Back to LanguagesPrevious ChapterNext Chapter EnglishArabicUrduHindiTamilBengali
Swahili - Chapter 52 - At-Tur
Translation by Ali Muhsin Al Barwani — Permalink
Verse 1 — Surah At-Tur 52:1
Naapa kwa mlima wa T'ur
Verse 2 — Surah At-Tur 52:2
Na Kitabu kilicho andikwa
Verse 3 — Surah At-Tur 52:3
Katika ngozi iliyo kunjuliwa
Verse 4 — Surah At-Tur 52:4
Na kwa Nyumba iliyo jengwa
Verse 5 — Surah At-Tur 52:5
Na kwa dari iliyo nyanyuliwa
Verse 6 — Surah At-Tur 52:6
Na kwa bahari iliyo jazwa
Verse 7 — Surah At-Tur 52:7
Hakika adhabu ya Mola wako Mlezi hapana shaka itatokea
Verse 8 — Surah At-Tur 52:8
Hapana wa kuizuia
Verse 9 — Surah At-Tur 52:9
Siku zitakapo tikisika mbingu kwa mtikiso
Verse 10 — Surah At-Tur 52:10
Na milima iwe inakwenda kwa mwendo mkubwa
Verse 11 — Surah At-Tur 52:11
Basi ole wao siku hiyo hao wanao kadhibisha
Verse 12 — Surah At-Tur 52:12
Ambao wanacheza katika mambo ya upuuzi
Verse 13 — Surah At-Tur 52:13
Siku watapo sukumwa kwenye Moto kwa msukumo wa nguvu
Verse 14 — Surah At-Tur 52:14
(Waambiwe): Huu ndio ule Moto mlio kuwa mkiukanusha
Verse 15 — Surah At-Tur 52:15
Je! Huu ni uchawi, au hamwoni tu
Verse 16 — Surah At-Tur 52:16
Uingieni, mkistahamili au msistahamili - ni mamoja kwenu. Hakika mnalipwa kwa mliyo kuwa mkiyatenda
Verse 17 — Surah At-Tur 52:17
Hakika wachamngu watakuwa katika Mabustani na neema
Verse 18 — Surah At-Tur 52:18
Wakifurahi kwa yale aliyo wapa Mola wao Mlezi. Na Mola wao Mlezi atawalinda na adhabu ya Motoni
Verse 19 — Surah At-Tur 52:19
Kuleni na kunyweni kwa raha kabisa kwa sababu ya mliyo kuwa mkiyatenda
Verse 20 — Surah At-Tur 52:20
Watakuwa wameegemea juu ya viti vya enzi vilivyo pangwa kwa safu. Na tutawaoza mahuru-l-aini
Verse 21 — Surah At-Tur 52:21
Na walio amini na dhuriya zao wakawafuata kwa Imani tutawakutanisha nao dhuriya zao, na wala hatutawapunja hata kidogo katika vitendo vyao. Kila mtu lazima atapata alicho kichuma
Verse 22 — Surah At-Tur 52:22
Na tutawapa matunda, na nyama kama watavyo penda
Verse 23 — Surah At-Tur 52:23
Watapeana humo bilauri zisio na vinywaji vya kuleta maneno ya upuuzi wala dhambi
Verse 24 — Surah At-Tur 52:24
Iwe wanawapitia watumishi wao kama kwamba ni lulu zilizomo katika chaza
Verse 25 — Surah At-Tur 52:25
Wataelekeana wakiulizana
Verse 26 — Surah At-Tur 52:26
Waseme: Tulikuwa zamani pamoja na ahali zetu tukiogopa
Verse 27 — Surah At-Tur 52:27
Basi Mwenyezi Mungu akatufanyia hisani na akatulinda na adhabu ya upepo wa Moto
Verse 28 — Surah At-Tur 52:28
Hakika sisi zamani tulikuwa tukimwomba Yeye tu. Hakika Yeye ndiye Mwema Mwenye kurehemu
Verse 29 — Surah At-Tur 52:29
Basi kumbusha! Kwani wewe, kwa neema ya Mola wako Mlezi, si kuhani wala mwendawazimu
Verse 30 — Surah At-Tur 52:30
Au wanasema: Huyu ni mtunga mashairi, tunamtarajia kupatilizwa na dahari
Verse 31 — Surah At-Tur 52:31
Sema: Tarajieni, na mimi pia ni pamoja nanyi katika kutarajia
Verse 32 — Surah At-Tur 52:32
Au hizo akili zao ndio zinawaamrisha haya, au wao basi ni watu majeuri tu
Verse 33 — Surah At-Tur 52:33
Au ndio wanasema: Ameitunga hii! Bali basi tu hawaamini
Verse 34 — Surah At-Tur 52:34
Basi nawalete masimulizi kama haya ikiwa wao wanasema kweli
Verse 35 — Surah At-Tur 52:35
Au wao wameumbwa pasipo kutokana na kitu chochote, au ni wao ndio waumbaji
Verse 36 — Surah At-Tur 52:36
Au wao wameziumba mbingu na ardhi? Bali hawana na yakini
Verse 37 — Surah At-Tur 52:37
Au wanazo khazina za Mola wako Mlezi au wao ndio wenye madaraka
Verse 38 — Surah At-Tur 52:38
Au wanazo ngazi za kusikilizia? Basi huyo msikilizaji wao na alete hoja ilio wazi
Verse 39 — Surah At-Tur 52:39
Au Yeye Mwenyezi Mungu ana wasichana, na nyinyi ndio mna wavulana
Verse 40 — Surah At-Tur 52:40
Au wewe unawaomba ujira, na kwa hivyo ndio wanaelemewa na uzito wa gharama
Verse 41 — Surah At-Tur 52:41
Au wanayo ilimu ya ghaibu, nao wameandika
Verse 42 — Surah At-Tur 52:42
Au wanataka kufanya vitimbi tu? Lakini hao walio kufuru ndio watakao tegeka
Verse 43 — Surah At-Tur 52:43
Au wanae mungu asiye kuwa Mwenyezi Mungu? Subhanallah! Ametaksika Mwenyezi Mungu na hao wanao washirikisha naye
Verse 44 — Surah At-Tur 52:44
Na hata wange ona pande linatoka mbinguni linaanguka wange sema: Ni mawingu yaliyo bebana
Verse 45 — Surah At-Tur 52:45
Basi waache mpaka wakutane na siku yao watakapo hilikishwa
Verse 46 — Surah At-Tur 52:46
Siku ambayo hila zao hazitawafaa hata kidogo, wala wao hawatanusuriwa
Verse 47 — Surah At-Tur 52:47
Na hakika walio dhulumu watapata adhabu nyengine isiyo kuwa hii, lakini wengi wao hawajui
Verse 48 — Surah At-Tur 52:48
Na ingojee hukumu ya Mola wako Mlezi. Kwani wewe hakika uko mbele ya macho yetu, na mtakase kwa kumsifu Mola wako Mlezi unapo simama
Verse 49 — Surah At-Tur 52:49
Na usiku pia mtakase, na zinapo kuchwa nyota