Back to LanguagesPrevious ChapterNext Chapter EnglishArabicUrduHindiTamilBengali
Swahili - Chapter 68 - Al-Qalam
Translation by Ali Muhsin Al Barwani — Permalink
Verse 1 — Surah Al-Qalam 68:1
Nuun. Naapa kwa kalamu na yale wayaandikayo
Verse 2 — Surah Al-Qalam 68:2
Kwa neema ya Mola wako Mlezi wewe si mwendawazimu
Verse 3 — Surah Al-Qalam 68:3
Na kwa hakika wewe una malipo yasiyo katika
Verse 4 — Surah Al-Qalam 68:4
Na hakika wewe una tabia tukufu
Verse 5 — Surah Al-Qalam 68:5
Karibu utaona, na wao wataona
Verse 6 — Surah Al-Qalam 68:6
Ni nani kati yenu aliye pandwa na wazimu
Verse 7 — Surah Al-Qalam 68:7
Hakika Mola wako Mlezi ndiye Yeye ajuaye zaidi nani aliye ipotea Njia yake, na Yeye ndiye anaye wajua zaidi walio ongoka
Verse 8 — Surah Al-Qalam 68:8
Basi usiwat'ii wanao kadhibisha
Verse 9 — Surah Al-Qalam 68:9
Wanatamani lau unge lainisha ili nao wakulainishie
Verse 10 — Surah Al-Qalam 68:10
Wala usimt'ii kila mwingi wa kuapa wa kudharauliwa
Verse 11 — Surah Al-Qalam 68:11
Mtapitapi, apitaye akifitini
Verse 12 — Surah Al-Qalam 68:12
Mwenye kuzuia kheri, dhaalimu, mwingi wa madhambi
Verse 13 — Surah Al-Qalam 68:13
Mkavu, na juu ya hayo, mshari, amejipachika tu
Verse 14 — Surah Al-Qalam 68:14
Ati kwa kuwa ana mali na watoto
Verse 15 — Surah Al-Qalam 68:15
Anapo somewa Aya zetu, husema: Hizi ni simulizi za uwongo za watu wa zamani
Verse 16 — Surah Al-Qalam 68:16
Tutamtia kovu juu ya pua yake
Verse 17 — Surah Al-Qalam 68:17
Hakika tumewajaribu hawa kama tulivyo wajaribu wale wenye shamba, walipo apa kwamba watayavuna mazao yake itakapo kuwa asubuhi
Verse 18 — Surah Al-Qalam 68:18
Wala hawakusema: Mungu akipenda
Verse 19 — Surah Al-Qalam 68:19
Basi lilitokea tukio juu yake kutoka kwa Mola wako Mlezi, nao wamelala
Verse 20 — Surah Al-Qalam 68:20
Likawa kama usiku wa giza
Verse 21 — Surah Al-Qalam 68:21
Asubuhi wakaitana
Verse 22 — Surah Al-Qalam 68:22
Ya kwamba nendeni kondeni mwenu ikiwa mnataka kuvuna
Verse 23 — Surah Al-Qalam 68:23
Basi walikwenda na huku wakinong'onezana
Verse 24 — Surah Al-Qalam 68:24
Ya kuwa leo hata masikini mmoja asikuingilieni
Verse 25 — Surah Al-Qalam 68:25
Na walikwenda asubuhi, nao wameshikilia azimio hilo
Verse 26 — Surah Al-Qalam 68:26
Basi walipo liona, wakasema: Hakika tumepotea
Verse 27 — Surah Al-Qalam 68:27
Bali tumenyimwa
Verse 28 — Surah Al-Qalam 68:28
Mbora wao akasema: Sikukwambieni, kwa nini hamumtakasi Mwenyezi Mungu
Verse 29 — Surah Al-Qalam 68:29
Wakasema: Ametakasika Mola wetu Mlezi! Hakika sisi tulikuwa wenye kudhulumu
Verse 30 — Surah Al-Qalam 68:30
Basi wakakabiliana kulaumiana wao kwa wao
Verse 31 — Surah Al-Qalam 68:31
Wakasema: Ole wetu! Tulikuwa tumeikiuka mipaka
Verse 32 — Surah Al-Qalam 68:32
Asaa Mola wetu Mlezi akatubadilishia lilio bora kuliko hili. Hakika sisi ni wenye kurejea kwa Mola wetu Mlezi
Verse 33 — Surah Al-Qalam 68:33
Namna hivi yanakuwa mateso, na bila ya shaka mateso ya Akhera ni makubwa zaidi, laiti wangeli jua
Verse 34 — Surah Al-Qalam 68:34
Hakika wachamngu watakuwa na Bustani za neema kwa Mola wao Mlezi
Verse 35 — Surah Al-Qalam 68:35
Kwani tutawafanya Waislamu kama wakosefu
Verse 36 — Surah Al-Qalam 68:36
Mna nini? Mnahukumu vipi
Verse 37 — Surah Al-Qalam 68:37
Au mnacho kitabu ambacho ndani yake mnasoma
Verse 38 — Surah Al-Qalam 68:38
Kuwa mtapata humo mnayo yapenda
Verse 39 — Surah Al-Qalam 68:39
Au mnazo ahadi za viapo juu yetu za kufika Siku ya Kiyama ya kuwa hakika mtapata kila mnayo jihukumia
Verse 40 — Surah Al-Qalam 68:40
Waulize: Ni nani miongoni mwao dhamini wa haya
Verse 41 — Surah Al-Qalam 68:41
Au wanao washirika? Basi wawalete washirika wao wakiwa wanasema kweli
Verse 42 — Surah Al-Qalam 68:42
Siku utakapo wekwa wazi mundi, na wataitwa kusujudu, lakini hawataweza
Verse 43 — Surah Al-Qalam 68:43
Macho yao yatainama chini, fedheha itawafunika. Na hakika walikuwa wakiitwa wasujudu walipo kuwa wazima
Verse 44 — Surah Al-Qalam 68:44
Basi niache na wanao kadhibisha maneno haya! Tutawavutia kidogo kidogo kwa mahali wasipo pajua
Verse 45 — Surah Al-Qalam 68:45
Na ninawapururia muhula; hakika hila zangu ni imara
Verse 46 — Surah Al-Qalam 68:46
Au unawaomba ujira, na wao wanaemewa na gharama hiyo
Verse 47 — Surah Al-Qalam 68:47
Au iko kwao siri, basi wao wanaiandika
Verse 48 — Surah Al-Qalam 68:48
Basi ingojee hukumu ya Mola wako Mlezi, wala usiwe kama mmezwa na samaki, alipo nadi naye kazongwa
Verse 49 — Surah Al-Qalam 68:49
Kama isingeli mfikia neema kutoka kwa Mola wake Mlezi, bila ya shaka angeli tupwa ufukweni naye ni mwenye kulaumiwa
Verse 50 — Surah Al-Qalam 68:50
Lakini Mola wake Mlezi alimteua na akamfanya miongoni mwa watu wema
Verse 51 — Surah Al-Qalam 68:51
Na walio kufuru hukaribia kukutelezesha kwa macho yao, wanapo sikia mawaidha, na wanasema: Hakika yeye ni mwendawazimu
Verse 52 — Surah Al-Qalam 68:52
Na hayakuwa haya, ila ni ukumbusho kwa walimwengu wote