nayajuaje waliyo kuwa wakiyafanya
Verse 113 — Surah Ash-Shuara 26:113
Hisabu yao haiko ila kwa Mola wao Mlezi, laiti mngeli tambua
Verse 114 — Surah Ash-Shuara 26:114
Wala mimi si wa kuwafukuza Waumini
Verse 115 — Surah Ash-Shuara 26:115
Mimi si cho chote ila ni Mwonyaji wa dhaahiri shaahiri
Verse 116 — Surah Ash-Shuara 26:116
Wakasema: Ikiwa huachi, ewe Nuhu, bila ya shaka utapigwa mawe
Verse 117 — Surah Ash-Shuara 26:117
Akasema: Mola wangu Mlezi! Hakika watu wangu wamenikanusha
Verse 118 — Surah Ash-Shuara 26:118
Basi hukumu baina yangu na wao kwa hukumu yako, na uniokoe mimi na walio pamoja nami, Waumini
Verse 119 — Surah Ash-Shuara 26:119
Kwa hivyo tukamwokoa yeye na walio kuwa pamoja naye katika marikebu iliyo sheheni
Verse 120 — Surah Ash-Shuara 26:120
Kisha tukawazamisha baadaye walio bakia
Verse 121 — Surah Ash-Shuara 26:121
Hakika katika haya ipo Ishara, lakini si wengi wao walio kuwa Waumini
Verse 122 — Surah Ash-Shuara 26:122
Na hakika Mola wako Mlezi ndiye Yeye Mwenye nguvu Mwenye kurehemu
Verse 123 — Surah Ash-Shuara 26:123
Kina A'd waliwakanusha Mitume
Verse 124 — Surah Ash-Shuara 26:124
Alipo waambia ndugu yao, Hud: Je! Hamchimngu
Verse 125 — Surah Ash-Shuara 26:125
Hakika mimi kwenu ni Mtume muaminifu
Verse 126 — Surah Ash-Shuara 26:126
Basi mcheni Mwenyezi Mungu, na nit'iini mimi
Verse 127 — Surah Ash-Shuara 26:127
Wala sikutakeni juu yake ujira, kwani ujira wangu hauko ila kwa Mola Mlezi wa walimwengu wote
Verse 128 — Surah Ash-Shuara 26:128
Je! Mnajenga juu ya kila mnyanyuko kumbusho la kufanyia upuuzi
Verse 129 — Surah Ash-Shuara 26:129
Na mnajenga majengo ya fakhari kama kwamba mtaishi milele
Verse 130 — Surah Ash-Shuara 26:130
Na mnapo tumia nguvu mnatumia nguvu kwa ujabari
Verse 131 — Surah Ash-Shuara 26:131
Basi mcheni Mwenyezi Mungu, na nit'iini
Verse 132 — Surah Ash-Shuara 26:132
Na mcheni aliye kupeni haya mnayo yajua
Verse 133 — Surah Ash-Shuara 26:133
Amekupeni wanyama wa kufuga na wana
Verse 134 — Surah Ash-Shuara 26:134
Na mabustani na chemchem
Verse 135 — Surah Ash-Shuara 26:135
Hakika mimi ninakukhofieni adhabu ya Siku Kubwa
Verse 136 — Surah Ash-Shuara 26:136
Wakasema: Ni mamoja kwetu, ukitupa mawaidha au hukuwa miongoni mwa watoao mawaidha
Verse 137 — Surah Ash-Shuara 26:137
Haya si chochote ila ni mtindo wa watu wa tokea zamani
Verse 138 — Surah Ash-Shuara 26:138
Wala sisi hatutaadhibiwa
Verse 139 — Surah Ash-Shuara 26:139
Wakamkanusha; nasi tukawaangamiza. Hakika bila ya shaka katika haya ipo Ishara. Lakini hawakuwa wengi wao wenye kuamini
Verse 140 — Surah Ash-Shuara 26:140
Na hakika Mola wako Mlezi ndiye Mwenye nguvu Mwenye kurehemu
Verse 141 — Surah Ash-Shuara 26:141
Kina Thamud waliwakanusha Mitume
Verse 142 — Surah Ash-Shuara 26:142
Alipo waambia ndugu yao Saleh: Je! Hamumchimngu
Verse 143 — Surah Ash-Shuara 26:143
Hakika mimi kwenu ni Mtume muaminifu
Verse 144 — Surah Ash-Shuara 26:144
Basi mcheni Mwenyezi Mungu, na nit'iini
Verse 145 — Surah Ash-Shuara 26:145
Wala sikutakini ujira juu yake. Ujira wangu hauko ila kwa Mola Mlezi wa walimwengu wote
Verse 146 — Surah Ash-Shuara 26:146
Je! Mtaachwa salama usalimina katika haya yaliyopo hapa
Verse 147 — Surah Ash-Shuara 26:147
Katika mabustani, na chemchem
Verse 148 — Surah Ash-Shuara 26:148
Na konde na mitende yenye makole yaliyo wiva
Verse 149 — Surah Ash-Shuara 26:149
Na mnachonga milimani majumba kwa ustadi
Verse 150 — Surah Ash-Shuara 26:150
Basi mcheni Mwenyezi Mungu, na nit'iini mimi
Verse 151 — Surah Ash-Shuara 26:151
Wala msit'ii amri za walio pindukia mipaka
Verse 152 — Surah Ash-Shuara 26:152
Ambao wanafanya ufisadi katika nchi, wala hawatengenezi
Verse 153 — Surah Ash-Shuara 26:153
Wakasema: Hakika wewe ni miongoni mwa walio rogwa
Verse 154 — Surah Ash-Shuara 26:154
Wewe si chochote ila ni mtu kama sisi. Basi lete Ishara ukiwa wewe ni miongoni mwa wasemao kweli
Verse 155 — Surah Ash-Shuara 26:155
Akasema: Huyu ngamia jike; awe na zamu yake ya kunywa, na nyinyi muwe na zamu yenu ya kunywa katika siku maalumu
Verse 156 — Surah Ash-Shuara 26:156
Wala msimguse kwa uwovu, isije ikakushikeni adhabu ya Siku Kubwa
Verse 157 — Surah Ash-Shuara 26:157
Lakini wakamuuwa, na wakawa wenye kujuta
Verse 158 — Surah Ash-Shuara 26:158
Basi ikawapata adhabu. Hakika katika hayo ipo Ishara. Lakini hawakuwa wengi wao wenye kuamini
Verse 159 — Surah Ash-Shuara 26:159
Na hakika Mola wako Mlezi ndiye Mwenye nguvu Mwenye kurehemu
Verse 160 — Surah Ash-Shuara 26:160
Watu wa Lut'i waliwakanusha Mitume
Verse 161 — Surah Ash-Shuara 26:161
Alipo waambia ndugu yao, Lut'i: Je! Hamumchimngu
Verse 162 — Surah Ash-Shuara 26:162
Hakika mimi kwenu ni Mtume muaminifu kwenu
Verse 163 — Surah Ash-Shuara 26:163
Basi mcheni Mwenyezi Mungu na nit'iini mimi
Verse 164 — Surah Ash-Shuara 26:164
Wala mimi sikutakini ujira juu yake; ujira wangu hauko ila kwa Mola Mlezi wa walimwengu wote
Verse 165 — Surah Ash-Shuara 26:165
Je! Katika viumbe vyote mnawaingilia wanaume
Verse 166 — Surah Ash-Shuara 26:166
Na mnaacha alicho kuumbieni Mola wenu Mlezi katika wake zenu? Ama kweli nyinyi ni watu mnao ruka mipaka
Verse 167 — Surah Ash-Shuara 26:167
Wakasema: Ewe Lut'i! Usipo acha, hapana shaka utakuwa miongoni mwa wanao tolewa mji
Verse 168 — Surah Ash-Shuara 26:168
Akasema: Hakika mimi ni katika wanao kichukia hichi kitendo chenu
Verse 169 — Surah Ash-Shuara 26:169
Mola wangu Mlezi! Niokoe mimi na ahali zangu na haya wayatendayo
Verse 170 — Surah Ash-Shuara 26:170
Basi tukamwokoa yeye na ahali zake wote
Verse 171 — Surah Ash-Shuara 26:171
Isipo kuwa kikongwe katika walio kaa nyuma
Verse 172 — Surah Ash-Shuara 26:172
Kisha tukawaangamiza wale wengine
Verse 173 — Surah Ash-Shuara 26:173
Na tukawanyeshea mvua, basi ni ovu mno mvua ya waliyo onywa
Verse 174 — Surah Ash-Shuara 26:174
Hakika katika hayo ipo Ishara. Na hawakuwa wengi wao wenye kuamini
Verse 175 — Surah Ash-Shuara 26:175
Na hakika Mola wako Mlezi bila ya shaka ndiye Mwenye nguvu, Mwenye kurehemu
Verse 176 — Surah Ash-Shuara 26:176
Watu wa Machakani waliwakanusha Mitume
Verse 177 — Surah Ash-Shuara 26:177
Shuaibu alipo waambia: Je! Hamfanyi mkamchamngu
Verse 178 — Surah Ash-Shuara 26:178
Hakika mimi kwenu ni Mtume muaminifu
Verse 179 — Surah Ash-Shuara 26:179
Basi mcheni Mwenyezi Mungu, na nit'iini mimi
Verse 180 — Surah Ash-Shuara 26:180
Wala sikutakini ujira juu yake. Ujira wangu hauko ila kwa Mola Mlezi wa walimwengu wote
Verse 181 — Surah Ash-Shuara 26:181
Timizeni kipimo sawa sawa, wala msiwe katika wanao punja
Verse 182 — Surah Ash-Shuara 26:182
Na pimeni kwa haki iliyo nyooka
Verse 183 — Surah Ash-Shuara 26:183
Wala msiwapunje watu vitu vyao, wala msifanye jeuri kwa ufisadi
Verse 184 — Surah Ash-Shuara 26:184
Na mcheni aliye kuumbeni nyinyi na vizazi vilivyo tangulia
Verse 185 — Surah Ash-Shuara 26:185
Wakasema: Hakika wewe ni katika walio rogwa
Verse 186 — Surah Ash-Shuara 26:186
Na wewe si chochote ila ni mtu tu kama sisi, na kwa yakini tunakuona wewe ni katika waongo
Verse 187 — Surah Ash-Shuara 26:187
Hebu tuangushie vipande kutoka mbinguni ikiwa wewe ni miongoni mwa wasemao kweli
Verse 188 — Surah Ash-Shuara 26:188
Akasema: Mola wangu Mlezi anajua zaidi mnayo yatenda
Verse 189 — Surah Ash-Shuara 26:189
Basi walimkanusha, na ikawashika adhabu ya siku ya kivuli. Hakika hiyo ilikuwa adhabu ya siku kubwa
Verse 190 — Surah Ash-Shuara 26:190
Hakika katika hayo ipo Ishara, lakini hawakuwa wengi wao wenye kuamini
Verse 191 — Surah Ash-Shuara 26:191
Na hakika Mola wako Mlezi bila ya shaka ndiye Yeye Mwenye nguvu Mwenye kurehemu
Verse 192 — Surah Ash-Shuara 26:192
Na bila ya shaka hii ni Uteremsho wa Mola Mlezi wa walimwengu wote
Verse 193 — Surah Ash-Shuara 26:193
Ameuteremsha Roho muaminifu
Verse 194 — Surah Ash-Shuara 26:194
Juu ya moyo wako, ili uwe katika Waonyaji
Verse 195 — Surah Ash-Shuara 26:195
Kwa ulimi wa Kiarabu ulio wazi
Verse 196 — Surah Ash-Shuara 26:196
Na hakika bila ya shaka haya yamo katika Vitabu vya kale
Verse 197 — Surah Ash-Shuara 26:197
Je! Haikuwa kwao ni Ishara kwamba wanayajua haya wanazuoni wa Wana wa Israili
Verse 198 — Surah Ash-Shuara 26:198
Na lau kuwa tungeli iteremsha juu ya mmoja wa wasio kuwa Waarabu
Verse 199 — Surah Ash-Shuara 26:199
Na akawasomea, wasingeli kuwa wenye kuamini
Verse 200 — Surah Ash-Shuara 26:200
Namna hivi tunaingiza katika nyoyo za wakosefu
Verse 201 — Surah Ash-Shuara 26:201
Hawataiamini mpaka waione adhabu chungu
Verse 202 — Surah Ash-Shuara 26:202
Basi itawafikia kwa ghafla, na hali hawana khabari
Verse 203 — Surah Ash-Shuara 26:203
Na watasema: Je, tutapewa muhula
Verse 204 — Surah Ash-Shuara 26:204
Basi, je, wanaihimiza adhabu yetu
Verse 205 — Surah Ash-Shuara 26:205
Waonaje kama tukiwastarehesha kwa miaka
Verse 206 — Surah Ash-Shuara 26:206
Kisha yakawafikia waliyo kuwa wakiahidiwa
Verse 207 — Surah Ash-Shuara 26:207
Yatawafaa nini yale waliyo stareheshewa
Verse 208 — Surah Ash-Shuara 26:208
Wala hatukuangamiza mji wo wote ila ulikuwa na waonyaji
Verse 209 — Surah Ash-Shuara 26:209
Kuwa ni ukumbusho. Wala Sisi hatukuwa wenye kudhulumu
Verse 210 — Surah Ash-Shuara 26:210
Wala Mashet'ani hawakuteremka nayo
Verse 211 — Surah Ash-Shuara 26:211
Wala haitakiwi kwao, na wala hawawezi
Verse 212 — Surah Ash-Shuara 26:212
Hakika hao wametengwa na kusikia
Verse 213 — Surah Ash-Shuara 26:213
Basi usimwombe mungu mwingine pamoja na Mwenyezi Mungu ukawa miongoni mwa watakao adhibiwa
Verse 214 — Surah Ash-Shuara 26:214
Na uwaonye jamaa zako walio karibu nawe
Verse 215 — Surah Ash-Shuara 26:215
Na watwae kwa upole wanao kufuata miongoni mwa Waumini
Verse 216 — Surah Ash-Shuara 26:216
Na ikiwa watakuasi basi sema: Mimi najitenga mbali na hayo mnayo yatenda
Verse 217 — Surah Ash-Shuara 26:217
Na umtegemee Mtukufu Mwenye nguvu Mwenye kurehemu
Verse 218 — Surah Ash-Shuara 26:218
Ambaye anakuona unapo simama
Verse 219 — Surah Ash-Shuara 26:219
Na mageuko yako kati ya wanao sujudu
Verse 220 — Surah Ash-Shuara 26:220
Hakika Yeye ndiye Mwenye kusikia Mwenye kujua
Verse 221 — Surah Ash-Shuara 26:221
Je! Nikwambieni nani wanawashukia Mashet'ani
Verse 222 — Surah Ash-Shuara 26:222
Wanamshukia kila mzushi mkubwa mwingi wa dhambi
Verse 223 — Surah Ash-Shuara 26:223
Wanawapelekea yale wanayo yasikia; na wengi wao ni waongo
Verse 224 — Surah Ash-Shuara 26:224
Na watungaji mashairi ni wapotofu ndio wanawafuata
Verse 225 — Surah Ash-Shuara 26:225
Je! Huwaoni kwamba wao wanatangatanga katika kila bonde
Verse 226 — Surah Ash-Shuara 26:226
Na kwamba wao husema wasiyo yatenda
Verse 227 — Surah Ash-Shuara 26:227
Isipo kuwa wale walio amini, na wakatenda mema, na wakamkumbuka Mwenyezi Mungu kwa wingi, na wakajitetea wanapo dhulumiwa. Na wanao dhulumu watakuja jua mgeuko gani watakao geuka