Back to LanguagesPrevious ChapterNext Chapter EnglishArabicUrduHindiTamilBengali
Nepali - Chapter 77 - Al-Mursalat
Translation by Ahl Al Hadith Central Society Of Nepal — Permalink
Verse 1 — Surah Al-Mursalat 77:1
हृदय प्रसन्न गर्दै बग्ने वायुको कसम ।
Verse 2 — Surah Al-Mursalat 77:2
अनि अत्यन्त प्रचण्ड भइहाल्ने (हवा)को कसम ।
Verse 3 — Surah Al-Mursalat 77:3
र (बादलहरूलाई) उचालेर फिजाउँछन् त्यसको सौगन्ध ।
Verse 4 — Surah Al-Mursalat 77:4
फेरि सत्य र असत्यलाई अलग–अलग टुक्रा–टुक्रा गरिदिने
Verse 5 — Surah Al-Mursalat 77:5
र वह्य ल्याउने फरिश्ताहरूको कसम ।
Verse 6 — Surah Al-Mursalat 77:6
जुन वहय दोष उतार्ने वा सावधान गर्नको निम्ति हुन्छ ।
Verse 7 — Surah Al-Mursalat 77:7
जुन कुराको तिमीलाई वचन दिइन्छ त्यो निश्चय नै पूरा हुनेवाला छ ।
Verse 8 — Surah Al-Mursalat 77:8
अतः जब ताराहरूलाई प्रकाशहीन गरिदिइनेछ ।
Verse 9 — Surah Al-Mursalat 77:9
र जब आकाश क्षतविक्षत गरिदिइनेछ ।
Verse 10 — Surah Al-Mursalat 77:10
र जब पर्वतहरू टुक्रा–टुक्रा गरी उडाइदिइने छन् ।
Verse 11 — Surah Al-Mursalat 77:11
र जब रसूलहरूलाई निर्धारित समयमा ल्याइनेछ ।
Verse 12 — Surah Al-Mursalat 77:12
कुन दिनको निम्ति (यी सबैलाई) स्थगित गरिएको छ
Verse 13 — Surah Al-Mursalat 77:13
फैसलाको दिनको निम्ति ।
Verse 14 — Surah Al-Mursalat 77:14
र तिमीलाई के थाहा कि फैसलाको दिन के हो
Verse 15 — Surah Al-Mursalat 77:15
बर्बादी हुन्छ त्यस दिन असत्य ठहराउनेहरूको निम्ति ।
Verse 16 — Surah Al-Mursalat 77:16
के हामीले पहिलाका मानिसहरूलाई नष्ट गरेनौं
Verse 17 — Surah Al-Mursalat 77:17
अनि हामीले उनीहरूकोपछि पछिकालाई ल्यायौं ।
Verse 18 — Surah Al-Mursalat 77:18
हामीले अपराधीहरूसित यस्तै गर्दैछौं ।
Verse 19 — Surah Al-Mursalat 77:19
त्यो दिन असत्य ठहराउनेहरूको निम्ति अफशोच छ ।
Verse 20 — Surah Al-Mursalat 77:20
के हामीले तिमीलाई तुच्छ जल(वीर्य) बाट सृष्टि गरेनौं
Verse 21 — Surah Al-Mursalat 77:21
अनि हामीले त्यसलाई बलियो र सुरक्षित ठाउँमा राख्यौं ।
Verse 22 — Surah Al-Mursalat 77:22
एउटा निश्चित समयसम्म ।
Verse 23 — Surah Al-Mursalat 77:23
फेरि हामीले अनुमान गर्यौं र हामी सर्वोत्तम अनुमान गर्नेवाला हौं ।
Verse 24 — Surah Al-Mursalat 77:24
विनाश छ त्यस दिन असत्य ठहरउनेहरूको निम्ति ।
Verse 25 — Surah Al-Mursalat 77:25
के हामीले धरतीलाई समेटनेवाला बनाएनौं
Verse 26 — Surah Al-Mursalat 77:26
जीवितलाई र मृतहरूलाई पनि ।
Verse 27 — Surah Al-Mursalat 77:27
र त्यसमाथि हामीले अग्ला–अग्ला पर्वतहरू स्थापित गर्यौं । र तिमीहरूलाई संतुष्ट गर्ने मीठो पानी पिलायौं
Verse 28 — Surah Al-Mursalat 77:28
त्यस दिन असत्य ठहर्याउनेहरूको निम्ति खराबी (विनाश) छ ।
Verse 29 — Surah Al-Mursalat 77:29
जुन कुरोलाई तिमीले असत्य ठहर्याउँथ्यौ सोही नर्कतिर हिंड
Verse 30 — Surah Al-Mursalat 77:30
त्यस छायाँतिर हिंड जसका तीनवटा हाँगाहरू छन्
Verse 31 — Surah Al-Mursalat 77:31
जो वास्तवमा न छायाँ दिन्छ, न त रापबाट सुरक्षा ।
Verse 32 — Surah Al-Mursalat 77:32
निःसन्देह नर्क आगोको झिल्का फ्याक्दछ जुन(ठूलो) किल्ला जस्ता हुन्छन् ।
Verse 33 — Surah Al-Mursalat 77:33
त्यो पहेलो रंगका ऊँटहरू जस्तो लाग्छ ।
Verse 34 — Surah Al-Mursalat 77:34
आज असत्य ठहर्याउनेहरूको निम्ति दुर्गति छ ।
Verse 35 — Surah Al-Mursalat 77:35
आजको दिन त्यो दिन हो कि यिनीहरू बोल्न पनि सक्दैनन् ।
Verse 36 — Surah Al-Mursalat 77:36
नत उनलाई गलती स्वीकार गरी क्षमायाचना गर्न अनुमति दिइनेछ ।
Verse 37 — Surah Al-Mursalat 77:37
त्यस दिन असत्य ठहर्याउनेहरूको निम्ति खराबी छ ।
Verse 38 — Surah Al-Mursalat 77:38
यो फैसलाको दिन हो, (जसमा) हामीले तिमीलाई र पहिलाका मानिसहरूलाई एकत्रित गरेका छौं ।
Verse 39 — Surah Al-Mursalat 77:39
तसर्थ यदि तिमी मसँग कुनै चाल चल्न सक्छौ भने चलिहाल ।
Verse 40 — Surah Al-Mursalat 77:40
त्यस दिन असत्य ठहर्याउनेहरूको निम्ति अफशोच छ ।
Verse 41 — Surah Al-Mursalat 77:41
निश्चय नै संयमीहरू छायाँ र झरनाहरूमा हुनेछन् ।
Verse 42 — Surah Al-Mursalat 77:42
र ती फलहरूको बीचमा जुन उनीहरूले रुचाउँछन् ।
Verse 43 — Surah Al-Mursalat 77:43
(हे स्वर्गबासीहरू) जुन कर्म तिमीले गर्दै थियौ, त्यसको प्रतिफलस्वरूप आनन्दसित खाऊ र पिऊ ।
Verse 44 — Surah Al-Mursalat 77:44
हामीले भलाई गर्नेवालाहरूको निम्ति यस्तै प्रतिफल दिने गर्दछौं ।
Verse 45 — Surah Al-Mursalat 77:45
यो दिन असत्यवादीहरूको निम्ति विनाश छ ।
Verse 46 — Surah Al-Mursalat 77:46
(हे नास्तिकहरू) तिमी अलि खाइहाल र आनन्द गरिहाल, वास्तवमा तिमी अपराधी हौ ।
Verse 47 — Surah Al-Mursalat 77:47
त्यस दिन असत्य ठहराउनेहरूको निम्ति ठूलो विनाश छ ।
Verse 48 — Surah Al-Mursalat 77:48
जब उनीसित भनिन्छ कि (अल्लाहको अगाडि) नतमस्तक होऊ, त हुँदैनन् ।
Verse 49 — Surah Al-Mursalat 77:49
त्यस दिन असत्यवादीहरूको निम्ति बर्बादी छ ।
Verse 50 — Surah Al-Mursalat 77:50
अब यस कुरआन पश्चात उनीहरूले कुन कुरोमा ईमान ल्याउनेछन्