Back to LanguagesPrevious ChapterNext Chapter EnglishArabicUrduHindiTamilBengali
Tamil - Chapter 78 - An-Naba
Translation by Jan Turst Foundation — Permalink
Verse 1 — Surah An-Naba 78:1
எதைப்பற்றி அவர்கள் ஒருவருக்கொருவர் கேட்டுக்கொள்கின்றனர்
Verse 2 — Surah An-Naba 78:2
மகத்தான அச்செய்தியைப் பற்றி
Verse 3 — Surah An-Naba 78:3
எதைப்பற்றி அவர்கள் வேறுபட்(ட கருத்துக்கள் கொண்)டிருக்கிறார்களோ அதைப் பற்றி
Verse 4 — Surah An-Naba 78:4
அவ்வாறன்று! அவர்கள் விரைவில் அறிந்துகொள்வார்கள்
Verse 5 — Surah An-Naba 78:5
பின்னரும் (சந்தேகமின்றி) அவர்கள் விரைவிலேயே அறிந்துகொள்வார்கள்
Verse 6 — Surah An-Naba 78:6
நாம் இப்பூமியை விரிப்பாக ஆக்கவில்லையா
Verse 7 — Surah An-Naba 78:7
இன்னும், மலைகளை முளைகளாக ஆக்கவில்லையா
Verse 8 — Surah An-Naba 78:8
இன்னும் உங்களை ஜோடி ஜோடியாகப் படைத்தோம்
Verse 9 — Surah An-Naba 78:9
மேலும், உங்களுடைய தூக்கத்தை இளைப்பாறுதலாக ஆக்கினோம்
Verse 10 — Surah An-Naba 78:10
அன்றியும், இரவை உங்களுக்கு ஆடையாக ஆக்கினோம்
Verse 11 — Surah An-Naba 78:11
மேலும், பகலை உங்கள் வாழ்க்கை (வசதிகளைத் தேடிக்கொள்ளும் காலம்) ஆக்கினோம்
Verse 12 — Surah An-Naba 78:12
உங்களுக்குமேல் பலமான ஏழுவானங்களை உண்டாக்கினோம்
Verse 13 — Surah An-Naba 78:13
ஒளிவீசும் விளக்கை(சூரியனை)யும் (அங்கு) அமைத்தோம்
Verse 14 — Surah An-Naba 78:14
அன்றியும், கார்மேகங்களிலிருந்து பொழியும் மழையையும் இறக்கினோம்
Verse 15 — Surah An-Naba 78:15
அதைக் கொண்டு தானியங்களையும், தாவரங்களையும் நாம் வெளிப்படுத்துவதற்காக
Verse 16 — Surah An-Naba 78:16
(கிளைகளுடன்) அடர்ந்த சோலைகளையும் (வெளிப்படுத்துவதற்காக)
Verse 17 — Surah An-Naba 78:17
நிச்சயமாகத் தீர்ப்புக்குரிய நாள், நேரங்குறிக்கப்பட்டதாகவே இருக்கிறது
Verse 18 — Surah An-Naba 78:18
ஸூர் (எக்காளம்) ஊதப்படும் அந்நாளில் நீங்கள் அணிஅணியாக வருவீர்கள்
Verse 19 — Surah An-Naba 78:19
இன்னும், வானம் திறக்கப்பட்டு பல வாசல்களாகிவிடும்
Verse 20 — Surah An-Naba 78:20
மலைகள் பெயர்க்கப்பட்டு கானல் நீராகிவிடும்
Verse 21 — Surah An-Naba 78:21
நிச்சயமாக நரகம் எதிர்பார்த்துக் கொண்டிருக்கின்றது
Verse 22 — Surah An-Naba 78:22
வரம்பு மீறிவர்களுக்குத் தங்குமிடமாக
Verse 23 — Surah An-Naba 78:23
அதில் அவர்கள் பல யுகங்களாகத் தங்கியிருக்கும் நிலையில்
Verse 24 — Surah An-Naba 78:24
அவர்கள் அதில் குளிர்ச்சியையோ, குடிப்பையோ சுவைக்கமாட்டார்கள்
Verse 25 — Surah An-Naba 78:25
கொதிக்கும் நீரையும் சீழையும் தவிர
Verse 26 — Surah An-Naba 78:26
(அதுதான் அவர்களுக்குத்) தக்க கூலியாகும்
Verse 27 — Surah An-Naba 78:27
நிச்சயமாக அவர்கள் கேள்வி கணக்கில் நம்பிக்கை கொள்ளாமலேயே இருந்தனர்
Verse 28 — Surah An-Naba 78:28
அன்றியும் அவர்கள் நம் வசனங்களைப் பொய்யெனக் கூறி பொய்யாக்கிக் கொண்டிருந்தார்கள்
Verse 29 — Surah An-Naba 78:29
நாம் ஒவ்வொரு பொருளையும் பதிவேட்டில் பதிவு செய்திருக்கின்றோம்
Verse 30 — Surah An-Naba 78:30
ஆகவே சுவையுங்கள் - வேதனையைத் தவிர வேறு எதனையும் உங்களுக்கு நாம் அதிகப் படுத்த மாட்டோம்" (என்று அவர்களுக்குக் கூறப்படும்)
Verse 31 — Surah An-Naba 78:31
நிச்சயமாக பயபக்தியுடையவர்களுக்கு வெற்றிப் பாக்கியம் இருக்கிறது
Verse 32 — Surah An-Naba 78:32
தோட்டங்களும், திராட்சைப் பழங்களும்
Verse 33 — Surah An-Naba 78:33
ஒரே வயதுள்ள கன்னிகளும்
Verse 34 — Surah An-Naba 78:34
பானம் நிறைந்த கிண்ணங்களும், (இருக்கின்றன)
Verse 35 — Surah An-Naba 78:35
அங்கு அவர்கள் வீணானவற்றையும், பொய்ப்பித்தலையும் கேட்கமாட்டார்கள்
Verse 36 — Surah An-Naba 78:36
(இது) உம்முடைய இறைவனிடமிருந்து (அளிக்கப் பெறும்) கணக்குப் படியான நன்கொடையாகும்
Verse 37 — Surah An-Naba 78:37
(அவனே) வானங்களுக்கும், பூமிக்கும் அவ்விரண்டிற்கும் இடையேயுள்ள வற்றிற்கும் இறைவன்; அர்ரஹ்மான் - அவனிடம் பேச எவரும் அதிகாரம் பெறமாட்டார்கள்
Verse 38 — Surah An-Naba 78:38
ரூஹு (என்ற ஜிப்ரயீலு)ம், மலக்குகளும் அணியணியாக நிற்கும் நாளில் அர்ரஹ்மான் எவருக்கு அனுமதி கொடுகிறானோ அவர்களைத் தவிர்த்து வேறெவரும் பேசமாட்டார்கள் - அ(த்தகைய)வரும் நேர்மையானதையே கூறுவார்
Verse 39 — Surah An-Naba 78:39
அந்நாள் சத்தியமானது. ஆகவே, எவர் விரும்புகிறாரோ, அவர் தம் இறைவனிடம் தங்குமிடத்தை ஏற்படுத்திக் கொள்வாராக
Verse 40 — Surah An-Naba 78:40
நிச்சயமாக, நெருங்கி வரும் வேதனையைப்பற்றி உங்களுக்கு எச்சரிக்கை செய்கிறோம் - மனிதன் தன் இருகைகளும் செய்து முற்படுத்தியவற்றை - அமல்களை - அந்நாளில் கண்டு கொள்வான் - மேலும் காஃபிர் "அந்தோ கைசேதமே! நான் மண்ணாகிப் போயிருக்க வேண்டுமே!" என்று (பிரலாபித்துக்) கூறுவான்