Back to LanguagesPrevious ChapterNext Chapter EnglishArabicUrduHindiTamilBengali
Swahili - Chapter 51 - Adh-Dhariyat
Translation by Ali Muhsin Al Barwani — Permalink
Verse 1 — Surah Adh-Dhariyat 51:1
Naapa kwa pepo zinazo tawanya
Verse 2 — Surah Adh-Dhariyat 51:2
Na zinazo beba mizigo
Verse 3 — Surah Adh-Dhariyat 51:3
Na zinazo kwenda kwa wepesi
Verse 4 — Surah Adh-Dhariyat 51:4
Na zinazo gawanya kwa amri
Verse 5 — Surah Adh-Dhariyat 51:5
Hakika mnayo ahidiwa bila ya shaka ni kweli
Verse 6 — Surah Adh-Dhariyat 51:6
Na kwa hakika malipo bila ya shaka yatatokea
Verse 7 — Surah Adh-Dhariyat 51:7
Naapa kwa mbingu zenye njia
Verse 8 — Surah Adh-Dhariyat 51:8
Hakika nyinyi bila ya shaka mmo katika kauli inayo khitalifiana
Verse 9 — Surah Adh-Dhariyat 51:9
Anageuzwa kutokana na haki mwenye kugeuzwa
Verse 10 — Surah Adh-Dhariyat 51:10
Wazushi wameangamizwa
Verse 11 — Surah Adh-Dhariyat 51:11
Ambao wameghafilika katika ujinga
Verse 12 — Surah Adh-Dhariyat 51:12
Wanauliza: Ni lini hiyo siku ya malipo
Verse 13 — Surah Adh-Dhariyat 51:13
Hiyo ni siku watakayo adhibiwa Motoni
Verse 14 — Surah Adh-Dhariyat 51:14
Onjeni adhabu yenu! Haya ndiyo mliyo kuwa mkiyahimiza
Verse 15 — Surah Adh-Dhariyat 51:15
Hakika wachamngu watakuwa katika Mabustani na chemchem
Verse 16 — Surah Adh-Dhariyat 51:16
Wanapokea aliyo wapa Mola wao Mlezi. Kwa hakika hao walikuwa kabla ya haya wakifanya mema
Verse 17 — Surah Adh-Dhariyat 51:17
Walikuwa wakilala kidogo tu usiku
Verse 18 — Surah Adh-Dhariyat 51:18
Na kabla ya alfajiri wakiomba maghfira
Verse 19 — Surah Adh-Dhariyat 51:19
Na katika mali yao ipo haki ya mwenye kuomba na asiye omba
Verse 20 — Surah Adh-Dhariyat 51:20
Na katika ardhi zipo Ishara kwa wenye yakini
Verse 21 — Surah Adh-Dhariyat 51:21
Na pia katika nafsi zenu - Je! Hamwoni
Verse 22 — Surah Adh-Dhariyat 51:22
Na katika mbingu ziko riziki zenu na mliyo ahidiwa
Verse 23 — Surah Adh-Dhariyat 51:23
Basi naapa kwa Mola Mlezi wa mbingu na ardhi, hakika haya ni kweli kama ilivyo kweli kuwa nyinyi mnasema
Verse 24 — Surah Adh-Dhariyat 51:24
Je! Imekufikia hadithi ya wageni wa Ibrahim wanao hishimiwa
Verse 25 — Surah Adh-Dhariyat 51:25
Walipo ingia kwake wakasema: Salama! Na yeye akasema: Salama! Nyinyi ni watu nisio kujueni
Verse 26 — Surah Adh-Dhariyat 51:26
Akenda kwa ahali yake na akaja na ndama aliye nona
Verse 27 — Surah Adh-Dhariyat 51:27
Akawakaribisha, akasema: Mbona hamli
Verse 28 — Surah Adh-Dhariyat 51:28
Akahisi kuwaogopa katika nafsi yake. Wakasema: Usiwe na khofu, nao wakambashiria kupata kijana mwenye ilimu
Verse 29 — Surah Adh-Dhariyat 51:29
Ndipo mkewe akawaelekea, na huku anasema na akijipiga usoni kwa mastaajabu, na kusema: Mimi ni kikongwe na tasa
Verse 30 — Surah Adh-Dhariyat 51:30
Wakasema: Ndivyo vivyo hivyo alivyo sema Mola wako Mlezi. Hakika Yeye ni Mwenye hikima na Mwenye kujua
Verse 31 — Surah Adh-Dhariyat 51:31
AKASEMA: Basi ujumbe wenu ni nini, enyi mlio tumwa
Verse 32 — Surah Adh-Dhariyat 51:32
Wakasema: Hakika sisi tumetumwa kwa watu wakosefu
Verse 33 — Surah Adh-Dhariyat 51:33
Tuwatupie mawe ya udongo
Verse 34 — Surah Adh-Dhariyat 51:34
Yaliyo tiwa alama kutoka kwa Mola wako Mlezi kwa ajili ya wanao pindukia mipaka
Verse 35 — Surah Adh-Dhariyat 51:35
Kwa hivyo tutawatoa katika hao wale walio amini
Verse 36 — Surah Adh-Dhariyat 51:36
Lakini hatukupata humo ila nyumba moja tu yenye Waislamu
Verse 37 — Surah Adh-Dhariyat 51:37
Na tukaacha humo Ishara kwa ajili ya wanao iogopa adhabu chungu
Verse 38 — Surah Adh-Dhariyat 51:38
Na katika khabari za Musa, tulipo mtuma kwa Firauni na hoja wazi
Verse 39 — Surah Adh-Dhariyat 51:39
Lakini alipuuza kwa sababu ya nguvu zake na akasema: Huyu ni mchawi au mwendawazimu
Verse 40 — Surah Adh-Dhariyat 51:40
Basi tukamkamata yeye na majeshi yake na tukawatupa baharini, na yeye ndiye wa kulaumiwa
Verse 41 — Surah Adh-Dhariyat 51:41
Na katika khabari za A'di tulipo wapelekea upepo wa kukata uzazi
Verse 42 — Surah Adh-Dhariyat 51:42
Haukuacha chochote ulicho kifikia ila ulikifanya kama kilio nyambuka
Verse 43 — Surah Adh-Dhariyat 51:43
Na katika khabari za Thamudi walipo ambiwa: Jifurahisheni kwa muda mdogo tu
Verse 44 — Surah Adh-Dhariyat 51:44
Wakaasi amri ya Mola wao Mlezi. Basi uliwanyakua moto wa radi nao wanaona
Verse 45 — Surah Adh-Dhariyat 51:45
Basi hawakuweza kusimama wala hawakuwa wenye kujitetea
Verse 46 — Surah Adh-Dhariyat 51:46
Na kaumu ya Nuhu hapo mbele. Hakika hao walikuwa watu wapotovu
Verse 47 — Surah Adh-Dhariyat 51:47
Na mbingu tumezifanya kwa nguvu na uwezo na hakika Sisi bila ya shaka ndio twenye uwezo wa kuzitanua
Verse 48 — Surah Adh-Dhariyat 51:48
Na ardhi tumeitandaza; basi watandazaji wazuri namna gani Sisi
Verse 49 — Surah Adh-Dhariyat 51:49
Na katika kila kitu tumeumba kwa jozi ili mzingatie
Verse 50 — Surah Adh-Dhariyat 51:50
Basi kimbilieni kwa Mwenyezi Mungu, hakika mimi ni mwonyaji kwenu wa kubainisha nitokae kwake
Verse 51 — Surah Adh-Dhariyat 51:51
Wala msifanye kuwa kuna mungu mwengine pamoja na Mwenyezi Mungu. Hakika mimi ni mwonyaji kwenu wa kubainisha nitokae kwake
Verse 52 — Surah Adh-Dhariyat 51:52
Basi ndio hivyo hivyo, hakuwajia kabla yao Mtume ila walisema: Huyu ni mchawi au mwendawazimu
Verse 53 — Surah Adh-Dhariyat 51:53
Je! Wameambizana kwa haya? Bali hawa ni watu waasi
Verse 54 — Surah Adh-Dhariyat 51:54
Basi waachilie mbali, nawe hulaumiwi
Verse 55 — Surah Adh-Dhariyat 51:55
Na kumbusha, kwani ukumbusho huwafaa Waumini
Verse 56 — Surah Adh-Dhariyat 51:56
Nami sikuwaumba majini na watu ila waniabudu Mimi
Verse 57 — Surah Adh-Dhariyat 51:57
Na sitaki kwao riziki, wala sitaki wanilishe
Verse 58 — Surah Adh-Dhariyat 51:58
Hakika Mwenyezi Mungu ndiye Mwenye kuruzuku, Mwenye nguvu, Madhubuti
Verse 59 — Surah Adh-Dhariyat 51:59
Hakika walio dhulumu wana fungu lao la adhabu kama fungu la wenzao. Basi wasinihimize
Verse 60 — Surah Adh-Dhariyat 51:60
Ole wao walio ikanusha siku yao waliyo ahidiwa