Back to Languages

Tamil - Chapter 70 - Al-Maarij

Translation by Jan Turst Foundation — Permalink

Verse 1 — Surah Al-Maarij 70:1

(நிராகரிப்போருக்கு) சம்பவிக்கப் போகும் வேதனை பற்றி கேள்வி கேட்பவன் ஒருவன் (ஏளனமாகக்) கேட்கிறான்

Verse 2 — Surah Al-Maarij 70:2

காஃபிர்களுக்கு (அது ஏற்படும்போது) அதனைத் தடுப்பவர் எவருமில்லை

Verse 3 — Surah Al-Maarij 70:3

(அவ்வேதனை) உயர் வழிகளையுடைய அல்லாஹ்வினால் (ஏற்படும்)

Verse 4 — Surah Al-Maarij 70:4

ஒரு நாள் மலக்குகளும், (ஜிப்ரயீலாகிய) அவ்வான்மாவும், அவனிடம் ஏறிச் செல்வார்கள் அ(த்தினத்)தின் அளவு ஐம்பதினாயிரம் ஆண்டுகள் (சமமாக) இருக்கும்

Verse 5 — Surah Al-Maarij 70:5

எனவே நீர் அழகிய பொறுமையுடன் பொறுப்பீராக

Verse 6 — Surah Al-Maarij 70:6

நிச்சயமாக அவர்கள் அதை வெகு தூரமாகக் காண்கின்றனர்

Verse 7 — Surah Al-Maarij 70:7

ஆனால், நாமோ அதனை வெகு சமீபமாகக் காண்கிறோம்

Verse 8 — Surah Al-Maarij 70:8

வானம் உருக்கப்பட்ட செம்பைப் போல் ஆகிவிடும் நாளில்

Verse 9 — Surah Al-Maarij 70:9

இன்னும், மலைகள் பஞ்சைப் போல் ஆகிவிடும் (நாளில்)

Verse 10 — Surah Al-Maarij 70:10

(அனுதாபமுடையவனாக இருந்த) ஒரு நண்பன் மற்றொரு நண்பனை பற்றி (அனுதாபத்துடன்) விசாரிக்கமாட்டான்

Verse 11 — Surah Al-Maarij 70:11

அவர்கள் நேருக்கு நேர் காண்பார்கள், (ஆனால் விசாரித்துக் கொள்ள மாட்டார்கள்); அந்நாளின் வேதனைக்கு ஈடாகக் குற்றவாளி ஈடுகொடுக்கப் பிரியப்படுவான்: தன் மக்களையும்

Verse 12 — Surah Al-Maarij 70:12

தன் மனைவியையும், தன் சகோதரனையும்

Verse 13 — Surah Al-Maarij 70:13

அவனை அரவணைத்துக் கொண்டிருந்த அவனுடைய சுற்றத்தாரையும்

Verse 14 — Surah Al-Maarij 70:14

இன்னும் பூமியிலுள்ள அனைவரையும் (ஈடுகொடுத்துத்) தன்னைக் காப்பாற்றிக் கொள்ள (பிரியப்படுவான்)

Verse 15 — Surah Al-Maarij 70:15

அவ்வாறு (ஆவது) இல்லை, ஏனெனில் நிச்சயமாக அ(ந்நரகமாவ)து கொழுந்துவிட்டு எரியும் நெருப்பாகும்

Verse 16 — Surah Al-Maarij 70:16

அது (சிரசுத்) தோல்களை (எரித்து) கழற்றி விடும்

Verse 17 — Surah Al-Maarij 70:17

(நேர்வழியைப்) புறக்கணித்துப் புறங்காட்டிச் சென்றோரை அ(ந்நரகத்தீயான)து அழைக்கும்

Verse 18 — Surah Al-Maarij 70:18

அன்றியும், பொருளைச் சேகரித்து, பிறகு (அதைத் தக்கபடி செலவு செய்யாமல்) காத்துக் கொண்டானே (அவனையும் அது அழைக்கும்)

Verse 19 — Surah Al-Maarij 70:19

நிச்சயமாக மனிதன் அவசரக்காரனாகவே படைக்கப்பட்டிருக்கின்றான்

Verse 20 — Surah Al-Maarij 70:20

அவனை ஒரு கெடுதி தொட்டுவிட்டால் பதறுகிறான்

Verse 21 — Surah Al-Maarij 70:21

ஆனால் அவனை ஒரு நன்மை தொடுமானால் (அது பிறருக்கும் கிடைக்காதவாறு) தடுத்துக்கொள்கிறான்

Verse 22 — Surah Al-Maarij 70:22

தொழுகையாளிகளைத் தவிர

Verse 23 — Surah Al-Maarij 70:23

(அதாவது) தம் தொழுகையின் மீது நிலைத்திருக்கின்றார்களே அவர்கள்

Verse 24 — Surah Al-Maarij 70:24

அவர்களது பொருள்களில் (பிறருக்கு) நிர்ணயிக்கப்பட்ட பங்கு உண்டு

Verse 25 — Surah Al-Maarij 70:25

யாசிப்போருக்கும் வறியோருக்கும் (அவர்களின் பொருட்களில் பங்குண்டு)

Verse 26 — Surah Al-Maarij 70:26

அன்றியும் நியாயத் தீர்ப்பு நாள் உண்டென்பதை (மெய்ப்படுத்தி) உறுதிகொள்பவர்கள்

Verse 27 — Surah Al-Maarij 70:27

இன்னும் தம்முடைய இறைவன் (வழங்கக் கூடிய) வேதனைக்கு அஞ்சியவாறு இருப்பார்களே அவர்கள்

Verse 28 — Surah Al-Maarij 70:28

நிச்சயமாக அவர்களுடைய இறைவன் (வழங்கக்கூடிய) வேதனை அச்சப்படாது இருக்கக் கூடியதல்ல

Verse 29 — Surah Al-Maarij 70:29

அன்றியும், தங்கள் மறைவிடங்களை (கற்பை) பேணிக் கொள்கிறார்களே அவர்கள்

Verse 30 — Surah Al-Maarij 70:30

தம் மனைவியரிடத்திலும், தங்கள் வலக்கரங்கள் சொந்தமாக்கிக் கொண்டவர்களிடத்திலும் (உறவு கொள்வதைத்) தவிர, நிச்சயமாக அவர்கள் (இத்தகையோருடன் உறவு கொள்வது பற்றி) நிந்திக்கப்பட மாட்டார்கள்

Verse 31 — Surah Al-Maarij 70:31

எனவே எவரேனும் இதற்கப்பால் (உறவு கொள்வதைத்) தேடினால் அவர்கள் (இறைவன் விதித்த) வரம்பை மீறியவர்கள்

Verse 32 — Surah Al-Maarij 70:32

இன்னும் எவர்கள் தம் அமானிதங்களையும் தம் வாக்குறுதிகளையும் பேணிக் கொள்கின்றார்களோ அவர்கள்

Verse 33 — Surah Al-Maarij 70:33

இன்னும், எவர்கள் தங்கள் சாட்சியங்களில் உறுதியுடன் இருக்கிறார்களோ அவர்கள்

Verse 34 — Surah Al-Maarij 70:34

எவர்கள் தங்கள் தொழுகைகளைப் பேணிக் கொள்கின்றார்களோ அவர்கள்

Verse 35 — Surah Al-Maarij 70:35

(ஆக) இத்தகையோர் தாம் சுவர்க்கங்களில் கண்ணியப் படுத்தப்பட்டவர்களாக இருப்பார்கள்

Verse 36 — Surah Al-Maarij 70:36

நிராகரிப்பவர்களுக்கு என்ன? (கழுத்துகளை நீட்டியவாறு அவர்கள்) உங்கள் முன் ஓடிவருகின்றனர்

Verse 37 — Surah Al-Maarij 70:37

வலப்புறமிருந்தும் இடப்புறமிருந்தும் கூட்டம் கூட்டமாக

Verse 38 — Surah Al-Maarij 70:38

அவர்களில் ஒவ்வொரு மனிதனும் பாக்கியமுள்ள சுவர்க்கத்தில் - ஜன்னத்துல் நயீமில் - நுழைந்துவிட ஆசைப்படுகிறானா

Verse 39 — Surah Al-Maarij 70:39

அவ்வாறு (ஆகப் போவது) இல்லை. நிச்சயமாக நாம் அவர்களை அவர்கள் அறிந்திருக்கின்றார்களே, அதிலிருந்தே படைத்தோம்

Verse 40 — Surah Al-Maarij 70:40

எனவே, கிழக்குத் திசைகள், மேற்குத் திசைகள் ஆகியவற்றின் இறைவனாகிய (நம்) மீது சத்தியமாக, நிச்சயமாக நாம் (விரும்பியவாறு செய்ய) ஆற்றலுடையோம்

Verse 41 — Surah Al-Maarij 70:41

(அவர்களுக்கு பதிலாக) அவர்களை விடச் சிறந்தவர்களை நாம் மாற்றியமைப்பதில் (ஆற்றலுடையோம்) ஏனெனில் நம்மை (எவரும்) மிகைக்க இயலாது

Verse 42 — Surah Al-Maarij 70:42

ஆகவே, அவர்களுக்கு வாக்களிக்கப் பட்ட அந்த நாளை அவர்கள் சந்திக்கும் வரையில், அவர்கள் விளையாடிக் கொண்டிருக்கவும் (வீணானவற்றில்) மூழ்கிக் கிடக்கவும், அவர்களை நீர் விட்டுவிடுவீராக

Verse 43 — Surah Al-Maarij 70:43

நிச்சயமாக அவர்கள் (தாங்கள் ஆராதனை செய்யும்) எல்லைக் கற்களின்பால் விரைந்து செல்பவர்களைப் போல் அந்நாளில் (தங்கள்) கப்றுகளிலிருந்து விரைவாக வெளியாவார்கள்

Verse 44 — Surah Al-Maarij 70:44

அவர்களுடைய பார்வைகள் கீழ் நோக்கியிருக்கும், இழிவு அவர்களைச் சூழ்ந்து கொண்டிருக்கும், அவர்கள் வாக்களிக்கப்பட்டுக் கொண்டிருந்தார்களே அது அந்த நாள்தான்