Back to LanguagesPrevious ChapterNext Chapter EnglishArabicUrduHindiBengaliFrench
Tamil - Chapter 84 - Al-Inshiqaq
Translation by Abdulhameed Baqavi — Permalink
Verse 1 — Surah Al-Inshiqaq 84:1
(உலகம் அழியும் சமயத்தில்) வானம் பிளந்து விடும்போது
Verse 2 — Surah Al-Inshiqaq 84:2
அது தன் இறைவனின் கட்டளைக்கு செவிசாய்த்துவிடும் போது. (அவ்வாறே) அதற்கு விதிக்கப்பட்டுள்ளது
Verse 3 — Surah Al-Inshiqaq 84:3
மேலும், பூமி விரிக்கப்படும்போது
Verse 4 — Surah Al-Inshiqaq 84:4
மேலும், அது தன்னிடம் உள்ளவற்றையெல்லாம் எறிந்து வெறுமனே ஆகிவிடும்போது
Verse 5 — Surah Al-Inshiqaq 84:5
மேலும், அது தன் இறைவனின் கட்டளைக்கு செவிசாய்த்து விடும் (போது மனிதன் தன் செயலுக்குரிய கூலியைப் பெறுவான்). (அவ்வாறே) அதற்கு விதிக்கப்பட்டுள்ளது
Verse 6 — Surah Al-Inshiqaq 84:6
மனிதனே! நீ உன் இறைவனிடம் செல்லும் வரை (நன்மையோ தீமையோ பல வேலைகளில் ஈடுபட்டு) சிரமத்துடன் முயற்சி செய்துகொண்டே இருக்கிறாய். (பின்னர், மறுமையில்) அவனை நீ சந்திக்கிறாய்
Verse 7 — Surah Al-Inshiqaq 84:7
ஆகவே, (அந்நாளில்) எவருடைய வலது கையில் அவருடைய செயலேடு கொடுக்கப்படுகிறதோ
Verse 8 — Surah Al-Inshiqaq 84:8
அவர் மிக்க இலகுவாகக் கேள்வி கணக்குக் கேட்கப்படுவார்
Verse 9 — Surah Al-Inshiqaq 84:9
அவர் மகிழ்ச்சியடைந்தவராக(ச் சொர்க்கத்திலுள்ள) தன் குடும்பத்தார்களிடம் திரும்புவார்
Verse 10 — Surah Al-Inshiqaq 84:10
எவனுடைய செயலேடு அவனுடைய முதுகுப்புறம் கொடுக்கப்பட்டதோ
Verse 11 — Surah Al-Inshiqaq 84:11
அவன், (தனக்குக்) கேடுதான் என்று (அப்படியே) சப்தமிடுவான்
Verse 12 — Surah Al-Inshiqaq 84:12
நரகத்தில் நுழைவான்
Verse 13 — Surah Al-Inshiqaq 84:13
ஏனென்றால், நிச்சயமாக அவன் (இம்மையிலிருந்த காலமெல்லாம் மறுமையை மறந்து) தன் குடும்பத்தார்களுடன் மிக்க மகிழ்ச்சியாக இருந்தான்
Verse 14 — Surah Al-Inshiqaq 84:14
மெய்யாகவே அவன் (தன் இறைவனிடம்) மீளவே மாட்டோம் என்றும் எண்ணிக் கொண்டிருந்தான்
Verse 15 — Surah Al-Inshiqaq 84:15
அது சரியன்று! நிச்சயமாக அவனுடைய இறைவன் அவனை உற்று நோக்குபவனாகவே இருந்தான்
Verse 16 — Surah Al-Inshiqaq 84:16
(மாலை நேர) செம்மேகத்தின் மீது சத்தியமாக
Verse 17 — Surah Al-Inshiqaq 84:17
இரவின் மீதும், அது மறைத்துக் கொண்டிருப்பவற்றின் மீதும் (சத்தியமாக)
Verse 18 — Surah Al-Inshiqaq 84:18
பூரணச் சந்திரன் மீது சத்தியமாக
Verse 19 — Surah Al-Inshiqaq 84:19
(ஒரு நிலைமையிலிருந்து மற்றொரு நிலைமைக்கு) நிச்சயமாக நீங்கள் படிப்படியாகக் கடக்க வேண்டியதிருக்கிறது
Verse 20 — Surah Al-Inshiqaq 84:20
ஆகவே, (இதை மறுத்துக் கொண்டிருக்கும்) அவர்களுக்கு என்ன நேர்ந்தது? அவர்கள் இதை நம்பிக்கை கொள்வதில்லை
Verse 21 — Surah Al-Inshiqaq 84:21
அவர்களுக்கு இந்த குர்ஆன் ஓதிக் காண்பிக்கப்பட்ட போதிலும், (இறைவனை) அவர்கள் சிரம் பணிந்து வணங்குவது இல்லை
Verse 22 — Surah Al-Inshiqaq 84:22
அது மட்டுமா? இந்நிராகரிப்பவர்கள் (இந்த குர்ஆனையே) பொய்யாக்குகின்றனர்
Verse 23 — Surah Al-Inshiqaq 84:23
எனினும், இவர்கள் (தங்கள் மனதில்) சேகரித்து (மறைத்து) வைத்திருப்பவற்றை அல்லாஹ் நன்கறிந்தே இருக்கிறான்
Verse 24 — Surah Al-Inshiqaq 84:24
ஆகவே, (நபியே!) துன்புறுத்தும் வேதனையைக் கொண்டு அவர்களுக்கு நீர் நற்செய்தி கூறுவீராக
Verse 25 — Surah Al-Inshiqaq 84:25
எனினும், இவர்களில் எவர்கள் (தங்கள் பாவத்திலிருந்து திருந்தி) நம்பிக்கை கொண்டு நற்செயல்கள் செய்கிறார்களோ அவர்களுக்கு (என்றென்றுமே) முடிவுறாத (நற்)கூலியுண்டு